小王牛肉麵 (已結業)

以前都幾常常幫襯，今日12點幾推BB車過黎食，佢話繁忙時間唔比BB車入，話因為間舖好細。如果間舖細，繁唔繁忙時間都容納唔到BB車架啦。根本上你拎走一張椅我推車埋枱就ok。定係因為咁樣會霸左一個位而無消費所以唔想咁做？咁坐輪椅既咪一樣會被拒入？最諷刺係門口有個牌貼住孕婦優先入座（我大肚時午飯時間去過係無呢個安排，我當因為我個肚唔明顯啦）你大肚就扮歡迎你，你生左推住車就嫌你阻佢地方。以後唔想再幫襯。

熗炒土豆絲，變蒜蓉炒土豆絲，事前沒通知珍珠奶茶啲珍珠好硬再者點餐前我只想問相片中的麵是粗麵定幼麵（小弟第一次黎食），我都未問只係叫咗聲唔該，就叫我自己圈。。。但其他侍應都幾好，起碼肯俾辣椒油俾我

與友人在九龍灣辦點事，先吃一個Lunch。一人叫了一個飯和麵，小食大家Share。醉雞翼中分入味，酒味濃，色也濃。唯獨份量大少，收$30來說感覺不太值。友人要的大排飯，純粹是碟頭飯質素，大排炸得太乾身，豬扒弄得太薄，但又要"扮"大塊，所以看上去賣相討好，吃下去落差甚大。浪子的炸雞排麵。可選粗幼麵，但失敗的不是麵條，而是湯底，除咗有顏色之外，同水沒分別，半點味都沒有。反而雞塊炸得不錯，有椒鹽調味甚有台式風味。但以這個價錢，兩個人要$155，實在不見得抵食。衛生方面.....也真係要改進一下。在九龍灣吃了兩餐，兩餐的伏味都甚濃。

食物：1. 半筋羊肉麵羊肉：羊肉唔算話太嫩，但係食落去都還可以，個人比較鐘意口感鬆軟。之餘筋嘅部分，我都係厭唔夠軟，但係都算係好食嘅～麵：我揀左粗麵。口感好，但係整嘅過程冇完全扮鬆，所以有d麵會一舊舊湯底：清得黎又惹味配料：酸菜。記住加酸菜，唔使錢架！整體：值得一試，但係我唔會再食多次，會想試下其他嘅種類。2. 珍珠奶茶（少冰少甜）奶茶：不過不失珍珠：好 大 問 題！珍珠係硬架！唔好食整體：所以千祈唔好叫珍珠奶茶！大伏！～～～～～～～～～～～～～～～～～～～～整體：可試下佢嘅牛肉麵。如果有機會我會想試晒佢嘅所有款式嘅牛肉麵😋

午餐叫咗個滷肉飯加珍珠奶茶。我已經細食，但見到碗飯真係個心離一離，咁q細兜，啲滷肉又勁細粒，我以為佢落錯單寫咗肉燥飯，啲飯硬到好似食緊炒米餅。到杯珍珠奶茶了，衰能過即溶，冇茶味冇奶味，連甜都唔甜下，飲一啖已經想講粗口。呢餐我會畀三分，一百分滿分，一分畀滷肉味道，一分畀珍珠，因為未過期，最後一分畀個環境，人少夠清凈。真係好又一餐唔好又一餐，呢間嘢直接寫入黑名單。

去左德福睇戲，所以黎左哩間食，因為經過左好多次都冇入去，今次就試下啦，因為時間都早入去唔洗等位，叫個嚕肉雞排飯冇耐就黎到，個嚕肉汁用黎送飯係幾香可惜份量少相對地味就唔夠，而個雞排炸粉太多同油太多下次再試就改試肉排

放工後，食飯睇戲 德福2期宜家好多鋪頭都裝修緊 但個到新開佐幾間餐廳 ....小王牛肉麵 價錢唔算貴，味道一般 麻醬A菜-睇落食落無咩特別，菜既款式唔多得一樣加一粒番茄 特別系有胡麻醬撈菜 味道特別香易入口 d菜食落唔會有青味半筋半肉麵-濃郁既湯底 睇落好咸 好濃味 實質都有d重口味 味精太多 半筋 筋有d好林 有d好爽 半肉 肉質結實 吸曬湯既精華 但得一塊我諗呢碗麵最好食都系個麵底了 我選擇佐粗麵 口感同刀削麵差唔多 有口感唔會太林唔會太硬 至於個酸菜就無咩特別 。。。呢個價錢算抵食份量足 味道都不太參千

一行5人, 等位時間相對長, 大概要等10至15分鐘, 加上晚上7點後, 被安排坐4人卡位再加多張櫈, 有個要坐正路口位, 當然唔太舒服, 而且店內環境都比較逼, 我地叫左幾款麵飯同小食炸雞排麵- 炸雞排炸得太濃, 雖然肉質係滑, 但外層太硬, 麵條都不錯, 湯底比較清牛根麵 -  呢個湯底值得推介, 好濃厚既藥材味再加上牛腩既香味, 而湯底亦浸入麵條內, 每食一口都有好濃郁既牛腩味炸排骨飯- 排骨比較軟同薄, 冇乜肉, 炸粉又厚又多, 記得上次食過一次, 排骨係好厚肉又薄炸粉, 但今次竟然...失望炸魷魚鬚 - 好香口, 又軟熟花枝丸 - 外面脆內裡肉質有彈口, 不錯珍珠奶茶 - 珍珠都煲得好淋, 奶茶味不算好香濃金桔檸檬 , 青蘋果梳打, 葡萄梳打- 飲品一般, 不算太特出

