小樽分子 (已結業)

  這是友人的綠豆芝麻豆腐花~$18看似好滑咁,係綠豆沙+芝麻糊+豆花,3併~~綠豆本身好林身~ 有3種料~-------------開左咁耐都無去過食,經過門口又見到有8折的BANNER,係逢星期1-5,2-6PM,我地企0係道睇左陣,個男職員話外賣都會有8折,之後就入去試下先~我本身想點個椰王燉蛋白,點知ORDER後過左2MINS職員話無椰王..嗚嗚~SERVICE一般…..有1對情侶在看店~  我諗左陣,要個士多啤梨露,$22問加唔加生果…咁有D咩呢?但我們手拿著果份MENU都無講可以加生果的ITEMS…..如果加海底椰要$2,咁就加左~估唔到有咁多片呢~不過有2片比較硬巴巴~其他的口感也很好~非常涼快~而且好大碗,士多啤梨配上少許椰奶的味道,真是很棒~食食下見到有經刨碎的草莓~  最後埋單都係$32~~抵

今日我同3個朋友經過小樽分子,之前我都有泥過,但聽講佢曾經裝修過轉晒d西式野喎!甘我地就不妨一試啦 點知中左伏.我下次一定吾會再來。我同3個朋友分別叫左4樣野,有香蕉船;火焰雪山;白色心太軟及梳乎里!首先同大家講下條船先,開頭我以為條船果2球雪糕系跟餐牌,佢又冇得比我揀又冇同我講-.-來到既時候我問下d樓面,佢地就話雪糕每日都吾同. 我就算啦 叫佢換返比我就ok,點知..佢地好似黑黑地面甘= =之後等多陣梳乎里到左,呢個我朋友食-.- 佢就話食果時好似食緊糖甘,d糖跟本未溶- -我聽完之後試下..果然真系似食糖..咬落去仲有聲但未到冇咩問題- - 但下次可以做得好一d白色心太軟泥果陣時個賣相勁差-.-泥果陣已經爆開左.d朱古力流晒出泥個心太軟仲有球芒果雪糕同埋cream及朱古力條,不過球雪糕好細球等左好耐個火焰雪山終於泥喇 泥到冒時候好似溶溶地甘,食落去外熱內凍幾特別幾有創意,側邊又有小量水果拌,味道一般!可惜冇影到相比大家睇,我估吾到會甘差-.- 下次一定吾會再去服務態度差,食物品質差,價錢又貴

呢日好想食甜品，去到 荃灣食街見到呢間有唔少人等位，無留意轉角仲有另外三間就等呢間，好彩呢間都無令人失望 芒果心太軟：小小的心太軟伴紅豆雪糕，配搭不錯，但心太軟裏面似芒果醬多過芒果肉， 無傳統心太軟的熱朱古力那種熱力融化感覺，亦無伴住雪糕一齊食、撞出那種水火相容的味道，還是傳統的較吸引！原味火焰雪山：睇相就知這個甜品大得驚人，預期一人份量卻捧出來四人雪山，未吃飯來就剛剛好，宵夜就…哈原以為會即場點火好漂亮，可能地方淺窄怕嚇親隔離，火山在廚房燒好之後才上碟，有點失望。卡路里指數極高，外層是類似梳乎里/忌廉的三吋厚的火山，內層雪糕也不遑多讓，大約有2-3個雪糕球，再伴有兩塊心形班戟，大量棉花糖，各式水果等等，吃極也還有，應該要大夥人一起吃才可以征服這個雪山。 坦白講，兩樣甜品都味道一般，但係幾有創意，值得一試…支持創作嗎

