小洋蔥 (已結業)

呢間小洋蔥平時見到都有d人食，今次終於來到試一試，點知驚嚇🙀程度係8分，先來肉眼扒，無牛肉味，而且有陣牛騷味，垃圾之中既垃圾，而薯角吾係即炸，係淋薯角。卡邦尼芝士煙肉意粉，不過不失，只能當白汁意粉，煙肉無煙肉味，亦無芝士味，真係吾知點講。迷你香脆洋蔥圈，$10加既，但應該叫洋蔥包先啱，因為d粉多到好似食緊麵包咁，厚粉到我前所未見，最終食咗入面條洋蔥算數。我同老公終括講，仲衰過去食大家樂，絕對絕對絕對吾會再踏入半步慎入慎入

今日諗住假期，同屋企人去附近嘅商場食晏，點知就食到成肚氣，先唔講呢間嘢，唔跟號碼叫飛，坐低咗之後叫咗嘢食。其中我哋叫咗個pizza ，因為係坐卡位搭枱，所以都好小心，希該唔好拎錯對面枱嘅嘢食，點知個侍應自己無睇清楚張單，同我哋講咗枱號就放低咗個pizza，咁聽完佢咁講就咁係食喇，點知轉頭佢又拎另一個嚟，話係我哋嘅，之後侍應係度討論，原來係佢哋俾錯咗相隔一條走廊隔離枱嘅pizza，但pizza 已經食了，食咗一半所以無道理拎走再換。之後隔離枱嗰家人就開始俾說話我哋聽了，話我哋食咗佢哋啲嘢食，之後佢哋問侍應，幾時先有時，個侍應話因為我食咗，要再做無咁快，但此刻覺得，係你哋俾錯嘢食，上錯枱在先，而家將啲負責推俾客人，我又係第一次同屋企人係度食晏。講真佢哋咁嘅服務態度同處理手法，令我覺得感覺好差好差嘅體驗，我以後都唔會去呢間嘢到食飯

呢到既食物，環境唔錯幾抵食 但經理既態度差我舉手好有禮貌話唔該落單個時最大既一個女仔（應該係經理）話轉頭啊諗住佢幫個位客人落完單會黎幫我地落結果佢主動問我隔離枱既客人要唔要落單但呢位客人無話落單 亦無舉手 咁都算啦以為佢幫呢位客人落完就會幫我地落佢就行左去入機 入完機就算有行過黎幾次 都無幫我落單後尾我同一個店員講唔該落單個店員就話等多兩分鐘 但我想講隔離枱都已經落左單點解我呢張要等多兩分鐘仲有就係晚市5點50開始我6點04分講多一次話落單結果就係等多兩分鐘個時一d都唔忙 樓面有足夠既侍應咁樣既態度係咪針對客人先而且隔離枱既野食到左都未幫我落後尾我再叫多次個經理望左我一眼 無應我行左去同一個店員講左幾句先行過黎幫我落單我無出聲講過任何野話佢 都無得罪佢唔明點解要咁

同家人提早食父親節飯，叫既野都還可以，但跟餐加特飲就較貴，要加十元或以上，但飲品既size就較細份，唔抵，最後諗住叫甜品食，點知雪糕得番得芝麻味，原本有四種味，有抹茶，士多啤梨，芝麻，牛乳，得最後得番芝麻，仲要加上個芝麻雪糕十分差，超失望，所以下次未必會黎。

隔離8枱唔要木水杯凍檸茶，攞返水吧隔幾分鐘攞俾我，咪當我傻啦，你地個水吧開放式架，垃圾！一路望住杯茶會唔會俾我……又唔係特別平，人地玩完杯野，攞返水吧轉俾我，我唔會再食呢間

假日Hea下hea下又一Day~係男友家睇左套戲又睡了個午覺後突然勁肚餓😂😂😂又諗唔到食乜又唔想去甘遠。。。行下行下就去左秀茂坪商場啦原本都係諗住睇下有乜野食唔好甘悶啦日日食個的。。點知就見到呢間餐廳個牛柳廣告牌我個愛牛男友更因此念念不忘上埋上面睇完其他餐廳佢都話要試下呢個牛😂😂😂好啦就衝入去啦😂😂😂我地叫左兩個餐都係揀左湯既我叫左我最愛既羅宋湯而佢就叫左松露野菌湯我個羅宋湯略咸但佢個松露湯係ok既好香既松露味但如果再傑身的creamy的就好啦我叫左個脆炸豬扒肉燥飯四十幾蚊甘既質素有的喜出望外首先佢既脆漿我好中意好鬆化而且豬扒好大塊但又唔會死實實肉燥甜甜地岩我口味有驚喜到我男友既特級牛柳到啦我諗真係中意食同識食牛既人都唔中意食甘熟但其實出面的人唔知點解成日都煮到好熟呢度雖然都係鐵板上但中間仲血淋淋架😍😍😍我男朋友一切一食好滿足既樣子我忍唔住要偷食佢的野又真係ok wor講真一百蚊有甘既質素性價比真係高有牛味生熟度ok已經比到驚喜👍🏻👍🏻👍🏻埋單$150兩個人真係算係甘我諗我男友會再黎。。。😂😂😂

