小火焰韓式咖啡廳 (樂富廣場)

营业中

休息中

睇完評語特登搭車嚟食，點知食物質素真係令我大大失望😫 叫咗一個泡菜豆腐湯午市套餐加凍咖啡，雖然食物好快嚟到，但係一聞到個豆腐湯就知賴嘢。D評語話個湯好香辣有特色，但係試咗一啖除咗辣味之外咩味都冇，根本唔係泡菜湯應該有嘅味道，話係韓式都簡直係笑話😭😢 希望舖頭起碼做返一定質素先攞返出嚟賣，如果唔係真係大打折扣🫠 凍咖啡就係一般嘅即沖咖啡冇乜評語可言，但係就真係比較甜，如果叫辣嘢嘅話呢個飲品其實係OK嘅，不過整體上$71一個餐我就真係唔係好推薦

呢間嘅menu厚到傻🤣嘢食好食 晚市價錢算係咁 座位鬆動 檯面幾闊泡菜野菌辣炒年糕 $88 (另加一) ✨：7.5/10  年糕煙韌都啱啱好🤤只有少少辣 辣味源於泡菜想要多啲野菌🙈 海鮮炒淮山麵 $128 (另加一) ✨：8/10除咗面頭嘅蝦同青口 入面有唔少魷魚鬚味道夠 幾豐富😚 原味韓式炸雞 (半份) $98 (另加一) ✨：6.5/10半份有兩件雞下髀 兩件雞扒熟悉嘅炸雞調味+質地 有肉汁 厚肉啲就好因為今次唔知點解 冇話好想追住食(唔好話比我知係年級大嘅象徵 ;_: )其實好食嘅 以前嘅我可能會比高分啲 (所以我嘅評分都幾biased🤣)

今日約左朋友黎到樂富傾計佢推薦呢間韓式餐廳話炸雞同冷麵都好正比得上起韓國當地食既餐廳北寄貝水冷麵一定要叫既冷麵麵質超級煙韌食前要加上芥末更突出北寄貝好新鮮爽甜仲有真冰起湯上飲一啖真係又清新又透心涼芝味炸雞點可以唔叫炸雞呢間即叫即炸超級酥脆分別有芝士粉同芝士醬淋上炸雞一次滿足雙重滋味溶岩芝士炸雞麵包中空既農夫包內裡有大量芝士炸雞沾上拉絲既芝士真係濃郁又脆口石板韓風魷魚好欣賞呢間真係用石板上keep 住熱度唔會散魷魚新鮮彈牙醬汁少少辣好惹味

又係一間因為喺附近返工所以成日幫襯嘅餐廳🤣🤣🤣今日食左泡菜豆腐湯飯，蕃茄牛扒烏冬，冷麵～((又潮濕又熱嘅天氣 完全唔建議食鍋飯🥲 又熱又辣 但味道係幾好嘅~))私心推薦，泡菜烤雞腿肉拌飯同辣炒豬腩肉拌飯，哩兩個飯都超好食，我食過好多次 哈哈👍🏻👍🏻👍🏻*不過呢間餐廳啲嘢真係幾辣，不論辣炒豬腩肉定係豆腐湯都真辣 唔係得個味嗰種~冬天嘅話，建議試吓佢哋嗰個紅棗水👍🏻💆🏻‍♀️夏天就凍咖啡吧hahaaa

今晚去樂富搵朋友，朋友話想食韓國菜，然後就提議黎<小火焰韓式咖啡廳>。餐廳環境寬敞，電視同音響都播放住K-pop Music，令人不自覺地聞歌起舞我地點餐既時候，發現差唔多每枱都有叫炸雞，非常受歡迎，所以我地二話不說揀左有炸雞款式既<弘大二人餐>。前菜有三色前菜同醬油蝦配糖心蛋。醬油蝦非常厚肉大隻，只需用手扭兩扭，大大舊既蝦肉便出來了，非常新鮮惹味！而朋友就鍾意食三色前菜，入面包括泡菜、紫菜同蘿蔔，味道鹹鹹辣辣的，非常開胃。至於香芒炸雞沙律，材料同份量都比想像中多，炸雞既辣味再配合芒果同沙律既鮮味，令整體味道更為豐富。主角之一既芝味炸雞，雞肉炸得恰到好處，外皮香脆可口，雞肉爽口嫩滑，再配上我非常喜愛既芝士粉，令整碟炸雞更為惹味，好吃到令人吃到停不了而鍋物雪香牛骨湯鍋，材料有牛肋骨，粉絲，菜，年糕同菇類等，我首先嘗一啖湯，湯底味道鮮甜，充滿濃郁既牛骨味，飲落非常暖胃，亦剛好中和了炸雞既油膩感。另外，不得不推介拉絲芝士bb豬肋骨泡菜炒飯，泡菜炒飯粒粒分明，而豬肋骨上佈滿了香濃既bbq燒烤味，另外加埋大量既紫菜同拉絲芝士，三個字來形容: 正到爆最後點少得甜品芒

