小皇子冰室

营业中

休息中

💛本身自己好鍾意食菠蘿包💛但真心，住咗觀塘咁好年，小皇子冰室既菠蘿包係最好味好後悔咁遲先發現雖然等唔到新鮮出爐，但佢地有爐warm住，都keep到個包係暖既菠蘿皮卜卜脆，甜度啱啱好，口感鬆軟有彈性，而且size都算大

今次小吃貨嚟到觀塘工廠區附近，十分趕時間但又肚仔餓😂想快快脆脆食個下午茶就衝左去呢間冰室喇！入到去又幾光鮮企理喎！仲好colourful 添🤭嗱嗱聲叫返個下午茶醫醫肚酸辣豬扒湯米線 $38 送熱飲，幾抵食！碗米線一上枱，真係估唔到咁靚仔喎😊比起我平時食嘅冰室賣相好OK，忍唔住要張相，$38 都有咁嘅水平，很好👍🏻而家酸辣湯唔會好咸，豬扒煎得啱啱好，米線係幼身和偏淋，啱哂我口味，相信我下次都會再返嚟食🤣🤣

喺觀塘廣場附近搵間餐廳食下午茶，見呢間茶記都幾光猛, 姐姐又好熱情喺門口拉客就入左來。佢地方都大下午茶時間都坐咗一半人。 坐低咗係到，諗住叫姐姐落order, 原來佢地係用手機掃qr code落單， 個qr code 喺每枱夾餐牌個牌度，要留心睇先知。點咗個乾炒牛河食。🌟乾炒牛河佢都幾多牛肉， 不過唔係好熱。配上辣椒醬都ok。🌟凍咖啡正常總括來講都ok啦，野食唔係難食既。茶記都唔會諗住有啲乜嘢服務， 自己搞掂係新趨勢， 好過有啲惡死阿姐 好似欠咗佢咁幫你落單。

今天來到在觀塘的小皇子冰室，這一間炒小菜和蒸魚都好吃。今天下午茶時間來，點了個下午茶餐和一個酸菜魚。下午茶-咖哩雞球飯這一間的咖哩相對平淡一點，也沒什麼辣味，不吃辣的話在點餐時可以連紅油都不要。勝在雞肉夠多夠滑，對於我這些不太能吃辣和炸物的人，這樣一個下午茶也很不錯。不知道大家會不會用顏色鑒定水吧，我一看這顏色，直覺最少有85分，果然這鴛鴦茶味超濃，就算我點的小甜，完全不會有酸味突出，超推薦！酸菜魚一份120左右，滿滿一大鍋，無骨的魚片，酸香咸辣的湯底，最優秀是切得厚薄適中的酸菜，煮得透又不會過酸，加上香麻粒，絕對是中上的出品，可以encore!觀塘茶記和冰室可怕在麵包出品也相當出色，除了麵包、蛋撻，還有各種甜品。忘了拍照，不過我還買了這間的黑白木糠布甸，也是性價比相當高的甜點。

因為起附近返工 間中都會過去食下早餐初初去果陣都唔覺衛生有問題 都幾企理近排開始明顯污糟勁多 唔攞濕紙巾抹過係唔夠膽掂落隻手去檯面地下痴立立 張臺係勁污糟 好多漬 同埋凳上面又有d 野食 總之就係汙糟邋遢 好似無抹過咁同埋成浸up味。。講真衛生搞到咁我都唔夠膽再去，去返食黃金算 另外食物質素keep 到 座位係舒適 唯衛生問題要改善。。

下午茶48蚊零鑊氣乾炒牛河又未至於難食既，肚餓到爆都會食埋去。不過反正都翻炒，就炒多兩野啦，而家熱d又唔熱d咁。同埋落成堆芽菜，下次落少d啦，畀餐牌隻手指公icon厄左。食件三文治會開心d😂環境幾好坐既。杯野都好飲既。