平時見到尼間大排長龍~感覺好似唔錯~但又怕自己唔喜歡食洋蔥，仲擔心入面D野係唔係多數都有洋蔥，原來唔係～放工同老公去試下啦～由於我地放得早，去到未見好多人～而且間野都幾大同有好多位～餐牌款式都多選擇～應該不錯吧～佢叫左海鮮炒烏冬，我叫左鮮茄意粉（唔記得叫咩名）我仲加左個SET餐~黎左個多士同湯,2樣都OK~不過如果忌廉湯可以結D仲好飲~另外老公話佢果個好食~而我果個，我都覺得OK，但又未至於好食。。。～而又覺得好似油左D～不過整體都OK既~可以去試~

今次係我第二次去呢間度食第一次食嘅時候已經唔多滿意架啦諗住佢啲飯會幾好啦但點知係超級失望我同我朋友一人叫咗一個飯我朋友叫咗一個牛扒肉操飯同一杯泡沫咖啡我叫左一個照燒汁牛肉珍珠飯首先講牛肉飯個牛肉飯啲照燒汁積聚晒係個底度超多汁好鹹啲牛肉又係用嗰啲廉價肥牛成個飯最好食都係啲白飯其次就係個牛扒肉操飯牛扒成塊喺隻碗到好難切塊扒又薄 食唔倒牛味最大問題就係杯泡沫咖啡本身諗住加＄5就加＄5啦 點鬼知中咗伏佢有成半杯係泡 呢杯係最難飲嘅泡沫咖啡啲泡都唔知咩黎 好似奶蓋狀咁嘅質地仲有陣怪味 好啦咁我到晒啲泡諗住享受下杯咖啡 點知我飲咗兩啖 恕我無能 又跌咗＄5落鹹水海就係咁我哋決定唔會再食第三次

今日同屋企人上黎商場新開業既餐廳次次黎到都要等位, 唔通質素好好?🤔🤔🤔未到下午茶時間, 只有午市套餐價錢屬中貨, $46 起台式雞扒肉操飯, 外形賣相真係一般除咗見到一層厚厚嘅炸粉係雞扒外層之外就見唔到雞扒了. 雖然雞扒好厚, 不過炸粉都一樣咁厚, 幸好嘅事雞扒唔算炸得太乾, 不過冇乜鹹香味, 可以話比較淡口肉操飯唔似台式, 肉醬個味道好奇怪, 唔係好食既味道個人唔係咁鍾意.. 覺得唔好食😖😖另外叫咗一個咖喱牛腩飯食落有啲似印度式嘅咖喱不過咖喱汁唔辣食落去都幾香幾濃味, 牛腩嘅份量都幾多嫁! 相比之下咖喱牛腩飯比台式肉操飯優勝👍🏻餐廳嘅嘢食質素一般, 不過係呢個商場入面有冇其他西餐廳, 暫時得佢一間難怪會咁多人排隊

第一次黎到秀茂坪商場食飯，揀左呢間小洋蔥試一試。星期日晚上都算多人排隊，但都幾快有位。聽聞呢間平但質素一般，但因為裝潢吸引左我去食。試左個忌廉滑蝦煙肉意大利飯，本無希望 所以食落陣唔會失望。飯不會太硬太軟，適中。但滑蝦只有一隻，煙肉又不多。另外家人點了卡邦尼波蛋芝士意粉，黎到竟然漏左隻波蛋，要向職員追返先有，忙中出錯。味道一般不夠意大利飯香濃。但因為價錢都可以一試！

