小念頭 (通菜街) (已搬遷) 新店位置

➖➖#旺角黃店 期待已久戚風蛋糕➖➖..🔸宇治焙茶朱古力$54🔸小山園抹茶奶蓋茉莉 $54🔸泰式奶茶戚風雪山$50🔸榛子朱古力烏龍茶芝士蛋糕$48🔸鐵觀音芝士蛋糕$48🔸Dutch pancake $78(crab stick avocado salsa).可能對蛋糕期望太高品質都係普普通通戚風蛋糕夠鬆軟輕盈.最期待嘅泰式奶茶可惜不夠濃郁可能我個人太重口味了😂.芝士蛋糕沒有太大嘅驚喜偏甜及茶味不夠.Dutch pancake 較為厚實口感像蛋餅.新出品的抹茶奶蓋味道是不錯的，不過奶蓋較為稀身茉莉花茶配抹茶奶蓋清新.原來餐廳是限時的樓上Cafe也要限時實在傾偈不夠盡興呢🙈由於餐廳唔full但要交枱了朋友想調去隔離細枱一角傾多一陣點知餐廳要我地再叫嘢食😅每人最低消費係一杯飲品或者一件蛋糕但係我哋三個朋友已經叫咗七樣嘢唔可以再食啦，無奈離開😅.Cafe應該有更多好選擇呢間試一次就夠了🤣👋👋.我心目中Cafe嘅定義：1.沒有限時2.提供輕食3.不設+1服務費4.座位唔會太密集.不過喺香港好難搵到一間好舒服嘅Cafe呢🙈-✂️➖➖➖➖➖➖ 。🔺 @littleideacakeshop 。🔻

今天想訂蛋糕跟朋友慶生。一心打電話預約及訂蛋糕。就被不禮貌對待。我打電話問有冇某一款蛋糕，然後佢話今曰無呀，我再問幾時有呀，聽日有冇呀？之後佢唔耐煩，叫我黎佢餐廳睇，佢並沒講bye, 亦無等我講完，就cut我線。我唔明點解要收我線，之後我再打多一次，比多次機會佢。我問訂蛋糕同餐廳既事，個職員勁快咁講website比我聽，之後叫我上網睇，然後趕住收我線。我都無癮了。就算幾好食既餐廳，都應該有禮貌對待客戶。

剛開業時已經試過一次當初很驚豔因為我是茶迷幾年後再光顧 覺得質素仍能保持但可惜的是可能多了人光顧設了用時時間再也不能消磨一個下午海鹽奶蓋一流但茶底相對一般戚風口感濕潤加了菠蘿很清新

樓上cafe，佈置好靚，有種好舒服嘅感覺淨係賣蛋糕同飲品，所以focus到係單一樣嘢入面，好有水準👍🏻焙茶戚風蛋糕：我最鍾意係呢個😋，件蛋糕食落好香，有回甘，啲cream都有茶香，一啲都唔漏。泰式奶茶戚風雪山：蛋糕如其名真係好似泰式奶茶咁甜，相比其他兩個真係偏甜，但可接受嘅甜度，亦唔會話好漏。伯爵茶芝士蛋糕：陣味都幾夾，啲茶中和咗芝士嘅油膩感覺，但佢係3舊入面較滯嘅店員好nice🙈btw係樓下推門真係要大力啲

上網睇話呢一間嘅甜品比較低糖 所以就黎試下叫咗個焙茶戚風蛋糕 $58的確唔會好甜 個人好鍾意佢上面嗰個cream 唔係平常個啲cream咁 而係在濃稠啲 就算個戚風蛋糕比較乾 好重焙茶味 但係加埋cream就變得好夾😆 食完會覺得好清新😂 如果配埋啲水果茶都幾唔錯而環境同服務方面個地理位置比較難搵 佢係喺啲後行嘅樓上 要咁門鐘先上到去 但餐廳入面就會好舒服 雖然細細間 但啲枱都分到好開 自己一個去 靜靜地做自己野都幾好服務方面好多嘢都係自助 水自己加 而且每日嘅蛋糕都唔同 可以去佢IG嗰度睇 另外都有設時間 唔可以坐全日

放假想同朋友靜靜地high tea傾下計，可以試吓呢間樓上cafe😁間野設計好靚😍偏向小清新路線，幾啱影相打卡🤩可惜坐嘅位置有啲逼同埋有限用餐時間(1.5hr)，唔太適合4人以上傾計😢但係野食方便算係高質😋🍰泰式奶茶戚風雪山 $50角落評分：🌕🌕🌕🌑🌑奶茶味較重，但偏向港式奶茶味，戚風蛋糕尚算柔軟☺️.🌰榛子朱古力烏龍茶芝士 $48角落評分：🌕🌕🌕🌑🌑正正常常，烏龍茶味都叫突出👍🏻同榛子朱古力幾夾😍.🌹玫瑰奶蓋玫瑰青茶 $48角落評分：🌕🌕🌕🌕🌕奶蓋有玫瑰香味，一啲都唔膩！🥰玫瑰青茶十分清澀，中和奶蓋的膩，飲落十分清新😍

