小炒皇

营业中

休息中

天气实在太热关系，对，我又叫外卖食算-0-。叫左个菠萝鸡丝炒饭涷柠茶，等左大概廿分钟左右就送到黎啦，打开又几大盒咁啵，但系咁似西炒饭既，试左啖，根本就系西炒饭-0-，以西炒饭嘅角度黎讲都算炒得OK啦，饭够干身，蛋丝均匀，只系上色方面有小小不均，另外味道都足够，冇话太咸太淡。但用番菠萝鸡丝炒饭角度黎睇就完全唔得喇，又唔甜又唔够酸，波萝首先冇炒香，其次只有几粒，鸡丝煮熟先切，根本变左做鸡片，而且肉质太干，开头仲以为系叉烧。仲有食落好奇怪，有阵葡汁味，唔知系咪原身系葡汁鸡扒，卖剩就切碎拎去炒饭。涷柠茶都OK啦，够涷，茶味够，可惜涩左小小。餐汤唔错，有几旧瓜咬下。睇番价钱同质素，除非冇其他选择我先会再光顾。