這家韓式餐廳的美食真是令人讚賞！😍無論是韓風魷魚、冰梅蕃茄、泡菜鰻魚石鍋炒飯，還是柚子明蝦水冷麵，每一道菜都讓人回味無窮😋其中令我最畢驚豔的要數熔岩芝士炸雞麵包了🍗🥯脆皮的炸雞🍗和濃郁的芝士🧀充滿口感，再加上鬆軟的麵包🍞實在讓人垂涎三尺。整體而言，這家餐廳的菜品均使用新鮮的食材，搭配得宜，讓人感受到了韓式美食的豐富多樣性。而且餐廳的環境也非常舒適，好似就係韓國享受美食一樣。如果也喜歡韓式料理，這家餐廳絕對是一個不容錯過的好去處！

韓式餐廳越開越多 家庭式聚會想坐得舒服又溫馨啲 又或者想試多款菜式的話 小火焰又係個唔錯嘅選擇🤪除咗環境闊落 餐牌套餐都好貼地以弘大、明洞、江南起名🤓係前菜、沙律、炸雞、鍋物、主食、甜品等都可揀到心儀菜式 性價比頗高！ 。。。🦔👉醬油鮑魚整得好吸引咁🤩灑埋白芝麻粒再有流心蛋相伴睇落相當高級 質感幾彈牙 醬油味醃得唔錯。。。🦔👉迷你肥牛粉絲鍋(豬骨湯底)知道呢餐實會點炸物🤣不其然就想點湯品濕濕個嘴kekee 剛剛滾起嘅煲配上半生熟肥牛jenggg 飲番啖湯之餘又可食啖菜。。。🦔👉原味韓式炸雞新鮮炸起🤪肉嫩多汁 原味依然唔失色！。。。🦔👉韓式煎雜菜鍋餅實不相瞞🤭小妹真係幾鍾意食韓式煎餅 雖然成日話材料簡單到可自製 但出街食襯韓國野必點！勝在夠大份😚比一般嘅餅底更薄脆 但餡料唔少 正中間仲有疊高咗嘅kimchi 夠哂韓味！。。。🦔👉香蕉朱古力窩夫食完主菜梗係要甜品收尾先完滿😋新鮮烘起嘅窩夫外脆內軟 冰火交融地配上朱古力雪糕係絕配！

🥢 上次食完之後一直好回味小火焰嘅韓國美食，不論主食同埋甜品都做得出色，而且價錢相宜，所以今日放工就走過去食dinner！ 👍🏻 樂富店環境幾寬敞光猛，店員服務都友善迅速 ⏳上菜速度: 🐄🐄🐄🐄 ✨ Bang Bang薯條 $68芝士味好香濃郁，薯條金黃脆皮外酥內軟好好味！揾食指數: 🐄🐄🐄🐄🐄 ✨ 醬油蝦配糖心蛋 $98（2隻）蝦色澤鮮紅，肉質彈牙鮮甜，蘸上醬油更加豐富！揾食指數: 🐄🐄🐄🐄 ✨ 豬五花炒粉絲 $68豬五花口感鮮嫩多汁，粉絲入味有嚼勁，好入味揾食指數: 🐄🐄🐄🐄 ✨ 糯米滋3.6牛奶乳雪花冰 $78雪花冰口感綿密細膩，朱古力糯米糍雪糕甜度適中揾食指數:🐄🐄🐄🐄🐄 ✨ 熱朱古力咖啡 $32熱朱古力咖啡濃郁香醇唔會苦，入口好溫暖舒適揾食指數: 🐄🐄🐄🐄

