小南國 (已結業)

無意中走進餐廳.....環境一流.....走high class路線.....是夜点了前菜--醉雞....酒味適中..啱女士口味..雞尚可嫩滑. 海蜇頭..超爽..正 酸辣湯..一般..又超貴 主菜 清炒河蝦仁...較淡..冇咩鮮味..可以不試.. 蟹粉撈面 ..勁正..超鮮味...不可錯過 鮑汁菰菌....香口...可試 甜品 酒讓丸子....淡淡桂花味..當中芝麻湯丸子好吃,湯丸很軟滑埋單接近一千....但餐廳view 勁正..........情侶拍拖又一好地方

公事性質到北京道1號的小南國午餐，恕我見識淺薄，從沒有想過小南國可以如此的高檔，當然好唔好食又是另外一回事。高高的樓底，檯與檯之間寬闊的空間，簡約而新穎的裝潢，無敵的維港海景，環境這一欄我會給予滿分。點菜就由老總發板，我先吃著餐前小食。這裡的小食是豆干和琥珀合桃，我很是欣賞，尤其是後者，香脆味甜，吃不停口。記得半島酒店嘉麟樓的餐前小吃同樣是這合桃。公事需要，今次主要是來吃點心。先來呢度有名的小籠包，剛剛蒸好，自然是熱騰騰的，湯汁多，但係肉不鮮，皮亦厚厚的，收口位更加是唔熟。貴為上海菜館的招牌菜色，這裡出品實在有點令人失望。再來的是灌湯生煎包，同樣是熱呼呼的，這個比小籠包更為吸引。外皮帶少許煙韌，裡頭先豐富的湯汁，質感幾好。不過最令我印象深刻的是生煎包的底部，原來是煎的有點燶的，灑上芝麻，香口好吃，又有心意。三絲春光，餡料的三絲就是豬肉絲、菜絲以及香菇絲。外皮炸得熱辣香口，餡料足，菇粒亦香，可以了。松茸素菜包，賣相竟跟小籠包有點相似，裡頭就是松茸和嫩口的長春菜，我認為比小籠包更加好食。糯米燒賣，皮是厚厚的，吃落有些少韌，糯米既不香，亦不軟熟，頂頭的位置又係唔熟，實在失望。後來有食友提到，

上星期六係一個幾凍嘅日子，但由於有個舊同事大學畢業，於是乘機約埋幾個舊同事出嚟慶祝兼敍舊，並冒著寒風係尖沙咀1881影番大批沙龍留念。影咗一大倫相，到咗中午，大家已經餓到肚皮打鼓，即刻去咗附近一座食店林立嘅大廈睇吓有乜嘢食，係主角嘅提議下我哋去咗一間叫小南國壹號嘅上海菜館幫襯。去到現場，感覺環境幽靜雅緻，最值得欣賞嘅係個景觀，對正維港兩岸，真係好ok，如果夜晚嚟重好。係服務方面，d侍應都好友善殷勤，又有笑容，攞咗唔少印象分。由於我哋見係中午時間，冇叫d乜嘢小菜，只係order咗點心，小炒咁。未講我哋叫嘅嘢食前，先講吓菜館提供嘅餐前小食，一共有兩款，一款係辣嘅（唔好意思，由於我唔食辣，對此冇乜印象，甚至唔知個d係乜添）；另一款係蜜餞合桃，顏色較黑，味道非常好食，又香又鬆化，有蜜味嘅甜但唔膩，我覺得係當日最好食嘅嘢食物（好食到唔記得影相，真係sorry）。食完餐前小食，倫到我哋點嘅食物出場啦，睇吓d味道點先？火腿蘿蔔絲酥餅：香酥鬆化，好味但未見有太大特色　糯米肉燒賣：鹹鹹哋咁幾好味，雖然燒賣個餡係用糯米整，但係完全唔覺膩，而口感就唔似食燒賣，反而有d似糯米飽。美中不足嘅係個燒賣「定」都幾韌

