小巴黎越南餐廳 (已結業)

下午茶時間好想食凍檬就去小巴黎座底冇人理張枱"痴立立", 好不衛生 叫左好耐至有人同我落單香茅豬扒凍檬味道好味 不過豬扒好簿 侍應的態度真的十分唔得黑口黑面, 又冇禮貌 地方又不潔 冇下次囉~

今日下午時段最近食得太多日本野...想轉轉口味去食下其他國家的食物決定去呢到食vietnam野唔係太肚餓淨係叫左沙嗲串燒...有牛/豬/雞可以選擇最後要左牛肉點知order後...有位肥阿嬸居然:「淨係要沙嗲串燒jor?!」語氣極差...好似好唔滿意咁阿姐....係咪要我成份menu每樣order一份呀?!醒起自己喉嚨有d痛...問阿姐:「沙嗲會唔會好辣?」阿姐:「唔辣嫁wor」點知第一啖咬落去!嘩嘩嘩~~辣到我死死下!阿姐...唔係你味覺有問題?!唔老實+冇禮貌!好心改善下呢到o既服務啦!牛肉雖然新鮮而且燒得幾好但咁o既服務...幾好o既食物都冇客黎啦!

去過屯門總店吃過很多次,今次服務態度最差我叫了涼粉冰跟其他食物,傳菜員X小姐給我綠豆冰,我說我叫的是涼粉冰,她說沒有涼粉冰,之後放下綠豆冰就走了,我就叫回剛剛幫我寫單的人Y小姐,問她是不是真的沒有涼粉冰,她說沒有,她說她聽到我說要綠豆冰,可能她聽錯,也不能怪她,突然那個傳菜員X小姐就回來說系唔系唔要,唔要倒左佢,我已經不想再理她,最後Y小姐問我要不要換,我就說等我媽媽來再決定,我媽媽到了我將事情經過告訴她,我媽媽說破口大罵她,說要找經理,店員竟然說經理走了,我們就繼續吃飯,我媽媽還說她們欺負我年輕,不敢罵她們.....今次以後,我也不會再想去這一家店吃飯

黎過好多次,今次真係最差....點左豬扒飯 / 濕炒米 / 通菜豬扒飯 - 味道唔錯又抵食,同以前一樣!!!!good通菜 - 味道ok~~不過多左d 發寶膠!!!!唉~~~濕炒米 - 味道好好!!!但明明係肉片濕炒, 唔知點解多左個鳳爪(淨係骨頭)當時:通菜上面見到白色一粒粒係咩黎ga??!遠睇似蒜頭,近睇係發寶膠粒囉~~乜通菜咁炒既咩??叫d阿姐黎換,佢又話係蒜頭ga,我叫佢食畀我睇又唔肯!!!!唉~~d阿姐真係好惡~搞到我都要惡埋一份!!!換左碟通菜喇!!!雖然心情無乜但肚餓係都要食,而且要食得好小心!!!食食下咬到d野,吐出黎原來係鳳爪骨頭.......!!!!! 肉片濕炒送鳳爪(骨頭)唉~~無咩好講!!!心情超down~~當我黑仔!!!我睇我以後淨係食豬扒飯算喇~~(唔會d豬扒飯都有料掛???)

約1點, 因行去養和堂買涼茶同去TOMLEE買野所以就決定近近去小巴黎買外賣, 雖然男友應該唔係太鍾意叫左烤牛肉凍檬($23)&豬扒雞翼飯($28)+凍鴦(凍飲+5蚊)等左一陣約5-10分鍾就有啦不過落單呀姐好似冇乜禮貌見到包檬汁好大包 開心.. 因為我鍾意食酸野不過真係一步一驚心, 一個薄到半透明既細膠袋裝住2個box+drink好似就快穿咁.. 冇手指甲都可以一手督穿既膠袋..返到屋企, 放左大約1個鍾先食, 包檬汁就放左入雪櫃烤牛肉凍檬-- 都算幾多牛肉, 約有鋪平既2/3個box, 有nuts+1/3box蔥油(之前食好似冇蔥油架?!) 都ok, 檬汁雪凍左再撈黎食仲好味豬扒雞翼飯-- 1塊normal size既豬扒+2隻雞翼, 不過唔知味道點凍鴦-- 不過不失總體都ok, 不過d呀姐冇乜禮貌已經唔係一朝一夕既事, 好多年前o係電梯邊已經係咁(即而家味千拉麵位置), 但係一直以來都係幾好生意, 仲會有人等位添, 真係佩服p.s 但硬係覺得好似冇細個果陣咁好食, 但一試無妨味道： 3 環境： 不適用 服務： 1 衛生： 不適用 抵食：

