小桃園海鮮酒家

营业中

休息中

九蝦爽甜味鮮！辣酒煮花螺不會一味勁辣，加了薑去煮，螺味不會被辣味蓋過，新鮮爽口。蝴蝶蚌大大隻好爽甜。海魚新鮮就沒什麼特別可說。連菠蘿咕嚕肉都外脆內林。整晚我就不停說好味好味好味！

老闆請食飯，當然唔慳得啦😂😂😂去流浮山食海鮮是常識吧❕❕海鮮來來去去都是那些款式，毫無變化！今次卻有驚喜，就是這個龍蝦炒飯燃亮了整餐，平時都是食上湯龍蝦伊麵或芝士龍蝦伊麵，炒飯底真的未食過！龍蝦大大隻，肉質鮮嫩彈牙不在講，炒飯香噴噴！好多食店炒飯都是飯撈炒蛋碎就當炒飯，絕不經明火鑊氣炒出來的，呢個卻是真材實料，聞到鑊香的♨♨♨仲有薄芡，令成個飯更入味濕濕地易入口👍👍👍👍炸大海斑也很出色！炸漿不會太厚，咬口脆脆，連骨都脆卜卜，骨同肉一併食，絕不浪費❕肉質仍保持鮮嫩不乾身💯💯💯其他菜式如蒜蓉粉絲扇貝，鮑魚，聖子，炒蜆，奄仔蟹，都是很足料高水準的

上湯龍蝦: 彈牙爽口，而且個上湯汁好好味。薑葱鮑魚: 鮑魚大舊又新鮮，食落去好彈牙，而且薑葱爆得好惹味。一定要去再食過!椒鹽瀨尿蝦:好惹味!  炒好乒味，瀨尿蝦既肉都有椒鹽味道。好食到令你會舔埋個殼XD (ps: 有剪刀提供比你拆蝦)無影相既包括:豉汁炒蟶子: 好香，而且d蟶子都好大份。石班兩味: (1)班肉炒西芹: d魚肉好彈牙，而且肉質爽滑，大大瑰              (2) 剩下既用左黎炸: 好熱氣，但又好好味!

味道OK...D海鮮喺新鮮...不過份量同價錢..."完全唔成正比"!之前一路用openrice都只係諗住睇，估唔到會為咗lee間餐廳開個account...如題「真係有D俾人搶嘅感覺囉」....特別係$320 四隻嘅所為「元貝」....個size極小仲要un....$400炆頭腩完全係食骨...肉得1%!!仲要張單係老板朖落...that's why...佢做老板lor...真係..佢老板ar!!!!!  Huh!!!

佛誔假期家中有人發起食海鮮，立即成事。選擇了山長水遠的流浮山，希望能吃到泡制美味的海鮮。海鮮有油鹽水花甲、椒鹽濑尿蝦、大班兩味，蒜蓉粉絲蒸埾子、煎金蠔、冰鎮鮑魚、鹽焗奄仔蟹；咕嚕肉、焯菜心、炒飯。開心的一餐但有兩樣不會推薦的-冰鎮鮑魚及咕嚕肉幸好流浮山很遙遠，否則會常光顧!

我係元朗住比較少入流浮山喇，事前都大概了解呢邊價位今日LUNCH同6個同事去食海鮮叫左幾碟餸豉椒蟶子，都係入味新鮮；老實說份量而言實在比較少。白灼蝦一碟過得去，算係新鮮椒絲腐乳炒通菜，都算入味蒸魚，味道略淡8個飯,4支可樂,1碟橙當你計埋茶介賣單，加工收成 1千8百蚊  真係有D俾人搶嘅感覺囉，望埋其他食家評分更加覺得唔合理。上菜時服務就幾好，到我賣完單叫佢寫番張細單claim公司數即刻同我黑臉。PS. 服務員話蟶子5百幾，咁我放幾張相俾大家過目吓（事實擺在眼前，勝於雄辯)