如果想食個早餐返工千祈唔好揀呢間首先一嚟到睇咗陣餐牌，見到隔離有個人落單咪順手等佢落完叫待應幫手落點知佢一嘢得埋嚟話：我地QR qode落單但你餐枱定Menu 都無寫囉，咁佢人都係到，又啱啱先同人落完咪順便落埋囉過咗陣，同時間嚟嘅隔離枱已經有嘢到，人地要咗杯水，我見佢坐咁耐無主動比水又想問佢拎杯點知佢勁惡咁話我地QR qode落單㗎！之後走咗去咁我自己岀去拎，去到45分，有位先生搭枱。我見啲嘢食未嚟，而一齊嚟個啲都食完走哂。我27分等到45，叫人又無理我。最後要等佢派餐派到附近先搵到個人問，原來我張枱漏單。佢最後都係岀咗比我對面遲來搭枱嘅先！食到最後見到遠少少都有個人等唔到要拎外賣走！嘢食好一般！餐包是凍的，牛油意義不明個雪菜肉絲米似炸菜多啲！差！

今日大約5:00食下午茶食左個焗豬扒飯，濃濃的茄汁香，超好味最緊要係呢間餐廳都員工服務態度好好好有耐性同人情味同有活力，食又好食，Services又好去到觀塘一定要去幫襯

今次路過試下呢一間茶餐廳比較一下,入到嚟餐廳企理乾淨,餐具放櫃桶裏面都非常整潔,當時因為過咗飯市,所以唔多人三點幾坐低,下午茶餐都唔係太多選擇一般茶餐廳有嘅都會有,可能本身有新鮮出爐麵包餐,所以係冇雙拼三文治下午茶餐,原來呢間茶餐廳有甜品,因為唔太肚餓叫咗個麵包餐,本身我不太喜歡帶酸味的咖啡,這店咖啡香濃的沒有酸味下次試埋甜品,炒粉麵另外小朋友嗌咗個雞髀薯條雞髀都幾大隻,薯條係新鮮炸唔係炸定👍,麵包見佢keep住出爐,這裏可以電子落單及電子付款最啱我唔袋現金嘅人

前排經過成業街食午餐，試下小皇子冰室，位於成業街15-17號成運工業大廈地下1號舖。 店內環境整潔， 但因為食飯時間所以都幾逼，午餐 ～ 鮮沙薑蔥油滑雞$59、 日式海鮮炒烏冬$57、凍檸檬茶$3、西式湯、 明火例湯。 ▫️凍檸檬茶 ～ 凍檸茶點了少冰， 清涼解渴。   ▫️鮮沙薑蔥油滑雞 ～ 沙薑蔥鮮香， 雞件嫩滑。 ▫️日式海鮮炒烏冬 ～ 魷魚質感軟腍， 烏冬炒得夠味。 ▫️西式湯 ～ 羅宋湯酸酸辣辣，湯料多。 ▫️明火例湯 ～ 牛蒡湯味道清甜。 整體而言食得飽之餘， 烹調都算用心。 🏷️溫馨提示～ 整個用餐體驗均屬個人分享意見， 只作參考😊。

🥢🥣🥛一間中規中矩嘅茶記🆗中湯晚市套餐會跟中湯和西湯，我哋揀咗中湯。都幾足料，有瓜、豬骨、粟米，但個瓜吾淋。🆗 是日蒸魚(豉汁蒸倉魚）-$76即叫即蒸，豆豉就甘食幾好味，魚肉尚算嫩滑，有薑蔥喺面，但豉油冇咩味。🆗鐵板珍寶雜扒配薯菜- $101用鐵板上，真係好熱，汁會另上，倒啲汁落去嗰陣咋咋聲。雜扒有牛扒、雞扒、豬扒各一塊，另外仲有條大腸仔，少少粟米同埋一舊西蘭花，而薯菜就係薯條。雞扒最出色，雞皮好脆，豬扒都吾錯，易咬，但牛扒好快會過熟變韌，薯條就正常，但倒左汁落去會淋左。黑椒汁吾係好夠惹味同吾夠多。跟餐嘅牛油餐包熱辣辣，軟熟得來充滿牛油香，個包好食。🆗熱華田唔使加錢嘅飲品，正常🔘紅豆冰 - +$7紅豆好硬，味道較淡吾夠甜，吾推薦🔸小皇子冰室🔸地址：觀塘成業街15-17號成運工業大廈地下1號舖#晚餐 #冰室 #茶記 #港式 #小皇子冰室 #觀塘 #dinner #茶餐廳 #雜扒

