小巷弄

营业中

休息中

首先地點好正係一個近海嘅新商場但又唔會太多人食完晚餐搭船返九龍情調一流第二就係價錢平晚市五十幾蚊都食到碗麵第三就係天口熱辣辣唔係要喺啲台式飲品門口排隊呀嘛？咁梗係一路食一路似啦第四痴線明明係車仔麵料但好過車仔麵咁多嘅台灣麵個牛肉湯底真係冇得輸的係會唔小心飲哂成碗而且啲大腸點解可以俾哂啲咁肥美咁啖啖肉嘅我架❤️瘦嗰part到底去哂邊😂最正最正係連甜品都有得喺度食唔洗出去再搵過甜品店等過位（溫馨提示：北角甜品店好似數埋唔夠五間）

今日去開北角行街喺附近等嘢食發現附近大多數都係食燒味麵嘅餐廳 行行吓見到北角匯有間新嘅台灣野梗係入去試吓啦三牛薈🐂$74 麻辣醬乾拌麵入邊分別有牛肚牛筋同埋牛展 亦都有唔少配菜青瓜是酸蘿蔔等等 最緊要嘅係佢哋嘅麻辣醬汁配得幾好用嚟送麵都幾開胃㗎牛肉香蔥手抓捲餅🌯🥙$40呢個價錢有四大舊嘅卷 入邊分別係牛肉同埋唔少嘅椰菜絲 牛肉加埋椰菜絲嘅配搭令到呢個卷餅冇咁油膩 同時又有飽肚感 味道唔錯得來又可以唔使食得咁肥膩健康少少 食完個正餐想叫多個小食都可以食下最值得一讚黎親都encore嘅一定係佢哋杯嘢飲！芋香珍珠奶茶 🧋微糖大熱天時飲番杯凍冰冰嘅芋香奶茶真係透心涼 而且佢嘅芋頭味到好足 唔似其他飲品店舖飲落去得個死甜 好香濃嘅芋頭味 鍾意飲芋頭嘅一定要試吓😋總括嚟講呢間開喺商場入邊嘅餐廳價錢唔算貴而且味道幾特別 而且喺北角嘅台灣餐廳數一數二 鍾意台灣野嘅一定要試吓

晚上來到北角匯，食店臨立，選擇太多，經過這店前，就進去一試，這裡食品選擇不多，即啱我這類選擇困難症的人，兩人剛好點兩個餐已經十分滿足牛腩半筋半肉，牛筋非常軟滑，牛腩肉亦軟嫩，好味但另一個餐是鹽酥雞排肉燥飯，雞排略嫌太乾身冇肉汁，加上係飯，更加乾，但整體係好味嘅。

今日又比我發覺到北角有一間新嘅台灣餐廳 我最鍾意食台灣野梗係入去試吓啦蚵仔煎$46一邊分別有煙銀彈牙既屙仔煎餅皮 好多嘅椰菜絲同埋雞蛋🥚 食落去非常有咬口 而且蚵仔份量都okay 整體來講唔錯麻辣牛肚絲$30叫咗呢個麻辣牛肚絲當係小食 份量雖然唔多但係佢哋嘅醬汁配得好好 所以非常好胃口好快就食完 辣辣地麻麻哋 都幾過癮宜蘭埋你蔥肉咸饀餅$28呢個價錢有四小舊 每舊都有幾香嘅肉餡 同埋咬落去會必出嚟嘅肉汁🤪 鍾意食餡餅🥙嘅朋友唔可以錯過芋香珍珠奶茶🧋$25最後呢個飲品最值得推介 好多台灣食肆嘅飲品都做得一般 但係呢間台灣食肆嘅芋香珍珠奶茶味道掌握得幾好 飲落去唔會太過淡口而且珍珠又有少少咬口 唔會好似其他珍珠奶茶店咁得死甜 非常值得一試總括嚟講呢間新嘅外賣餐廳性價比都唔錯附近又冇乜台灣餐廳所以住呢區又鍾意台灣嘢食嘅一定要來呢度試吓

北角一向比較難找到台灣菜，所以知道開了這間小巷弄非常開心。本來想試它的茶飲的，但由於時間比較晚，姐姐又在家中煮飯了，所以還是改試它的小食。餐廳環境光猛，坐位不迫夾，多處設有酒精消毒用品，可以放心用膳。我這次是外賣，店員貼心提醒回家要立刻享用，方能食到最佳口感。台灣菜當然少不了蚵仔煎、鹽酥大雞排和手抓餅，我這次正正點了這三款。蚵仔煎的蚵仔雖然不大，但蛋、粉漿跟醬的比例恰到好處，吃得我津津有味。鹽酥大雞排有四款味道，我選了海苔味。雞排炸得酥脆，海苔碎更是錦上添花，自己在家炸真的炸不出這個質素和美道。雞排大大塊，非常滿足啊﹗手抓餅我選了牛肉香蔥，特別之處是牛肉是牛展來的，入味香口。除了以上這些，還有午餐跟下午茶之選，有芋圓仙草啊﹗下次一定要試﹗