同朋友係旺食食完晚飯，要搵一個地方休息hea下同吹水，所以打開地圖搵下附近有冇黃店，好快就搵到小念頭! 鋪頭係一生懸麵隔離，要禁鐘仔上一層樓梯，叫做方便但有少少少少難搵。上到去已經見到好靚既裝修同有意義既海報，值得支持! 今次食左件咖啡芝士蛋糕，而朋友就像伯爵鮮奶茶。另外今晚上去人流唔係太多，雖然坐得十分舒服，店員亦好好服務，但反面證明大家要出力懲罰啦!咖啡芝士蛋糕($42)好好食，有好既芝士味，奶味同少少少少咖啡味，怕咖啡因既朋友相信夜晚食都唔會擔心訓唔到，餅底亦好脆，係高質之選!伯爵鮮奶茶(~$45)由於朋友唔食甜野所以叫奶茶，佢同伯爵茶雪凍成一粒粒類似粒粒雪糕咁既冰，然後俾杯熱鮮奶你撞落去，出黎效果奇佳，咀刁既朋友亦大讚好飲! 值得一試整體小念頭CP值好高，已經係第三次幫襯啦，繼續支持!

原本見到評語不錯 過黎試一試地點係唐樓的一樓環境算乾淨但員工態度極差 問佢有無其中一個蛋糕態度不耐煩 指沒有 問佢有什麼蛋糕 又苦口苦面 愈講愈大聲令我想食甜品既心情都無囇蛋糕普通 價錢偏高 奶蓋青茶一般不會再來

小念頭 📍旺角💛💛💛💛💛黃色經濟圈💛💛💛💛💛好soft好茶嘅戚風蛋糕🍰🌟- - - - - - - - - - - - - - - - - - - - - - - - - 🌟位於旺解嘅黃色小店要上樓，平時去都好多人，係接近7點嘅晚飯時間先會小人d，因為呢到主要食輕食為主。餐廳入裝修簡單但感覺好chill好舒服，好岩傾訓☺️📌有好多款唔同嘅茶味戚風蛋糕揀，今次揀左焙茶味同綠茶味！ 📌兩款戚風蛋糕嘅texture都好軟熟，一d都唔乾，質感岩岩好👌🏻👏🏻 📌蛋糕本身唔太甜，茶味好香，未至於好濃但已經好足夠！👍🏻 配上蛋糕面嘅奶蓋好滑好rich，令味道同口感都升華🤟🏻

今次要介紹嘅係旺角呢間樓上ᶜᴬᶠᴱ設計帶點休閒舒適風🛋唔同角落都有唔同造型嘅枱櫈嘢食方面都幾值得推介!先嚟・ᴰᵁᵀᶜᴴ ᴾᴬᴺᶜᴬᴷᴱ 配牛油果莎莎・🌮趁熱食先好味好香蛋味🍳質感似未發起嘅蛋糕(如果蛋邊烘到脆脆就更好了配埋凍凍哋嘅 ˢᴬᴸˢᴬ就啱晒 (而且打動咗一向唔鍾意食🥑嘅我-每日供應嘅蛋糕款式🎂都唔同今次就試到・泰式奶茶戚風蛋糕・🍰嚟到嘅時候蛋糕已經淋上澎湃嘅奶茶醬入口反而無聞到嘅味道強烈帶陣陣奶茶香蛋糕口感輕盈鬆軟😙

開係旺角嘅唐樓入面 行過唔覺意都會miss左個入口架 上到黎真係好似世外桃源咁 同外面繁忙嘅世界係完全另一種感覺🌸小念頭由網店做起 主打茶味甜品💕💕🍰熱情果紅茶蛋捲🍰蛋捲我地都食過唔少間啦呢度嘅蛋捲絕對係上等😍😍外層濕潤有彈性中間嘅cream好滑🥰加埋熱情果嘅酸甜 食哂成件都唔覺得漏🤤..🍰鐵觀音芝士蛋糕 ($43)超有水準嘅芝士蛋糕👍🏻蛋糕分兩層 上層係鐵觀音 下層係芝士蛋糕兩種味道非常濃郁🥰而且蛋糕入口即溶 雖然分開咗兩層 入到口都係會融為一體😝除咗蛋糕之外我哋仲有叫到茶飲 都整得好好 佢地最近多左好多新款蛋糕呀☺️☺️大家都快啲去懲罰下啦🤤🤤

