影片
同同学仔放lunch喺观塘揾食，㨂左呢间茶餐厅，因为有大圆枱可以够一大班人食埋一齐！食物都唔错，我食果个盐香鸡好够味！但系服务就一般啦，我地坐个位头顶开住风扇，我地就问侍应，可唔可以关左去，因为吹住好冻而且吹冻晒d食物，侍应姐姐话唔得，关左的话餐厅会好局，我地问咁可唔可以开另一把（因为见到有d细枱位既风扇冇开）侍应讲左句帮我地问下，走左之后就冇返过黎！
继续阅读
餐厅干净企理，冷气充足，有卡位及圆枱。 今晚到这里吃晚餐。小炒系列餐牌，其中有招牌咖哩牛腩， 点咗这一款招牌菜，有软腍的牛筋，有非常入味的牛腩， 与薯仔的配搭，真的很美味！微微的辣度，好香咖哩味， 而且够份量，盛载咖哩牛腩的双耳锅子好保热， 所以真的几好。虾酱通菜炒牛肉，有牛肉又有菜，再加上少许红椒丝、姜片，虾酱更令食物提升惹味效果！尝尝奶茶先， 幼滑， 红茶及奶的比例合适，好好饮，银色奶茶杯的卖相亦有小小讲究。餐厅亦有各式各样炒饭、炒粉同炒面， 下午茶餐等等……
继续阅读
寻日行开观塘，兜兜转转揾到呢间系个商业大厦一楼，观塘区想揾一间类似呢 d 餐厅都唔多，就试下呢间，叫咗个椒盐猪扒都足料及够入咩，还叫一个通菜煲，有虾酱味但比较淡 d, 如果叫任何个小菜套餐就可优惠 $10 可以拣个盐香鸡或个黄立仓鱼，拣咗盐香鸡都 ok. Overall 佢嘅小菜及价钱都合理。
继续阅读
假期最后一日，#小秘书 打算早啲返屋企，准备心情听日开工。临走前，我哋先去 #小厨港作 食个 #下午茶、吹吓水，顺便买个 #饭盒 比 #世伯 做 #晚餐😝 咁一阵就唔使搞啦！帮衬过咁多次，#小秘书 都系觉得 #师傅 嘅 炒粉面最出色👍🏻 今日我叫咗碟 #猪排炒意粉 🍝 当然唔少得 #冻柠茶🍋 做配搭啦！#小秘书 等咗大概十分钟，#猪排炒意粉 终于煮起，相比起我对上一次帮衬嘅 #干炒牛河，味道真系争咁啲。意粉味道比较淡，而且都几多油，猪排亦煎得干咗啲，不过加埋冻饮都系$40，算系超值喇！
继续阅读
门面既玻璃已经写左佢地既食物招牌！都有好多唔同野食！餐厅环境多位又舒适！若是午餐经常都要排队等位的！午餐价钱还很化算... 今天个囡囡在对面东广场下午十二点多放学，尚有时间。十一点来到了这餐厅⋯⋯写字楼全部上哂班，所以环境相当寜静！得小猫几只，我就是其中一只！本来想吃早餐.......刚刚见到枱面已换上了午餐牌！黑松露鲜菌鸡柳大虾意粉！敬送即磨咖啡。又几吸引，所以改变主意吃午餐⋯⋯黑松露意粉香上枱香气四溢。鲜菌鸡柳同意大利粉煮得几creamy。三只中虾啲虾肉几弹牙。意粉本身干身,质地爽口。可惜是黑松露望落去不太多..食落亦没有香浓的黑松露味道.我加上少少美极调味。令整个意粉的味道层次更为丰富。不过整体份理略嫌细份咗啲。三扒两拨好快就食哂....咖啡香浓又多奶，热度十足。坐到十二点𫔰始多客便埋单走人。一客意粉收$45，价钱都唔平。同区午餐通常有埋餐汤同热饮⋯⋯但食落知佢货真价实⋯⋯所以都帮衬好多次！
继续阅读