影片
电话号码
92962130 (WhatsApp)
营业时间
今日营业
11:30 - 21:00
星期一至日
11:30 - 21:00
以上资料只供参考，请与餐厅确认详情
近排發現原來荔枝角好多隱世美食，今日去咗工廈入面嘅小清新小念頭到食晚餐！主角揀咗香煎牛舌芯同雲吞麵！香煎牛舌芯好有驚喜！ 油脂味香濃而且牛味重，配菜都好吸引，手清貢菜甜甜地爽口！而配飯就加少少甜多多咸蛋黄飯，超大碗！我哋2個女仔食 真係好飽！咸蛋黃咸香好易入口！套餐配飲品就揀咗黑杞子桑葚蜜，最岩依加天氣，可以滋潤下！另一款主食揀咗雲吞麵，同出面食開嘅好唔同，手工炸蝦雲吞炸到勁香脆，而內裏好juicy! 麵汁係尼泊爾Momo Chutney汁配意大利麵，酸酸甜甜咁好特別！餐飲配黑糖奶蓋阿薩姆紅茶，甜甜地茶香十足！套餐仲可加配小食，芝麻雞翼同唐揚雞軟骨！記得要試呢到嘅cheese cake, 焙茶金莎巴斯克芝士蛋糕，金莎味超濃，食食下就有茶香出嚟，味道非常有層次！
继续阅读
呢間係荔枝角工廈既餐廳好多人都話唔錯，難得今日來呢邊就去試下先。牛舌芯同雲吞麵都係必試既，牛舌芯配少少甜多多咸蛋黃飯，飯既份量超多，但就有少少乾，但配合厚切牛舌芯食用，非常美味。雲吞麵睇落平平無期，但食落外皮超脆，入面既餡好juicy,,意粉酸酸甜甜，好惹味又開胃。黑糖奶蓋阿薩母紅茶，唔太甜茶味濃，黑杞子桑椹蜜，甜甜地，補眼之選。呢度既甜品都好出色，焙茶金莎巴斯克芝士蛋糕，甜度岩岩好，濃濃芝士香滲出淡淡茶香，一定要試。
继续阅读
[ #荔枝角美食 #caloriefoodie荔枝角 ] • 小 念 頭 •🐿-話說好耐之前食過小念頭旺角舊店個陣仲係茶味蛋糕專門店🍰頗有人氣呢家搖身一變 已經變咗一間日式𝙲𝚊𝚏𝚎🌿依舊保留茶味元素✨但款式好多都唔同咗了-🐥 肯定係秘製辣千島醬薯球炸雞 💰$74辣千島醬薯球大約係譚仔三小辣程度🥵食唔得太辣嘅朋友請注意!!怕你受唔住🤣呢份即係薯仔沙律配炸雞 炸雞幾香脆!!而辣千島醬薯球就辣得幾過癮 口感亦唔錯-🐮 香煎牛舌芯 💰$92推薦🌟牛舌芯口感爽滑軟腍 帶點油脂感中間部份呈半熟粉嫩 熟度剛剛好食得好滿足👅配上涼拌木耳~-🧋黑糖奶蓋阿薩姆紅茶 𝚂𝙴𝚃 +💰$10茶底清香 配上甜甜嘅黑糖奶蓋-🍫 焙茶鮮奶朱古力 𝚂𝙴𝚃 +💰$18超濃郁嘅朱古力 焙茶撞上朱古力偏苦澀 -🍎 伯爵茶戚風蛋糕配焦糖蘋果 𝚂𝙴𝚃 +💰$36戚風蛋糕口感鬆軟 味道清香配上焦糖蘋果醬料 增添甜味✨-🍰 焙茶金莎巴斯克芝士蛋糕 𝚂𝙴𝚃 +💰$38巴斯克芝士蛋糕中間部份加上金莎醬料令焙茶味無咁單調 而且令味道上更甜如果更口感更軟心就會更鐘意☺️-📍 荔枝角長沙灣道883號億利工業中心9樓903號舖-#caloriefoodie
继续阅读
小念頭 (億利工業中心) (荔枝角)假期難得嚟到荔枝角區就去咗 小念頭 食午餐聽聞呢間店平日夜晚都好多人但估唔到連假期嘅午飯時間都一樣我哋坐低咗一陣就陸續有人嚟到唔駛一陣就已經坐滿晒仲要有人等位添~不過佢哋上菜速度都好快所以見到都唔改排好耐就可以入到去餐廳地點好就腳喺港鐵站行唔駛5分鐘就到裡面環境算舒適座位亦好多但如果人多嘅時候遇到2-3枱嘈少少嘅話會幾應聲要特別讚一下店員好有禮貌睇得出佢嘅親切係由心發出嚟會俾佢感染到自己都開心埋~會唔會太誇張？