小樽駅日式放題料理 (已結業)

食開旺角某間，今次諗住就腳嚟九龍灣，誰不知中伏。見呢度甘多好評，真系不吐不快。地方怎樣我又不太介意，但服務水平一般，態度一般，吾緊要啦。食物方面就很重要，食材水準好一般，燒羊架好多筋而且吾似系燒，反而似煎+曬水焗就算，完全吾香。刺身吾太新鮮，無咩味道。壽司更加嚇人，舊飯好爛吾得。試下湯烏冬/麵，湯底吾好味，麻麻。炒牛枊粒好勁鼓油好咸，天婦羅還可以，只是粉太厚。試左兩款沙律，都是不過不失，好多油。唯一好味就是燒菠蘿，好甜。兩小時限我都是第一次食放題會早走，而且系吾想再order 個種感覺，晚餐盛為$168加一，總之中伏，只系加多十蚊出旺角食x x , 感覺就是天與地。

係九龍灣心癢癢想食放題，見到唯一一間小樽駅，入去試下啦。諗住粗粗地食住先啦，點知有驚喜😍首先刺身既新鮮，入口亦香甜，不錯不錯，刺身食完兩轉到熟食啦，首先要試既當然係鋪頭入面標示既得獎羊架，果然係得獎食品，香口，生熟程度拿捏得好，入口唔會太難咬🤗最驚喜係京蔥抄蜆同田樂汁鯖花魚，個田樂汁包大家有驚喜😍😍😍下次再行九龍唔洗再怕冇放題食嚕😁😁😁

某天平日下班後，突然想吃滿足一點就來了屋企附近的放題，大概6時半，現場客人不算多，2人入坐可坐4人枱。整來說，食物種類不多，味道一般，沒有特別好吃的或難吃的，而上菜速度很快而且沒有出現食物漏單情況是其優點。先說刺身，普普通通，還是三文魚味道較好，其他的刺身都比較淡味。其次壽司，火灸三文魚也不錯，其他的都正正常常，沒有特別。天婦羅算是比較差的一類，粉的確很厚，蓋過原有食材的味道，只有香蕉天婦羅是好味，比想像中的味道更好。熱食方面，咖哩軟殼蟹，咖哩味很重，但原全不覺是食緊軟殼蟹，凍左淋左既炸粉實在很差。京葱炒蜆不錯，不過殼與京䓤比例上也實太多吧。燒物當中，燒菠蘿最好味，很香甜多汁。其他如燒魚等都是一般，不算好好味。總結: 味道一般，食物種不多，但間中也可以一嘗。 185蚊 一位的價錢算是平價，不期望太高，而且九龍灣只有一間放題， 在平日趕忙的生活中想豐富一些，又不想特登出旺角，都可以接受既。

我食過最差嘅放題，忍唔住開ac寫食評本身諗住近近地啲食評好似又OK先去呢一間放題去到如其他食評講環境不理想好細兩個人walk in都只可以比兩個位其實唔夠位放野食物選擇少刺身都係大路野亦唔似其他人話切得好厚普通過普通飲品都係無咩野揀炸天婦羅啲粉漿就真係厚喇炸得唔好，亦唔脆上食物嘅份量以雞肉串黎講兩個人，佢真係比一串黎呢味牛柳粒係令我忍唔住開ac嘅原因非常之鹹！我明放題想整到啲野食濃味啲，等人飲多啲野但唔唔會係咁鹹囉 成餐最正常嘅係燒汁魷魚同埋甜品嘅芝士cake服務嘅話收碟速度唔快有碟野上黎果陣職員有手指撥差唔多啲嘅食物我心諗，你係都唔好係我面前撥啦除左就腳外，我諗唔到有咩好200蚊食啲咁嘅野絕對無下次

環境好一般，個場地好細。原本訂左枱，5點幾6點嚟到，有大約6-7位客人吃緊啦， 想要張卡枱，職員話冇卡枱（明明見到有張卡枱咯）都算啦！冇卡枱唯咁比張兩人位置噶枱啦，又唔比，咁早到要我地坐門口，咩料啊，入面大半個都冇人又唔比我地坐！！！！！咨客（職員）態度10級惡劣！話入面有人訂，啲職員又十級配合，馬上移動啲枱！我超級無奈咯！之前第一次捻住啲食物可以，會嚟第二次啦，今次係第二次嚟吃，估唔到會係咁……對呢到冇意思……冇下次咯！

因為同事推薦再加上約左係影藝戲院睇完戲...睇完之後慢慢行返過黎得寶...品嚐放題之旅開始....4人本身約左7點半...但係我地7點05分左右就到左...職員大約安排左5分鐘左右就比左我地入去坐...成個場一眼望晒..地方唔太大...但係放題要有既野都齊備...坐低..寫紙仔...值得一讚係上菜速度奇快...落單後3-4分鐘就上晒咁濟..無甩單...三文魚刺身好新鮮...象拔蚌刺身...大件+新鮮...之前上黎openrice見話呢度羊架拎獎既...馬上叫一叫...好食..入口一咬就食到...唔似外邊個D燒到老晒唔知食緊D咩好...值得一提係帶鐵板燒帶子..仲有牛肉....好好好食...呢間放題比其他放題多一啲特色小食....有個蒟蒻麵...可以一試..至於飲品到弱左DD..得美連達同普通可樂7喜....不過放題..主要係刺身好食姐...其他唔洗強求咁多...相無咩點影得好多..因為D送上得太快..一直忙住食...總括黎講...可以再黎...同朋友吹水食好野好去處..