本身想食松記...但又要排隊...又熱..懶得排就黎左小樽!再加上朋友仔話佢食過OK咁就試下@"@...一入到去.......隻味甜到...........如果你係D好LIKE甜野既人會好鍾意- -....可惜我其實唔太LIKE甜野好辛苦...隻味太甜!D空氣好似變左做糖咁=.=....個FEEL勁窒息~~不過坐耐左可能習慣左...無咁勁.....一坐落去見到坐隔離既情侶食心太軟....見到佢地食得好開心....但我睇到佢地食都覺得甜- -...都淆淆地D野太甜....因為第一次食...我都唔知嗌乜好...就試左原味梳孚里....朋友就嗌左白朱古力心太軟(佢嗌哥刻我O左...)我哥個原味梳孚里都算OK既.......如果D砂糖可以打到無曬就好因為我食到一粒粒既砂糖 SOSAD~雖則我唔太LIKE食甜野...但我都試左啖白朱古力心太軟....食完之後....我係O曬...甜到想嘔-_-...連我朋友都話太甜...但對於我呢D唔太食甜野既人黎講...簡直甜到崩潰= =.....梳孚里唔太甜...如果真係唔太食得甜既就試呢個啦~~食得甜既話-.-..你可以試下D心太軟...我真係唔敢食@"@

每星期我都同老公食完飯走落去糖水街周圍食甜品呢日就去到呢間食,因為周圍好多人,廢事等呢間星期一至五都有特價野,日日唔同今晚我地食左香蕉船,心太軟香蕉船似巨艦多D,好大份,但入面D食完全唔夾味只見把所有食得既野入滿佢咁格仔餅+雪糕+棉花糖+香蕉+椰汁大菜高但份量大LOR~心太軟太細個,個皮好厚,入面朱古力勁苦....但D服務就.......咩LOR....唉....所以一般LA, 要等特價錢再諗....

一開始叫左個火焰山 隔左四個字之後叫多個串燒水蜜桃湯圓 等左陣個湯圓黎左 跟住問反個火焰山 原來無幫我落到 結果等左超耐先有得食 跟住啲野遲黎都算 仲要難食 價錢又吾抵 服務態度超差 超無禮貌

同女朋友本身想試下木瓜燉奶,但係裝修完之後居然無左,好失望,都算了,最後叫左個西瓜西米露同埋木瓜呠呠車,叫左唔駛一個字就黎左個西米露就黎左,明乎其實,西瓜+西瓜汁再+西米,無椰汁=_=,但都ok,唔錯,平平地,但係個木瓜呠呠車就真係等左好耐,點知落單果個女仔原來落錯左架香蕉船,但係我地唔係叫香蕉船所以叫佢換返,之後黎左木瓜呠呠車啦,但係個雪糕球又唔岩,明明係要榴槤味同埋朱古力味,佢就黎左士多啤梨同埋雪妮拿,跟住我地要求換返球榴槤同朱古力比我地都唔知落單果個係咪發緊夢,不過架車仔賣相又幾好,但係下次都唔會再去=_=

經過荃灣, 忍不住口又想吃甜品, 這條荃興徑有好幾間甜品舖 , 我們一行六人今次選擇了這間小樽分子, 印象中, 他們妀了名，加了分子, 水果湯圓專門店！ 起初我們抱著平常心，吃一般慣常吃的西米露、豆腐花、芝麻糊。看見餐牌上並沒有芝麻糊, 但有其它新推出ge甜品, 於是我們order左 : 1. 芒果魚子醬豆腐花 (有得食，有得玩，爽呀) , 原來芒果魚子醬係由我們自已親手做。親手做大大粒既芒果魚子，一口咬落去，卜卜趣ge口感 ，充滿芒果汁，感覺不錯。 原來這些就是分子料理甜品 ! 呢個價錢 , 推食啊….2.水果湯圓 , 真係第一次食。我們叫了兩客串燒湯圓及楊枝甘露什果湯圓湯河, 串燒草莓及奇異果湯圓，湯圓入面有果肉，好味。 楊枝甘露什果湯圓湯河(椰汁涼粉)，好多料，大大碗，味道不錯，超飽。3. 火焰雪山，外暖內凍，雪糕味仲可以揀。又有生果配搭，OK抵食。4. 芒果白涼粉，每次幫襯小樽，我必食ge其中一款。椰汁味極濃 , 彈口。芒果勁大” 舊” 及超甜 , 好好味 ! 5. 朱古力心太軟, 仲可以揀餡，所以我們就叫了一客芒果心及一客黑朱古力心。原來他們每一客心太軟跟一款雪糕 , 仲

