小城知味 (德福廣場1期)

营业中

休息中

成日都忘記左德福廣場平台有食肆,  成日係商場入面揾食, 今日終於行過, 決定入去試下。侍應推介, 燒春雞好抵食, $38一隻, 每日限量供應, 兩個人可以叫一隻雞再加多一人晚餐一定夠食, 我地決定跟侍應個建議。- 燒春雞用個架拮起成隻雞送到枱上, 造型幾特别的, 但食就唔係好方便, 要放返係碟上先可以切件, 味道唔錯, 肉嫰多汁, 無咩脂肪, 侍應無呃我地, 真係$38一隻, 真係幾抵食~- 一人晚餐 (蜜椒薯仔牛柳粒) 呢個餐好豐富, 有餐前小食, 白飯, 菜, 主菜(蜜椒薯仔牛柳粒), 甜品, 而且例湯仲可以免費升級至燉湯, 燉湯足料, 温度好夠熱, 呢個餐價錢好抵, 味道唔錯, 但比較重醬汁, 有少少咸~

準備買三份外賣，見到大大張紙板海報，寫住抵食之選:唐揚雞滷肉飯48元，跟住入去叫三份外賣，職員話每份要加五蚊，我問點解要加五蚊，佢話堂食先係48蚊，外賣就加五蚊，我話張海報冇寫喎，佢發脾氣叫我去睇清楚，我行出門口期間，佢再開口就話我打橫嚟講，我横睇掂睇都冇寫48蚊係只限堂食，有細字寫外賣盒加兩蚊( 呢個我就ok，都算 )，跟住我再職員問邊度寫48蚊只限堂食，原來對角另外有張細啲嘅海報就有寫堂食48蚊，即係出現咗兩張有出入嘅海報，而佢都見到有問題嗰張海報佢就拆走攞返入舖頭，跟住佢話唔得閒同我拗，叫我自己報差館，但係其實舖裏面只係得大概四個客，可能而家環境好好，佢生意唔憂做，佢老闆多得佢呢個好幫手，又趕走咗個客。

又一個不得不寫系列。我14:25左右入鋪，喜歡請查看CCTV 本身無打算寫劣評。最後一刻覺得唔寫解唔到心頭之恨明明寫38蚊，卻收42蚊凍飲無寫加錢。食物質素真係 超級麻麻地粥上台係唔係應該熱辣辣。D粥竟然 微微地暖炸兩質素。。。同粥鋪天同地又係唔熱🙄🙄🙄其實你地賣唔哂，不如唔好炸咁多。炸兩超厚粉，油炸鬼裡面完全唔脆真係唔知擺左幾耐叮返熱比人食🤦‍♂️🤦‍♂️🤦‍♂️🤦‍♂️上餐問拎多張餐紙都唔比？窮成咁？一係一視同仁，唔好提供。收銀處無人，要等先有人到。食物一般都算， 無多張餐紙都算重要有隱藏收費？？頂而間餐廳唔順乜野餐廳來？？？？😡😡😡😡

始終飲食都係服務性行業，所以一定跟服務質素掛鈎，無諗過外賣這短短時間，都可以深深感受到服務差這環節，這位收銀姐姐，全程黑口黑面，廣東話不靈光其實不是問題，但低語所以聽不到又聽不懂，重點係聽懂後又沒有交代清楚細節，還要悔氣，完成外賣後又不通知客人。飲食業已很難經營，真的不希望因為小撮害群之馬拖誇餐廳業。Anyway，雖然是這樣，可以配搭粥跟腸粉或港式麵餐，而且這雪菜雞絲米真的不錯！

下午茶有時也想試吓新嘢，今日經過德福商場，見這間餐廳的湯粉麵很有特色，有酸辣湯底，而且可配雞翼、魚蛋、豬扒等等，又有菜飯，所以便入去試一試！朋友叫了花雕醉雞湯河粉，一上枱有驚喜，雞髀大大隻，而且名副其實有花雕酒味，非常香，牛腩菜飯，牛腩大大嚿，醃得好味，牛腩的份量不少，菜飯十分健康，飯又軟绵綿，最重要是熱辣辣。下午茶包冷熱飲品，除了一般的咖啡和茶，還有豆漿和檸檬薏米水，加$10更加可以轉配日本紅豆冰，選擇十分多樣化