屋企人生日，壽星姐話想試下她公司附近的放題店，於是一家三口這晚便來到這家在九龍灣的小樽駅。由於不同入座時間設有不同收費，為了想便宜點，我們便趕在7pm前入座。放工由佐敦過來，時間剛剛好~跟大部份人的習慣一樣，最先點的也是刺身。大致刺身只是普通貨色，所謂的白肉拖羅吃起來更像鱆紅魚，唯獨象拔蚌的鮮爽讓人驚喜。而喜靈魚也算得上爽口，推介！吃過刺身，吃壽司是常識吧。卷物不試不會可惜，火炙三文魚壽司味道口感不錯，輕炙後油香肥美；火炙比目魚裙邊較過於鬆散，而火炙帆立貝則較為淡口。難得這裡的放題有鐵板食物，自然不能錯過。聲稱是得獎食品的煎香草羊鞍肉香豐溢，但肉質過韌且欠缺羶味；炒牛油帶子及炒牛柳粒的口感同樣過韌；香煎骨肉腸脆皮之餘肉汁也夠豐富；最欣賞，牛肉吸收了甜味醬汁後非常香口。燒物也試了鹽燒雞皮串，但雞皮燒得不夠脆，還是要串燒店才好吃。天婦羅賣相不算討好，天蝦吃起來炸醬較厚，不過蝦肉仍算飽滿。南瓜、茄子則非常油膩，不吃也罷。吉列炸蠔是整晚最好吃的一道，蠔汁豐富之餘炸粉不厚，吃時要小心蠔汁四射！芝士年糕雖然不流心，惟芝士味也夠香口。吃得半飽之際便開始試試這裡的一品料理。芝士牛油燴雜菌吃來大概有四款

是日同朋友街，約在九龍灣耳聞有間放題很平於是就來試下。午市158蚊一位，東西算新鮮甜蝦大大隻出乎意料的鮮甜，Encore一次素質也沒有降低。咖哩軟殼蟹很好味，咖哩小小辣。收碟同服務都OK。美中不足是甜品麻麻，飲品選擇太少。ps：店員很帥

同班舊朋友聚舊去開九龍灣，見到有人派傳單，原來九龍灣開左間放題，用傳單優惠券仲有珍寶帶子刺身送，入到去環境望落好舒服，以木為主題既裝修，同朋友傾左陣計，食物已經到，都算幾快，和食料理嗰度最好食既係炒牛柳粒，無根唔鞋，好食，其次係羊鞍，煎得好香,不會煎得太熟，炒蜆亦不錯，配合京蔥一齊炒帶出陣陣蔥香味,值得一試，壽司刺身食落都幾新鮮壽司飯軟硬過適中，最好食係油甘魚同埋三文魚，魚油香味很重，食物種類和一般放題大致差不多，係多左啲甜品可以任食，鍾意食甜品既應該都不錯，價錢比其他放題平，算係幾抵食，埋單每人$180，去開九龍灣會再試，因仲有好多種野食都未試。

今日同朋友係九龍灣行街..行到7點幾左右..開始有啲肚餓...就同朋友去搵嘢食..行行下..就行左去得寶商場..見到有好多嘢食...跟住再行..見到有間放題..估唔到九龍灣都有放題食...一望入去..都有人食緊..所以同朋友就試下喇..7點幾唔洗等位..所以都好快有位坐..一坐低就即刻叫刺身食..啲三文魚好好味..好新鮮..啲甜蝦好大隻丫...所以我同朋友忍唔住叫左好多嚟食..仲有..原來可以加$40任飲清酒..梅酒同啤酒..我同朋友就加左$40任飲..我地就叫左清酒嚟飲..清酒入口好香...飲完個口都仲有清酒味係度..正..我地叫左天婦羅食..啲天婦羅嚟到個時好香..入口好鬆脆..炸蝦天婦羅係一定要食..因為佢地啲蝦真係原隻拎去炸..南瓜天婦羅好甜...好食..唔似出面個啲..有好多炸粉..我地叫左個炒蜆食..碟蜆嚟到個時..以為殼多過肉..點知..有驚喜..原來成碟都係蜆肉嚟架..好味丫...呢度原來仲有甜品叫架..仲係任叫架...因為出面好多都只係可以叫一件食...但呢度可以叫好多嚟食..鍾意食甜品既我..又點可以錯過呢..不過食得開心過頭..唔記得左影甜品..so sad..呢