真係好耐都冇去過樂富食嘢啦，估唔到去到成個商場已經翻新晒，見到咁多新店，梗係去搵好野食啦，今次去食咗間韓國嘢呢，估唔到好有驚喜呀！ 薄烤牛肉野菌沙律先黎個沙律，佢既烤牛肉好嫩口，仲有沙律菜同野菌好新鮮！加埋黑醋同埋溫泉蛋汁簡直係Perfect match！💕🥰🥰Combo醬油配手握紫菜飯佢既醬油鮑魚同蝦配埋韓式醬汁，非常特別，鮑魚爽口彈牙，蝦亦非常鮮甜，再配埋個手握紫菜飯真係好正呀！👍👍😆😆糯米滋3.6牛奶乳雪花冰最後梗係想試下個甜品啦，軟綿綿既雪花冰，加上香濃既3.6牛奶，配埋煙韌嘅糯米滋，真心好正呀！😊😊

今日過開嚟樂富做嘢，記得之前行過呢度嘅$12店好好行，所以特登過嚟，行到咁上下，發現咗呢間餐廳，呢度隻小火焰絕對吸引咗我，亦都估唔到呢度啲甜品都做得唔錯，香蕉朱古力窩夫比我想像中高質！通常呢類型嘅餐廳甜品都未必理想。但佢成功做到外脆內軟！飲品都係，今次叫咗凍比利時朱古力，味濃但唔會太甜！絕對可以一試🤗 韓式煎雜菜蝦餅 - 類似嘅食物，我係outdark度食過，呢到會做到個邊做到脆卜卜，都幾野味，可以話唔同食法😋 原味韓式炸雞 - 我下次會叫返有醬嘅，濃味啲好似好食啲🍗 韓式蟹籽卷蛋好食，呢嗰我覺得係必嗌😚醬油蝦無乜特別🤔

小火焰韓式咖啡廳🌟整體: 大件夾抵食 用幾抵嘅價錢可以試到唔同韓式食物🏠環境: 擺位少少密 不過座位夠大都坐得舒服🧑🏻‍🍳服務: ✅☆║．．．．．．．．．．．．．║☆‼️ 韓風滷豬手 ✅ 肉質柔軟多汁，滷汁的味道不會太咸，而是帶有一些微甜微辣的味道，很容易讓人上癮。‼️韓式蟹籽卷蛋 ✅ 韓式煎蛋卷做法類似日式玉子燒，不過添加芝士 同蟹籽 幾好食‼️ Bang Bang薯條 ✅ 加咗味粉嘅薯條 就好似M記shake shake 薯條咁‼️ 溶岩芝士炸雞麵包✅ 溶岩芝士好正 大滿足 加埋炸雞沾埋 好爽 ‼️ 北寄貝水冷麵✅ 宜家熱熱地嘅天氣 食翻D 凍野 北寄貝幾爽 冇乜雪味📍 樂富聯合道198號樂富廣場A區1樓1171-1179號舖Shop 1171-1179, 1/F, Zone A, Lok Fu Shopping Centre, 198 Junction Road, Lok Fu⏰ 星期一至日 12:00 - 22:00☎️ 電話號碼 36188203📷 Fujifilm XE4 + 23mm F2📩喜歡我的文章，可以關注我及讚好以作鼓勵

之前食過觀塘分店，今次經過樂富試一試前菜涼伴海帶，微微既酸加甜味，開胃清爽薄烤牛肉野菌沙律，烤牛肉嫩，沙律菜同野菌加黑醋汁夠清新👍🏻而且仲有溫泉蛋，不錯醬油鮑魚，韓式醬汁醃製，少少甜唔會好咸鮑魚爽口彈牙，亦算鮮甜，不錯！主食揀左溫泉蛋野菜牛肉豬骨湯烏冬，溫泉蛋野菜牛肉分開上碟，份量十足，係韓式醬汁既味，牛肉嫩滑，有野菜同溫泉蛋拌仲無咁漏飲品揀左熱朱古力咖啡，外觀都幾吸引可以打下卡，味道不錯，幾滑，夠咖啡香最後當然唔少得甜品，糯米滋3.6牛奶乳雪花冰！食韓國野點少得雪花冰，軟綿綿既口味，帶住3.6牛奶既香滑，仲要有我最愛既糯米滋，正呀！呢間性價比高之選👍🏻