上來見到屯門首位，咁同呀媽去試一試，點知就咁中招......入到去見到o的位都幾迫，要背對背，張抬又細，好彩兩個人，唔係都唔夠位....之後我地叫左一個鮮牛肉河，香茅豬扒糯米飯，雜雜拼盤，椰汁三色冰和紅毛單冰。個鮮牛肉河尚可，香茅豬扒ok，但個糯米飯真係唔多得，它是炸的，但不是趣的，是硬的，內面是爛的，沒錯，是爛的，一堆淋得可怕的東東，吃了一口也不想吃下去。雜雜拼也不太行，炸春卷炸得太「透」，疑似翻炸，其他也比外面的差。個紅毛單冰因為不太期待，所以無咁「興」，椰汁三色冰ok啦....找數14x，咁既野抵唔抵?自己想想吧.....味道2分：沒有出色的菜色，只有不好吃的菜色....環境2分：其實幾企理，不過太迫，抬太細....服務2分：表現不太行，禮貌不太周到....衛生2分：有蚊><抵食2分：沒有套餐，飲品要另叫，食物質數與價格不相等....

今日同朋友係市中心搵野食...因為正正係Lunch Time...好多地方都要等好耐...因為肚子餓既原故...今日就去左Lei間小巴黎...入到去...五個人要坐3~4人既位子都不在話下...因為我坐正係路邊位子...我已經同後面個位客人背貼背...但係d員工都仲要拎住d野係我地中心行黎行去...一個唔小心...整落d客到點算呀?算...忍一忍就過...叫野食...因為朋友想叫個蝦餅食...但係其實個Menu「蝦餅」個名唔係叫「蝦餅」跟住阿姐only講左句「唔係lei個名呀...」但係我地都唔知佢有無落單...最後...朋友都係無得食...唉...白等左...食完個Lunch...正常都想叫野飲...正當我地睇緊個set menu講set drink個陣...阿姐聽到我地講野...無啦啦好無禮貌咁爆左聲「5蚊呀!飲咩呀你!」我d火真係無名上黎...最後嬲嬲地咁出門口...我覺得...旺唔緊要...但真係要provide返d基本service囉...service同product都一樣重要ga ma~下次...都係咪攪我!!

在屯元區的越南菜館不多，若論人氣，相信非位於屯門市廣場的小巴黎越南餐廳莫屬。這裡較著名的分別是各式越南檬粉和香茅豬扒飯，一向於午飯時間胃口不大，所以，這次只點了一碗沙爹牛肉檬粉，以及一杯鹹檸梳打。由於鹹檸梳打所選用之梳打為越南入口貨，成本稍高，所以未能像其他如奶茶、咖啡飲品般以特價跟食物供應，每杯必須以正價15元發售。沙爹牛肉檬粉19元，這頓午餐連加一小費共40元。膠杯內放了一小塊鹹檸檬，以及冰塊和飲管，與越南梳打另上，份量調配算合格，只是膠杯有點髒，拿上手才發覺「油淋淋」的，只好用紙巾包著杯子；此外，在杯內看到一些冰塊有少許黑色的點點，不知是否因為鹹檸檬的關係？但之前到其他越南菜館喝這款飲品也未試過有此情況出現，但眼見為數不多，只是自行揀選出來便算，幸好喝了之後也沒有感到甚麼不適的地方。沙爹牛肉檬粉的賣相尚可，牛肉的刀功十分粗糙，但口感還可以，不像一些食店般，以大量梳打粉將牛肉醃到毫無「性格」，還是吃到淡淡牛肉的味道，尚算合格吧！沙爹汁方面，只屬一般貨色，未能吃到沙爹特有的香、甜味道，難以留下深刻印象，尚幸湯底算清甜，因而挽回一點分數。不過，這家店也算頗奇怪，在一般越南菜館吃檬粉時，

一看見小巴黎，特別記得媽媽在我十多歲的時候常常買豬扒撈檬回家給我們吃．現在，經過市中心時，都會多看它幾眼。因為男朋友好像不太喜歡吃小巴黎，所以好少機會可以常常吃．難得，有天他突然提議吃小巴黎．真好喔～這次不再豬扒撈檬了，因為一大塊的豬扒感覺好滯好飽．不過我都一定向別人推介它的豬扒撈檬啊！我選了烤牛肉撈檬，上桌時，已經流口水了＝ｐ我倒了大半樽那個”魚露”．哈哈！實在太讚啦！這間小巴黎可是在屯門屹立不倒，同樣在我心中也是一樣。

咱家六百多個食評裡面，居然沒有一個食評是關於屯門區的食店的，可想而知對這個是遠還是近的地方認識有多少可想而知！當然，屯門區出名的食店不小，但若以人氣度來說，這小巴黎可算無出其佑，況且早已有打算光顧她一次！是日雷聲作響，打著傘到元朗處理完事情後就回到杯渡，當然就過來這裡嚐一下出名的香茅豬扒飯多蔥及燒牛肉湯濛；可能仍是空閑時間或是其他食家誤會，這裡的服務員阿姐沒傳說中的呼來喝去的服務態度，耐心等待點菜落單之外要求她跑到廚房更改飲品訂單都盡量幫忙，服務這欄應記一功！位列屯門區頭牌食肆果然有其幾道板斧，燒牛肉湯濛裡的燒牛肉仍是汁多味鮮，配上上湯及不綿不碎的濛粉，這湯濛應比起乾濛更值得捧場；香茅豬扒不是炸至乾透的那種，咬下還是肉汁豐膩，可惜豬扒厚度可能跟成本掛釣而變薄，若能再加厚一點就相當Perfect了，而這裡的多蔥是不論嗇的，雖然較為肥膩，但配上白飯，無語論之！後話一：沙田的小巴黎好像跟這裡都有點淵源，但可惜近年江河愈下，而這裡所嚐到的味道，就是十多年前沙田店的味道；後話二：屯門始終是一個陌生的地方，怎樣都了解不了，下趟過來可能已經是另一景致！

