小甜甜 (已結業)

I like going to Siu Tim Tim with SWY. The bean curb and yee mai sweet soup is great. i like SWY and the sweet soup. Both are sweet. the staff is nice

話說打完邊爐過後(詳見有骨氣食評),西門郎君同王小虎提議轉移陣地食甜品,於是一行六人來到呢度嘆甜品,雖然係近11點,但人客好多,都要等左一陣先有位,之後各人都叫左一碗甜品,另再叫一客炸奶皇飽.我要左合桃糊,不太杰,幾香合桃味,而奶皇飽外皮炸得脆脆的,裡面奶皇餡軟軟的,好特別.其他人食的甜品我未有試食,所以唔知味道,但睇到成個樓面只有兩三個人,人手似乎有少少不足,連傻鹿叫左的喳咋漏左單,都要叫左一陣先有人跟,真係有改進的必要.

尋日同事系度叫左下午茶食,$28個餐(6點前)---黑椒豬排龍鬚麵,綠豆沙.黑椒豬排龍鬚麵---豬排幾腍且入味,吾錯!而龍鬚麵似系米線,但無米線咁滑,我寧願食米線囉!綠豆沙---不俗!起沙兼足料!且甜度適中.$28,合理價錢啦!

凍椰汁黑糯米，椰汁香，黑糯米不太甜，算是好吃。

宵夜想食糖水,友人話呢間都幾出名,咪試o下law. 但係可能呢間舖主打係麻辣食品,一入去d味就攻晒出o黎. 唔係咁討好.我o地都有叫麻辣魚旦,都幾夠味.但中式糖水就普通. 芝麻糊較稀,合桃露都係一般. 想淨食糖水o既話, 我未必會再去啦.

早幾日同個friend專登黎食麻辣煲, 叫左個麻辣田雞煲, 回鍋肉, 蒜茸白菜仔...小菜都ok幾好食架, 而個麻辣田雞煲就好正喇,田雞好滑好好味, 尤其係煲入面d...年藕,蘿蔔,青瓜,薯仔(份量都幾多)...切成一條條吸晒d麻辣汁無得頂! 另陫值得一試就係麻辣魚春煲, 之前去試過麻辣魚春煲都係好好味,不過唔係成日有得供應. 不過甜品就麻麻地,唔係好好食喇.

上星期我同個朋友去lee到食...因為佢講左好耐要我黎lee到食~仲猛話好食~ 咁咪去試下囉開頭冇卡位既..後來有個伯伯食緊飯,咁佢見到有卡位咪叫我地埋去坐囉..我地叫左豬扒龍鬚麵...我估都係一般既米線囉!個湯底唔錯既..個豬扒好味~ 炸得不錯!仲叫左田雞鍋...幾香口既but燒焦左!有陣味so一般啦~仲有上湯雲吞..d雲吞細細粒皮好薄,但係佢比左太多胡椒粉..還可以喇~ 最後咪食埋高力豆沙(奶皇)囉...即叫即做夠熱幾好味but d奶皇甜左少少~可以仲正架我地是分兩次落order既d阿姐都唔係好理..個伯伯見到我地想落order就同d阿姐講<<<我地都懷疑佢係老闆but最神奇既係我地入黎到我地走佢都不停食完碗飯添完又添..好驚囉!我同個fd都嚇親~都好似成4碗飯...唔係細架d碗埋單都唔係貴既百幾蚊..都食得過既最慘...係去到一間食麻辣既地方冇食過辣野囉~唉...冇計啦!個fd又唔食得辣~.~

年頭比較清閒，尋晚又與一班舊行家在嘉雀聯誼。收場已經係凌晨四點幾，有人想食野，我就口淡淡的，想食甜品，強記應該收左，又唔想行咁遠，就兩個人行入隔離食野。呢度一向多野食，原本以甜品為主打，後來賣埋粉麵飯，家陣連麻辣火窩都有得賣，幾犀利。唔好以為夜就無人，呢度照舊有電視睇，照舊是好多人的，還有不少是年青人，似乎全部是不用上學或上班的。要了碗綠豆沙及椰汁黑糯米，一熱一冷。綠豆沙起沙，又幾足料，海帶、臭草、陳皮都落足，不太甜，唔錯；椰汁黑糯米幾杰，亦不太甜，冷冷的幾好味，不過糯米幾飽肚，當消夜就差不多。埋單四十蚊有找，唔貴。雖然不是什麼好地方，但夜麻麻要搵食，平平地都唔錯。離開時都就天光了。題外話：唔知咩解究，感覺上而家好多年青人食煙，好似尋晚就是人手一支，成間小甜甜都煙霧迷漫、烏煙瘴氣，如果食肆禁煙可令班後生仔少點吸煙，我想我是應該支持的。

前兩晚想吃甜品，只記得從前附近一家糖朝，現在變成了小甜甜，看名字以為有好甜品吃，怎料……那晚約十時，是吃甜品的”黃金時間”，不過店內並沒有太多甜品供應（很多是這個拼那個，來來去去幾款），特色的更是欠奉！好不容易點了老薑湯丸，上桌一看已知不對勁－－那湯丸明顯泡於水中很久，皮也有點融化，把湯弄得混濁！湯不熱、沒有薑味、甜得過份……老薑？！！！最可惡的還是那幾顆湯丸－－那皮跟餡的比例是二比一！！那麻容份量只有花生米般大！！如斯這般質素的湯丸也膽敢收十五個大洋！罪過罪過……結語：不知食物為何物的人真的不該做餐飲的……

越來越差<br />賣甜品都賣到唔似樣,喳咋稀澄澄<br />風沙雞翼係翻熱的<br />雞皇龍鬚麵好好味

甜品一般，不過都唔算差，龍鬚麵同米線無乜分別，小雲吞同超迷你既菜肉雲吞無分別，味道都好普通，好在個皮幾薄都食得過。<br />不過個麵既湯要讚下，唔太似味精湯，味道幾濃幾好，我好少可會飲晒湯麵既湯ga~<br />呢度除左個麵幾好之外，勝在d位夠闊+多卡位好好坐，而且有電視睇，耐唔耐都會播下電影~<br />p.s.招呼都唔差wor~<br />

都唔係特別好好食糖水就好普通既不過小雲吞同龍鬚麵都幾好好大碗沙薑chinken legs都唔差喎service就有時慢左d

吃了高力豆沙($21)及黑糯米豆腐花($17); 高力豆沙蠻好吃，賣相有點像puff;外層似"牛脷酥"，但口感比牛脷酥鬆軟;黑糯米豆腐花一般;個人認為黑糯米沒有其它豆及花生會好一點;否則會變了"喳喳"...(味道的4分是給高力豆沙的)服務一般，要等一陣才有服務員落單p.s.看見隔離枱的珍寶凍檸茶($25)，大得有點誇張...

呢度除左賣甜品，其實仲有好野食，各式粉麵、盅飯、點心小食等都有，不過就售完即止。兼廿四小時營業，所以同班雀友在嘉雀打牌打到夜都會在此食甜品同消夜。

去親多數都係食麵.....都係o既,d 麵係真係幾大碗ga~ 味道亦唔差,即使呢到糖水店唔食糖水都唔覺得自己過份!因為食過呢度d 糖水唔覺有乜特別好味,(當然都唔係特別大碗啦~)