小城滋味

营业中

休息中

入到餐廳 大約兩點鐘 碰巧撞上佢地員工開飯時間.當然理解食飯大過天 不過當我叫左嗰侍應幾次之後佢終於都埋位準備入我單，我一個講話偏大聲嘅男人同佢重複講左幾次佢都冇記好我叫嘅餐.我一個好大食做完運動可以食兩個過橋米線加個打白肉嘅男人，食呢兜嘢 我剩係食左面嗰幾條三文魚同埋幾條面直接停手 各位師兄師姐 如果你憎一個人 可以請佢食呢間嘢呢間鋪頭老細比一球我叫我去食返呢間餐廳 推薦呢間餐廳比朋友我都唔會咁做 個人永久ban食物0🌟服務🌟

據知太安樓都多食店行完山之後就去了太安樓搵食不過有不少店舖都是小店外賣類型由於又熱又累，最終就選了間有座位有冷氣的茶餐廳了！下午茶餐的選擇尚算足夠我揀了咖央西多，老公就揀雞扒湯公仔麵我們都點凍檸茶 (加$3)先送來的是雞扒湯公仔麵麵質爽口，但完全淡然無味！所以我就直接放棄，連雞扒都沒有試了.....雞扒的賣相就看似煎得幾香脆！咖央西多，炸得夠金黃，面層澆上多多的煉奶及咖央醬西多外脆內軟～～～咖央醬帶點香甜味，再加上煉奶，甜度十分足！這款西多不會像平日的西多一樣中間再夾著花生醬～～～西多質感不會過乾過硬，雖然少了花生醬的鹹香，單是煉奶 x 咖央醬已很好吃～凍檸茶的茶底普普通通檸檬不會太澀味道僅僅可接受！整體來說，就因個人嗜甜，覺得咖央西多幾好食所以才沒有給予喊臉評價啊～～～

我就只食過一次咁大把，都咁唔好彩比我見到呢一幕，話時月初同朋友喺附近做完嘢諗住食個快飯，朋友推介呢間話好抵食，入去到總算乾淨企理，我地四個人坐左張卡位，嘢食就無乜特別都係一般茶記。咁我食嘢比較快，又唔中意轆電話，我啲朋友又未食完，我咪周圍望，咁啱我又坐正喺個廚房位對面，竟然比我見到入面個廚師偷偷地拉低口罩食煙，我當場呆左兼難以置信，諗返自己頭先食過嘅嘢即刻想嘔返出黎。我即刻同朋友講個廚房佬食煙，但大家都唔想煩所以無諗住做乜，只當自己唔好彩，以後都唔會幫襯。喺呢啲時候仲要整嘢食時食煙，所有食客被迫食佢啲二手煙，如果佢有肺炎，我地全部中哂招。

平時都無乜機會食到，好似話逢星期日休息？我次次去親太安樓都系星期日咁濟，不過有人話呢間鐵板餐抵食夾大件，所以黎左呢間，不過今次系下午茶 。黑椒牛扒食，系真心有啲辣，牛扒少少薄，外似煎過，內就咸左啲，加埋個汁，啲味就濃上加濃。另外我食咖咉西多士，足料，外脆內軟juicy，五分滿分比五分！！食到尾都幾甜少少腠，岩喜歡甜吃的人，不過好味！熱奶茶唔錯，好重茶味，茶多過奶，勁熱，好飲。份量夠，食完飽到上心口。

