小漁坊 (裝修中)

小漁坊，位於深水埗，是當地居民和小炒愛好者口耳相傳的必吃餐廳。這裡以其即叫即做、鑊氣十足的小炒而聞名，每一道菜都充滿了廚師的用心和對食材的尊重。不同於一些提前準備好的菜色，小漁坊堅持現點現炒，確保每一口都能品嚐到最新鮮的味道和最熱騰騰的溫度。店內的招牌菜之一是咕嚕肉，其酸甜度的拿捏恰到好處，既不會過於甜膩，也不會過於酸澀，完美地平衡了兩種味道，讓人回味無窮。另一道必點菜色是剁椒蒸魚，新鮮的魚肉搭配上特製的剁椒醬，鮮辣可口，令人食慾大開。魚肉的鮮嫩與剁椒的香辣相互輝映，帶來多層次的味覺享受。除了以上兩道菜，椒鹽豆腐也是每次光顧小漁坊的必點之選。外酥內嫩的豆腐，裹上香氣四溢的椒鹽，一口咬下去，酥脆的外皮與嫩滑的豆腐在口中交融，帶來豐富的口感。椒鹽的鹹香與豆腐的清淡相得益彰，讓人忍不住一口接一口。這次帶朋友去小漁坊用餐，每一道菜都讓朋友讚不絕口，可見其美味程度。無論是家庭聚餐還是朋友聚會，小漁坊都是一個絕佳的選擇。在這裡，你可以品嚐到地道的香港小炒風味，感受到濃濃的街坊情懷。如果你也喜歡小炒，不妨來小漁坊一試，相信你也會愛上這裡的味道。

這家餐廳的菜單以川粵風味為主，兼具創意與經典，價位親民且選擇豐富，適合三五好友聚餐或家庭小聚。招牌菜「麻辣魚春拼魚卜」以麻辣鮮香為亮點，魚春與魚卜的獨特口感搭配濃郁醬汁，適合嗜辣者挑戰。「重慶雞」分小鍋（$205）與大鍋（$318），辣味層次分明；雞肉嫩滑，十分惹味。素菜推薦「蒜蓉炒萵筍絲」（$62），爽脆清甜；「椒鹽豆腐粒」外酥內嫩，佐酒一流。炸物中「酥炸生蠔」（$168），口感酥脆驚喜；芝士龍蝦伊麵以濃郁拉絲芝士包裹鮮甜龍蝦肉，伊麵彈牙吸足醬汁，層次飽滿。龍蝦肉質緊實彈牙，芝士奶香醇厚不膩，鹹甜交織，奢華感十足，嗜芝士者必嚐！整體菜色份量多，價位透明，性價比高，值得再去。

最近見到社交平台不斷有人推呢度既龍蝦伊麵，訂咗三次終於食到喇！佢哋嘅上湯龍蝦伊麵真係好好食！一入到去，老細就好有禮貌，招呼得好周到，仲介紹左有乜招牌野～講到龍蝦伊麵，湯底真係一絕！上湯味道勁濃郁，飲落去非常鮮甜，感覺到每一淡都有龍蝦嘅鮮味。伊麵煮得啱啱好，最正係龍蝦既鮮味全部入晒既伊面度，食到停唔到口😋餐廳都幾大，好適合同朋友一齊聚會，老細嗰日仲俾我哋坐到好夜😜 總括而言，如果你係鍾意食海洋既，呢間餐廳真係唔可以錯過！佢哋仲有好多新鮮海鮮每日都唔同，但龍蝦就一定要試😚

這是我經歷過最差的一次餐廳體驗，無論是服務還是食物質量都讓人極度失望！首先，入座後我們點了一罐可樂，結果等了整整45分鐘才上桌！期間我們多次催促，服務員態度冷漠，甚至老闆還走過來理直氣壯地說：「晚餐時段就是要等。」這種態度簡直讓人無語！最終，在我們的投訴下，菜品才在入座55分鐘後上桌，完全沒有任何歉意或解釋。更讓人無法接受的是，我們點的魚春煲不僅味道極差，食材也不新鮮，完全不符合這個價位應有的水準，炸生蠔油到食唔落，整個用餐過程讓人感到非常不愉快，完全沒有享受到應有的服務和質量。作為一家餐廳，基本的服務意識和食物質量都達不到標準，實在讓人難以接受，實在難怪港人要北上消費，呼籲大家想食小炒好多選擇，唔好去呢間貼錢買難受。

好味，食物新鮮，味道唔太重唔太淡，份量都好滿足。本來大家都幾滿意，但竟然最後一肚氣！到訪時，剛好店員見到同行有老人家，非常熱心有禮協助使用大廈電梯。老人家（102歲）可以輕鬆到達，非常感謝店員。不過，最後埋單離開時，竟然被收銀同事質問是否有向大廈住客查詢大廈密碼，導致店舖收到管理處投訴。即使已經向收銀同事表示應該與我們一行無關，但對方態度言談間就已經認定是我們導致店舖被投訴。第一次到訪，唔係店員協助根本唔知有電梯。再者，如果使用電梯可能會影響店舖被投訴，我同屋企人慢慢行上樓梯都唔會用，因為大家都唔想影響到餐廳。三，收銀同事根本無意了解事情經過，只係一直重複因為「我哋問住戶拎密碼」導致佢收到管理處投訴，但根本「問住戶拎密碼」呢件事與我們無關。最後離開呢5分鐘極度影響用餐體驗，絕對不會考慮再到訪。