羊架味道唔錯....肉類鬆嫰壽司款式多....壽司飯香軟三文魚夠新鮮....油金魚油金香味夠甜蝦有鮮甜味..帶子口感十足天婦羅蝦 唔會炸到太硬 有口感熱烈推介呀

當日3位去食,食品方面刺身新鮮，碟碟冰底上，保持到刺身凍度，天婦羅炸到剛剛好，夠脆口，天婦羅蝦好夠海水味，咖喱炒軟殼蟹炒得好好味，咖喱味有日本原有風味，微辣偏甜，炒一口牛亦唔錯，不會炒過火太老，串燒燒到剛剛好，唔會太乾>ω<龍蝦湯好濃蝦味同忌廉味，略嫌部份食品太細碟，要落多兩次柯打，服務員方面亦不錯，收單，上菜都很快，見枱面多野會幫忙收碟，部份員工都有笑容，總括來說呢餐呢個價錢係抵食的

由於當天是平安夜，所以特意早幾天訂位，結果不用等就入得，安排上沒出現明明訂了座，卻要在門外等數十分鐘的情況，另外服務員也非常有禮貌，不錯！入座後照慣例，先叫刺身，後叫熟食，由於我們人數不多，未能盡試所有菜式，只吃了刺身(全部)，鐵板燒羊鞍，鐵板牛柳粒，鐵板炒牛油帶子，京蔥炒蜆，天婦羅(全部)，田園炒雜菜，蒜香西蘭花，蒜香雞翼，咖哩軟殼蟹，龍蝦湯，和風田園沙律，蟹子沙律，草莓雲石芝士蛋糕，意大利芝士蛋糕，彩虹千層糕，藍莓芝士蛋糕等等。不能盡試所有菜式，實在是有些遺憾，只好下次再試。值得一提的是刺身方面的種類，非常齊全，連比較少見的象拔蚌都有，而且也很新鮮，值得一讚。另外，鐵板牛柳粒吃得出沒有加入大量鬆肉粉來令肉質變軟，除了保持了牛肉本身的味道外，也不會變得很靭，處理得很好。蒜香雞翼的確翼如其名，有很香的蒜香味，咬下去，肉質嫩滑，味道也調得不錯。最後有一點絕對要提，那就是草莓雲石芝士蛋糕，意大利芝士蛋糕，彩虹千層糕，藍莓芝士蛋糕是任叫的，或許你們很奇怪放題有任食甜品有何用，但對像我這類愛吃甜品的人來說，這絕對是很重要的消息，而且暫時也沒看到有哪間放題有這些甜品是任食的！以$178的價錢來說

最近先發現 有間放題 由於本身都幾鍾意食壽司又大食 所以一會去搵放題，任食嘅餐廳 今次見到九龍灣有新日式放題 就約左幾個fd去食下 因為我鍾意用個口食 多過用相機食 今次都無影過相（何況又唔係有咩特別）咁我地今次5個人就星期三黎睇下呢間放題ok唔ok （係我眼中 放題 任食呢類野 其實都係差無幾 我都無太大期望）一開始因為我地有book枱 加上平日 所以都唔洗點等就入得去見到一堆order紙 我當然係諗都唔諗就叫幾件壽司呀 刺身呢啲食下先啦 都叫ok 片三文魚都唔算太薄 啲數量亦俾得幾足下 之後 其他野 就咩都叫啲（5個人唔通會食唔晒咩？）首先係雞軟骨 幾好食 其他炸野俾啲餓狼食晒無試到串燒 青魚 無咩特別 都幾好食 多春魚都幾香口 嗰個七味粉魚頭最好食 仲有魷魚軟骨串都唔差到啲炒野啦 汁燒魷魚 生薑汁豬頸肉 炒蜆 呢啲都ok 最好食係個炒牛柳粒 肉汁豐富 入口即溶 一啲都唔韌 仲有個芝士什菌 好芝士其他食物方面 煎羊鞍好好食 煎帶子好香幾鮮甜 煎牛卷亦不錯 冬菇茄子 算係可以一試大致上 食物味道都幾好 以放題黎講 尚算不錯唔洗自己動手整熟佢 申手夾就有得食 呢方面真係非常之

本人住九龍灣都有一段日子，見間放題開左咁耐都未試過就諗住入去試下。未入去之前都已經唔係抱太大期望，因係旺角中太多伏。行到門口，職員就問我地幾多位有無訂枱，然後就帶我地入去，入到去就點菜食放題就梗係樣樣都點下試盡佢，我地四個人點既野食唔算多，最快來的是優惠刺身帶子，其他刺身都有冰底裝住賣相一般無羅白絲沒有層次，有樣野好的是我至愛的油甘魚叫親都會來足，正跟住伏就開始了，壽司飯太散，前菜份量小明明寫4份比得1小兜。到熟食兩隻字講哂得咸同窿，串燒幾串都係燒窿的，天婦羅簡直同就咁炸粉無分別厚過原本的食材。龍蝦湯不過不失的，係多油同水左小小囉。帶子咸，茄子咸，什菌咸，牛柳粒你仲會見到有血水係到，炒蜆仲驚喜，隻隻都有沙仲要殼多過肉，張枱唔係大食完一舊都無意欲再食落去終於擺到成枱都係野，越食越想走結果食左大約九個字就埋單。一句講哂，比錢請我食都唔會再去。