我一場來到西灣河「太安樓」 ，本來是想光顧試食門口位置某食店，可惜原來該食店裡面的實際營業時間，是逢星期日休息，所以我最後知道後只能無奈放棄。而且當時已經入夜，「太安樓」裡面已經有些食店提早關門休息，所以我被迫退而求其次，選擇「太安樓」裡面剩餘仍然正在營業的食店，例如港式茶餐廳「小城滋味」。其實我以前已經關注過「小城滋味」，不過後來隨着時間流逝，我逐漸忘記光顧這間位於西灣河「太安樓」，主打「豉油西餐」的港式鐵板扒類晚餐的茶餐廳。「小城滋味」內部樓面實際的面積，的而且確是符合了店名原意，面積偏小。幸好「小城滋味」樓面內沒有放置電視機，更不需要再問有沒有電視新聞臺了。再加上「小城滋味」樓面部分燈光會偏向比較昏暗，即使我在「小城滋味」店內沒有開閃光燈拍照，拍到的「小城滋味」實際環境燈光還是偏向昏昏沉沉。在「小城滋味」偏向昏暗的燈光襯托之下，當然要食個熱騰騰的熱板餐，以慰藉我未能光顧原本食店的失落與遺憾。我無意中發現到，原本「小城滋味」的鐵板晚餐價錢，也都很便宜抵食。「小城滋味」的鐵板晚餐裡面，價錢最昂貴的鐵板餐，含有牛仔骨、牛仔扒跟牛脷的全牛鐵板餐「牛廣王」，連熱飲的價錢，只賣港幣六十四元一

晚餐諗唔到食咩，掃下開飯喇見到呢間”小城滋味”，原來未試過。 又見到流心蛋中蛋好似幾過癮咁，就過黎試下。叫左個小城四寶飯，茶記基本組合，豬扒，煎蛋，煙肉，腸仔作為快餐之選，除左隻蛋煎得唔錯之外其他配茶性價比亦無可挑剔，地方環境比一般茶記乾淨，但有陣後巷廁所污水渠味，為平凡既晚餐加上污點🤦🏻‍♂️非常建議餐廳除左係留意食物色味之餘，亦可留意下味添🙏🏻裝修貌似年輕化中帶點古典既味道（希望唔係上面提及嗰啲😂），食物主打茶記快餐系列茶記食物，本身想一試流心蛋，但晚市不設發售，唯有下次行過再外賣。食物質素屬於食飽人系列only, 希望流心會令人更留心🙏🏻

我本來睇到有好好食既車輪餅就過去買, 原來真喺無賣好多個月架喇, 尋日下午過買車輪餅同雞蛋糕, 舖頭既人話無賣好耐, 朋友又介紹過呢間好抵食, 咁就兩個人坐低叫左個牛仔骨籠仔飯, 鰻魚肉餅飯, 大半條鰻魚, 個肉餅又厚又大, 真喺好好味, 個蒸飯本身都有味, 值得等二十分鐘, 另外見到其他客人叫快餐個碟頭飯都超大碟, 坐左半個鐘, 期間都聽到有人喺門口問車輪餅有無得賣, So far 都抵食夾大件, 西冷牛扒都喺$52, 多大塊又抵食, 唯一除左下午茶外,  無其他小食叫, 唯一美中不足囉.

一直上openrice只喺睇到小城滋味最出名車輪餅，原來已經系8個月前既事，開飯喇都要更新一下餐廳資料喇，一直都唔更新比人睇d舊資料今年8月出既新餐牌，其中最快賣哂又最抵食既，有 : 熔岩肉餅飯，肥牛肉餅飯，鰻魚肉餅飯，足料飯餸，幾十蚊包老火湯或者飲品，又可以揀多飯少飯多汁少汁，肉餅好厚又多汁，肉餅唔似外面蒸過籠乾爭爭咁，好Juice架。$30蚊堂食碟頭飯既快餐A~F，每個禮拜都唔一樣，最快賣哂就喺瑞士汁雞肶飯同瑞士汁雞翼煙肉飯，呢兩個快餐無得輸，以碟頭飯來講真，西灣河無一間餐廳可以呢個價錢食到，聽聞個老火湯喺用十幾隻雞殼去煲，$30蚊快餐包老火湯。住喺西灣河呢頭有間咁既茶記，唉.....最衰我唔喺住西灣河呢…，晚晚落來小城滋味食都抵到爛，新餐牌有加拿大西冷牛扒牛柳都系五十幾蚊包湯飲品，同區外面餐廳牛扒都要九十幾一百蚊，正價餐牌上款式如果外賣自取每個飯都減$3蚊，下午茶&快餐除外，但喺都好抵食，餐飲加$5個阿華田脆脆超大杯超抵飲，另外個雪糕紅豆冰好食過哂大家樂大快活果d，紅豆有咬口，唔飲大家樂大快活果d紅豆溶咁，堂食紅豆冰同阿華田脆脆超大杯，千其唔好外賣呢兩杯就好抵食，有時間真喺要過去