北角開咗個新嘅商場 所以同老公放工過嚟行吓街順便食埋dinner 行過見到有間台灣麵好似幾吸引就入咗嚟Menu都算好多野揀 除咗湯麵仲有米粉 便當（滷肉飯） 或者拌麵我地叫左 紅燒牛肉滷肉便當 $68牛肚牛筋牛骨湯麵 $62一份小食 鹽酥雞扒 （香辣）$38個紅燒牛肉超驚喜 牛肉超腍！ 佢做到入口即溶 而且肥瘦適中 真心驚喜 個飯除咗滷肉仲有滷水蛋 唔會好咸 送飯好味！牛筋牛肚都要讚 完全唔會韌 特別係啲牛筋🤩 全部都好易入口 唔會好難咬湯都好好飲 碗麵仲有一舊白蘿蔔 好入味同埋要介紹吓呢度嘅辣菜脯 我落咗兩匙🤣 正 至於鹽酥雞扒 個雞皮好脆好香 我揀咗香辣 對我來講就唔辣 但好香😌😌喺港島來講食呢間$168埋單好抵 都係夠足料提提大家 個正確地址係二期 唔係一期

小巷弄紅燒牛肉湯麵$68一入口就係好香旣牛味，加上有牛筋口感好好，又有少少似厚切旣金錢展，會食到停唔到口，而且佢份量都好多，食完十分滿足。湯麵就夠煙韌唔會太淋，不錯。鹹酥大雞排麻辣醬乾拌麵$65至於鹹酥大雞排乾拌麵，店員一放低就聞到好香炸野味，不過好好彩食落完全唔會感覺油膩，面層炸到好脆，而且雞肉亦唔會太乾，再配上麻辣醬食十分惹味。不過唔食得辣旣朋友要注意下，友人覺得有點辣呢，我就覺得好正！！！🤣蚵仔煎$46非常大份，用料一d都唔呃人。係台灣果種煙煙韌韌旣感覺，蚵仔好多，仲有唔少生菜，增加口感亦大大降低油膩感。金吉檸檬愛玉$19Drinks旣價錢都好平易近人，朋友叫左呢個話唔會澀，幾好飲。芋香珍珠奶茶$17偏甜，但唔係死甜，有好出旣芋頭味，個人幾中意，好有台灣味。去唔到台灣食下台灣野滿足下都不錯！

這個北角匯就是之前搭車在上邊天橋經過，看到有一大排私人樓以及海旁花園的地方。在這兒附近有工程，於是買外賣回家加餸看到有甜不辣小食拼盤，想不到甜得來只是五顆少許的東西，細細條的，但作為主題好像有點兒貨不對辦，因為另外那兩片魚蛋餅比它還要大。甜不辣總算彈牙，但太小，也要加些甜辣醬才有些味道不過也算了，因為在其他台式食品店吃甜不辣也不便宜。不過我覺得另一個小食，即是綜合珍珠芋圓仙草凍就比較好，因為它的味道不似其他甜品店那麼甜到漏，甜到口渴，又或是吃完有種口裏發酸的感覺。芋圓又有幾種顏色，有綠色、紫色、黃色、白色的，味道不像鮮芋仙那麼有芋頭味道，對於我這種不愛吃芋頭的人就剛剛好，珍珠即使浸在仙草冰裏邊都不會使他軟林，仙草份量雖然不多，不過都算夠韌、彈牙。

環境：餐廳燈光好足好光猛，枱與枱之間都有跟防疫規定設卡板，冷氣足夠，坐埋邊都夠涼食物：半筋半肉牛肉麵好惹味，湯底有微辣勁香牛肉味，麵條、生菜同牛筋吸曬所有湯汁一啖過食，味道一流。滷蛋豆腐干則同台灣既有啲唔同，滷水蛋入味，豆腐干都係幾好食既前菜，我地再叫左塊鹽酥大雞排，真係好大塊，但佢炸得幾好係唔會皮同肉散曬，上枱仍然保持到雞扒有肉汁，簡單既椒鹽味已經足夠，麻辣牛肚絲非常好吃，麻辣味後勁恰好，牛肚夠稔唔係橡筋服務：職員有禮貌，每次回應速度快，跟進落單都即叫即幫

最近好鍾意嚟北角匯呢個商場，入面有唔少嘢食。今晚收工就嚟到小巷弄食台灣嘢。小巷弄係商場外圍，睇完商場水牌要搵一陣~ 大部份諗到嘅台灣食品呢度都有。好似雞扒，珍珠奶茶。最驚喜仲有我至愛嘅蚵仔煎，同麵線。蚵仔煎好大份，都幾正宗，煙煙韌韌，有啲菜係入面麵線我都係揀咗蚵仔，稀杰適中。如要加醋的話要問店員取。主食方面仲叫咗香腸米粉。有成3大條香腸！！湯底唔係清湯，係店家調較的。搭配的白蘿蔔很清甜另外仲叫咗炸花枝丸同綜合丸湯，各有5粒。花枝丸頗彈牙，係薄薄炸漿嗰種。飲品揀鳳梨蘆筍多多，可以自己選冰度及甜度，很方便。整體份量很大，非常抵食

