小火焰韓式咖啡廳 (觀點中心) (已結業)

冰梅有機甜蕃茄採用有機種植蕃茄，口感新鮮爽脆，搭配冰梅醬汁，格外開胃。柚子明蝦水冷麵，麵條Q彈，柚子明蝦的鮮甜爽彈，開胃解膩。 泡菜鰻魚石鍋炒飯係餐廳招牌菜之一，泡菜同鰻魚搭配得非常好，石鍋炒飯香氣四溢，好惹味。炸紫菜卷係經典韓國小食，炸紫菜卷相當脆口，外層酥脆而內裡則十分柔軟，唔錯。 芝味炸雞同芝士海鮮菜餅都好岩鐘意芝士ge朋友，炸雞外脆內嫩，搭配上芝士醬汁非常邪惡，芝士海鮮菜餅海鮮份量十足，加入芝士後令味道大大提升，非常值得一試。小火焰韓式咖啡廳 (觀點中心) (觀塘)📍觀塘觀塘道410號觀點中心1樓1號舖

個日係觀塘玩完想食冰見到呢間除左韓式主食之外仲有雪花冰 見到menu好似都幾多選擇就入去試下！呢度用電話落單 可以嗌定冰之後同店員講後上就ok🧀拉絲芝士香燒雞翼伴泡菜炒飯💰98 第一眼見到嘅係半邊芝士同埋隔離好大碗嘅泡菜炒飯 芝士下面有四隻雞翼 撈勻之後成碟都可以拉絲 泡菜炒飯會變成啡色嘅 呢個口感係黏黏地嘅 酸酸甜甜咁 唔係好辣 會keep住想繼續食🤣但係食多左會有D沙律醬嘅味道 加埋太多芝士容易膩🍗韓式甜辣年糕炸雞（半份）💰108呢份炸雞一共有四隻 每隻都好大塊 有雞脾都有雞胸 D年糕唔係炸過嘅所以保持左軟韌度！呢個辣汁都真係幾辣 唔係普通嘅甜辣咁簡單🤣個殼好脆 D雞肉都幾多汁 但係食完一塊就飽啦 每一塊真係好大舊🍧糯米糍3.6牛乳雪花冰💰78食到最尾梗係需要甜品啦 呢隻味上到來似係tiramisu咁 有D杏仁脆片係朱古力粉上面 忌廉上面都有個朱古力雪糕球 仲有三個朱古力味嘅糯米糍 糯米糍好大舊 要邊食呢個邊食冰先冇咁膩🤭下面嘅牛奶冰牛奶味幾濃！兩個人來講嗌小食 主食同埋甜品真係飽死 呢度嘅冰性價比都幾高 而且幾好味 主食來講都有新搭配嘅飯同麵 值得試下！📌 小火焰韓式咖啡廳 (觀

又係黎到apm唔知食乜好既時候，於是乎去apm附近搵好野食，行前少少觀點中心，成層都有唔少餐廳揀，價錢相宜又無咁多人，唔錯既選擇。同行友人揀左間韓式咖啡廳柚子蜜糖雞翼炒年糕似是部隊鍋嘅炒年糕，份量非常多，賣相吸引， 一隻隻雞翼排好在面， 仲伴上翠玉瓜豆苗菜， 上菜時飄上陣陣熱煙，非常吸引。泡菜鰻魚石鍋炒飯泡菜炒飯石頭鍋上，剛燒起嘅石頭鍋， 石頭鍋底仲可以熱成飯焦，切碎嘅鰻魚，每啖都有材料，大件夾抵食。炸雞Combo 芝味炸雞食韓國嘢點可以唔食炸雞，唔同口味揀仲有薯條，香脆可口， 唔會炸得好乾，咬落去嘅雞肉仲juicy。 無得頂芝士海鮮菜餅泡菜鋪面，薄薄餅底，材料平均分佈於面，仲有一大片泡菜鋪面，中和海鮮餅嘅材料，唔怕油膩。醬油蝦新鮮蝦配韓國醬油， 蝦肉爽口彈牙。韓式蟹籽卷蛋卷蛋鬆軟，勁多蟹籽係面，蛋味甜度適中。香蕉朱古力窩夫最後嗌咗個甜品，窩夫鬆脆香口，鋪上糖粉朱古力醬，配上雪糕香蕉，冷熱交融，非常滿足。下次喺apm諗唔到食咩可以考慮行過少少黎呢度食，推介之選。