太安樓出名小食多，但又剛吃完午餐不久，唯有先逛逛，見累了，便入了一間鋪仔雖小，但座位都略寬，類似茶餐廳的地方坐坐。下午茶價錢相宜，葡式豬扒包配沙律，加凍檸茶$28，算幾抵。葡式豬扒包用長型麵包夾住，豬扒一塊切成兩半放成長條型，仲有洋葱添！豬扒醃得入味，軟硬適中，唔靱外，夾埋洋葱吃又幾有葡式style。沙律是薯仔和紅蘿蔔，薯仔硬，只試吃少量便放棄了。飲杯凍檸茶，有茶味，夏天最佳呢！

呢日係西灣河附近工作，到咗lunchtime就要覓食，咁講到覓食 梗係唔可以唔去太安樓啦！11點幾12點到咗太安樓，其實開既食店唔多，小食居多，但想坐低食既我見到埋邊有啲有座食肆，看到價錢都算平民價，就揀咗一間裝潢唔差既食店食飯。（抱歉，我發現影到餐牌有啲濛，盡量睇吧）我比咗個理由自己，合理化佢真係唔好食既事實：佢最拿手既唔係主食，而係小食當日order咗呢個巴基斯坦咖哩豬扒飯，由於我無食過巴基斯坦咖哩，難以作任何比較，因此我只可以描述我第一身既感覺。巴基斯坦咖哩偏甜，咖哩味略為淡，無辣味，似普通醬料，怕辣既吃貨應該易於接受。呢碟飯配菜很多，有椰菜、紅蘿蔔絲混入咖哩中，所以咖哩汁其實唔多，則未能吸引中意醬汁撈飯既我。豬扒肉質不粗糙，卻是肥肉多，豬扒肉比例相對少，加上有骨在其中，可以食既肉並唔多。呢間餐廳令我最難以忘懷既係佢所有用具都係即棄！餐具（e.g. 筷子、匙羹）是，碟如是。更係連飲品都唔會serve 唔會沖，而只提供汽水、紙包飲品等選擇（究竟係幾唔想做食肆、幾唔想用資源洗碗碗碟碟呢）。呢到既裝修都可以，地方小小卻空間感大，唔會覺得逼狹，且有電視供應，令附近上班既人食飯都可有放鬆時

前日(31-3-2018 Sat)傍晚同老公去到筲箕灣派台灣手信,有少少餓,我帶佢行入太安樓搵小食,行到o黎中間呢條通道,見到有鹽酥雞排,原本想食,但驚食得太飽,因為好快會食晚飯.咁見到呢間,睇埋先,原來係蛋糕味雞蛋仔同咩車輪餅,老闆捧住幾粒熱騰騰但話賣晒o既蛋糕味雞蛋仔俾人試食,我同老公都share o左一粒,佢比一般雞蛋仔大粒,外面有啲脆,內裡o既蛋糕味清甜軟熟,係幾好食,不過賣晒.咁就揀車輪餅啦,一個$22.00,兩個$22.00.啊,咁我o地買兩個啦.我揀花生麻糬,老公揀芝麻麻糬.買完企埋一邊食,先食芝麻麻糬,芝麻味都幾甜,麻糬唔算太煙韌,車輪餅暖暖地,ok o既.之後食花生麻糬,呢個冇咁甜,口感亦一樣.味道係3.4分

