小王牛肉麵

营业中

休息中

今日湊完小朋友翻學咁岩有事要去荷李活廣場就去左依間台灣風情既餐廳🍴開門時間係11:30所以依個時候去比較靜同舒服餐牌簡單易明。最重要係多選擇有麵線，飯，湯飯，拌麵。。。不過本人比較愛吃台灣既蚵仔麵線依到既蚵仔麵線都有4款蠔仔新鮮湯底都美味依個價錢可以食到依個SIZE既蠔仔都算抵不過今日既前菜有點失望，比較簡陋但整體都滿意餐廳設有加一服務費所以最後既價錢係$5幾。大家要留意餐廳只收現金/信用卡💳味道 : 7.2/10價錢 : 6.8/10環境 : 7.6/10回頭度 : 7.8/10♥️人均消費 : $60以下小王牛肉麵Xiao Wang Beef Noodle

星期日嘅鑽石山分店，下午兩點左右依然要等位，但好彩都係等咗10-15分鐘，味道不過不失，冇太大驚喜牛肉麵湯底偏重藥材味，感覺很養生，而且飲完都唔口渴嘅感覺，應該冇加味精。味道都似台灣吃食到的牛肉麵。牛肉好軟，好入味，似係牛肋條的部位。而且所有面都可以選擇粗麵或者右面，同埋湯底都有得揀，可以迎合不同口味。薯絲炸蝦卷 乍看以為表面是一條條麵條，口感頗硬，缺乏薯仔味，蝦肉細，整體偏油皮蛋豆腐整體份量偏小，而且豆腐沒有豆香，口感有點粗糙。牛筋滷肉飯牛筋份量都幾多，而且好淋，唔錯。但滷肉唔係肉末，而係肉絲，加上醬汁唔夠，整體味道偏甜，有啲失望。

荷里活既小王，除左m記外我諗都吾算貴既餐廳，不嬲都ok，低食既……上次同公主去左食套餐，今次吾食牛肉面，轉叫餐食餸白飯。都係夜晚啦，吾多人，即入。d位其實真係幾迫，坐低就叫餐，一個小黃魚，一個三杯雞，另外叫左個柯仔煎，送2個湯，前菜。小黃魚多骨，但味道幾香，幾脆，係細條左d三杯雞超級硬，好難咬，吾入味，失敗柯仔煎仲垃圾，全部都係粉漿，好小柯仔，右吾脆，林既，無味既2個湯都正常啦，不過不失，清清地。總括，個評分係食咁多次比既，如果計今次一定係0分，下次都係食牛肉面啦

昨晚收工就去左而間小王牛肉麵食野，本身諗住點個套餐同朋友一齊食，因為上星期食過覺得好食，唸住介紹個朋友黎食，但就聽到個黑衫小姐，大大聲係收銀櫃到同佢同事講：「而家我話唔賣套餐呀，你聽清楚未呀！」感覺個黑衫小姐非常無禮貌，重要講句(而家我話唔賣套餐)，我唸緊你話唔賣，是否因為套餐所有的餸菜賣完嗎？但我哋入去時只是晚上8點15分左右，平時都重有套餐昨晚就無，所以好失望😞，同朋友食咗個麵就離開了，唯有下次有機會先再食啦。

在荷里活商場逛逛， 不知吃什麼好。剛巧走到了小王牛肉麵 ,二人餐好像不錯噃。於是點了個二人餐。涼拌茄子較濃味台式鹵水拼盤沒想到這麼大份，有 牛肚、豬大腸 、雞蛋 ，滷得很入味。古早味溜魚片酸酸甜甜很開胃， 魚片新鮮無腥味,份量足。台式豆醬炒a菜用豆醬炒菜很惹味，好送飯珍珠白飯兩碗這個白飯真的不好口感，很旱，不好吃。若不是餸菜濃味需要送飯吃，也不想吃。😓由於要加48元才有飲品和甜品，考慮到晚餐份量已足夠，所以沒有加。不過都建議餐廳提供個更便宜的價錢，覺得稍貴不吸引。