去觀塘辦事，同同事想搵吓啲好嘢食，經過呢間韓國咖啡店餐廳，門口有我最鍾意嘅熊仔公仔，瞬間被吸引咗。佢有個二人餐，只係$368而且有好多食物選擇。沙律係香芒炸雞沙律，炸雞非常邪惡，放喺沙律上罪惡感比較低。另外佢個薯條都非常邪惡又吸引，熱辣辣嘅薯條配上佢嘅韓式醬汁，配返啤酒就啱晒啦。最後點會少得韓式甜品，芒果布朗尼3.6牛乳雪花冰，當食完一輪炸嘢，食返個雪花冰，降溫係一個享受，布朗尼甜度濃加雪花冰一齊食係岩岩好。

係觀塘呢個繁忙地方搵好野食，其實都唔係好難，日頭呢間坐滿人既小火焰，今日有時間過黎試下晚餐。個四人套餐$838，有超多款食物，個餐牌食物款多到令我選擇困難症發作。四個人可以食到好多唔同款嘅食物，滿足下仲未有假期去韓國旅行嘅慾望。平時食醬油蟹食得多，呢間餐廳有醬油鮑魚同醬油蝦，見到都流晒口水，佢幾特別嘅係陪咗糖心蛋同紫菜包飯，係一個幾新穎嘅食法。另外當然唔可以少得韓式炸雞，佢有好多款好得意嘅口味，而且係即叫即炸。煮食，佢有成10款俾你揀，全部都好吸引，絕對可以下次再嚟試吓其他款。

星期日下午唔想食lunch, 走去食甜品lee間韓式開放式餐廳，除左有新派韓國菜，重有大大份甜品🍓草莓3.6牛乳雪花冰 - 棉棉嘅雪花冰上淋上士多啤梨醬，上面放上細細粒士多啤梨加芝士。 入口雪花冰牛奶味唔太突出 ，反而士多啤梨醬有少少酸，但可接受🥭 鮮芒果雪糕窩夫 - 窩夫正常質夫冇咩特別， 但上面加咗新鮮嘅芒果粒，好新鮮好甜，加上雪糕，食倒唔想停

位於觀點中心樓上的韓國餐廳，都幾多人食。燈光較暗，餐廳唔算好乾淨🤔🦀蟹黃炒淮山麵 見佢好似幾特別同健康就叫咗。淮山麵爽滑彈牙。個醬汁唔算係好有蟹味，少鹹。個麵有好多蔬菜，有翠肉瓜、洋蔥、菇、紅椒、木耳。麵面亦鋪有少少蟹子同蟹肉。食完感覺幾健康🤓🍓草莓3.6牛乳雪花冰雪花冰上面有士多啤梨果醬、雲呢拿雪糕同芝士蛋糕粒粒。雪花冰幾綿密，奶味都重嘅。士多啤梨果醬好酸好甜，不過同啲冰一齊食都可以接受嘅🙉

這邊的套餐真的是超值！價錢不貴 但是份量超多 主菜超多😆兩人餐可以四個人吃 點四人餐可以八個人吃 真的多到根本吃不完😆最重點是味道還要很不錯👍🏻真的是聚餐首選😆😆

由中學時期食到而家大學，這間韓國餐廳都是在觀塘十分熱門的餐廳。很多時候去食都係要排隊等候，但是我仍然很喜歡吃🤣其中我最鍾意食嘅係炸雞🍗雖然和韓國的炸雞有所不同，炸雞炸得好嫩唔會炸得太耐而乾😜

食過這間韓式餐廳大概有五次，每一次都叫咗不同的食物但是同樣也覺得甜品是最好食的！就是他的雪花冰，冰雖然寫係3.6牛乳但是不是太重的牛奶味。我最常叫就係朱古力冰，有滿滿的可可粉再配上朱古力雪糕🍫 十分滿足！

小火焰韓式咖啡廳嘅食物真係好味啊！🤤烤牛肉艾頓吐司好好食，牛肉夠嫩，面包香脆👍。溶岩芝士炸雞麵包呢個絕對係必試！🔥🧀 炸雞鬆脆多汁，芝士係入口即溶，太好味啦！芝味炸雞亦都好正，雞肉夠香口，外皮炸得金黃酥脆😍。柚子蜜糖雞翼炒年糕係新嘗試，味道酸甜有嚼勁，配埋炒得彈牙嘅年糕，好滿足呢！👌最後嚟一份甜品，雪山班戟同雪糕黑松露芝士扁意粉都好好味。雪山班戟薄薄一層，入口即化，配埋芒果同荔枝，好開胃！🍧🍓 雪糕黑松露芝士扁意粉味道豐富，黑松露同芝士嘅味道好平衡，真係好好味！🍝🧀

