小白鷺餐廳 (已結業)

老細出車帶班下屬來o呢度. 呢度冇車就真o係要打的, 未食已經要駛錢估唔到大埔滘呢度必有洞天, 高尚住宅圍著餐廳, 自成一角好似一個enclave咁, 好似入左"世外桃源"餐廳樓底好好好高, 格局o係比較雅緻o既懷舊西餐. 有室外望火車同八仙嶺o既side-walk feel座位, 今日有人拍片, 又落雨, 都o係坐入面set lunch七八九十元只包湯同茶, main course o既choice 唔多, 唔食salad或羊就得一個linguine 同兩個魚揀. 我唔食牛, 故give up 我喜歡o既linguine; 個sword fish好似o係"浸"湯, 唔敢嗌, 結果叫salmon算了麵包不錯羅宋湯幾多料唔太辣, 都ok同事o既linguine好大碟salmon o係個surprise, 唔o係grill的, o係似steam的, 同火腿及菌類包o係脆pastry內. pastry大大降低了魚o既腥味, 咁整d魚又唔會令d魚肉太鞋. 拌碟有似麥記果d o既薯條同一棵broccoli, 食晒會好濟, 我將所有fries俾晒同事.公事飯始終o係悶的, 好彩o係同我咁上下年紀o

驅車往大埔，參加一個不太熟稔的朋友的婚禮午餐後，便跟女友到這兒玩玩。換件休閒服，便開始活動，玩過水上單車、划艇、岸邊釣魚後，才不過四點半。於是便入來飲杯野，休息一下。點了兩份茶餐，連加一共$106。以地方環境，算係咁啦！等了近十五分鐘，食物才上桌。食品比市區貴，但presentation 和份量都唔算差。鮭魚班戟配波菜忌廉汁：以熟鮭魚碎作餡包裹在薄薄的班戟皮裡，披上濃稠的波菜忌廉汁。好漂亮，味道亦唔差。鮭魚碎唔腥，班戟皮夠柔軟，講真個句，巳經好好的！洋蔥豬柳法包配薯條泡菜：當然不是什麼「澳門葡式豬扒包」質素。豬柳鬆軟，調味略淡。法包是軟身略有咬口。薯條係超幼身那款，灑上香辛調味鹽，不差。泡菜乃廣式醋酸口味，是從中菜部「撻」過來！？餐飲點了凍檸茶和凍奶茶，大路貨色。比坊間略貴，仲要地方偏僻，但因為獨市，加上肯用料，都OK 啦！室外開揚但嘈吵，室內裝修有特色亦開揚。

以為公假有Tea Set serve，點知...「週末」先有。同友人叫了一客紅酒汁羊肉扁意粉同龍蝦沙律，跟羅宋湯。羅宋湯有羅宋湯料，有羅宋湯色，唯獨無羅宋湯味...淡過水。紅酒汁羊肉扁意粉超水準：羊肉去骨，切成一片片咁，好滑...滑+肥美到好似豬腩肉咁。龍蝦沙律既沙律都好，用Mustard 撈西芹、紅/青椒、少少薯仔等等，無雜果，好。反而龍蝦少得o黎似蝦肉多過似龍蝦肉。Service 麻麻：唔抹檯、D waiter 對住個想落order/埋單既客打喊號、叫既餐茶o黎一個唔o黎一個，追o左兩次order 仲仍然失憶...如果唔係D 食物Okay，一定係 樣。環境呢...夠自然囉...但係D 鐵檯鐵難移位同好尖既金屬磨擦聲，就唔係個個受得了...。* 下次可試鹿肉

Very disappointing!!!!! 花園餐廳is MUCH better than this!! I went there with my family to celebrate my mom's birthday last Sun!!! What a BAD experience! We ordered 5 set dinner. First of all, the bread are bad, not hot at all, not to mention about a 'warm bun'!!SOUP - the waiter said there're 2 choices, pumpkin or vegetable. We ordered 4 pumpkins soups, we hardly taste any 'pumpkins' there, but simply a 'campbell cream soup'!!!!!! And also, the soups are NOT hot/warm at all........ !!! MAIN COUR