路過荷里活廣場，勁肚餓就衝左入去小黃牛肉麵。但係佢1:45pm坐低，大概滿咗一半。我點咗雞絲冷麵配蔥香燒汁再加杯珍珠奶茶！首先呢度冷氣勁大，我已經唔怕凍，但都坐到手凍腳凍！早知唔叫冷麵啦！嘢食都算快到。雞絲冷麵無驚喜，個醬汁又唔係好香，同普通燒汁冇分別。仲要偏鹹。杯珍珠奶茶都幾伏！唯有講佢茶味超級濃。我問佢攞糖漿，加咗純粹真係甜咗，苦澀味仲喺度。我好鍾意飲珍珠奶茶㗎，真係有啲失望！我仲點咗個鹽酥一口雞，但係佢冇落到單😭😭算吧啦！嗱嗱臨食完就走！凍到我變雪條啦！唔好意思，應該冇下次！

同朋友想搵達地方靜靜地傾計，而家商場平日下午茶時間全部都唔使等位又少人，坐幾耐都得。餐茶叫咗珍珠奶茶同荔枝玉露。每杯嘢飲可以叫少甜，同埋佢用碎冰一定夠凍。荔枝玉露有蘆薈粒粒好有咬口。台式滷肉大排飯($49)炸豬扒大細正常，味道唔算太鹹，配有幾粒青瓜可以清清個口。不過啲滷肉唔係免治肉碎，而係一粒粒五花肉，有少少唔慣。蚵仔花枝丸麵線($48)湯底唔算太鹹，稀杰度適中 。花枝丸係片狀，蚵仔都夠鮮甜。值得一讚係麵線加咗薑絲，令面碗麵無咁腥之餘又可以清新啲。總結係，味道屬於中上，又幾好坐，一定會再去食。

睇完戲唔知食咩好，就去小王啦。連鎖店我諗都唔會太差掛？係唔差GEH，至少入得口。但呢個價錢同埋坊間的食評，我真係覺得overrated左少少喇。—　個麵底其實無特別，重太淋，有d擺左好耐的感覺—　個炸豬扒超多超多炸粉！！！搞到有好大塊豬扒的錯覺，其實大半都只係炸粉。。。。重要太多太多肥膏，唔係juice唔juice的問題，係入口都覺得太油膩了omg —　另外叫左個青瓜配芝麻汁(~$28)，份量少到你會以為係跟餐送geh -_- 唔知係荷里活呢間個CHEF今日心情唔好定點，但都冇下次二。

之前晚飯時段去左食，唔洗等位就有得入。我就叫左個台式肉燥鹽酥雞排飯$68。首先佢個肉燥真係唔錯，味道都幾香，用黎撈飯就啱曬，而佢個雞扒就真係好大塊，食完真係會好飽，個皮都炸得好脆，但係有少少太鹹，而且個炸皮同炸粉太厚，淨係食到啲皮食唔到肉。

睇戲前同老公諗住食啲簡簡單單嘅晚餐，咁啱見到同戲院同層嘅小王牛肉麵(食麵應該好快KO完)，所以諗都無諗就入左去坐。店裡都好多人，不過好彩我地唔洗等位。佢地都好多選擇，有小菜，麵，小食，台式飲品，等等。我同老公叫左兩碗麵，佢地麵可以有好多配搭選擇，例如粗/幼麵，蔥，芫荽，酸菜，蔬菜款式，湯底等等。兩碗麵都好快就上左嚟，不過發覺上錯左一碗麵嘅湯底比我地，我地本身兩碗都係原味牛骨湯，但上枱個時比左胡椒白湯。因為喉嚨有啲痛所以唔食得胡椒味就叫個員工幫我地換。後尾換返個砲都仲有少少胡椒味，應該佢地係直接倒左之前嘅湯再加返新嘅入去，但都可以接受。