好似早兩個星期嚟過，無諗住咁快又嚟。早幾日見成波有post，得知餐廳做到 2月5日結束。臨別秋波，又嚟食吓咁囉 😛唔算咩食評，係我成晚嘅心路歷程 😂一位訂枱仲要早日打黎預留食物，我真係唔多慣 😅見樓下落半閘以為未準備好，我行上西九龍望落舖頭入面係有人嘅。上到先知好爆場，大家都趁臨別嚟幫襯。由於我有訂枱好快入坐。大概7點開始，坐到 9：45先食到我預留嘅醉豬腦 😂隔離件臭貨，同一張櫈同一個椅背，佢不停咁大力大動作，其實好影響我 😂，變相我無得靠後挨，食飯遇到呢啲情況你會出聲嗎 😂😂。飲啖嘢都前後企起身3次再大力坐低 😂，真係無知覺架喎 🤦。之後有枱客入，（得我有架咋），有個人鬼殊地俾張咗印有香港（加油）嘅膠片俾我。心諗：做咩呢佢 🤷‍♂️。。接又唔係，唔接又唔係。戴住黃色口罩，夠晒明顯啦。我無出聲收咗就算。其實我係想靜靜地食餐飯，之前嚟一直都好地地，我甚少會揀將會結束嘅餐廳嚟食，呢個抉擇應該都無下次 🤷‍♂️題外話：餐廳忙足成晚，如果平時咁好生意就。。結束營運有好多原因嘅！建議留港消費，小店經營買少見少。

深水埗不嬲都多好野食，仲性價比高！今次想介紹下這間中菜，帶埋親朋戚友去都唔會失禮！今次去慶祝生日，朋友們都讚不絕口！佢d 小菜仲要好有特色，唔係周圍都有得食😀#熗炒窩荀佢有得蒜蓉炒，清炒菜，不過熗炒比較特別。十分香口，辣辣地，好惹味，鍾意食辣要試！D萵筍切到好細條，刀工十分好，令到口感好好#椒鹽豆腐個豆腐粉漿好脆口，但豆腐好腍，非常正#咕嚕肉救命，這個太好食，朋友即場叫多一碟咕嚕肉係冇骨嘅，酸酸甜甜仲要掛汁，成碟清晒，最後唔會剩返一堆油喺度，不得了#藥材雞湯底唔錯，大家都一齊飲左一啖，雞滑，養生又暖胃。#麻辣魚春這個必試！除咗唔喺度有得食之外，嗰陣鹹香，加上魚春嘅口感，送飯一流。#口水雞雖然唔係完全去骨，但係佢個辣度，應該一般人都可以接受，雞非常嫩滑，香口！#原味焗蜆蜆非常鮮甜，冇得輸#薑蔥蠔蠔同埋薑蔥係非常好嘅配搭，蠔有輕輕炸過，加上特別嘅醬汁，真係連薑蔥都食埋，非常出色！#紅糖糍粑正常發揮，煙煙韌韌，正！如果想去幫襯，最好去佢fb/ig 望望，確定有開唔使摸門釘

發現深水埗一家餐廳超級好味嘅午餐，番茄魚飯，真係超驚喜。問咗老細 個蕃茄湯底係用新鮮南瓜同紅蘿蔔打爛整嘅湯底，非常新鮮非常好飲，有南瓜嘅清甜。之前食譚仔同米線陣嘅蕃茄湯底同小魚坊嘅蕃茄湯底真係無得比，唔係一個水準嘅。建議鍾意飲蕃茄湯嘅人都試下。仲有酥炸生蠔同姜蔥蠔都好好食👍然後！餐廳有3只可愛嘅貓貓，係一家三口。貓貓都好乖，可以帶啲貓零食喂佢哋。對於我哩個愛貓人士話真係超級治癒！可以一邊食嘢一邊睇貓貓🐱

