小炒皇

营业中

休息中

最近屋企裝修，冇得煮食，加上疫情冇得出街食飯，就每日用foodpanda 叫外賣，55蚊一個小菜仲跟白飯真係係好低食，份量好足大份，小炒都好有鑊氣，味道都唔差今次叫左金菇肥牛粉絲煲同埋鴨胸炒水蜜桃。

落黃雨都係叫外賣穩陣，自選常餐$39要左回窩肉米粉、吉列豬扒同火腿奄列米粉份量都幾多，湯底雖然色水好深但唔夠味，淨係感覺到油，D回窩肉都入唔到味，另外有幾舊筍奄列幾滑，火腿算多，味道唔錯豬扒偏乾身，好薄又唔脆

每日諗lunch食咩真係一大難題~🤔🤔見好耐都無食過‘小炒皇’，一於今日就叫呢間啦！睇下水準有無跌先~😏外賣紙好多選擇，中西式都有~但最鍾意食小食&唔多鍾意食飯嘅我，自選常餐就啱晒我~😆每次幫襯‘小炒皇’都一定會食常餐，貪佢小食夠多選擇，又唔會太飽肚。最後揀咗好邪惡😈嘅選擇：薯餅+西多士+沙爹牛肉米粉（原本打算叫麵，但怕太邪惡喇，都係要米粉，懶健康咁啦~🤣🤣）15分鐘左右就送到喇~~~雖然好耐無食，但依然keep到水準~😊薯餅勁脆！又夠大塊！超正！😋😋西多士都唔錯，個餡勁多花生醬！仲要勁多牛油&煉奶，正！😋今次第一次叫沙爹牛，估唔到都幾多牛肉，幾抵食👍🏻👍🏻米粉份量都好多，但湯就比較少，可能運送過程中已經俾d米粉索晒🙈🙈咁多嘢食，又大大份，先$39，好抵食！👍🏻

一打風最怕就係落雨濕濕出街食晏，所以決定又係叫外賣時候！揀左好耐，今次選左小炒皇，但並無試炒野，反而叫左自選常餐，常餐可以自選A+B+C各一款，而我選擇左好邪惡的五香肉丁麵配西多、薯餅及凍奶茶！先講薯餅，真係好大塊，食落好香好脆，但稍嫌有點油膩的感覺。西多亦好大件，中間夾有花生醬，雖然甜，但好好味，如果幫手切埋就更好啦！至於主角五香肉丁麵，五香肉丁都算多，但公仔麵似煮唔夠耐，食落有d硬。加上發現有d疑似昆蟲「翼」的東西，令我食得格外小心！整體都ok，始終價錢算便宜，份量都多，係叫外賣的選擇之一。

叫了三個小炒，完全是中伏：1）沙拉骨只是烚完再淋上一大堆橙色沙律醬，從未食過如此難食嘅沙拉骨！並且賣相嘔心！😡😡😡2）豆豉鯪魚炒油麥菜，根本沒有鯪魚，只有幾粒鯪魚碎！雖然只是四十多元嘅小菜，不應有要求...但我覺得與其要這樣將貨就價，倒不如改餸名叫豆豉炒油麥菜！😡😡3）金銀蛋現菜，只是用湯烚熟！我吃了幾口已經將外賣紙丟到垃圾桶！以後都不會再幫襯！第一次嬲到要寫食評！

天氣實在太熱關係，對，我又叫外賣食算-0-。叫左個菠蘿雞絲炒飯涷檸茶，等左大概廿分鐘左右就送到黎啦，打開又幾大盒咁啵，但係咁似西炒飯既，試左啖，根本就係西炒飯-0-，以西炒飯嘅角度黎講都算炒得OK啦，飯夠乾身，蛋絲均勻，只係上色方面有小小不均，另外味道都足夠，冇話太咸太淡。但用番菠蘿雞絲炒飯角度黎睇就完全唔得喇，又唔甜又唔夠酸，波蘿首先冇炒香，其次只有幾粒，雞絲煮熟先切，根本變左做雞片，而且肉質太乾，開頭仲以為係叉燒。仲有食落好奇怪，有陣葡汁味，唔知係咪原身係葡汁雞扒，賣剩就切碎拎去炒飯。涷檸茶都OK啦，夠涷，茶味夠，可惜澀左小小。餐湯唔錯，有幾舊瓜咬下。睇番價錢同質素，除非冇其他選擇我先會再光顧。

一行5人試下呢間新小炒館,，食物方面其實係大排檔美食，亦有海鮮之類，價錢合理。小炒皇，傳統大排檔菜式，有九菜，蝦乾，腰果，魷魚絲...好有鑊氣。啫啫XO芥蘭煲，味道不錯，很香。蒜蓉蒸沙巴躉，肉質鮮味，火候控制得準確。炸子雞一隻，皮脆肉嫩，好食。

突然想食小菜, 於是揀了呢間士多啤梨骨($32): 賣相差, d汁啡色的,一粒草莓都冇! "骨"是切件豬排, 而且味道怪怪的,都幾硬避風塘蝦球($34): 好咸... 好dry, 蝦細隻通菜腐乳($13): 最正常..係最好食