小曼谷海鮮燒烤屋

营业中

休息中

我成日去九龍城食泰菜，今次食間出名少少「小曼谷」，佢係九龍成屹立好多年，行到門囗有個氣球公仔不停對我招手，歡迎光臨。餐廳餐牌有好多選擇，我多數叫餐廳招牌菜。我和朋友仔每人都order 了棷青一個（$38），果肉好滑，棷青水青甜，非常好味道。另外叫了招牌菜：泰式炸芝士蝦丸（大）（$128）有成五粒好似拳頭咁大蝦丸，入面釀了芝士。要小心些去食，因為太大啖會熱親個嘴但好美味。再叫一碟牛油蒜蓉燒虎蝦（$148），係有些貴，大大隻開邊焼，蝦肉彈牙，完全值回票價。豬肉碎生菜包（$78),有小小辣再加上有金不換美道好醒晨，又大碟。如果愛吃海鮮或多人不防叫多碟，第二碟係半價。

▪️$$per person:$60-150▪️Must to order:芝士蝦球，有黃咖哩的一切九龍城係泰國美食既天堂，咁因為之前有d事就住左係富豪東方酒店一個月，所以成個月都係食九龍城d泰國野，食到我驚左！唯獨小曼谷係會食完再食，因為🔺芝士蝦球($65/4粒)大大粒!!!!!!蝦球好老實而且好彈牙，入面既芝士係流出來....鐘意芝士既會愛💓仲有！🔺我真心誠意拳拳推介黃咖哩既一切！黃咖哩係小甜唔太辣！非常開胃！有無試過食完個飯然後開左個胃再食多個飯！我！試！過！(激動mode)黃咖哩不論配海鮮定係雞，佢都係黃咖哩！(激動既廢話)但！但！但！佢真賜予一碗白飯生命！😋💜而且有一次嗌左碟黃咖哩炒蜆，發現得好少蜆肉，佢地就好好人地炒多碟☺️🔻尼到都有好多串燒，咁都不過不失既😉提提大家佢地宜加有兩間分店係九龍城😍▫️Recommend:🏁🏁🏁▫️Marks:85/100

行下行下想食泰國野椰皇沙冰 $32有好重椰奶味，而且好大杯，比起椰皇會更加重味同埋會更加好飲，好夾泰式嘅嘢食。椰青 $38大大嘅椰青加上白雪雪嘅椰肉加上清澈嘅椰水，就係世上最完美嘅配搭。 一個就可以食到好飽架啦而且仲唔係好貴架tim原隻鮮魷釀糯米飯 $128糯米飯嘅份量唔算好多，重點都係魷魚，真係好大舊而且啲肉好厚 再加上特製嘅醬汁。就會更加酸辣同好食極上燒安格斯西蘭牛小排$198細細的牛肉仔係食起上黎就會更加方便 呢個就有一啲比較辣同埋麻嘅醬汁 仲可以揀幾成熟 我就揀咗五成熟 會比較彈牙同埋有肉味小曼谷炒飯 (蟹柳丶扎肉丶豬頸肉丶蝦丶蛋包飯）$95我覺得最好食就係呢一個飯 因為唔係好那大入邊有好多材料 而且仲好有泰國嘅風味 一個飯嘅份量可以夠二個人食 而且仲好足料 仲有蛋包住晒啲飯 仲意食好多材料嘅人揀呢一個返就最啱啦

閨蜜生日，咁岩佢又收夜住九龍城，咁我地又黎食小曼谷今次決定叫D特別野~呢個時候又唔洗等位，正啊真係！每次最快黎既肯定係 《泰式酸辣鳳爪》$78，真係每次都咁好食，辣度適中，鳳爪又多，我最鍾意食佢既洋蔥！好鍾意一個紙巾筒呀哈哈～店內每晚特定時候就會有吉他手自彈自唱～正啊～泰式馬拉盞炒椰菜苗， 我都係第一次食椰菜苗，口感好似芥蘭，但唔苦，嫩好多～炒飯是必點吧！呢個豬頸肉炒飯真係無得輸！好多豬頸肉，而且飯唔硬，好軟熟，又夠鍋氣！點少得椰青呢！哈哈～叫左一盤串燒，每款一串，有牛肉、雞肉、雞腎、雞軟骨同牛舌～我最中意佢個沙爹醬，好重花生味又夠辣～最後每人$133，仲可以切蛋糕唔收切餅費，正啊！