觀塘飲食日誌day 14合格的茶記就是要快靚正快：落單快，出餐快，達標靚：賣相可以，尤其菠蘿包，不過就是菠蘿包弄到周地碎屑正：味道來說就一般了，牛肉沒有牛肉味，茄湯就一貫的茄膏稀釋的湯汁，而且極滾燙，菠蘿包則鬆軟香口

繼紅茶後，觀塘都有好多間地方大，野食多元化的茶記，見呢間又係咁，試一試試個下午茶，叫左個乾炒牛河，份量少，有點油膩，牛肉唔滑，味道一般。另一款豬扒湯米線，塊豬扒腌得太勁啦，過軟，冇左豬扒既口感，而酸菜都好一般，整體感覺都頹頹地…杯奶茶都係一般，唔滑，個茶底麻麻，同樣價錢，應該會想食紅茶或黃金冰室多啲環境上，有啲佈置，背景，感覺想造出舒適，享受食物既感覺，但實際上俾出嚟既食物冇咩誠意，好難做到佢想俾人既感覺，應該唔會再試

我和朋友叫下午茶炸魚柳餐，都是同一時間用電話落兩份餐，我朋友的餐已到但我份餐遲遲都未有，奇怪係同一張單同一時間落單，等更食物時見格離枱叫左碟乾炒牛河真的知道我們來錯這間餐廳，河粉色澤淡如水🙄🙄🙄同餐牌相中相差好遠應該味道都會好，我好不容易下找了吹店職員多次，我朋友個餐已食完我份餐終於等到了，但好可惜我份餐宿左水不但與餐牌中不同，明明我朋友的魚柳有兩件但我份竟然係一件小塊魚，這店多樣問題，職員態度差，職員不夠，到餐時間耐，食物味道一樣差。

鮮茄濃湯牛肉通粉（特餐$53)配火腿炒滑蛋、墨西哥藍莓餐包賣相：🐧🐧🐧味道：🐧🐧🐧鮮奶濃湯牛肉通粉份量十足，一大碟裝得滿滿，內裡含不少蕃茄片和牛肉片。通粉湯底蕃茄味道略淡，通粉軟硬合適不會過冧變爛。牛肉片口感不會過韌過硬，略嫌不夠入味。特餐採用少見的墨西哥藍莓餐包，入口微甜，藍莓味不太突出，口感有點偏硬。火腿正常水準，炒滑蛋薄身偏熟略欠嫩滑。茶走（跟餐）賣相：🐧🐧🐧味道：🐧🐧🐧茶走以瓷杯呈上，茶色呈金黃，表面佈滿氣泡。茶走茶味偏淡，奶味一般，甜度低或需額外加糖，入口滑度一般。酥皮蛋撻（$7/個）賣相：🐧🐧🐧🐧味道：🐧🐧🐧🐧酥皮蛋撻新鮮出爐，熱騰騰香味四溢，蛋心金黃酥皮香脆，非常吸引。味道方面，酥皮鬆脆香口，內裡蛋心香滑順嫩，甜度一般，性價比高的推薦。輪候入座時間：🐧🐧🐧🐧🐧在假日下午3點左右光顧，無需輪候能直接入座。等候上餐時間：🐧🐧🐧🐧🐧特餐及飲品在點餐後10分鐘內送達，蛋撻要等待出爐，需時較久，約20分鐘。服務：🐧職員明顯不熟手，下單速度極慢，需要顧客慢慢逐項食品告知，有時還需重複數次。有錯單的情況，明明下單要熱飲，但來了凍飲，服務有待改善。🐧❤️結語：食物質素一般，服務欠佳，雞肋之