小廚港作 (已結業)

同同學仔放lunch喺觀塘搵食，㨂左呢間茶餐廳，因為有大圓枱可以夠一大班人食埋一齊！食物都唔錯，我食果個鹽香雞好夠味！但係服務就一般啦，我地坐個位頭頂開住風扇，我地就問侍應，可唔可以關左去，因為吹住好凍而且吹凍曬d食物，侍應姐姐話唔得，關左的話餐廳會好侷，我地問咁可唔可以開另一把（因為見到有d細枱位既風扇冇開）侍應講左句幫我地問下，走左之後就冇返過黎！

餐廳乾淨企理，冷氣充足，有卡位及圓枱。 今晚到這裏吃晚餐。小炒系列餐牌，其中有招牌咖哩牛腩， 點咗這一款招牌菜，有軟腍的牛筋，有非常入味的牛腩， 與薯仔的配搭，真的很美味！微微的辣度，好香咖哩味， 而且夠份量，盛載咖哩牛腩的雙耳鍋子好保熱， 所以真的幾好。蝦醬通菜炒牛肉，有牛肉又有菜，再加上少許紅椒絲、薑片，蝦醬更令食物提升惹味效果！嚐嚐奶茶先， 幼滑， 紅茶及奶的比例合適，好好飲，銀色奶茶杯的賣相亦有小小講究。餐廳亦有各式各樣炒飯、炒粉同炒麪， 下午茶餐等等……

尋日行開觀塘，兜兜轉轉搵到呢間係個商業大廈一樓，觀塘區想揾一間類似呢 d 餐廳都唔多，就試下呢間，叫咗個椒鹽豬扒都足料及夠入咩，還叫一個通菜煲，有蝦醬味但比較淡 d, 如果叫任何個小菜套餐就可優惠 $10 可以揀個鹽香雞或個黃立倉魚，揀咗鹽香雞都 ok. Overall 佢嘅小菜及價錢都合理。

假期最後一日，#小秘書 打算早啲返屋企，準備心情聽日開工。臨走前，我哋先去 #小廚港作 食個 #下午茶、吹吓水，順便買個 #飯盒 比 #世伯 做 #晚餐😝 咁一陣就唔使搞啦！幫襯過咁多次，#小秘書 都係覺得 #師傅 嘅 炒粉麵最出色👍🏻 今日我叫咗碟 #豬排炒意粉 🍝 當然唔少得 #凍檸茶🍋 做配搭啦！#小秘書 等咗大概十分鐘，#豬排炒意粉 終於煮起，相比起我對上一次幫襯嘅 #乾炒牛河，味道真係爭咁啲。意粉味道比較淡，而且都幾多油，豬排亦煎得乾咗啲，不過加埋凍飲都係$40，算係超值喇！

門面既玻璃已經寫左佢地既食物招牌！都有好多唔同野食！餐廳環境多位又舒適！若是午餐經常都要排隊等位的！午餐價錢還很化算... 今天個囡囡在對面東廣場下午十二點多放學，尚有時間。十一點來到了這餐廳⋯⋯寫字樓全部上哂班，所以環境相當寜靜！得小貓幾隻，我就是其中一隻！本來想吃早餐.......剛剛見到枱面已換上了午餐牌！黑松露鮮菌雞柳大蝦意粉！敬送即磨咖啡。又幾吸引，所以改變主意吃午餐⋯⋯黑松露意粉香上枱香氣四溢。鮮菌雞柳同意大利粉煮得幾creamy。三隻中蝦啲蝦肉幾彈牙。意粉本身乾身,質地爽口。可惜是黑松露望落去不太多..食落亦沒有香濃的黑松露味道.我加上少少美極調味。令整個意粉的味道層次更為豐富。不過整體份理略嫌細份咗啲。三扒兩撥好快就食哂....咖啡香濃又多奶，熱度十足。坐到十二點閞始多客便埋單走人。一客意粉收$45，價錢都唔平。同區午餐通常有埋餐湯同熱飲⋯⋯但食落知佢貨真價實⋯⋯所以都幫襯好多次！