秀茂坪商場是離我家距離最近的大商場， 很自然地一星期之中便有好幾天要到那裏流連 ---- 無論是到街市買餸又好又或是吃餐又好 , 要就近的話這兒必定是首選之地....作為一個為食鬼 , 自然是會十分留意商場內有什麼餐廳進駐。事實上這一類領匯商場， 內裏大部分的鋪頭都是屬連鎖店 ， 實在是沒有什麼吃頭的。 不過偶爾看到有新店子而又不是什麼大x樂或麥x勞的話，自己還是有興趣要去試一試的....這一間叫作"小洋蔥"的店子 , 一開幕便擠得水洩不通。在用餐的高峰時間門外等待的人龍好說也經常有十多二十位....一家三口今天嚟趁熱鬧 , 很幸運地在門外等了一會便找到了一個四人座位坐下。 嗱嗱臨叫了兩個午餐三人分，每人花不到五六十塊錢便吃了一頓。 以這區的價位來說不算是很便宜但也當然不算很貴....小友一坐低便要說吃拉麵....我的這個兒子，一去到每間食店坐下來便嚷着要點拉麵，真是無乎.... 太太則選了黑椒薄牛扒....而我呢....今天沒有什麼胃口 , 所以決定兩邊各"黐"一點來食就已足夠飽肚....在這一類商場西餐廳吃什麼日式拉麵 , 大家也可以預計到其水準如何 ---- 麵是充滿了鹼水味而且

星期六同朋友去左秀茂坪食午餐，見之前住秀茂坪的朋友都推薦過下午茶唔錯，今日打算來一試。不過下午茶要等到2點先可以入坐，我地就冇等到下午茶，寧願早少少入坐試午餐。小洋蔥新開左幾個月，環境坐位都寬闊舒服同企理，只係飲水係要自助，不過都問題不大。卡邦尼芝士煙肉意粉 - 首先試左卡邦尼芝士煙肉意粉，芝士味唔重，反而重忌廉，食完都好快會飽。拿坡里辣肉腸意粉 - 辣肉腸得好少同好薄，辣肉腸的味道主要俾蕃茄味蓋過，但好在個蕃茄味又唔太酸，而且蔬菜都新鮮。總整而言，食物質素過得去，午餐唔會太細分，味道正正常常，環境都坐得舒服，都係個不錯的選擇，但就唔需要特登去試啦。

唔太值得呢個價錢！野飲0分 湯就一般 如果要用50蚊去食 就真係唔好去 第3次去食 越來越差 越多人就越hea🌚 服務態度就幾好 但個水吧沖野飲真係0分 我朋友杯凍檸蜜太甜 係甜到入唔到口 我杯凍檸水就太淡 要再自己加糖漿食物就還可以，50蚊水平黎講其實幾差！餐廳環境唔錯，都唔太需要等位！如果你專登黎食嘅話，你可以唔洗黎，因為只會令你失望！秀茂坪商場大把好味過佢，平過佢！只能講佢係高級茶記希望佢地可以改善下2017年1月12日

今晚咁啱經開附近, 知道呢到既商場開咗幾間新食肆, 今次試食呢間先, 門面裝修都不錯, 門口有露天商場位, 不過呢啲位唔坐為妙, 因為完全冇私隱度, 因為門口等位既食客, 係企晒喺你座位餐枱隔離, 咁點食得舒服呢? 7點左右去到都要等位, 食客大部份係屋邨住客, 一家大細或叔叔嬸嬸咁, 晚餐既餐牌有2個, 一個係多數食扒餐, 另一個係意粉或飯餐, 晩餐既餐牌真係揀唔落手, 只係叫咗個野菌肉醬意粉配洋蔥湯, 另外都係散叫餐牌, 其實晚餐都算抵食, 最平$48已經有個意粉, 可以跟湯,沙律或飲品, 如果叫咗飲品, 可以另加$10配湯, 我地叫咗一客小食, 一個意粉同一份RIBS, 三杯特飲和風照燒雞翼 - 賣相一般, 食落一般, 原因係啲雞翼表皮太硬同太乾, 雖然肉質都嫩口, 但係有點失色野菌肉醬意粉 - 賣相都吸引, 呢餐最好食既反而係呢個, 最普通既肉醬意粉, 真係估佢唔到BBQ豬仔骨 - 賣相唔多掂, 可能係醬汁既關係, 黑沉沉既一舊, 切開可以有6小條, 肉唔算多味道偏濃有啲咸添, 薯角都係一般法式洋蔥湯 - 簡直係全場焦點, 完全唔似係洋蔥湯, 油蔥湯就似, 法式是什麼????

第一次來到呢間觀塘小洋蔥小便都算幾好招呼而且呢間小店裝修幾靚下。 價錢都幾合理午餐＄50有交易我就是左去個雞肉pizza餅雞肉幾鮮嫩多汁，個pizza餅底都幾口麵粉差得幾好咬口配埋杯凍檸茶，裏面有三塊檸檬算係幾落本