食完飯就去左小樽甜品度，叫左個旋轉甘露、石榴露白涼粉同埋芒果水晶珠。旋轉甘露有石榴露、楊枝金露同哈蜜瓜露食到個石榴露有d後悔叫左個石榴露白涼粉……好似重覆左咁，應該叫其他唔同ge野石榴露唔錯，有石榴渣，好明顯唔係糖漿楊枝金露有一粒粒芒果同柚粒，同其他地方食ge差唔多哈蜜瓜露幾香，但係冇乜特別白涼粉冇乜味，我會expect重d椰汁味有一半芒果係酸ge……水晶珠好爽口～唔錯ge質感，但係加埋目黑會咬到好攰……埋單$80，之後出門口見到有買滿$50減5蚊ge coupon，覺得好蝕呀……

之前常常都會來小樽食糖水, 但由於荃灣附近開了很多糖品店, 所以我已半年沒有來。'因為附近有太多選擇, 所以9點半左右來到都唔駛等位, 整間鋪頭只有兩台客。 椰皇燉蛋白 保持水準, 基本上我次次來都會叫, 又香又滑的蛋白, 加上好香的椰王, 正!而且椰肉很滑, 一d都唔老。 芒果石榴露這裡的石榴露很特別, 又香又滑! 芋頭西米露 芋頭夠軟身, 椰汁味又夠, 不錯!總結 : 水準仍然保持, 值得再來!

是日跟朋友到葵芳行街，之後再到荃灣晚飯……35知己晚飯過後，當然少不了甜品時間啦！！荃灣這邊有好幾間甜品店，完全地眼花撩亂，唔知揀邊間好！ 最後揀左小樽，因為呢度地方比較寬敞，雖然都係坐街邊，不過就唔似松記果d咁係正馬路口，又迫又多人等位！講番正題……甜品時間……我地3個女仔，點左3樣野：旋轉甘露、椰皇燉蛋白、牛奶布丁＆十勝木！最特別係旋轉甘露 － 第一眼已經被類似 shooter 的甜品吸引，味道仲好驚喜…… 有楊枝甘露、番石榴＆士多啤利味。楊枝甘露就同出面果d差唔多，士多啤利就食得出好新鮮，意想王到既係番石榴味竟然相當地好，唔太酸又唔會好甜，仲有一粒粒果肉食到添～正～另一樣難忘既係牛奶布丁 － 睇menu果時，覺得呢個冇咩特別，不過見個靚女推介，就試下啦…呢個真係正到暈，牛奶味濃爆！不過一定要先試左布丁先，唔好即刻夾埋紅豆一齊食！後來個靚女同我講番先知，原來呢個用北海道3.6牛乳整架！唔怪得咁濃奶味～之後有超可愛椰皇燉蛋白 － 單係份心思已經夠窩心～我多口問埋個靚女，佢話真係逐個上台前幫佢畫眼仔架～How sweet~仲耍唔係得個樣，食落口好香椰子味，一d都冇偷工夾料！我地揀左熱食

同男友仔打完邊爐就返荃灣食糖水;第一次係呢區食..兜左個圈之後決定試下小樽;男友叫左個楊枝甘露豆腐花我就叫左個鮮什果目黑..楊枝甘露豆腐花 $24 男友報告就話麻麻好食..我試過就覺得不過不失吧~鮮什果目黑 $26 雖然呢樣都係普普通通..但係感覺上算抵食生果同涼粉都幾足料...算係咁啦我好中意食甜品;只要吾係奇怪同難食;;我都吾會介意的下次會再試同區其他甜品'的!