今天和好姐妹到鑽石山行街，看完電影後，已經時間不早了。很懷念台灣味道的閨密，提意到小王牛肉麵品嚐一吓台灣的味道。原汁牛肉麵閨蜜揀選的是原汁牛肉麵。她選擇的是粗麵，硬度是正常，時蔬是小棠菜，湯底是原汁牛骨湯。半筋半肉麵我選擇的是半筋半肉麵。我是選擇素面硬度是超硬， 時蔬都是小棠菜，湯底也是原汁牛骨湯底。 牛筋是一條超級粗的牛筋，看似爽口結實，但其實是帶點鬆軟彈牙的，味道不是很突出。牛肉是牛𦟌的部位，不過是打直砌成長條形，質感爽口，肉味不算是突出。湯底是深啡色的，味道恰當，帶有一點藥材味道。阿仔煎台灣的阿仔煎做法完全和港式潮州打冷的蠔餅是完全不同，港式潮州做法是半煎炸的。但是台式的做法類似做成鬆餅一樣，但閨蜜說不同台灣的統統做法的是 加入了韭菜，辟走了阿仔的腥味。珍珠奶茶珍珠奶茶的味道比一般的港式奶茶更甜身，奶奶味也有點不同的。特色檸檬茶特色檸檬茶中加入了鹹柑桔，紅茶的味道也有些特別，味道好像是錫蘭紅茶，三者混合起來味道非常特別。總體而言，閨蜜說話跟台灣的味道有少少不同， 但不知怎樣解釋。我自己就認為味道很大眾化， 各類菜式的味道又不會過份突出。不過，在炎熱的夏天，如果冷氣可以更涼快一點會

突然想吃牛肉麵，無人等位就去食啦！牛肉麵有多款選擇，我就叫左原汁牛肉麵。佢地可以選擇粗/幼麵，麵軟硬度，配菜同湯底，我最愛幼麵同多酸菜！牛肉份量都多，有五六件 ，湯底係牛骨湯，好濃味，屬於重口味湯底，加上半隻指天椒，將湯頭味道提升，更惹味！高雄滷水拼盤 $68好多好多呀，三個人都食唔曬，另有牛𦟌分開左上碟，豬耳爽口，又吃到膠質感覺，豬腸夠肥，而且好大舊,雞翼已經滷到淋了，豆腐乾比較硬。大排滷肉飯豬排香口，吃下去有肉絲的感覺，調味夠濃，吃三塊已足夠

去完鑽石山跳舞同朋友想食台灣野所以就入咗嚟啦，朋友帶咗豬手同雞軟骨我就嗌咗雞扒，落單過程都唔需要等太耐啲嘢食就到啦，牛肉麵就一定係必點㗎啦，我覺得味道上就中規中矩，價錢都唔錯，可以值得一試嘅～

其實我有一段時間係以為呢間叫“小五牛肉麵“，因為個王字寫到有得似係五字。經過朋友多番糾正之後才改口叫小王牛肉麵。每次去食我都係叫沙茶牛肉拌麵，真係幾好食，好中意d醬汁，牛肉都好嫩滑，（雖然朋友話d生粉好似加得太多。）麵都幾有咬口，搭配酸菜撈埋一齊食真係幾好味，唯一有點唔好嘅就係我覺得醬汁太少了，可以稍微比多d醬汁。同埋我都幾中意飲薄荷朱古力。呢個組合係我去親小五牛肉麵嘅“照舊”。環境舒適，幾好坐，服務都OK，有時係鑽石山睇完戲唸唔到食咩好就會去“小五牛肉麵”食個照舊，都可以食得幾滿足。

上次黎食係下午茶，佢地D炸雞唔錯，外脆內軟，自家煲嘅檸檬薏米水也超好飲（珍珠奶茶唔建議大家點🙈味道麻麻的）平均$60/人今次咁岩係公眾假，無下午茶就點左個半筋半肉牛肉麵食，湯底濃郁，麵彈壓好香嘅麵粉味！牛筋好淋，不過牛腩肉就比較煙韌。平均 $75/人下午茶抵D喔