今晚8點幾先食晚飯，去咗觀塘小火焰，直入唔駛等位，叫咗幾樣食物，好快黎到送上枱。蕃茄沙律：蕃茄多汁，酸酸甜甜，調味恰到好處，雜菜亦新鮮，面頭啲黑醋和芝士粉，增添了香味。煎餃子：一客6隻，細細隻煎得甘香，醮醋食剛剛好。餡料由菜肉拌成，不是韭菜，很好，唔怕有朋友唔食韭菜。蜜糖提子炸雞，半份都有4大件，份量足。蜜糖不是佈滿整個外殼，唔駛擔心會太甜。提子加在炸雞面，扲起炸雞掉了提子🙈...芝士炸雞，都係半份有四大件。芝士醬淋喺面，都幾香幾好味。

之前做嘢成日經過觀點中心，路過依間叫小火焰韓國餐廳🍴，餐廳係半開放式設計，每次經過見到啲食客餐桌上的韓國餐都好似好吸引咁，一直都好想去試吓！今日終於有機會去試下啦我地叫咗兩個午市套餐再加咗少少小食大將餃子粉絲鍋- 呢個粉絲鍋有驚喜，湯底辣辣地好過癮！湯底仲有唔少蔬菜🥬甜辣韓式炸雞🍗- 呢客炸雞係加配既，一客有三件！我好鐘意果辣醬好正！甜薯咖喱吉列豬扒飯- 吉列豬扒炸得好好味！青蘋果熱情果梳打- 外形特別！ 打咭一流！卡邦尼小杯年糕- 唔好睇佢淨係賣$10一杯，但係年糕嘅份量好多㗎，個卡邦尼汁又好味😋呢一客卡邦尼年糕超級正呀我再嚟嘅話我都會再點忌廉蟹肉餅- 一客有兩件，炸得唔錯呀

係觀塘行完見肚餓去食野，自己本身鍾意食韓國菜，見琴有韓國菜梗係要入去！餐牌望落唔係幾似韓國菜，好似有d fusion，幾有趣。我叫左個蝦餅同石鍋飯，另外叫左個泡菜做前菜，兩個人都夠食嫁依間餐廳冇前菜送，所以自己叫左個泡菜，唔好睇佢細細碗，食落都幾多，帶有少少甜，醃菜都爽口雜菜蝦餅食落唔係幾韓式，口感冇其他韓式餐廳煎餅咁軟，不過泡菜味都出蝦好似得幾隻，煎餅比較薄身海鮮石鍋炒飯唔知點解冇拌飯炸醬麵果啲，所以最後揀左海鮮石鍋飯，叫做有少少韓feel雖然係炒飯，但個飯唔算乾身，相對比較濕同淋身，不過飯都惹味海鮮份量都多，魷魚仲大大件上，唔韌海鮮啲肉都唔霉成個飯份量都多，自己一個食都幾飽，都唔洗再叫其他野

今日同朋友搵食揾到嚟呢個位於觀塘觀點中心嘅小火焰韓式餐廳我哋下晝去到都算爆場同埋佢啲佈置都幾有特色好多韓國嘅公仔幾特別幾靚我哋叫咗兩個午市套餐分別係辛辣茄子牛肋焗泡菜炒飯同泡菜烤雞腿肉拌飯。辛辣茄子牛肋焗泡菜炒飯 $73雖然話叫做辛辣但係其實都唔係好辛辣，啲牛肋肉炆得好琳，夾埋啲芝士食簡直絕配，忍唔住偷咗朋友一啖嚟食等我下次再嚟呢間餐廳就食呢個啦。泡菜烤雞腿肉拌飯 $58呢個雞肉拌飯真係不得了呀啖啖肉真係啱晒我呢啲食肉獸再加埋個泡菜同埋個飯非常之夾唔會話好行亦都唔會好油膩，都算唔錯另外再加左個卡邦尼小杯年糕估唔到卡邦尼同年糕原來係咁夾，食到我最後叫咗杯特飲藍柑白桃梳打，大大杯，好滿足推介菜式：泡菜烤雞腿肉拌飯卡邦尼小杯年糕