小店 (已結業)

同朋友交收o野，順便o係度食dinner~本來想試o下煙鵝肝，睇o下同煎鵝肝有咩分別，但眼闊肚窄，都係叫一個main course算，所以叫o左寶雲酥牛仔骨釀煙鵝肝($158)~ 鵝肝釀o左入牛仔骨o既肉入面，汁係另外用兜仔上，汁入面都有d切碎o既鵝肝~ 結論係......煙鵝肝臭臭地? haha~~ 真係好濃味~ 但牛仔骨就無肉味~ 另外一杯cappuccino ($28), 無咩味~ http://community.webshots.com/photo/141453247/297660209BTpNCW

呢輪星期日都要去九龍城,上星期見到呢間野已經想試,但因為人多冇食.今次因為雨天少人所以終於有機會.入面裝修好有歐陸風情,我差d以為自己去左外國.叫左個set lunch.d餐具質地唔錯,我幾鍾意.有個湯(唔記得乜湯),幾好飲.煎豬柳with白菌汁跟飯,d豬柳煎得唔錯,幾嫩滑.咁嫩既煎豬柳我都係第一次食到.如果飯多番少少會更好.凍奶茶都幾好味.總括來講都幾滿意.唔怪得一條兩間都咁旺.

嗌左個set, 有一個細歐陸麵包, 但唔係椗死狗, 好熱同軟熟.青豆薯容湯, 比嗌既熱茶仲凍.煎龍琍柳, 份量幾細, 有d炸薯仔伴碟.另嗌,煙三文魚天使麵w/ 茄茸汁, 好多煙三文魚, 天使麵好難得既爽口, 茄茸汁味既濃, 正.海鮮長通粉w/ 香草汁, 好香, 幾多青口同惹菌, 長通粉唔夠爽口, 同埋唔夠熱.chocolate pudding, 一切d朱古力漿就湧出咧, 果種好instant既湧法真係令我地"嘩"左聲, pudding個身非常既正, 熱辣辣, 脆口之餘又鬆軟, 好難形容~服務好好, 個似manager既人好patient同鄰檯講解menu.環境...我個人口味覺得麻麻, 但相信有d人會覺得有情調.

今晚又同朋友o黎依度食飯~ order o左:法式煎鵝肝沙律($70) - 雖然鵝肝算厚, 但$70得一塊, 好貴... 味道ok啦, 不過幾多筋~芝士焗羊肉釀波椒($48) - 一向唔鍾意食紅黃波椒, 覺得太酸, 不過今次配羊肉ok喎, 但係d芝士同羊肉都出油, 好肥膩..... 味道就一般啦, 我始終鍾意"酥"d o既羊肉~炭燒西冷扒($128) - 等o左幾耐o下, 燒得唔錯, 肉味幾濃~ 伴菜o既芝士薯仔幾好味~拿破崙餅($3X) - portion幾大, custard略濕o左d, 唔夠滑, 不過味道ok, 個pastry幾香脆~ 即磨咖啡($25) - 雖然好appreciate佢地用熱鮮奶, 但咖啡好淡, 得個苦字~以後去開九龍城食飯, 會去細舖食甜品~又係依個album:http://community.webshots.com/album/141453247wrwDaS