小台南 (已結業)

晚餐時段經過九龍城,行了幾間店女兒最喜歡此家,可能是望入去比較寬敞光鮮吧。點了較適合小朋友吃的豬扒蕃茄湯米粉,女兒很喜歡它的湯底,雖然很大碗,她也吃掉3/4碗,還邊吃邊不停讚好味。我自己吃了牛肉牛骨湯麵,整體不錯。50-60元碗麵有此份量和質素,個人認為很超值。期間要帶小朋友上廁所。它的廁所算比預期乾淨但很窄,開門時不小心𠝹損手指,出來時順便和店員説了句,她即熱心替我找膠布。其實幾位店員都很友善,不時聊我女兒傾計。

之前經過見到間台灣野今日出黎九龍城順便去試下11點至2點半有午餐我叫左麻辣牛肉炸醬乾拌麵因為好想好想食拌麵即使自己食唔到辣都叫左呢個兩粒辣椒嘅拌麵結果自作自受 哈哈撲鼻耳來的辣味麵條可以選幼或粗我覺得可以更有咬口略嫌唔夠彈但味道幾好食只係我自己食唔到辣至於酥炸雞排我覺得同小王牛肉麵相比呢個相當普通雞扒亦較細塊本身湯底可以揀蕃茄 牛骨 或麻辣但我地揀左餐牌無寫嘅大骨湯唔錯幼麵條好普通好似街市買嘅上海麵下次可以試下其他菜式

聽朋友講九龍城呢間小台南食物好食，每次都好想嚟試下，咁啱今次嚟開九龍城咁就要試下菜，我就最鐘意食就係呢個炸雞扒新竹米粉，個牛骨湯底好飲，我連湯都飲晒，因為我飲得出有藥材成份，水煮魚夠滑如果再麻啲仲正，其他都食物都有水準，仲有好多食物想試，下次再嚟九龍城必會再試其他食物。

行過見到開咗間台灣麵，啱啱開舖暫時冇乜人他們老闆都好好一早就來招呼客人，原來他是台灣人來的！相信味道應該正宗一點吧他們有多款午市套餐選擇，價錢抵食！餐廳位置也很歡堂舒適！所以一定要食古早味牛肉麵，味道比我平時食嘅較為濃郁，見到湯底都係偏向黑色這個湯底味道比較多香料味，對於我來說喜歡清一點的！牛肉屬於厚切的一種，味道同個湯一樣比較香濃！牛肉反而不錯！也夠林！他們亦有多款台灣特色飲品，芭樂冰茶！幾好味幾新鮮！濃濃嘅湯配飯清爽一點嘅嘢飲配搭不錯

趁早上十一點，路經見剛開始營業就鑽進去，餐廳環境始終新裝修自是舒適，因還未到繁忙時段，獨霸了整卡座，店員笑容可掬，端來餐牌：半筋半肉湯麵，牛筋燜得夠腍且軟絮，入口沒難度，肉就是類似牛𦟌，不過弄成塊狀，而且當中透明部分很軟，不會像平常的牛筋似橡皮；麵條可選粗幼，我選了幼，煮得剛好；湯底據稱是牛骨湯，但不算很濃味，清清地。飲品選了鮮檸柑桔綠茶，一片檸檬🍋半浮沉，喚醒味蕾挺解渴。在我不算飢餓的狀態下也吃完整碗麵及喝完整杯綠茶，質數算是過關了。預感日後會再來。

下課回家突然肚子餓 怎麼辦當然有食物啊看看這家保南美食進去時看到店員都要下班了11:00last order跟現在距離還有兩分鐘用最快的速度亂點了幾道麻辣牛肉柞醬乾伴麵忘記拍照了師傅落菜時怕客人不懂得怎吃細心地輕輕留下一句話要先攪暈才好吃然後他就跑去忙了麵質爽口彈牙而在下選的是幼條麵非常入味一粒一粒的牛肉粘著合到好處的小肥讓肉的口感一點也不鞋太美味😋然後還有小茄子肉厚汁多味鮮醬汁辣辣的帶點酸很快就被在下KO全碟最後來的紅油炒手總是會試試這東西別人都說就是雲吞嘛但就算是雲吞不同的國家不同的地方也各具不同的風味而在下這次試的帶有酸酸味的醬汁理所當然不少得辣味皮薄肉多吃完三款不同的台灣食物胃得到了大滿足也該閃人全餐用不到20分鐘完成願不會阻到他們下班啊😀