見上面食評講到好好，就襯今晚平安夜嘗試叫外賣自取，總共點了4款小菜，包括薑蔥蠔，薑蔥魚卜，香芒咕嚕肉，楊州炒飯。首先，我是親自打電話到店舖叫外賣的，以下是我和店員的對話：我：請問外賣有折扣嗎？店員：乳鴿？有啊我：唔係乳鴿，我問外賣有冇折扣，即係有冇得平店員：有呀乳鴿，外賣乜嘢我：ok,我係叫外賣，我要薑蔥xx….完店員：仲有冇，再覆返我一次（正常）我：請問收唔收電子支付？店員：收呀我：好，等陣過嚟拎，要幾耐？店員：15分鐘啦到店後⋯⋯有個疑似老闆A走出嚟我：可否PayMe？A:只收現金我：唔係喎，剛才電話問過有電子支付A: 我哋嘅同事係唔會答你有嘅，因為我吩咐佢只收現金我愕然了，停頓一下，但明明電話話有A：我啲同事唔會咁講，我聽住嘅我：下（講大話）我：心想..難怪店舖咁靜有原因的A：你PayMe我啦我：咁你俾個code過掃，會清晰啲A: 你打我個電話得啦，你唔識按咩，過數朋友嗰度喎 （語氣是很不忿氣嘅）我：生氣😡中單看以上，我已經唔會再有下次幫襯，呢個疑似老闆態度非常差，就算電話真係聽錯都唔應該有呢個態度！難怪店舖拍烏蠅🪰至於食物，分量非常之少，性價比勁低！味道也不見得出色，但四樣嘢

見多人介紹小漁坊，所以決定去試下，果然真係好味，又抵食。我閒日夜晚，唔多人，👧🏻妹妹服務好好，雖然裝修頗舊，但地方乾淨，坐位亦寬濶，坐得舒服。泊車🚗🚙亦方便，對面西九龍中心，食飯前後仲可以去行下買嘢。因為得兩個人👩🏻👨🏻，要從好多餸菜裏面揀選，再加上另一半唔食得太辣，所以水煮牛、毛血旺呢啲自動棄權。最後叫咗韭菜雞紅、清炒萵荀絲、涼伴皮蛋豆腐、砂窩雲吞雞半份。全部都真係好味。見到隔離枱叫沙冰，好吸引，下次一定要叫。👍🏻

五月某日想嚟，上openrice睇寫已結業，咁就完咗。一直想去筲箕灣，但又覺得好遠。。有日無意中見有網紅post，話椒鹽豆腐好好食，再睇下啲相咁面善，先知改咗名原班人馬，咁唔知咩原因啦，我嚟食嘢唔洗知咁多嘢 🤷‍♂️椒鹽豆腐食過一次，好食與否比較個人，淨係知好大份食唔晒，我本身嘅餸都幾漏下，唔係好飽肚，最飽都係支啤酒。飲品都多選擇，有沙冰有菠蘿冰及茶記水吧有嘅，但腸胃差就無我份嘞 🙈特登黎呢度食 😋：豉汁蒸魚頭。薑蔥魚卜。醉豬腦 。麻辣豬腦。。

我今日上一網睇吓深水埗有咩好食，點知比我發現咗一間好好味嘅小菜，佢叫小漁坊，入到去好似茶居感覺，環境好大，精緻嘅茶壺，另外佢最出名嘅小菜，有一味叫麻辣煲仔-麻辣魚春拼魚扑，因為我屋企人好鍾意食魚。尤其係魚春同魚扑，所以我就同屋企人介紹，試一試我哋叫了砂鍋雲吞雞（半隻）- 隻雞好滑，配合d菜，好好味麻辣魚春拼魚扑 - 魚泡又滑又彈牙，如春口感一流，份量夠多鮮果生炒骨 - 鮮果甜味，外脆內軟嘅生炒骨酸菜桂花魚（小窩）- 肉質嫩滑楊州炒飯 - 飯粒乾爽上湯浸小菜 - 菜好柔軟

原來咁多人覺得失而復得，其實呢間野味道真係唔錯，尤其午餐抵食，有野飲，唔知點解唔多人幫襯，可能要行樓梯啦楊州炒飯味道夠，又夠熱口水雞叫完又叫，翻買左一百次，唔知點解可咁滑，紅油無得輸另一最愛蕃茄魚飯無影到老闆支持你呀

食開魚鈁都有兩年了，點知一次經過話要結業，真心難過，以為以後都冇得食魚春魚卜等等美食，畢竟喺香港真係好難搵到😭仲諗住專登去筲箕灣另一間食添……今日經過深水埗，發現原位置有新鋪頭開緊，仲要名字都差唔多，即刻去睇下，竟然真係重新開咗。不過時間問題今日就冇喺度食，不過相信食物質素都會保持水準以前食過咁多次出來冇諗住comment，今次失而復得之後先發現真係要好評支持下，俾更多人知道，先可以支持到中意嘅餐廳繼續營運～

地點就腳，西九龍中心對面，上層樓梯就到，裝修簡單，有幾張卡位椒鹽豆腐粒 $ 58豆腐大大粒，外脆內軟，係店員推薦份量多，唯一係豆腐味唔濃薑蔥魚春卜 $ 132網上推薦菜式，煲仔細細，其實份量都好多，上枱熱辣辣，魚卜正魚春就煎得太乾太硬，係香口，不過口感乾硬少少鞋。。。乾煸四季豆 $ 68四季豆多汁入味，幾新鮮👍 肉碎調味偏重手，不過餸飯一流店員都好老實，邊樣好食唔好食，水吧師傅射咗波😂食物價位合理，都有啲高價食物，雞煲、烤魚等，其實都比外面價位低，而且佢冇收加一，冇收開瓶費，堅係抵食