小甜谷 (已結業)

呢日day off,, 之前同男朋友上網睇過小甜谷.. 好有興趣試下..呢日終於有機會!! 不過路途遙遠 >__<日式杏仁豆腐 : 可能我自己本身幾鐘意食杏仁豆腐.. 所以覺得呢個唔錯.. 真係好香既杏仁味.. 同埋都幾滑=)特濃朱古力酒香奶凍 : 好滑好香濃既朱古力味!! *V* 正呀.. 無論口感味道酒既份量.. 全部都配搭得好好*榴槤金絲球 : 我原本其實好鐘意食榴槤.. 但係呢個真係麻麻" 外面果層的確係好脆,,但可惜同裡面既榴槤味道,口感好唔match, 有待改善桂花糕 : 好通透.. 桂花味好重.. 正.. 但美中不足既係d桂花好硬.. 而且好易攝哂係牙喇= =第日有機會黎開西環應該會再過黎..

北海道3.6牛乳燉蛋白 $26 真是很濃牛奶味, 但未至於滑如豆付北海道3.6牛乳紅豆燉蛋白 $30 只不過加了紅豆, 就要付多$4, 不化算而且份量不是很多且紅豆很甜天山雪蓮果燉川貝元肉 $28 天山雪蓮果幾爽口,加上川貝元肉很清潤, 很合天氣乾燥時候食其實在這裏食甜品, 有一部份錢是付在裝修費上, 而且在西環區算貴招呼不錯,很有笑容

9月26日, 喜聞小甜谷在西環開了新店, 是夜同呀比食完晚飯就唸住過黎試下~ 嘩! 10點之嘛… 但小店門口已經堆滿人龍… 真係間接帶旺埋西環尾嘅人流!::: 檸蜜菠籮沙冰 ::: $32勁大兜! 好夠凍! 檸蜜菠籮味都頗清新, 個沙冰底d菠籮汁幾鮮~ 仲有d菠籮粒同椰果粒添. 但可能太凍, 食下食下都食唔到咩味. 氣管唔好嘅人食完應該咳到嘔.本來想食嘅甜品賣晒, 局住叫第二樣野, 點知叫咗4,5樣野都係無賣晒… d人勁sell我地食個咩咩咖啡三重奏, 梗係啦, 成個雪櫃都係都無人食. 多人食嘅野又唔整多d… 記得上次去大坑小甜谷亦都係咁叫乜無乜… 哎… 真係ok失望.

第二次幫親, 終於揀埋野食...........上次我覺得好差, 因為叫左沙冰, 但今次叫番LEE度出名o既牛乳製品感覺都ok而且小谷仲坐陣, 好nice啊~一路介紹甜品, 一路都展露住笑容....唔錯唔錯特選北海道3.6牛乳燉蛋白, 味道都唔錯, 牛奶味好濃, 不過我覺得可以再滑d, 因為係lee度o既招牌菜ma, 應該可以再鑽研多d楊枝甘露豆腐花, 佢入面o既楊枝甘露同出面o既有少少唔同, 好似加左d楊桃肉咁, 而且仲有大大小小o既西米o向入面, 感覺幾清新, 因為口感豐富左ma....不過加埋豆腐花又好似唔太好味, 因為豆腐花唔夠滑ma..................老闆娘介紹o既時候(同其他人;p)仲話下星期會推出一d滋潤o既甜品、糖水tim...umm, 又可以再試下啦~ 但價錢唔算太平, lee度可以改善下~

好久沒有踏足西環了，大半年後再來到這裡，第一時間想起了小甜谷。知道食評都是麻麻，這次跟友人到來都是抱著平常心品嚐。我跟友人各點了:北海遁牛乳燉蛋白(我)薑汁湯丸牛乳味真的不重，蛋白味搶了牛奶味，我覺得自己是在吃燉蛋白，而且質地不夠洁身，有點鬆散。相反友人說的湯圓挺不錯，用足料，薑味很重很香。本來真想給個喊面，但友人說湯圓著實不錯，所以overall先給個ok啦。下次還是去回可可店吧~

今日男朋友有揸車，食完飯都係9 點早早地， 我又想去D平時無咩點去的地方食甜品，剛記起小甜谷係西環開左分店，所以就黎試下。呢度的位置真係幾辟，連平日咩地方都識去的男朋友都唔係好識， 好彩我地都好快搵到，今晚都多人架不過都有位，lucky~ 一坐低，因為有6個新客入黎，經理叫我地換位，個經理的態度都算唔錯，照換俾人啦，無所謂。我地叫左3樣野，有薑汁燉牛奶蛋白 （熱）北海道紅豆豆腐花 （凍）桂花糕 薑汁燉牛奶蛋白呢，無薑味 ＞＜，不過奶味都幾重，好在唔”so"，可能係用左北海道牛奶的源故，至於滑呢，又稱不上，但係我都ok既～北海道紅豆豆腐花，我覺得好好味呀。紅豆大大粒，都好多下，一D都唔孤寒，同埋食得出真係用北海道紅豆，貨真價實呀，價錢仲平過個薑汁燉牛奶蛋白，D豆花都好有豆味，不過就唔夠滑，但我又唔係好介意，因為除非單食豆花，如果係夾其他野一齊食，個豆花底做得實D又應該，如果唔係我估會水nel nel~ 撈埋其他野就會好怪架喇。桂花糕，無咩特別，桂花落得都幾多，幾清香，可以啦，唔係好甜，至於魚膠粉呢，都唔算落得重手。同出面其他相比，都算係OK。不過到以家我都未食過我覺得好食的桂花糕～Ove