位於通菜街大廈上面的小cafe, 大廈入口係女人街，有少少隱蔽架。Cafe空間好簡約，無花巧的裝修，枱凳係木造既，今晚黎到人唔多，俾人有好舒服的感覺。全場都係得3至4張枱，坐到大約20人。朋友帶我黎食蛋糕慶祝生日🎂🍰😚1️⃣泰式奶茶戚風雪山蛋糕賣相唔錯，戚風蛋糕好軟綿綿既感覺，面頭的泰式奶茶就好似奶蓋咁，厚身既，唔會太甜，唔會有好漏既感覺😋👍🏻2️⃣鐵觀音芝士蛋糕蛋糕🍰明顯分開兩層，上層係鐵觀音味，另外有三粒啫喱，都好有茶味。下層既芝士同餅底都做得好出色，芝士味濃郁，餅底一吉開唔會散晒。3️⃣小山園冷泡抹茶奶蓋茉莉抹茶奶蓋好綿滑，冷泡茶的茶香好夠出，亦都夠濃味👍🏻佢個All day menu都有啲鹹點，例如係Dutch Pancake。今次因為已經食完晚餐，所以就無食到喇。仲可以成個蛋糕訂😍如果有朋友生日都可以預早打電話黎預訂，正！繼續支持小店💛💛💛

係旺角行街行到攰，想揾個地方坐低抖下同朋友傾下計👯‍♀️朋友推薦咗呢間cafe，話評價唔錯，而且係黃店💛無問題！即刻試一試😆一入到店就見到蛋糕櫃，即刻流哂口水🤤因為蛋糕選擇多，而且款款都好吸引🤓我同朋友最後揀咗嘅係泰式奶茶戚風雪山☕️另外我仲加配咗一杯雪菊紅棗蜜糖茶☺️戚風蛋糕夠鬆軟~本身帶有淡淡嘅泰式奶茶味，食嘅時候記得點少少奶茶醬同cream，咁就啱啱好啦🤗而且唔會太甜，食落去都唔會有太大嘅罪疚感🐷至於雪菊紅棗蜜糖茶聽個名都夠哂養生😂可以降血脂同補血氣😆飲落去清清哋，有少少甜味，食一啖蛋糕再飲一啖茶，正😚整體感覺都好好，係鬧市之中有一個咁清靜嘅地方可以抖下同朋友傾下計，支持💛

呢日慕名黎左旺角呢間樓上cafe食tea，唔知係咪平日嘅晏晝，人好少，係樓下要㩒個鐘仔等老細開門先可以上去。上到去要鋪頭比想像中大好多，裝修都好有格調，打卡一流！東方美人（$40）呢到有好多唔同種類同配搭嘅茶，果香同花香都有！我揀呢個茶就係有蜂蜜香同熟果味，啱晒我鍾意飲果茶。仲可以免費回泡一次添，非常之抵！焙茶戚風蛋糕（$50）蛋糕方面我就揀左焙茶味，呢個茶味非常之濃郁，一啲都唔係hea你，表面個浸cream甜得黎仲唔完全唔會膩，真係食過番尋味！仲有啲雜莓裝飾，加埋佢個裝修，係到打卡同hea一個下晝真係好寫意！人少少同閨密傾心事就正啦！仲好食到我即刻WhatsApp同啲姐妹推介叫佢地黎試！一啲都唔誇張架！

一入門口已經聞到陣陣茶香，配上簡約清新嘅裝潢，係旺角鬧市中比到人舒適寧靜嘅感覺。先搵好影相打卡嘅位置，再出番去cashier點餐泰式奶茶戚風雪山滿滿嘅泰式奶茶醬，一啲都唔吝嗇，奶茶醬茶味濃郁，仲有少少茶渣，甜度剛剛好，連埋淡淡嘅cream一齊食都唔會膩。戚風蛋糕做得好濕潤，好鬆軟！配搭埋面頭嘅果仁粒，層次豐富，每一啖都係豐富嘅泰式奶茶香，好味道！伯爵波波冰奶茶☕️打卡一流，先將伯爵茶雪成一粒粒嘅冰粒，再用溫熱嘅鮮奶撞上冰粒，融化成奶茶。視覺效果一流，只係伯爵茶味略淡。溫馨一提，牛奶要趁熱倒落冰粒度，如果唔係最後啲冰粒就溶唔晒㗎啦。🙈🙈🙈整體而言小念頭係一個好岩靜靜地嘆番個下午茶嘅地方，蛋糕嘅水準都不錯