晚市可以7-80蚊有前菜、小菜、時蔬、飯、燉湯、甜糕，樣樣足料，真係抵到爛！不過對兩個餐嘅評價大相逕庭，可能好食唔好食講彩數！？蜜糖燒汁薯仔牛柳粒定食 $75 👍🏻前菜：辣汁螺肉，就係平時日式個款，味道同想像一樣啦！小菜：絕對足料！一大碟蜜糖薯仔同牛柳粒，好食！牛柳粒一啲都唔韌，加上甜甜燒汁，正！燉湯：一樣咁足料又夠味！清甜好飲好養生呀！時蔬：清清地附上蠔油，不錯！甜糕：似係片糖嘅味道，但唔係死甜，甜得黎係香嘅。好食！川味口水雞定食 $79 👎🏻小菜：雞肉冇乜特別又唔特別香，調味方面可以話係只係得辣味，冇其他味道。。其餘同上但點講都好，7-80蚊有個咁靚嘅燉湯，滿足矣~

知味定食 |前菜|時蔬|白飯(亦可以選擇菜飯/蔥油撈麵)|甜品|飲品蜜糖燒汁薯仔牛柳粒 / 75醬汁味道濃郁好有住家飯嘅感覺薯仔煎到金黃色香口入味 整體嘅口感同味道都好正牛柳粒軟熟唔韌 但對比之下薯仔粒更加出色睇落平平無奇嘅菜飯非常出色 除咗菜之外仲有鹹肉 用料十足另外仲有小糕點同一大碟菜 晚飯嚟講性價比非常之高川味口水雞 / 79佢哋自家推介嘅口水雞反而比較遜色雞肉淨係食到辣嘅感覺 個汁完全冇味所以呢款小編就唔推薦大家食啦——————————————————推介度: 7.5/10——————————————————九龍灣偉業街33號德福廣場1期平台P8 & P8A號——————————————————

剛剛一行人各叫了一個午餐套餐，吃了還沒有45分鐘，各人還在飲飲品，店員收拾了餐具，立即問仲有冇嘢未到。然後在我身後不停講，呢張枱得喇。一分鐘左右之後，又有店員大聲在我身後問我D嘢係咪齊晒，我話齊晒，請你等等，我們還未飲完嘢。一分鐘後，店員帶著其他食客，走到我張枱旁，說叫他們在這等，這張枱是他們的。那食客竟也毫不客氣，把小孩放在我旁邊的櫈，竟問我這裡有冇人⋯⋯問題係，我哋成張枱根本未準備好要起身埋單⋯⋯完全驚訝服務員如此對待食客！不會再來！

今晚叫左兩個定食，一個川味麻辣雞，夠麻，再加左$10要左個滷肉飯同蛋，好好味，反而個霸王雞味道比較淡，定食重包括機松茸燉雞湯，一碟菜，一件甜品，兩個人食左$90

平價飯堂❗️係九龍灣附近返工 大約12點3左右出黎 無咁多人食飯可以唔使點排隊今日揀左食呢間中式餐廳呢個係 口水雞👅可以轉蔥油撈麵飲品 有好多選擇 包括豆漿都有 79蚊呢講 都算係咁而且佢選擇都幾多有河粉同有牛腩麵 仲有飯餐口水雞唔太辣 少麻☺️ 有上湯菜 感覺恰到好處🤍🥢沙薑雞 比較咸🤏但都幾好食蔥油雞 太多油‼️ 麵餅就唔太勁鹼水味💰💲7️⃣9️⃣#九龍灣美食 #hkfood#hongkong#ot.infinity_

今日諗住去九龍灣茜廊食早餐，同朋友來之制，行過隔離睇吓隔離餐廳有乜好食，見到價錢合理，於是叫朋友一起去試吓，真係估佢唔到，我叫了一個特色早餐，豬柳漢堡，火腿蛋通粉，我朋友叫了一個，粥同埋炒麵早餐，第一啖入口，已經感覺到，好好味，直頭有家庭溫暖的感覺，後尾再加多個，叉燒腸和炒麵早餐，一件不留，全部食晒，這間舖頭的腸粉，非常滑溜及有米香，仲要韭王喎，茶樓都未必有，真係好食到不得了，在九龍灣德福廣場，租金一定唔會平，這間餐廳收的價錢，一啲都唔係貴，如果有時間，我一定去試吓晚餐，因為睇到餐廳內的電視機介紹，啲餸菜真係好吸引！