喺觀塘工廠區開咗好多食肆食肆之間競爭 十分劇烈。食肆鋪頭一定有佢嘅招牌菜式，才能取勝。小廚港作位於一個翻新嘅工廠大廈1樓，同層都係食肆。有來過哩頭食幾次，但一直未試呢間。今日中午我叫咗鹽焗雞飯， 雞肉份量少滑肉嫩配三款醬料 整體合格！另外位同事叫咖哩牛腩飯咖哩都幾香，牛腩幾諗幾入味， 唔知係唔係隔離飯香，我覺得好食過我嗰個雞飯另一位同事叫 "港式all day breakfast" , 即係 常餐，亦不錯！有奶油脆豬加煎雞旦，豬扒通心粉。整體而言所有餐到合格不過不失

同事間中提起呢間茶餐廳幾好味, 價錢又不貴, 今日來試了。我和一位同事一坐低就即刻 order 左兩份是日 set lunch A ~ 黑椒汁牛扒跟意粉, 一個餐跟熱華田, 一個餐跟紅豆冰。牛扒餐好快上枱了, 牛扒是大大塊的, 可惜一望已見到 overcook 了。意粉份量 ok, 也甚有咬口, 軟硬度剛好, 要讚個黑椒汁超好味。我與同事都要很用力去切牛扒, 刀不夠好, 要大大力搭救。牛扒食落口感很差, 又乾又鞋, 如同吃牛肉乾一樣, 而且醃料味太濃太重手, 頗咸, 唉!唯有感歎點錯了餐, 破壞了吃飯的心情!紅豆冰很多紅豆, 足足有半杯, 紅豆很淋很香, 同奶的比例也是很好, 很豐富的味道。雖然跟餐要加 $8, 但值得的。因為同事覺得我們點錯餐, 其他多士及米粉餐也正常的好味。以價錢而言, 它是不錯的, 唯有下次再試其他食物吧!

下午茶叫了個飯和熱檸水，大家可睇下圖片杯熱飲個杯邊，成撻我唔考究係乜污積，總之係污積，用啲力刮了一下係會甩。。。擺明無洗干淨上手留下來的殘餘物！問你仲敢唔敢去？我就第一次來，也是最後一次。事關個員工拎杯野來時佢望到杯邊就窒左一下，最後都放低比我，我一望。。。嘩！即係個員工都睇到啦，仲放低？可能大家會叫我換，我就唔敢了。。見到大家這個個質素，我叫換，恐怕只是換過個杯，即係將𥚃面啲野倒落另一個杯到。。。我寧願唔飲啦碟飯普通野，份量極少，食完無感覺。環境，2個阿姐拿住地拖喺度拖。。食緊野就唔想聞到啲清潔劑味。。個地干淨又點？啲器皿呢。。唉

今日系觀塘做完野入咗去一間茶餐廳 - 小廚港作餐肚，咁啱下午茶開始，所以望下個餐牌見個石鍋香辣菜脯肉碎煎蛋好吸引，於是叫咗雞扒並炒飯底，個飯黎到都幾ok, 熱辣辣香嘖嘖，辣辣地仲好野味，最正系食到尾有飯焦👍🏻$37凍飲加$3，齊頭$40，價錢ok 野都好味。

兩個師奶早上送完囡囡去上堂後！有一個小時時間！冇野做。最好當然係食個靚靚早餐才接返囡囡！就啱啱好啦！就在樓下的小廚港作。店子很大，座位頗多，雖然有佷多卡位，但早餐人多。剛剛好有卡位！餐牌中的早餐選擇真多，麵餐，麥皮以外。還有番茄粉火腿奄列餐。 今日叫咗個番茄蜆殻粉+奶油豬+火腿奄列！（個人很喜歡吃蜆殻粉，因為它比較軟身）出奇的好味道！坐卡位舒服，唔會趕你走！番茄湯即係羅宋湯。羅宋湯的番茄味道好香濃。蜆殻粉Q彈滑溜。啖啖蔬菜之餘，仲有大大件嘅牛腩。肉質肥瘦均勻、口感非常好啊！火腿奄列唔油甚好吃，蛋不是全熟的！火腿味道夠，有水準奶油豬夠脆口我飲連熱檸檬茶一杯，31元，朋友凍飲加2元是質素不錯的早餐