今日相約左幾個友人去左1881 Heritage 影相...影左個幾鐘, 之後, 其中一個人餓到唔舒服...所以就去左最近既小南國壹號一入到去, 人都唔多幾個,裝修比普通小南國high, 餐具精美每人都有黑白兩色兩對筷子加銀匙, 細心個view當然靚好多la.. 價錢亦貴好多第一次到e間小南國一行六人, 唔敢叫太多野食(因為平民版既小南國份量都唔小)但係...原來食物係超級精緻...起初叫左薺菜炒年糕 - 份量唔多, 但係唔油膩, 薺菜切得細緻, 手工菜合格素菜炒上海麵 - 上檯就覺好香, 麵質似油麵, 但係軟硬度似意粉.. 大家都認為唔太好小籠包 - 端上枱時熱氣騰騰, 皮算是薄, 湯汁多, 唔肥膩, 只可惜一d 都唔鮮美, 而且摺位好乾, 係$36 三只...唉, 個樣靚但味道就...!!麻醬餃子- 連身為上海人既友人都讚, 只係$36 只得3只實在貴左d蔥油餅 - 愛食蔥油餅既我,見到哩度既蔥油餅真係嚇親, 精緻到好似個大褔餅咁大..每份有2個, 每個分成4分, 每口相信有1蚊大小既份量既... 但係要成六十幾蚊...d野精成咁當然要加單...火腿蘿蔔酥 - 好食過一般

早幾日食過呢間餐廳, 諗住新開分店及景觀唔錯, 可以欣賞到維港夜景, 同埋以前試過小南國其他分店, 覺得幾好食, 但北京道一號呢間分店實在令我們太失望啦!!! 如果食物好食, 價錢收得貴唔緊要, 但係試過後, 食物質素味道好普通!!! 小食好細碟(唔值得食---每碟得幾塊,但都要$70-$80). 因為餐廳冇免費水飲, 如果想飲, 一定要同佢哋買水, 一枝水(好細枝)收$35. Service實在差到不得了, 最激氣係D侍應生落漏單, 唔主動幫我哋添茶, 掛住摺餐巾都唔幫我哋收碟加茶水, 沒有笑容, 收咁貴的服務費, 但換來一肚氣!! 下次一定唔會再來食!!! 埋完單, 準備離開餐廳, 經過接待處, 聽到有個客人向部長投訴服務差, 冇人加茶水, 我朋友見狀, 都過埋去投訴. 原來唔係得我哋不滿!

第一次係openrice寫食評, 估唔到要鬧呢間野有幾差...同上司同事們一齊食飯, 叫左每人一碗面, $40-50 碗面既size 大約等於一個即食面咁上下, 之後再叫左5個小籠包同5個小菜, 可惜, 身為captain 都可以落漏左order, 仲要漏成兩個咁多, 搞到我地食完都好似冇食過咁...唯一我覺得ok 既係佢要餐前小食, 黑色蜜餞合桃, 真係好味, 唔太甜得黎又香, 聽其中一個waiter 講d 合桃係日本黎既, 同埋係佢地大廚自己整, 結果我打包左半盒餐前小食, 盛惠你$100, 大約我唸有10幾粒到啦, 值唔值得就見仁見至, 但係, 好味既東西, $100 買比媽咪食, 都唔太貴o者...同事有見都一齊買, TOTAL 2盒...到最後$693 埋單碗面x5, 小菜x3, (其中有個唔知咩炒雜菌, 咸到完全係頂唔順...)小籠包x5(已包加一)最離譜係我外賣既呢一盒合桃都要加一我以前係"尖東間面譜"到食飯, 打包盒餐前小食, 人地都只係收我外賣盒錢, 一元幾塊, 佢要加一, 收成10蚊, 有冇搞錯呀........順帶一提, 裝潢係高格調, 但係waiter就新手多,