新的一天由早餐開始，入餐廳之前以為她只是普普通通，提供港式早餐，入到去估唔到佢仲提供中式早餐，不單有沙爹牛肉公仔麵、多士，仲有粥、炒麵、腸粉。。。好多選擇，最後叫左沙爹牛肉出前一丁+多士煎蛋、糯米雞+油炸鬼、老廣州叉燒皺紋腸粉沙爹牛肉出前一丁：普普通通，麵較𣺉，似一早浸軟左，上菜前加熱多士：其實似方包多啲，不過佢都有啲心思的，係烘過下的黑芝麻方包，仲提供果jam比你搽。糯米雞：較細隻，糯米OK，但饀料偏少。油炸鬼：得半條油炸鬼的份量（可能因為我叫的是雙併，所以份量較小），都係唔似即炸，似焗返熱，不過攤凍少少，佢都叫又脆既，不過較硬，無咩麵粉味，油味較重。老廣州叉燒皺紋腸粉：本身食完上面，都唔對佢有咩期望，但估唔到寶物沉歸底，意想不到地又整得幾唔錯，腸粉係即拉的，腸粉夠薄夠滑，配合個甜鼓油好好味，唯一美中不足的就係口感有點黏，不過整體好好架啦，可以再食！總結：早餐價錢合理，下次早餐知道叫咩最好食啦，皺紋腸粉

紅日去到九龍灣，周圍餐廳都係人山人海，誤打誤撞見到一間比較唔洗等位既餐廳，結果佢既菜飯令我對眼炯炯有神，我好似飛左去台灣！(好想去旅行 哭😭)點解我講到咁誇張? 因為好耐都未食到用豬油整既飯，香港真係冇咩餐廳食到，雖然唔健康，但係香口豬油香既味道就咁食碗食已經夠，佢既菜飯之中仲會夾雜小小肥豬肉，記得叫套餐一定要叫菜飯！唔好叫白飯><!!所有套餐都包前菜/菜/湯/甜品/湯，而我果日食既前菜：中華沙律、菜：唐生菜、湯：燉湯or老火湯、甜品：炸番薯波。呢個套餐價有老火湯任真係經濟實惠合理價格，個重點都係個豬油飯><!!!!霸王雞套餐 $79霸王雞香滑嫩口，送飯一流！蜜糖薯仔牛柳粒套餐 $75牛柳粒味道香甜，醃得夠味；薯仔有先焗過所口口感脆皮，好食！推薦程度：🌕🌕🌕🌕🌕

印象最深刻嘅嘢: 凍OT本身冇糖要自己加。辛丑年九月十八，與母逛，餓，入店，店內環境闊落，星期六一點半入到有卡位坐，嗰一刻我意識到，這店not for 嘆，for full.scan code 自己寫嘢。我要了一份鹵水雞翼餐，跟菜飯，菜飯其實有菜同細細粒嘅五花肉，一開始食覺得唔錯，食食下覺得有啲濟，鹵水雞翼肉質偏柴，味淡。媽媽則要了咕嚕肉，中規中矩的味道，但分量充足，不錯。總結，中午諗唔到食咩可以一試，晚飯未有嘗試，不予置評。

抱着試一試嘅心態第一次去食佢哋嘅‘特色下午茶’原本係俾佢個［川味口水雞湯米線］&［酸辣豬扒湯米線］吸引的！再叫埋佢哋嘅‘知味下午茶’勁多選擇～叫咗 ［豉油王炒麵］+［大排檔炸兩］結果食物嚟齊晒之後！口水雞嫩滑，味都夠嘅，但都係不夠辣！另外碗米線就係清湯上～問店員拎辣椒油！結果佢隻辣椒又香又夠辣👍🏻加落湯麵食好好味👏🏻酸辣湯底味道更好！好開胃，配有適量酸菜酸菜都好夠味！如果口水雞嗰碗米線都可以轉酸辣湯就完美💯跟住個大排檔炸兩真心超正👍🏻👍🏻👍🏻必食推介👍🏻👍🏻👍🏻👍🏻