行過好多次，今早才發現有間環境不錯的地方吃早餐，價錢比食堂差不多，感覺就舒服多，叫左C2早餐，多士脆脆的，麵不會太淋，奶茶都唔錯；只是第一次食，可以吃多幾次，睇下其他食物知何。

觀塘工廠大廈越開越多茶餐廳 好多仲好平添😼 但係呢一間就唔係喺工廠大廈入面 而係喺東廣場對面嘅電訊一代廣場呢間餐廳特別多大檯 可能係lunch hour好多一大班打工仔會嚟食啦 餐廳好光猛 比起工廠大廈嘅canteen更加吸引😻呢間嘅早餐都有好多款式 見到隔離檯食豬扒包好似好大件 好吸引咁😮 不過又想食得飽啲 最後叫咗個茄腩湯通粉配火腿奄列奶油豬 個茄腩湯真係好濃郁 食得出有好多料 真係食到有牛腩 我連成碗湯都飲埋 好正🤤 奶油豬好脆好好食 塊奄列又大塊 好值得推介同行朋友叫嘅沙嗲牛肉麵就一般般啦 份量都幾足夠嘅 熱飲就用不銹鋼杯 非常存熱 唔會擺一陣就凍晒 最怕飲到啲唔熱唔凍嘅野飲👍🏻食完個靚早餐又要去返工 強烈推薦大家食茄腩湯通粉 湯底真係一流🤤🤤

小秘書去完旅行返嚟，梗係要喺星期一返工之前做啲「維修」工作先見得人💆‍♀️ 漫漫長日，當然要先去食個大早餐先夠氣夠力頂到下晝啦😁今日小秘書嚟到「小廚港作」，見餐牌上有咁多唔同配搭，患上嚴重選擇困難症嘅我... 一於隔離嗰個食乜我就食咩啦。講真用牛排做早餐我都係第一次，套餐份量勁誇張，除咗牛排之外，仲有火腿奄列、厚多士、火腿通粉、同埋熱奶茶😋「小廚港作」啲食物一向都靠得住嘅，今日塊牛排都算嫩，不過咁梗係唔可以講到佢又新鮮又juicy咁鬼假啦。$35有咁多嘢食，真係好抵㗎喇！

在觀塘想食一個快飯，到呢間都唔錯，跟侍應落單，眼見他按完手上的落單機，另一位侍應已放下所點的餐及飲品在你面前，你一放下食具，侍應已經問你 :「可以收得嗎?」，不過只要望向大門，見到等候的人頗多，就會理解。午餐我點了蜜汁金沙骨拼帶子配薯角，飲品當然是我的至愛的熱奶茶($43)。金沙骨配蜜汁，帶子配蒜蓉汁，唔揀意粉或飯，要薯角是對的選擇，因外皮脆脆內有香香薯味，仲有小小椰菜伴碟喔！吃一個午餐有幾個味道已覺得比一般快餐好。

觀塘返咗三年工，呢間係耐唔耐都會幫襯既餐廳之一。以前下午茶時段係2:30，等唔到咁晏～而家有新既下午茶餐牌，仲要提前左半小時，啱晒我～yeah～下午茶餐牌係固定既，而午餐牌每日都會轉，兩點去到都仲可以叫是日午餐架，不過我慳精，有平食平！有真係下午茶，即係包、西多、雞脾⋯⋯亦都有飽肚既粉、麵、飯～份量都ok飽架香煎厚切豬柳蕃茄焗飯之前午餐食過，價錢$4x，而家$36～飯量減左啲，但塊豬扒都算厚，面積與小鍋相約，一樣係炒飯底，但今日塊扒入面乾身左啲，有啲嘞。個茄汁係傳統茶餐廳味道～調味適中～唔洗加一，下午茶價錢，食得飽飽，有嘢飲，唔洗搭枱，食飽可以坐下打機吹水～