😡不嬲有幫襯，食物一般，都知佢哋人多order 就會亂，所以一坐低就即刻落order，坐咗半粒鐘未見有得食，就問侍應有冇漏單，佢話入緊機，我哋坐咗咁耐先話入緊單，我話唔要，要走，跟住佢就話入咗，唯有繼續等，過多一陣唔對路，我話未有單响度，我想check吓張單落咗啲咩order, 佢先話頭先睇唔清楚我張咭畫咗啲咩，再俾過張咭我寫過order, 咁即係一直無幫我落單， 我話唔要，即走！真係無諗過啲服務差到咁囉。

九龍城除了很多潮州和泰國餐廳之外，真係好多不同選擇，星期六就決定台灣菜。小台南給我一種家庭式經營的小餐館，侍應都很有禮貌。一入餐廳，感覺是有點熱，想叫侍應較大些冷氣，但原來已開到最大，侍應便友善地建議調去另一張較涼的枱。每枱有落單紙，有小吃、傳統台灣湯麵、乾拌麵、飯、珍珠奶茶等。所有麵食均可揀寬麵、幼麵、新竹米粉。而湯則可選大骨湯、鮮蕃茄湯、牛骨湯、麻辣湯。好多不同選擇。香酥雞扒麵 $49全餐我最喜歡的💖💖香酥雞扒與梲分開上，這樣非常好，避免了香脆雞扒被湯浸淋。香酥雞扒香脆度適中，夠脆又不太過而導致太乾太硬太熱氣，太鹹會奪了那香脆味，這味的鹹度則剛剛好，份量亦足。麵方面我們選了寬麵，口感會較有𡁻頭😊😊半筋半肉牛肉麵 $49究竟要牛腩定牛筋好？無問題，唔使揀，兩樣都可以要😊😊 這味半筋半肉可以滿足兩種慾望，肉夠淋，筋都一樣。麻辣牛肉炸醬乾拌麵 $55天熱我怕越食越熱，所以我避開滾熱的湯麵，而叫了這個無湯的撈麵，加上我喜好麻辣，這味便是我的自然之選。麻辣可同侍應講作出調整，青瓜絲令賣相豐富些之外，亦帶出清新味道，以平衡辣味。😊珍珠奶茶 $20💖💖好喜歡這杯珍珠奶茶，茶味濃，奶亦剛剛好，一入

一碗牛肉麵大約有四至五塊厚身的牛肉，推薦寬面。$25有三粒花枝丸，挺好吃。$25台式香腸，大約一條份量，味道不錯不咸。有多種飲料以供選擇，我選檸檬薏米水，有不少薏米味道不錯

經過九龍城，見到有間店叫小台南，即刻心心眼，除左台灣牛肉麵，九龍城終於有多間台灣野啦！睇貼係門外既報章，話老闆以前係小王牛肉麵既總廚，小王味道一般啦，即管試下小台南點樣先！Menu都幾多野食，好吸引呀！個飲品option好奇怪，甜度(70% or 0) ，冰量又係(70% or 0) ，all or none 咁濟😂😂😂於是我地叫左杯零甜零冰量既珍珠奶茶。上枱既係微涼唔凍既珍奶🙀🙀🙀好化學奶精味，我地飲左兩啖再次確認，就決定唔飲了。肉燥飯係珍珠米，乾身冇肥肉，冇乜油脂香氣但就感覺比較健康。綜合小吃拼盤當然要試啦！好香口，一口雞調味稍咸，但整體抵食又好味🤤推薦佢既招牌古早牛肉麵！牛肉炆到好淋，重點係個藥有藥材香氣，麵質彈牙，好味！埋單兩個人都係百幾蚊，好抵，牛肉麵都幾滿意，呢到仲有啲香港比較少見既菜式，例如新竹炒米。感覺小台南側重食物，忽略飲品，希望呢方面可以改善。