上個月佢地好似慶祝五周年, 凡一月份生日在一月底前幫襯者均送一張終生半價咭. 有兩個朋友都是一月生日的, 於是約埋一共四人在一月底去食.我地叫咗四個set, 小龍蝦沙律, 羊扒, 牛柳同一個魚(唔記得乜野魚了), 個湯同麵包只係一般, 但全部主菜都好正, 沙律有兩隻細細的小龍蝦, 羊扒同牛柳都好juicy好好味, 朋友唔係好鐘意食羊扒都話好食, 個魚都好嫩滑. 呢度環境都唔錯, 差不多八點仲有人唱歌, 不過嗰日個男仔就唱得麻麻地. serive雖然不算太殷勤都ok既.個餐冇甜品, 但生日的兩位每位有一件朱古力蛋糕, 味道都唔錯. 生日者除咗有終生半價咭, 生日蛋糕外, 仲有一隻杯同一個相架. 埋單其中兩人半價後平均每人$150, 都唔算貴, 不過黎呢度如果冇車就真係唔方便, 走個時門口有個電話號碼可以call的士.

情人節，男朋友o係小白鷺訂o左位！環境好正！我o地坐戶外，但由於當日天氣麻麻，所以架起帳篷，我地就o係帳篷下食燭光晚餐！環境一流，不過食物就普普通通啦！可能因為當晚大部分都係食情人節套餐，所以廚房一早準備晒o的食物，令到食物唔夠熱！食完晚餐之後，仲有特備節目！情侶們可以去放湖燈、製作時間錦囊、整手印！令呢個情人節更特別！

今日中下午去小白鷺天台花園燒烤, 前幾天已訂檯及以銀行轉帳300元給小白鷺, 向他們的職員說要指定要木棚下的檯,他們說沒問題, 結果去到只被安掛露天帳篷下的檯.每人收費88元, 任食不包飲品,食物也不見好, 海鮮(雪藏秋刀魚&蟹柳,黑尾蝦,青口), 肉類(牛,雞,豬,紅腸等), 沒有菜, 只有茄子,栗米及番薯.職員說不准攜帶任何飲品入場, 每罐汽水10元(未加一)或普通清水5元.你想飲一些的清熱飲品, 如酸梅湯, 當然沒有呢.我們每人幫襯一罐汽水, 然後拿自己帶來的飲品喝(鄰檯更在燒烤爐盤上煮印度自家茶),我們被他們的職員多次為難,但他們又給予工具鄰檯煮茶.真不知他們的標準在那兒.燒烤經常要加炭, 但他們的職員又經常失跡.我們在那兒切蛋糕慶祝生日,叫了好幾次,也有牒及叉,他們的職員極不合作.3:30p.m.等止食物供應,4:30p.m.前清場, 在收拾細軟往樓下遊玩,我們忘記燒毀爐底有幾件錫紙食物, 想拿回往樓下吃. 他們的職員Fanny(40餘歲吸煙短髮女侍應)粗聲說,我們的食物不准帶走,然後將燒烤爐的錫紙包掉進垃圾桶.餐廳指示我們不要浪費食物, 我們不想浪費食物才打算把忘記已焙好的

終於有機會來吃晚餐，點了煎dole 魚，比較鞋，另外的牛膝意大利飯就好好味喇！加$20 有甜品自助餐，非常抵食，$20 不能要求太高，不過不失吧!