小巷弄，位於北角匯商埸，店舖佈置簡約整潔，主打台灣食品。餐牌設計環保又簡單，選擇非常多而且靈活彈性，絕對適合有各式各樣要求的人。主菜台式香腸米粉($58)，牛骨湯底味濃，米粉口味極似台式米粉，而且份量極多，女士們真的可能考慮要分享一下。推介必點項目，蚵仔煎，炸花枝丸，蚵仔麵線，綜合丸湯等等，味道，口感，醬汁，湯底等等，非常正宗台灣口味，感覺置身台灣小店一樣。飲品方面亦與一般台式飲品店無異，選擇非常多，冷熱隨意，總有一款合心意。

第一個感覺就係冇冷氣，初初諗住可能係30幾度咁熱行入黎啦，點知坐到食完埋單走人都仲係覺得冇冷氣...好焗咁食完成餐飯手抓餅最失望，同台灣菜冇咩關係🙃入面一大堆椰菜絲，完全唔係個回事2個麵都叫左牛骨湯底，仲有小食炸花枝丸，味道係ok嘅野飲2杯都叫左奶蓋...我覺得味道淡左少少埋單$242望上佢天花，見到好多細細部嘅風扇吹住，仲有一部大風機...感覺似係冷氣壞左但唔出聲囉，老公話冇下次

好掛住蚵仔大腸麵線所以即日就搵間台灣野食，一定要過口癮！😍最中意台式餐廳有野食而且有齊台式手搖揀，最重要啲野食係平！靚！正！我點左碗綜合麵線即係包曬大腸同蚵仔都只係35蚊！！我好中意飲佢個湯底好濃郁個芡汁，係似碗仔翅既味道，大腸係滷水味，如果大家未食過台灣野我大力推薦，我本人係一食就中意左😹小食我中意食迷你葱肉餡餅，裏面幾juicy唔怕乾箏箏，而且細細件做小食好啱，唔驚食完飽左食唔到正餐，飲品輕芝士奶蓋綠茶好好飲，唔會好甜，2種味道平衡曬唔會好濟，跟餐仲可以減8蚊，抵飲😋😋

北角匯又有新食店😋經常去個頭既我當然要去試吓～仲要係賣我最鍾意嘅台灣菜😍晚飯時間去到見到9成滿，好彩都唔使排隊就入得，但遲少少到既就要等下餐牌選擇多，兩個人食叫咗兩款麵食加一款小食連飲品，好夠飽！整體質素都唔差小巷弄半筋半肉牛肉麵。 7.5/10筋同肉既比例啱啱好！牛肉軟稔易咬又入味👍🏻麵質都煮得剛好，唔會過熟係湯底層次唔夠豐富，可以改善😌鹽酥大雞排麻辣拌麵。 7.5/10鹽酥雞好脆好香！ 麻辣醬拌麵有啲辣，嗜辣既朋友可以試。麵底係同牛肉麵既麵底一樣，但拌麵既效果更佳😆蚵仔煎。 8/10好少台菜店有蚵仔煎食架！ 小巷弄既蚵仔煎仲要同記憶中係台灣夜市食到既一樣😍一定要試！金桔檸檬愛玉。 7.5/10少甜既味道剛好，唔會太酸～芋香珍珠奶茶。 7/10芋香味濃，但記得叫少甜！🌝下次想試埋其他台式小食😍全部都好似好吸引～

開o係豪宅基座商場o既台灣o野，靠近商場正門，內裡都係木色系為主，唔少台式餐廳都採納呢隻小清新style！雖然以牛肉麵自居，但其實佢仲有好多其他特色o野食，而且有下午茶餐，$30 幾$40 連埋飲品，天口興一於入o黎涼下冷氣嘆番個tea。手抓餅係台灣夜市名物，自然唔叫唔得！有兩隻口味，可以揀牛肉香蔥或者起司蛋(跟餐都係$40 無加一)，試o左前者。一大卷o既蔥油餅，餅底煎至脆口，裡面o既牛肉原來用上牛展，填入多多椰菜絲，再加o左隻類似泰式辣醬o既醬汁，吊味得o黎又少少辣咁～見到隻蘸滿滷水汁o既雞脾，相信無人可以抗拒唔流晒口水……隻滷水大雞腿(跟餐$35) 上檯時可以感受到o個股熱力不停攻出o黎，非常新鮮熱辣！醬汁深沉o既顏色味道濃甜，雞脾肉又肥美，讓人很回味。上面兩個餐都可加錢配個小碗湯米粉(加$12)，或者好似我地配下小食又得。炸花枝丸($16/3 粒) 被炸至金黃色，過口癮一流，最重要係瀋上鹽酥雞o個隻鹹辣粉，特別有風味～餐飲朋友健康d 寫o左杯杏仁茶(凍飲加$3)，我就偏好珍珠奶茶(凍飲加珍珠共加$8)，呢間d 茶味好出，茶底帶點薄荷氣息。