好日唔去西環, 打算去西環就來小甜谷食甜品...想去好耐, 不過兩間都唔太就腳...叫左一個牛奶蛋白 ($25), 一個綠豆沙($16)...牛奶蛋白...雖然話係用北海道牛奶整, 但係我覺得...蛋白味勁重wor...唔知道係咪因為cut cost 呢?由於我本人勁鐘意食燉奶, 所以可能要求高左DD...老實講, 滑又唔係特別滑...食食下直頭覺得自己食緊凍"sharp" 蛋白...唔似得義X D 燉奶咁...真係覺得食緊凝固左gei 奶...至於...綠豆沙...我個frd 話ok wor....夠多豆...不過...我唔食豆所以冇試到...generally....我覺得係貴D 啦...明星效應...下次都係唔會上當...T_T最後, 我決定比我開account 以來第一個"喊"...因為真係幾失望...........

聽朋友講幾好食於是去試一試, 見餐牌冇咩款式便order咗芒果西米露, 點知食落唔係好得, 雖然西米幾好, 但芒果肉少, 又唔夠新鮮, 而且仲有少少異味, 有d難入口, 唔係好值, 如果用新鮮芒果切粒會好食好多

今晚和男朋友第一次去試小甜谷西環店... 叫咗荔枝奶凍 & 凍紅豆沙豆腐花.先嚟咗個奶凍..好普通, 不值$2x...!! 另外, 明明全店只有三台客, 但係...個凍紅豆沙豆腐花係喺我哋差不多食完個奶凍才送嚟...好慢...!! 一試..好唔掂..紅豆沙係冰凍嘅..但完全無物甜味..亦無物紅豆味... 個豆腐花亦係無甜味&好鞋....!!! 感覺係無人可以整得比這裡更差囉... 終於食咗唔夠一半就放棄咗...走人... 埋單$4x~ 相信今次係我哋第一次及最後一次幫襯這間甜品~~

上個星期六跟朋友食完飯去咗新開的小甜谷吃甜品。朋友叫了綠豆沙，我叫了椰皇飄雪。我的賣相不俗，但是並不是太香椰子味。朋友的比較差，她說用料不新鮮，有啲霉 up 味。可能就是十五年陳皮的功效吧。它標榜是用十五年陳皮制造，但其他用料不新鮮，用幾靚嘅陳皮都冇用啦！我想…… 去這些新式甜品店只能吃新式甜品吧。還有冷氣又不夠涼...... 唉......

order三種甜品：熱北海道牛奶蛋白、熱紅豆豆腐花、熱芝麻糊豆腐花。牛奶蛋白不錯。紅豆豆腐花，紅豆是冰凍，豆腐花是和暖、鞋口、沒有豆味，分不出是熱豆腐花，還是凍的。芝麻糊豆腐花，芝麻糊還可以，但是豆腐花酸了，換了湘蓮芝麻糊；蓮子只有兩粒，是苦的，收十八元簡直過分。埋單是六十六元。一定沒有下次。

係中環食完飯特登搭的士落黎食糖水，勁既地方係連個的士司機都問我地係咪去小甜谷，估唔到佢真係出名到呢個地步!!!一去到即刻有位喎，不過都算唔少人客架啦西環區黎講，不過環境真係麻麻，無咩冷氣咁，而且又要同其他人迫埋同一張檯，跟住地方又唔靠太乾淨...... 人氣真係絕對佔左佢好生意既一大部份原因。入到去見到老闆娘坐陣.... 哈哈，老闆娘果然忙，見佢成日周圍行黎行去，唔知佢係咪都係招徠既原因之一呢?我地最後叫左個北海道牛乳燉蛋同埋梅子西瓜冰。燉蛋佢話得返熱既，無所謂呀，我原本都係諗住食熱既。可能我自己好鍾意食燉蛋燉奶呢類物體啦，覺得幾好食喎，真係好滑，而且好香牛奶味，一入口就有牛奶味散發出黎，入口即溶咁，真係唔錯呀。我個friend話佢唔係好好燉蛋都覺得好味呀。另外個梅子西瓜冰反而我覺得普通啦，佢原本個圖樣係應該有成個西瓜架，但佢話只能夠用碗裝住俾我地咋喎。一入口勁冰涼，真係好有夏天既感覺，但始終感覺偏淡，食食下無咩味，偶然食到少少西瓜肉，但感覺唔太特別啦。有位姐姐收野既時候倒瀉哂d水落個地下，搞到勁污糟... 個重點係佢搞到我隻腳都係佢都仲懵然不知... 唉... 不過算啦，只係覺得佢下