www但我真係咁覺得仲有以呢個價錢食到呢個用心嘅擺盤真心難得睇得出佢哋喺配襯器具上有花過心思雲吞麵 (手工炸蝦雲吞 尼泊爾Momo Chutney汁意大利麵 *含杏仁)-睇個名會以為中式嗰隻雲吞麵ww 但其實係用雲吞皮包住蝦肉及薯蓉後再炸過嘅手工雲吞 一碟有3粒, 都好大大粒 雲吞皮炸得好香脆 蝦肉薯蓉餡又幾夾 而煮意粉用嘅Chutney汁 平時係較常用嚟搭配尼泊爾MOMO食用 食落少少酸酸甜甜幾好食 而且意粉粉量非常多 仲有有麵豉湯 真心好抵食！涼拌蒜蓉麻醬油麥菜 +$12-排列得好精緻 油麥菜鮮嫩 配上蒜蓉麻醬香口惹味肯定係秘製辣千島醬薯球炸雞 (辛)-一嚟到俾佢嚇親 堆砌到好高好靚 最上面係薯蓉同蟹子 下面墊咗蕃茄仔同大量沙律菜 炸雞件有4大件 外層香脆裡面嫩滑 再配上特制嘅辣味千島醬 非常惹味 除咗辣味千島醬外 仲有檸檬附上 可以多一種食法選擇 配有黑芝麻飯同麵豉湯 同樣大份又抵食芝麻雞翼 +$10-成隻雞翼佈滿晒芝麻 非常香口冷‧ 手煮蘋果愛玉茶 +$18-裡面好多煮成蓉狀嘅蘋果肉 但蘋果都有少少粒狀再加埋愛玉增加口感 茶味清甜 好鍾意呢杯飲品, 好想再去飲！熱‧ 東方美人 +$10-東方美人係其中一種發酵烏龍茶 店員提醒要焗耐少少時間 茶味不苦不澀，甘甜醇厚咖啡酒烤芝士蛋糕 +$38-咖啡酒味未算好重 所以唔好酒味嘅都無問題 芝士蛋糕綿密濃郁 食完有種滿足的感覺伯爵茶戚風蛋糕 配焦糖蘋果 +$36-伯爵茶味明顯 如果無睇錯嘅話 連搭配嘅忌廉都有落咗伯爵茶葉 戚風蛋糕做到濕潤鬆軟 上面放有幾粒煮過嘅焦糖蘋果添有機會一定嚟試埋佢哋嘅戚風三文治同Tiramisu小念頭 (億利工業中心) (荔枝角)荔枝角長沙灣道883號億利工業中心9樓903號舖
继续阅读
假日約了友人到荔枝角D2行下順便食Lunch，上網見到一間餐廳，主菜及甜品都幾吸引一於試下，因為早去到餐廳剛開門唔太多人，之後越來越多人要等位，好彩早去。餐廳面積中等，裝潢以白色及木系為主調，感覺柔和，木架上擺放不少綠色植物，簡約得來帶點小清新之感。QR Code落單，食物都幾多選擇，見到推薦菜品，頗有特色又啱食，同友人要了兩款套餐。手煮蘋果愛玉茶(冷)，跟餐+$18，茉莉綠茶配搭蘋果愛玉，味道清爽。東方美人(熱)，跟餐+$10，茶具賣相感覺雅致，清香有回甘之感。肯定係秘製辣千島醬薯球炸雞(辛)，$74。賣相精緻而且份量十足，套餐包括日本米飯及味噌湯，上層是秘製辣千島醬薯球，似薯仔沙律，口感軟滑有層次，味道甜甜酸酸有微微的辛香，清甜可口不停追食。有4件炸雞，仲有大件，外皮香脆，雞肉嫩滑多汁，美味!配上蟹子沙律醬汁味道更豐富，下層是沙律菜，清新爽脆，中和炸雞的油膩感，有肉有菜營養均衡。芝麻雞翼，跟餐+$10，追加左之後先意識想又係雞(雞全部都係雞)，芝麻雞翼惹味香口。雲吞麵(手工炸蝦雲吞 尼泊爾Momo Chutney汁意大利麵)，$90，友人的，試了少許。炸蝦雲吞，賣相有點似福袋，大件飽滿，入口薄脆，餡料以鮮蝦及薯粒而成，鮮香美味， 意大利麵質感軟硬適中，味道酸酸甜甜幾醒胃。涼拌蒜蓉麻醬油麥菜，跟餐+$12，份量十足，油麥菜口感鮮嫩，蒜蓉麻醬好惹味。伯爵茶戚風蛋糕配焦糖蘋果，跟餐+$36，賣相十分吸引，以焦糖蘋果肉作點綴，蛋糕口感蓬鬆柔軟，有淡淡的伯爵茶清香，配上軟滑綿蜜cream味道更香甜，美味。咖啡酒烤芝士蛋糕，跟餐+$38，巴斯克芝士蛋糕，質感較厚實，有濃厚的芝士味，微微的咖啡酒香，甜度恰到好處，不俗。食物味道有水準，而且好抵食!店員態度親切，有種家的感覺，坐得舒適，支持小店。
继续阅读