2023-03-15火熱韓式嘅餐廳🔥同朋友平日去咗樂富行街🚶🏼‍♀️行過間韓式餐廳叫小火焰🔥裝修好特別吸引到我哋入去試☺️有自家製吉祥物小火迷😝仲有繽紛顏色嘅牆身壁圖😎以芝士為主的韓國菜餐廳🧀多樣化選擇特色小食同甜品🍮可用手機落單夠方便📱泡菜鰻魚石鍋炒飯，128蚊鍋💰石鍋炒飯粒粒分明，石鍋底有飯焦好香脆就有大量鰻魚粒同泡菜作配料，配上特製嘅醬汁味道更有層次口感🤓海鮮炒淮山麵，128蚊碟💰海鮮炒淮山麵好豐富有魷魚鬚，青口，海蝦同帶子，仲有大量蟹籽作點綴，海鮮食材好有鮮味，可能係濕炒淮山麵好掛汁，重手咗太多汁醬，海鮮無得彈😝三色窩夫，88蚊份💰有三款雪糕有朱古力，曲奇同埋芒果味道，朱古力味都幾濃，加上雪糕係牛乳而製成，所以感較軟滑， 窩夫夠哂甜窩夫用咗特製小麥粉更加鬆軟🧇曲奇沙冰，48蚊杯💰超大杯曲奇沙冰，飲品會依據原曲奇的味道基底打成，加忌廉幾甜，又有清新曲奇味🍪整體環境好多氣氛不停播K-pop歌👏🏻服務有位較年輕嘅店員好勤力同盡責👍🏻食物海鮮真係好豐富，味道幾好，會再幫襯小火焰韓式咖啡廳☺️

呢間韓國餐廳喺觀塘、大圍、樂富都有分店，座位都幾闊落舒適，播放著K-Pop music，令人置身於韓國一樣野，而且價錢親民，係個唔錯嘅選擇。1️⃣ 前菜涼伴海帶($32)清爽又開胃。傳統泡菜($38)爽口帶點辣。最特別係呢個冰冰梅有機甜蕃茄($98)採用有機種植蕃茄🍅搭配冰梅醬汁甜甜酸酸，食落好juicy。2️⃣ 炸雞Combo $88樣樣都想食，好彩呢度有炸雞Combo，有齊三款熱賣小食，包括炸雞軟骨，甜辣醬炸雞同芝士薯條🍟 雞軟骨炸得金黃脆口，用來送酒一流；甜辣醬好惹味，雞肉嫩滑多汁，最正係個炸薯條香脆，配上滿滿嘅芝士醬，超邪惡😈3️⃣ 原味韓式炸雞 $98食韓國菜必點就係炸雞🍗餐廳提供多款口味，今次試個原味，即叫即炸，上到枱仲熱辣辣，份量都不少，咬落去仲有好多肉汁，炸皮不算好厚但非常香脆，不錯🤗4️⃣ 柚子明蝦水冷麵 $80呢排天氣咁熱，食返個水冷麵就啱哂，3隻大蝦🍤加半隻熟蛋，湯底旁仲有冰粒保持清涼口感，麵條係半透明狀，口感Q彈，傳統的蘿蔔湯底都好清甜，柚子蝦鮮甜爽彈，開胃解膩。 5️⃣ 温泉蛋野菜牛肉蕃茄湯鳥冬＄58係👱🏼‍♀️最愛嘅蕃茄湯底，仲有辣或者唔辣選擇，加埋另上既野菜炒牛肉，食到舔舔脷👅

必食炸雞 Combo $88🤭 近排中意咗食韓國炸雞，食親韓國嘢都一定要叫🤭 呢嗰combo做得幾好，除咗食到主菜嘅炸雞，仲可以食到雞軟骨同芝士薯條🍟 份量啱啱好🤭 如果係好似我咁想過下口癮，可以叫呢嗰，因為正常半份炸雞都要$108，所以呢嗰combo都好抵食👍🏻柚子蜜糖雞翼炒年糕 $98 - 蜜糖雞翼絕對令我諗起兒時回憶😍 啲年糕咁樣掂啲蜜糖好正😝泡菜鰻魚石鍋炒飯 $128 - 炒到粒粒分明，都算足料，加咗泡菜令佢加咗分👍🏻 炸紫菜卷$48同迷你肥牛粉絲鍋就不過不失，無咩特別😗 不過環境都坐得幾舒服，原來觀塘同大圍都有分店😋