幾天前終於試左屋企對面間甜品啦.同屋企人同親戚夜晚食完飯一齊去食,等了差不多15分鐘就有位.入到去坐底,見到個環境幾靚,樓底高,幅牆掛左好多明星相.但係唔知係咪冷氣唔夠.就係熱左d囉!我們6人分別點了;;;;;椰子香芋奶凍,熱燉蛋白,試了侍應推介的什麼花旗蔘愛玉,什麼苦瓜荼,消暑狀元荼,熱蛋白付竹糖水.脆皮牛腩先來的是我點的椰子香芋奶凍,十分滑!椰子味也香濃,再加上少少紅豆,香芋和西米,感覺不錯=}再來的是熱蛋白付竹糖水,不過不失吧。熱燉蛋白;;;;;用左北海度3.6牛奶,食落去幾滑...花旗蔘愛玉;;;;家人說幾清甜,食落去幾舒服,有d菊花桂花味。消暑狀元荼;;;;狀元荼有意米,圓肉,冬瓜,紅棗和一些應該是丸子的東西,甜甜的,不錯,因為我們點了凍的,親戚說吃落去很清涼。最後一個是侍應推介的苦瓜茶加什麼春捲,,苦瓜荼和春捲都是甜甜的,但不是太甜,親戚幾喜歡這個,可試試.脆皮牛腩是小食來的,見個名幾得意,幾好食,幾得意,一班人去食甜品點呢個唔錯.哈哈*無論食物幾好食,服務都好重要,侍應落單嗰個幾同收銀都有禮貌幾好,拎熱野黎,會講小心熱,整體來說ok的,問題只是熱左d.希望下次黎

公司O向天后, 屋企O向西環小甜谷新鋪開張先有機會試一試....不過都總算係緣份,因為近便!!!一早已經知道明星開O既鋪頭有時係有頭威冇尾陣嫁啦~不過都想試一試, 因為"北海道牛乳"真係好吸引!!!!入到去, 覺得裝潢簡單而別緻而且平日o既星期二10pm都坐左成85%, 都幾旺場啊~睇左個menu好耐, 諗緊食d咩...........最終 椰皇冰山係我order, 芒果奶係男友仔order.....-個menu明明寫係原個上o既椰皇...但o黎到唔係o個會事啊~~~ 雖然份量唔算少, 但你會覺得自己好似係食緊冰粒+ d 椰汁...............好凍啊~~~ 真係食冰咁食, 食極都仲有, 食極都食唔完............唉~~~ 好失望......一d椰皇味都冇, 仲冇配料wor -芒果奶個感覺ok.........有芒果肉再有好香o既牛奶味............不過唔算好特別~~~其實今次錯過左d日本紅豆甜品同奶凍, 不過見到其他人order, 個感覺好似好好味!!! 下次一定要再試................我諗我會recommend朋友仔試, 不過一定要試d牛

一聽到男友說小甜谷的分店位於堅尼地城電車總站，就想起多年前許鞍華導演的「鬼魅人間」，谷祖琳在戲裏飾演的白臉鬼海報曾經是熱話。而戲中的不少場口，就是於堅尼地城電車總站拍攝的。為了這段回憶，才跑到老遠去試。地方的確比大坑那間闊落，裝修也由由溫馨小店轉為帶着濃濃高雅的中產氣息的食肆，與門外對着的高價泓都屋苑極為相襯。看了看新的餐單，很想試有酒味的朱古力奶凍，竟然售罄，心情即時跌落谷底。男友問侍應有何堆介？堆的是什麼苦瓜茶配炸春卷，還說極好吃喎……而我就興致缺缺，因為熟知大坑那家的水準，只屬不過不失，還要搞新花樣，極之懷疑……結果即時上open rice看食評，不幸看到那篇極似廣告線告的評語，就去點了個飄雪椰皇冰山……什麼苦瓜茶配炸春卷－　苦瓜茶帶甜、炸春卷也是甜的，兩種都是少甜，但沒有互補也沒有一加一等於二或三的感覺，一個字：怪。飄雪椰皇冰山－　以為會夾雜椰子肉，沒有。說不上綿滑、也說不上清甜，是不甜，真的去街市買個不凍的椰皇還要比這個冰水甜，吃着吃着匙碰到了一大塊硬冰塊，請問，把一整塊雞蛋般大小的冰塊藏在刨冰內是何意思？三十多元的不甜冰水，還要加塊大冰於中間，我又不是外帶拿走，更不是烈日當