食得太多泰國菜，見有台式餐廳新開張，於去試試新嘢，午餐時段入到去要等一陣先有位坐🤭 落單叫左蠔仔泡飯加杯台式珍珠奶茶。蠔仔份量相當多，湯底鮮甜，而且配菜料都好充足。我略嫌蔥&芫荽份量唔夠，於是問老闆可唔可以要多啲，老闆好爽快答無問題👌🏻 之後行經我哋張檯再問夠唔夠，唔夠可以再添！雖然呢個舉動好細微，但作為食客就覺得老闆好熱心，好留意食客嘅需要。珍珠奶茶味道正常，叫左少甜但我仍然覺得偏甜左少少，下次試下微甜可能就啱我口味！

最近朋友搬左去九龍城，所以同老公過去搵佢食飯，嚟九龍城唔食泰國野，試下台灣野，飲返杯珍珠奶茶先!諗起食台灣野，首選一定係牛肉麵，所以我揀左牛肉麵+珍珠奶茶，一嚟到，一定要試下啖湯先，好濃好香，再食牛肉，好林好入味，真係唔錯，朋友嗌左拌麵，不過我冇影到相，但佢話都好好食，下次再試埋其他野先!

weekend本來一心同老婆黎九龍城食泰菜，但估唔到會撞到間岩岩開的台灣餐廳，珍奶上癮的吾妻立即拉左我入去。一坐低立即order左野飲，侍應姐姐好快手就送到，珍珠奶茶就普通貨色啦，茶味還好，珍珠就略微硬了。我叫左杯鮮檸金桔綠茶，估唔到酸甜味幾適中幾開胃。入到主菜叫左個安平脆蝦捲配肉燥反，份量真心少，得3塊蝦捲，味道幾好，香脆有蝦味，老婆反而幾欣賞佢d拌菜，仲叫侍應姐姐Encore左一份。肉燥反先正，咸香咪適中，油份充中，唔會好肥膩，拌反一流，極速被我倆食哂。之後仲有叫左個擔仔面同大腸面線，擔仔面堅好食，如果多d蒜泥會更好。大腸面線同我去台南食果種有d唔同，應該係為配合香港人口味改良左，無台南咁傑，蚵仔大大粒，面線又好口感。另外仲有個驚喜位係小食到，辣汁青瓜，唔太辣，辣味帶酸，連一向唔太食辣的老婆都好鍾意。下午茶時段有套餐，整體又唔太貴，算係平民野，下次行過九龍城會再幫襯。

第一次來，叫左好多小吃！有驚喜！簡單講，一定會再來，座位比預期舒適。CP值高今晚點左：魚酥皮蛋豆腐、滷水豬耳、夜市燒香腸、酥炸花枝丸、甘梅脆薯、安平脆蝦捲、路邊攤坷仔煎、肉翡翠苗、半筋牛肉面、台南豆醬炒A菜。其中安平蝦捲，總廚特別介紹，果然無失望！

要知道在九龍城有一間台灣餐廳是非常有難度的一件事! 因為在附近上班已將幾條街的食店試了一大圈~新鮮感缺缺新開食店往往是討論焦點, 此店開張一星期已有同事試食及推介,所以午市就試試.....食店主打台南風味, 以香港人去台灣去到"返鄉下"的程度,餐牌上的菜式就不多講, 大路的台灣麵及飯~點的是最平常的牛肉麵, 但頗有驚喜~湯底有三款, 包括牛骨、蕃茄及麻辣, 以第一次食揀最basic是常識吧~! 因此牛骨please~~~~~牛骨湯底看顏就已經知道有幾濃, 牛骨味不算太重, 反而有藥材的味道 咸淡尚算合宜, 食完不口乾, 應該真材實料~(我估~)麵呢~又有三款, 粗面、幼面及米粉(<-這不是麵吧! )是日吃幼面, 面質頗滑~易入口......所以會食得快......食得快.......就好快飽! 牛呢~ 其實好入味, 分量都好足, 三件中, 兩件是軟硬適中, 有軟骨咬下, 口感好!有一件應該分開煮?! 比另外兩件硬少少~ 總的來說幾好~P.S. 黑色三格, 個個餐不同~第一格個辣椒油不錯~量多D就好~午市餐牌有好幾款, 下次可以試其他