我同兩個朋友過年前去食，諗住係九龍城名店啦，點知食到一肚氣，因為要投訴上食環署，依家先寫食評俾大家睇:我地三人食左一碟馬拉盞通菜，燴飯同芒果冰都算係咁，响九龍城水平算普通啦…同朋友傾傾下計時，有隻小強由天而降，落响餐檯度!! 我朋友即將時大叫，成間餐廳都聽到! 情況甚恐怖!! (sorry我地太驚冇影相)個經理出嚟踩死隻小強，又話冇事喇，俾我地平啲同送甜品。嗱，其實我朋友都算數啦，但臨走我影相時佢話:「可唔可以唔post呀？我地都有滅蟲嘅」老實講，佢咁樣想平息件事我先嬲，依家食店衛生有問題喎! 仲想平息件事？我搵左食環署投訴，衛生督察羅生俾電話我，話已經上門檢查同口頭警告，檔案編號係20170103xx, 呢間食店入左食環署記錄喇。如果大家入到去， 希望以後冇天降小強啦～應該話，仲去食唔係啩？

飯好辣，有五位同事都點了這個飯，自己食辣比較弱，食到一半已飲左大杯龍眼冰，不過辣得黎非常好味，而且做緊買4送1優惠，抵吃之選，一個飯配湯再加飲品都係$42-50。另外提及到龍眼冰，一杯大概有6-8粒龍眼，甜道適中。

媽與我都是 泰國菜的粉絲, 可能大家都食得辣, 而且又比較喜歡濃味點的食物, 泰菜正正就是我們的菜, 所以有時除了晚飯會選泰菜外, 下午茶都會選泰來吃~ 小曼谷一向在九龍城是出了名,名氣很大, 我已幫襯了它們很多年了~看着它由一間小小的店子, 發展到現在有幾間鋪, 而且裝修愈來愈舒服, 所以說, 用心製作的食店真的是多加鼓勵~本來我們是預訂了舊店, 但就算是平日客人都超多, 所以伙計們把我們安排到對面的店, 讓我們坐得舒服點~這天又是下雨天, 心情真的不太好, 但打開menu, 看到很多好味的泰菜, 真的全部暑氣全消了!!!menu分了二為二本, 一本是店的重點推介, 而另一本則是full list 來的, 讓客人可以有很好的選擇, 不錯喔~先點了椰青來解喝~ 椰青主要夠大新鮮就好了, 內裡的椰青水很多, 多渴能清熱亦能解辣~點了泰式馬拉盞炒通菜, 通菜很嫩而且切得短身, 入口卜卜脆很爽! 馬拉盞微辣不咸, 味道剛好, 亦很能使通菜入味, 個人覺得這菜好好味!炸黃金蝦 亦是水準之作, 蝦件很大隻亦很爽, 外面用上香噴噴又美味的咸疍黃重重包着, 再以高温油炸, 入口夠爽身又不油, 而且一

星期日同媽咪去mikiki行街行到攰攰地去到九龍城食個late lunch好耐無黎小曼谷，以前讀書就成日黎，而家過海番工真係好少黎呢頭。個樣好似唔同左menu又多左野咁野飲叫椰皇就緊架啦，清甜呀！喊肉炒通菜，大大碟，d菜又幾嫩wor，唔會有渣。冬蔭公，越飲越辣，不過算足料啦，有2隻大蝦唔會係霉果隻，但略微油左d。炭燒牛小排，香氣四溢，肉質好軟熟，牛味濃厚，好好味丫。下次再同屋企人黎食先！

九龍城出名最多泰菜餐廳，我甚少去九龍城,九龍城交通真的不太就腳,上星期同好姐妹出來飯局，好姐妹介紹一間位於九龍城泰國菜，店鋪名字叫小曼谷海鮮烤屋 ,我見到好姐妹咁推介，一於去九龍城試下小曼谷，我約了好姐妹在MK轉車去九龍城. 我們去到小曼谷時候已經幾乎客滿,店員帶我們到另一間分店，就在隔離店鋪，我們就點了三個食品，好彩只叫3個,這裡份量好多了,咖哩炒大蝦的咖哩味道甜甜,十分啱我的口味，大蝦好大隻呀,蝦肉好爽口，蝦有6隻,我同好友各吃3隻,炒通菜又是好好味,味道並不會太咸,通菜亦都好新鮮，椰子汁飯又是好好吃,白飯味道有甜味，白飯口感好特別，又不會過甜，涼粉冰就一般啦 ，好姐妹大讚椰皇沙冰好飲 。小曼谷的服務亦都幾好 ，上餸亦好快 ，等了10分鐘全部送到來枱面，價錢又不是太貴 ,亦都好抵食,下次再來九龍城,可以再去小曼谷

17:45到左共得三台客，重點係得3台客D serices 勁差，羅個碗又唔想俾，叫佢俾menu又悔氣。17:45到左即刻叫野食，想早點回家，1815都未有野食. 食到1930左右先食完。坐位很迫，六人坐，跟本放唔晒D送，D台有高低又唔整中間放唔到。個盒紙又唔收開，我要放大脾，無心機影相。食物一般，可取的是咖哩大頭蝦，LIKE評： 個汁好夠cream,不會太速，有香味，加埋個煎餅食不錯。, 7/10.