是日中秋假期，晚上和屋企人吃過晚飯後，沿路吃個甜品。路德圍一向多甜品，遲ｄ仲開埋五代同糖，今天就先來吃比較元祖的小樽甜品屋。小樽甜品屋可算是帶起呢區甜熱，沛公、松記都在其之後才登陸。平時路德圍旺起上黎要坐到出行人路中心，但聞說呢排食環署成日出巡，食肆都唔敢放ｄ檯檯椅椅出黎，果度大部份鋪位都唔大，唔俾坐出去其實無乜位，而且人就係咁，見到多人就去排，人少就算入面有位都唔會入去，所以都靜左好多。本來想試新的木瓜燉鮮奶，大大個木瓜燉埋鮮奶都只係$17，其實真係幾抵，可惜冷熱都賣晒，只好轉其他。老婆叫左個椰皇燉蛋白，我則叫左個旋轉甘露。呢度既椰皇燉蛋白，每一個都會畫上好Ｑ的人樣，今日先發覺原來係呢度的姐姐仔即場畫上去的，呢度另一賣點係全部侍應都係年輕少艾，正是口吃甜品眼睛再吃冰淇淋 。椰皇燉蛋白依舊有水準，蛋白固之然滑，每一口燉蛋白都有好香的椰香味。旋轉甘露也是新出品，六隻長身杯像六枝試管一樣，放在一個旋轉盤上，六枝試管共分三隻味，即每隻味共有兩枝，意念應該是來自shooter，真是樽樽有味。第一枝是楊枝甘露，夠甜也有芒果香，但蘿柚很苦，浪費了那楊枝甘露；第二枝是蕃石榴，是最好味的一枝，吃到蕃石

晌金不換食完飯，因為佢甜品選擇唔多，所以我哋過咗荃灣市中心再食過甜品，本打算食松記，見太多人，轉戰小樽甜品屋，以前都食過覺我佢嘅甜品都OK，所以不妨再試！我哋各有所好，結果就分別叫咗7款嘢。蕃薯雪糕石榴露（$20）我試嘅係雪糕石榴露，雪糕有幾款可以揀，我就要蕃薯味，少食丫嘛。奶黃色嘅石榴露，加一球蕃薯味雪糕，個樣就唔突出架喇，但食落口真係估佢唔到其貌不揚，石榴味咁清又咁重手，好得，加上夠晒凍，確係消暑妙品，再配埋蕃薯味雪糕，好似咬緊舊雪凍嘅蕃薯咁，真係意外哋好食！熱芒果紫米露（$20）老婆傳統少少，要個熱芒果紫米露，紫米露加咗椰奶，而芒果肉加上芒果汁就另碟上，都係溝埋一齊哩食，芒果肉熟透所以好香甜，不過紫米露就一般般，雖然唔太甜，個人就覺得質感比較糊。其他係朋友反映嘅意見：芒果石榴露（$22）- 石榴露，朋友A都讚，石榴味清得哩夠濃郁，加片芒果肉同食，幾正！十勝杯（牌價$24，推廣價$20）- 重點係北海道十勝紅豆，加埋雪糕兩球（任擇兩款）、火龍果、椰果，插多兩條蛋卷。朋友C有啲呻笨，個十勝杯應該叫雜果雪糕杯囉，得個一小撮紅豆，少得可憐，被個「十勝紅豆」氹咗落搭。木瓜燉鮮奶（$17）-

八月八日 (星期日)同老公仔想行到荃灣地鐵站經過小樽,試一試老公仔當然點榴槤甜品,我則點了木糠布甸榴槤飄雪很香,我不吃榴槤的老公仔說榴槤本身香,加上了西柚,更加好吃木糠豆腐布甸一起吃,豆腐味道不出因為木糠味道較濃單吃布甸,豆腐味道則不錯呢