係流浮山食野最怕比人劏，上open rice 睇好多都係搵笨又劏客。搵朋友介紹嚟佐這間。味道很好，價錢合理。我們頂佐位，一行9人，預早攞佐位先，然後再出去行下，老闆同侍應也很有禮貌，叫我們慢慢行，行完先返來。最後我們都過佐大半個鐘先返來。返來先點菜。由攞位同寫海鮮都隔佐成個鐘。有位白頭叔叔幫我地寫海鮮，很中肯，又不停叫我們不要點太多。寫完海鮮後，我地好怕食海鮮好鹹同有味噌，所以特別叫叔叔不要太鹹，佢一句回應 '我地這裡最貴係味噌，所以不會落，油鹽也一樣貴，所以慳住落，你想多都無。" 出來後果然很好，食到海鮮的鮮味。

一行二十人，有大有細到流浮山食飯提早做冬，今次係我第二次來到流浮山食飯，屋企人揀了到小桃園白灼蝦 D 蝦都好新鮮，肉質爽口東風螺東風螺, 夠鮮味，螺肉彈牙辣酒煮花螺辣酒煮花螺就一般，唔夠酒味，又唔夠辣酥炸生蠔粉漿不太厚，外脆內軟，可能蠔當造的季節，很肥美炒老虎班球以西芹清炒，魚皮厚身，魚肉爽口又彈牙, 正!薑葱蠔很肥美，咬下去啖啖肉鮑魚仔蒸得稔身，囗感一流咕嚕豬頸肉味道不錯，食落冇骨，小朋友鍾意炆頭腩 脆漿薄薄，香口唔油膩，可惜我唔鍾意食多骨嘅魚

食物：鮑魚炆雞，鮑魚大大隻，好入味。 涼瓜炒聖子，聖子炒後縮水，涼瓜和蒜頭豆瓣的味道，蓋過了海鮮的鮮味。炸魚骨腩，炸起竟沒有油膩的感覺，不喜歡魚腥的人，這是一個好食法。 酥炸生蠔，生蠔並沒有因為炸後變硬和縮水，反而保留了生蠔滑流流的質感，外脆內軟，正！ 薑蔥炒蟹，蟹蓋又是超多蟹糕，蟹鉗大大隻，又多肉，好味！香脆炸蝦，蝦炸後，最好吃是蝦頭，脆卜卜。

特首選舉完畢，終於選出一個大家認為有共產黨背景嘅香港特首.記者再無興趣跟進小桃園飯局，但小桃園就比Dream Bear攪到聲各大噪，恭喜哂! 每年母親節呢度超爆，今日當然唔例外，老閭終於唔洗見光死，今日係揾銀嘅大日子,所以身為老閭都要親自下厨去應付。上湯龍蝦彈牙爽口又夠鮮，上湯個汁又教得唔錯，差啲想飲埋啲上湯。鮑魚雖然大隻但蒸得稔身，放喺上面啲葱帶出鮑魚嘅鮮味，最重要唔韌炆老虎班頭腩炸得又脆又入味，肉厚又惹味炒老虎班球夠彈牙爽滑，而且大瑰又鮮甜,蒸花蟹啲膏有稀有杰，蟹肉又鮮又多肉每條粉絲都索哂喲蒜蓉味，加埋葱同豉油，個汁好正，只可惜個蚌體積太細蒸魚唔腥又唔晦，啱啱熟嘅程度，啲魚又滑又唔峭,蒸得好!離開嗰陣門口都仲係好多人等位，車場超爆，呢餐食得我地好滿意，但最重要媽咪食得Happy。

環境：舊式餐廳，沒有裝橫裝修，有陳舊感覺。食物：海鮮新鮮、鮮味，質數絕不欺場。 有手掌盤大的清蒸鮑魚、沒有炸後縮水的超大生蠔、蟹的蟹膏多到滿瀉、聖子長度像快子般長，....。服務：服務員多是上年紀的，像街坊式的模式款代，不要太高要求。衛生：可以的。可能是裝修陳舊心理影響吧！免費迫車：超大的露天免費停車場，不用擔心無位迫。