參加團體旅行黎參觀食既係一早預訂既團體餐有蝦,魚,蒸水蛋,菜,湯羮,煲仔菜等等食物食物都好新鮮魚同蝦都煮得剛剛熟蒸水蛋既料又好足成個底都係瑤柱蝦米所以味道都唔錯比較差既係佢d粟米湯羮造成既"送"菜落得太多生粉水份量好足overall都幾好服務人手唔多夠呢方面真係要改善下

星期日風和日麗，都好耐冇來小白鷺，下午2點幾去到，停車場都好多位喎，以前呢d食飯時間好爆架，唔通有function 俾人包場（以前都遇過）？去到餐廳門口見到有好多位，望下個menu 睇下有冇tea食先，哇，有中茶飲，有中式點心食( 以前冇架) ，即管入去試試先。食落就真係麻麻，廚房果個肯定係初學冇耐，叉燒飽個餡好似漿糊咁又冇甜味，燒賣用太瘦既豬肉變得實谷谷，蝦餃一般，糯米雞唔掂，煎蘿蔔糕好少料仲要係辣既，佢應該係加左辣椒油來做，（如果你唔食得辣既都幾大鑊）……唉總之真係完全唔得。唯一值得讚既係盎茶同埋服務，個經理話呢度點心只係serve 左一星期，問我地comments 如何，真係唔知點答。不過，始終都係鍾意呢度既環境，下次來都係食番西餐算啦。

同個CU o既同學仔聚舊，佢提議o黎依度~ 原來由大埔火車站到小白鷺，車程只需10分鐘；但環境就由鬧市變成大自然風光，都幾神奇..!!　餐廳分indoor同outdoor dining，雖然冷氣吸引，但湖邊風光更加引人入勝~ 冒住喂蚊o既危險，我o地揀坐outdoor~ 食物方面，兩人要左：　芝士什菌意大利雲吞- 意大利雲吞係我o既心魔，明知好難煮得好食，但又偏要期望…好在今晚都冇失望：意大利雲吞有濃郁o既芝士味，又有spinach o既清淡調和，好味道!!終於一次過足口癮~紅酒汁牛仔肉天使麵–微酸、酒味唔濃，紅卜卜o既天使麵，係幾開胃o既dish~ 另外牛仔肉都幾滑，水準都okay~自助甜品吧–每人加$20就可以享用(indoor) dessert吧，內容包括朱古力火鍋、刨冰、雪糕、cheesecake、鮮果、pancake、pudding & jelly, etc…由於坐得較遠，我o地只係食左一round（竟然！），覺得都okay~　其實依度食物唔錯架，只係環境(outdoor)太靚，會令人專心傾偈多d…大家都講左好多野，所以都係好開心o既一餐飯~ 多謝哂~ ^^　*註：依度o既英

我又唔覺得佢地服務差喎!可能你去果日多人啦.閒日去好好服務架!同埋佢地好似成日都唔夠人手咁, 特別係假期!

諗住中秋同老爺奶奶…一行10人去小白鷺食dinner慶中秋啦！見佢湖光山色應該別有風味，點知一肚氣…雖然大約8時有人唱歌(我坐係台側，但都聽唔到佢唱乜，可能音響太差)，冇節日氣氛…Dinner Set 方面aound HK$168 -$198 included:湯(忌廉湯唔熱,所以難飲)包(都係唔熱又難食)Main(1) 意大利飯(簡直要回水，我整好食過佢)(2) 大蝦牛柳(蝦-OK, 牛柳-好過茶餐廳啦！)(3) 羊仔肉(不過不失-但太少)(4) 猪柳(最熱-可能因為我哋差唔多食晒佢先嚟啩)甜品(1) 布丁(食完都唔知係乜)(2) 朱古力Cake (算是最好)DrinkService-BAD BAD BADSpend HK$2,000 位位HK$200, 咁嘅質數同Service (連厠所見到都不敢恭維) NO NEXT TIME......

佢地d food 一無可取,完全唔好食,冇熱力既大盤令你感到好似食緊頭盤一樣。d 牛排超級難食,我以經係食50%,都係超難食,如果係貪佢環境清幽既話,不妨一試,但係食tea好啦,無謂浪費幾佰元去食d咁既food,真係唔值。d server又冇service,真係比佢地激死,好似佢地係客多過你。

環境係幾好．．．不過ｄ食物一般，最慘係ｄ服務真係好差，ｄ侍應黑口黑面，仲個個都好似隻耳有問題咁．叫極都聽唔到．．．係個到食飯好辛苦好受氣～～我諗我以後都唔會去～～～