本來我覺得呢間野都幾好食,價錢又合理,已經唔止一次幫趁,但我諗無下次.話說我同男朋友去食set lunch,餐牌上寫跟餐轉椰青+$5,亦都無限話假期除外,當時落單呀姐亦無remind我地任何野點知中招!!埋單發現貴左,一check單收銀居然話椰青無得跟餐,要收正價$22,落單呀姐無同你講咩???此時好戲劇咁落單呀姐(路過唱雙黃:我咪同左你講囉(高8度),跟住店內其他呀姐你一言我一語,算喇!!當我唔好彩,比錢走人(*註:lunch set包飲品,就算...我當椰青真係收正價-夾硬來-_-",咁都減番幾蚊原則杯餐飲$$)我唔知小巴黎用呢個手段年中呃幾多人幾多$$$,我好失望...佢0地做生意手法我唔敢苟同!!唉......

星期六收工返到屯門, 多數都去le道, 因為人唔係太多, 又好食!!!方便, 快捷!!我多數都係叫豬扒飯, 而老公就叫生牛河, le兩個都係主打野食, 永冇失手, 我地細細個已經幫襯佢地, 不過係食荃灣果間, 之後就沙田, 之後屯門上面果間, 而家就le一間.而另一樣就係佢個炸蝦餅, 非常好味!!上次試左個沙爹蝦河, D沙爹味好OK, 不過D蝦就好小, 好似食緊沙爹河咁囉!!!不過, 需要答枱, 有D人就唔OK, 我地就冇所謂, 因為我地食野好快, 唔會係道hea 上次對面姐姐仔加汁(咖哩), 原來係可以架喎! 不過佢會拎左阿姐姐仔成碟飯入去加~~哈哈))

星期四, 一家幾口來了這裡吃飯, 塞滿了好多等枱架人, 我們好不容易等左9個字先可以入座, 坐底左感到好肚餓.叫左--香麻豬扒飯, 豬扒多汁, 好味, --春卷, 素菜春卷, 熱烘烘, 椰汁綠豆糯米飯煎蛋可說是一味甜食，椰汁與綠豆混進了糯米之中，使綠豆的甜味十分清晰。脹卜卜的香茅雞翼 ， 永遠上枱的時候都是熱騰騰的，鼻子也聞到雞翼的香味。

小巴黎1x年前~只係屯門市中心一間電梯底~衛生情況有點嚇人ge小店但個時已經好多人幫襯今時今日~衛生情況當然改善了很多很多很多~還在各區都有分店~但據小比所知~分店ge 質素都幾參差幾唔穩定~但屯門總店質素卻愈來愈好~還在市中心另一商場開埋分店~生意繼續做唔晒小比不愛吃濃味的東西~每次吃越南野~都是撈檬為首~因為夠清淡~仲可以狂落酸辣魚露醋~~~~~hehehe今晚小比就叫了雞絲扎肉凍檬~呢度d野~愈黎愈大碗~hahaha~超正!!!下了人家半大樽醋~hahahaha~超colourful~好味~hee花生炸蒜蓉~油浸蔥~加埋青瓜絲同酸辣汁~已經好match~原本無味ge檬粉都頓時間融入在一起~反之然~雞絲同扎肉~在小比眼裡只是陪襯品~甚少入口~haha這裡另一超讚之作係每檯必點的香茅豬扒飯今晚大比就叫了豬扒雞翼飯~多蔥!雖然佢可以配沙嗲~咖哩~茄汁~~不過當然最original要蔥油啦!!份量之大~~也只是$2x~~絕對抵吃~不過豬扒大細同件數都次次不同~看彩數了吧~始終都唔係機器啤出黎~細左dd都唔好鬧人先得ga吩咐了多蔥~對了版~~好吸引!以前叫多蔥但少油~不禮貌ge呀姐一定會話

好似有年幾無食過小巴黎。不斷加價, 由$17到而家$24; 生意唔憂做, 迫到辛苦過大排檔、阿姐惡過d客…今次再叫依然覺得佢o既撈檬酸汁係好正, 加埋d炸蒜片、花生碎、生菜絲同青瓜絲, 口感一流! 當然豬扒都係薄薄的, 一d香芧味都無。我諗我依然都會一年來一次