兩個人630 入去，卡位只可坐45 分鐘，其他1 個鐘，但餐牌有d 食物要25 分鐘先出到，唔敢叫啦麻... 好啦叫杯檸檬茶，想唔要糖，但店員話唔得，因為要自己溝.. 算啦嘗試下。杯野黎到只係由個壺倒入杯... 嗯咁我倒左一半入去.. 店員走埋黎話：「我地要收番個壺」下，冇病呀你，gimmick 黎咁你要即刻收？我話個杯冇位再比我倒，一係當初你唔好搞咩分開啦，一杯過啦... 好啦到我倒完.. 個壺冇人收過囉。 服務食物都唔好，都唔知佢開黎做咩。

以後一定唔會食佢。今日我和我二姐去食，大約十二點二十分下單到四十五分都未上到，後面的人遲來，但全部快過我們上菜。還有我們和店員說，她們口說會追，但一直沒有去追單，我再舉多幾次手，她根本看到但沒有理我，當我空氣，最後只好離開。

以後都唔會食佢。。。琴日事原我同老婆加架構BB車。個帶位四眼仔俾張圓檯角落位我地。。果度有位可以放得落BB車。唔會阻到人。。但個帶位一定要我地收車食。。之前我地都坐過同一位而可以放BB車。果時重多人琴日。都唔知個四眼仔想點。。諗佢地只係唔想我架BB阻住個位。。錢賺唔曬既，咁樣對支持小王既食客過份左。。所以決定以後唔食佢。。D野又唔係好好食。。

話說前排Pokemon 仲好多人玩個陣呢，同朋友響九龍灣捉得耐左，就搵間野食下啦，聽同事介紹話哩間麻油雞湯好正，咪試下囉！2個人飲下湯水補補Ma，咁就求其叫左2，3碟小食，1個麵同煲湯囉，真係ok又無趕客走既！諗住下次可以再黎啦～今日再黎呢，真係…未坐低己經著左！無爆場，無客等枱，入去2位，佢竟然安排搭枱，無錯，4個位係4位坐既，但當客要求坐一另一個座位，既然有位無客等，點解唔可以應要求安排？如果爆場，2位坐4位枱，咁安排搭枱咁無說話好講啦～1入黎就趕客走咁款，算數，朋友大方話算！ok!跟住叫左2碗麵同煲麻油雞湯，，半筋半牛碗麵筋唔夠林炆得勁差，仲有啲爽口，肉都係炆得唔夠好似食香口膠咁，仲有幾條頭髮送囉! 真係想嘔反晒胃，朋友唔想煩我都唔想煩！唔食算喇，第2碗蛋滷得唔夠，麵難食，1團粉漿咁，之後無食喇，放低餐具等湯黎，竟然收晒啲野囉！😠係問都無問，連飲湯隻碗都收埋，真心呆左😯跟住仲眼望望咁睇我地幾時走……個湯就終於到喇，佢夠膽死1隻碗都唔比我😩OMG何蠢之有！到問佢拎碗，真係比一個我🙄你要我地輪住用定係1個用碗1個成煲黎？個下真係無奈咁望住佢傻笑😬夠竟係扮豬食老虎定係班人無諗野呢？我真

去完德福睇完旅行嘅資料～未有定案去邊鼠，搵個位傾下食下飯先～先前見我老表喺facebook讃過呢間食店，一直都愛台式牛肉麵嘅我甘啱經過就一於試下！室內裝修簡潔光猛，食客也坐滿滿的～價格比我想像的相宜，小食廿多元，一個麵食五十多元上下～青蘋果疏打，一杯很普通的青蘋果味糖水，只能給予三顆星～原汁牛肉麵 （另加免費酸菜）一黎到個湯嘅香味已經陣陣傳來，有點五香的味道，粗麵是店員推介的，她說比幼的更好吃，我食落都覺得粗麪好食煙煙un un！至於牛肉！實在太太太正了！極力推介！牛肉份量也多，大大件的，平時出面d台式牛肉面，只有薄薄幾片，呢d牛肉好靚料，每件都有d牛筋夾雜住，雖然佢唔會好林，但甘樣至有咬口，每件都好入味！我喺香港食過嘅牛肉麵覺得最正係佢！鹽酥雞扒大大件！黎到係熱辣辣，炸粉做得唔錯，好鬆脆，雞肉好嫩滑同juicy無雪氣味！唯一係椒鹽重手左dd～配嘅湯麪係豬骨湯味，唔會好淡好淡，都好唔錯啵！我係甘讃，唔知以為我有股粉添呀！但事實，又真係幾好食嘅！我open rice喪讚嘅post唔多，呢間真係下次去想食豬手，我臨走見人地食得好滋味甘！

同朋友二人入去食，個呀姐係都要人搭枱，明明仲有三張吉枱，我同朋友坐卡位，個呀姐係都要帶個客轉個彎走嚟搭枱，講明唔要搭，我同朋友直頭轉枱，佢竟然帶個客跟住我哋轉😡，食咗成餐都keep住有吉枱囉😡😡呢樣都算，叫咗牛腩麵，食落完全唔似牛肉，個蚵仔煎感覺食緊啫喱+聰😖由於咁好服務，絕對絕對絕對不會再幫襯👎👎👎👎

昨晚叫左，麻醬A菜，抄手，牛肉麵，牛筋麵。食完回家。兩公婆廁所不停去，又屙又嘔。大家想清腸胃，或想攞假。真的是不二之選。最後年輕服務生態度非常好，他們當有客下單，便會行開。俾d銀髮人員做。十分好。食物「好」，服務「佳」。有負分，我會俾負分