公司阿姐給了我們組同事6千大銀同我地食飯. 我地選就緊係食上海鮮啦. 呢次應該係我地第3次去食了. 不過呢次很明顯感覺到d 野係細碟左同埋貴左. 不過味道就依舊咁好味. 算啦. 好味就得.反正今次又唔駛俾錢.呵呵 未食飯前. 有個飯前小食:皮旦酸薑. 原來唔看返張單都唔知道原來呢個要錢.成70蚊架.. d皮旦好糖心.而且d薑又好酸甜. 不過如果係我自己俾錢. 我就不會食丫…真係好貴丫呢個好野味. 脆到連蝦尾的殼都可以食. yummy我地弄了個一魚2味. 呢個係清蒸. 另外一個起肉個個沒有影. 呢個係用桶蠔的蠔去整.好好味因我地有同事是大肚婆. 所以不能食蝦. 就叫個清清地的蒸豆付. 不過我覺得麻麻. d 蝦都唔爽. 麻麻.下次唔會再叫我覺得都係清蒸好味d. 呢個係咁大個女第一次咁食法.有d同事說好味.有d 都係覺得清蒸好味d呢個一隻都好像說成80幾90蚊一隻. 好不好味就見仁見智. 我覺得ok. 因佢有粉絲在底. d粉絲索哂d汁. 好好味我本身好鍾意食蟹. 呢個對我來說真係好好味. 羔又多. 好香. 好味!!

今天是外甥女的牛一, 我們一家往流浮山玩樂之餘順到一賞流浮山的海鮮酒家在沒有準備之下,只好隨隨便便選了一家海鮮酒家.坐下來!! 第一時間便選海鮮去!! 去到他們的自設海鮮檔口, 選擇海鮮不多, 只有一些海斑, 瀨屎蝦, 奄仔蟹, 大花甲, 象拔蚌, 還有返了肚的海蝦. 原來這裡的海鮮價錢是連烹調費的, 跟西貢及三勝村不同, 最後我們只好選了瀨屎蝦,小象拔蚌及奄仔蟹.選完海鮮後, 我們要求拿餐牌看看其他小菜, 部長竟然說餐牌沒有什麼菜色, 吹脹^_^ 之後, 那個部長還堆介一條剛剛劏了的大海斑給我們, 他說一斑兩味, 問他價錢, 竟要500元, 之後我們要求看看是什麼斑, 他竟說沒有得看!!那我們只好不要.最後, 我們只選了他堆介的咕嚕豬頸肉,上湯”言”菜及排骨抄麵. 其後, 心想一想, 都是拿餐牌看一看, 發覺餐牌上大都是沒有標價的, 就連一些普通菜色都沒有價錢, 心想是不是進了黑店呢?? 結帳後, 價錢亦算公道, 我們一共點了6款菜色, 共1仟元多.總括:整體來說都是一般的.

第一次跟家人來到流浮山，天色陰暗潮濕，很不舒服。海鮮酒家林立，但不知哪間好，那間多人就去那家吧，最後決定了小桃園。其實很少吃海鮮，也怕給人劏到一頸血，但老爸生日，也就不太去計較。在隔壁海鮮店選了大竹蝦，店員表示大竹蝦當造，比起龍蝦多肉，吃得划算，四隻大蝦秤起都一斤有多；五隻南非鮑又一斤多，再加一斤蟶子。算一算，海鮮都買了一千元。大竹蝦開邊煮上湯伊麵，肥美的竹蝦果真當造，啖啖肉，而且鮮甜彈牙。整碟散佈著橙橙澄蝦膏，軟硬適中的伊面，一百分！可見到蝦肉結實，廚師控制火候剛好，蝦肉僅熟，嫩滑味美。豉汁炒蟶子偏咸，勝在蟶子仍有甜味沒有沙。薑葱爆南非鮑，鮑魚豐厚味鮮，軟腍彈牙，充滿薑葱香氣，令人回味無窮。另點了蒜子油麥菜、咕嚕肉及三碗飯，埋單意外地只是一千三十大元，五個人吃到新鮮海產，巧手廚藝，二百元一位也不算為過。食神眷顧，總算沒有選錯。

冬至當日選擇了在這裡吃飯，想不到有不少人也選擇了吃海鮮。是次叫了椒鹽瀨尿蝦、炸子雞、蒸魚(忘了魚的名稱,是店鋪提議吃的)和扇貝，四樣食物都很好味。椒鹽瀨尿蝦 - 椒鹽味很濃,很喜歡！炸子雞 - 新鮮炸出來的,吃落口覺得它應該是新鮮雞的蒸魚和扇貝 - 味道一般,魚比較好吃