真是好耐都試過去到晚上11點幾先離開公司，由於改天是我例假，今晚突然想食宵夜，不過又晤敢食太多因為怕我變得越來越肥。那天步行到九龍城，那時已經深夜十二點幾，附近不少泰國餐廳已經打烊，其後沿著富豪東方酒店的方面行走，見到一間「小曼谷」的泰國菜館，其後決定與妹妹在此食宵夜。簡單地點了一份泰式生蝦(辣)刺身$88及一個細份冬蔭公湯$78，不夠生蝦刺身好快地送過來，凍涼的生蝦真是爽口彈牙又新鮮，蘸上香辣酸酸地的泰式汁醬，不但刺激舌上的味雷，醒胃中令你追多幾件生蝦來吃多一點。 冬蔭公湯雖然點了細份，但份量都非常足料，爐下點著一個蠟燭保保持湯的溫度，呷一口時真是小心滾燙，內裡有很多秀珍菇，而且擁有一隻斬開兩件的大頭蝦，大大件而且原隻奉上，難怪入口的冬蔭公除了味道酸辣之外，充滿了蝦隻的鮮甜，蝦肉好爽彈。滾了一段時間，湯底的水份也會不斷流失，湯的味道更開始變得更濃郁，當秀砂菇吸盡湯底的精華時，當你咬下時爆開秀珍菇的水份之外，加上與酸辣的冬蔭公湯亙相交替，越食越過癮，香辣又美味。菇中的味仍鮮甜帶點咬口，湯底的酸辣擁有泰式香料及椰香，飲下不覺口渴，值得推介。

由於早前買了團購優惠 ($68四人餐, 4杯龍眼冰, 青木瓜沙律, 咖喱炒蜆, 西米糕千層糕各2件), 所以特地來享用晚餐。店外看還覺得挺新穎的裝潢, 但店內坐了一會才發現問題。店旁還有露天座位, 與店內有一門相隔, 但那門是常開的, 那就是外面的人吸煙或大塵都會飄進店內, 進食時不時吸入二手煙, 不適的我要求服務員關上門, 對方表示這通道要用來傳菜用的, 所以不能關。真的很無奈。吃了豬頸肉炒飯、炒金邊粉, 味道一般, 記得一樣是58一樣是66左右, 價錢真的有點偏貴。看隔離座的客人叫了飛天炒通菜, 又跟著點了, 葉不太多, 莖多"滲"口, 又是50幾大元。團購餐的咖喱炒蜆, 咖喱真的不辣, 偏甜, 我本來有2張券, 先來的一碟是偏冷, 後來再叫另一碟才是熱一點的, 冷的真的有點倒胃口, 本來叫了烤餅想點咖喱食, 但那麼冷的咖喱完全不想點, 烤餅倒是很熱的上台, 但不酥不脆, 軟軟的。龍眼冰不過不失。青木瓜沙律OK。叫了芝士蝦丸, 真的很貴, $73 /3粒(細), 大的過百元, 我們只叫了小的來試，還以為芝士會漏汁出來, 怎知道好像果凍一樣凝結在蝦丸中, 也不是很熱。對此有點失望。整

每次去九龍城都食同一間, 但因為突然加價得很厲害, 所以只好去嘗試另外的餐廳.這間餐廳在人群更多的街口, 早早來到所以避免了超多的人流, 而且也可以選擇好一點的座位.點了生蝦刺身, 炒海鮮米粉, 雞翅, 烤安格牛扒. 地下似乎不太乾淨, 有種很油膩的感覺, 檯也太窄.先嘆了啤酒然後再來個刺身, 生蝦刺身個醬做得不錯, 酸酸的辣味後來才出來, 狠辣, 蝦很彈牙爽口.炒米粉分量很多, 而且材料也很多很不錯, 很抵食. 雞翅肉多而且肉鮮甜, 應該點多件先係.烤牛肉很香, 保留住一點的肉汁, 美味. 座位之間太窄了, 食得不太舒服, 裝修是不錯啦.串燒選擇很少而且沒有特色, 如果有多一點的串燒選擇會更好.