一直聽聞太安樓是掃街的好地方，但這次我才發現，原來在太安樓堂食也是一個不錯的選擇。這家茶餐廳鋪面很小，看起來十分不起眼，相比其對面的茶餐廳可說是螢火與星星的對比。除了價錢吸引之外，看起來並沒有引人注目之處。（我也只是因為這個原因才決定一試，誰知卻是執到寶了）一坐下，想都不想便選擇了３２元的咖哩雞飯，還送了一罐汔水。很快，咖哩雞飯便送上了，而我也隨之發現這裏一個不太好的做法，就是餐盤和餐具都是即棄的。當然，雖然我個人來說是不贊成這樣不環保的行為，但作為其中一個消費者，我也理解餐廳的做法，也不會讓這件事影響自己對食物的評價。我先嚐了一口雞。雞肉大部分選用了雞肶肉，煮得十分嫰滑。雖然吃下去會看到肉裏的雞骨有一點紅，但也看得出雞肉是熟透的。再說說它的咖哩汁。這裏的咖哩是巴基斯坦咖哩，吃下去比一般的咖哩濃味和鹹。其實自己一向不喜歡較鹹的咖哩，因為外面很多餐廳一味地加調味料，根本吃不到咖哩本身材料熬出來的味道。不過，這裏的咖哩雖然偏鹹，但卻仍然吃得出咖哩本身獨有的香味，卻是更突顥出這裏的咖哩是真材實料。可惜這裏的飯煮得不太好，口感偏硬偏乾，令整個咖哩飯失色不少，不過整體而這，這家餐廳確是美味抵食。

聽人講成日去太安樓掃街，今日就原本打算趁lunch去下，點知晏就唔多店有開，真係有d失望。咁最後就搵間店入去坐底食，見到呢間menu都幾多野揀就入去食。如果揀午餐set既話就$30頭有找，而menu既都係$30-$50我覺得都ok，就叫左個焗茄汁芝士厚豬扒飯。一送到黎，貌相都ok，但芝士唔算多，食落好多茄汁，而豬扒就真係唔太得， 肉質好差好硬，而且無咩味。每個餐都包飲品，飲品主要都係罐裝同包裝飲品。我見人地食咖哩好似幾好食。食到中途門口有好多學生等位，先見到原來呢到有學生餐都幾平，學生都可以去試下。

記得以前好鍾意幫襯太安樓個間聚茶軒，台灣食店，抵食又多款式，仲帶比我唔少回憶可惜已執了好耐，見其舖位開過另一間餐廳，但不太吸引，所以都冇幫襯，而家再轉為呢間，(其實都有好一段時間，但而家先黎食)店面雖然細細，但都有2部電視機店內一角今次先試個焗鰻魚飯 (好耐冇食鰻魚)賣相幾吸引，原條鰻魚，上面仲有少量芝士份量都剛剛好配紙包飲品，或是日例湯 我揀左紙包飲品柑桔檸檬簡單的一餐下次再試其他

成日睇雜誌話太安樓好多嘢食，今次就諗住試吓去掃街啦。由於太肚餓嘅關係所以諗住入餐廳食啲嘢先。行過一間餐廳老闆娘服務好殷勤，係咁同我地打招呼叫我地入去食。而且見到餐牌價錢都好吸引。＄50就有二人套餐仲包埋嘢飲，咁着數就入去試吓啦。套餐有好多餸揀，一個餸兩碗白飯包嘢飲。我哋叫咗個咕嚕排骨。上菜嘅時候埋相就真係一般，成間餐廳全部都係用即棄餐具連碟都係，都幾唔環保。食物質素亦都有袋改善，質素同大學頺canteen相若。啲排骨好厚粉，而且白飯都好林。但見到keep住都有人入嚟食嘢，可能係我哋咁啱叫中唔好食嘅餸啦。不過呢個價錢都唔要求得咁多🤷🏻‍♀️