小白鷺餐廳 (已結業)

我去到見到隔離d set dinner 好似唔係幾好,所以我選擇自己點菜。叫左一客焗大磨菇,一客焗壤田螺,一客羊排及一客牛排。除左田螺有沙之外,其他都好好,牛排個配菜係焗薯有配料選擇,我女朋友食到d配菜凍晒,叫佢整番熱d waiter都好好禮貌。而且個羊排煮得幾好食。

唔好食又唔特別, 裝修寒酸唔夠style. 又貴.

我以前同老豆去過呢間餐廳食飯淨係2個人都要幾百蚊找數果陣我地係食個牛扒餐同埋d田螺都幾好食,但係d份量就少左d~d環境好靚~可惜好多人等位~等左個幾鐘都冇乜心情睇風景la~d野食其實其他地方都會有,但係泥呢度最主要係食佢d情調囉~都ok ga

Xmas day 去食,氣氛很好,有抽獎,有聖誕老人,有live歌聽.食物還可以,裝修好有feel.雖然就遠左D,不過開車去都幾方便,有免費停車場.

12月15日晚去了食晚飯，環境幾好，都坐得幾舒服，第一次同女友去叫左兩個晚餐，一個$168及$118，個忌廉什菌湯幾好，主菜是荷蘭牛仔扒，個扒好正，另一是唔知咩魚翼，我想是魔鬼魚卦，OK啦！不過配菜好硬，但係甜品係朱古力慕士，幾正！招呼都幾好，一有手勢即刻有人黎，不過我就覺得唔夠細心，粗心大意左D，總括來說我同女友都滿意是次晚餐。最值得一提係佢地假期既時候，門口會有跳蚤市場，攤檔唔多，不過勝在食飽飽睇完風景仲有野睇下買下。

昨晚去了小白鷺樓上的燒烤地點(天台)燒烤, 環境十分好. 提供的燒烤包一般, 不過能在這樣好的地方燒烤真的十分不錯.

在生日那晚去過(12月4日). <br>環境一流, 招呼周到, 食物水準不俗, 是一處很好的地方. <br>交通不便.....>o<

除了環境外，沒有其他理由叫自己再去，如果未去過，最好選擇lunch or tea time，感覺上會好d 。

第一次星期日中午o黎，太多人，結果無食走o左~ <br>第二次星期六，反而好o的~ <br>忌兼磨菇湯、海鮮墨魚汁意粉、忌廉條麵、焗豬扒飯都幾好味~ <br>焗大磨麻麻~ <br>紅酒燴羊扒好難食… <br>侍應招呼唔係差，有禮貌~ 只係太講效率，有d 粗心大意！ <br>

野食ok 喇, 可以接受. d 侍應水準提高左, 不過可以再好d .今次去試左炸薯角, 公司治, 熱朱古力, double espresso . $170 埋單. 可以喇. 我好中意個mood , 一入去好似去左羅省0既墨西哥城入面咁, 好正呀~~

論價錢，一般，唔算貴，都算抵。論食物，不見驚喜。叫set 會穩D陣。論環境，不錯，地方寬闊，有特色。論服務，麻麻地。D 侍應唔多醒。除星期五有歌聽之外，期他日子不要抱太大期望。總括來說，唔差但仍要改善。

唔係好同意kk 所講,意大利飯我都食過,問題唔係佢一舊咁(正宗意大利飯係黐埋一舊0架),而係佢唔夠生,煮得太腍(可能係就香港人口味),但其實唔算好差...意粉亦都食得過丫,調味唔錯,亦冇話煮得過腍,OK 0格.仲有個cheesecake, 食得過0者,起碼有芝士味之餘唔太膩.總括0黎講,呢度雖然唔稱得上好,但都算係咁啦~~

小白鷺的位置是不就腳,但食物環境已經值得喇!人地是以西菜為主,你識唔識食,或是你唔敢叫Ｄ貴菜,咖哩雞飯$68 是menu 中最平,意大利飯我昨晚沒有試no comment,我order 羊扒五成熟,excellent 還有焗石班,燒排骨,海鮮青檸沙律,燒乳鴿,鴨胸...甚至連餐湯,甜品很有水準,reasonable prize,services 都O.K. 我一定會朋友介紹,sorry 小白鷺一定唔會執笠!!!!!

呢度餐廳同博物館原來都係由音樂農場打理, 上次俾人誤導以為係個集團名下酒店搞.....唔好意思!<br>話時話, D 野食真係好似咁上下!

之前已經知道呢度口碑麻麻，而且，由酒店打理o既地方點會平呢！？求其貪得意食餐晏，仲有免費泊車添！地方真係幾骨子, 坐得舒服靜局，午餐六十零蚊左右，唔離譜呀……不過，食落又真係差o左D，扒同薯菜o既味道唔似樣；隔離o個個男人呱呱叫，話碟菜有虫，Captain 即刻道歉善後，態度同效率都好專業，呢點又賺返多少分。雖然食物就唔多滿意，但環境同服務都值個笑哈哈！