影片
以上资料只供参考，请与餐厅确认详情
招牌菜
每年都會嚟屯門幾次，每次自己嚟都總會食呢間！雖然附近都有D大間米線，不過呢間小家作業，總覺得要支持！招牌米缐。$36，凍飲加$5。其實一般般，冇話好低，餸每樣一粒，看似唔多，食完又飽喎，湯底酸辣，有酸菜，夏天食正好開胃！小食。手撕雞。16蚊。唔貴，不過唔好食。雪味好重！不過奇怪佢又唔'鞋'喎！有D矛盾總括，一個小家庭開嘅一間小店，值得支持！因為其實你去其他地方食，質數都差唔多！
继续阅读
嗌左個三餸(牛丸+雲吞+牛栢葉)米線加杯凍檸茶。米線：明顯煮到過龍米線已經淋曬。牛丸：兩粒，算過得去。雲吞：兩塊，皮好厚。牛栢葉:有兩條(可能三條)唔認真睇以為無俾。湯底：可能叫左小辣關係，味道淡淡的。凍檸茶：啲茶爭啲，可以入口。對比上一次食水準差左啲，希望下次再食會有改進。
继续阅读
一向都特別鍾意食麻辣米線,有次去左屯門搵食,見到個名係食米線,加上見都幾多人食,所以都諗唔會係伏,即管一試,點知一食便愛上。揀左雞翼麻辣米線(小辣)~一黎到已經嗅到好勁既麻辣味,見到碗野咁紅都嚇左嚇...食落真係又麻又辣,食左幾啖之後個咀就開始紅同麻痺!!米線都ok,口感都幾好,唔硬唔淋,但個麵底就少左d,好快就食完,大食既一定要加底。一路食真係一路流鼻水!!但又停唔到口 至於2隻煎雞翼就細隻、有d燶、都幾多油但整體係唔錯幾好食!野飲加$2,成個餐唔過$30~覺得係抵食同好食既!!
继续阅读
本來就諗住食隔離間日本野，但突然想食d濕口野，所以就入左呢間小窩米線。感覺樓面好似有d人手不足，我地坐低左，嗌人先有人執走上一手既野好! 咁我就試一試佢既扭扭薯粉3個配料($35): 雲吞、墨魚丸同豬扒(+$4)。扭扭薯粉: 好得意，好似食緊d jelly。2粒雲吞: OK la，不過d肉好少。2粒墨魚丸: 正常墨魚丸lo, haha。豬扒(圖為三分一份量): 以為會分開上，點知浸左係d湯到，好失望。男友私人醒既肥牛，好大片好厚，但完全係一片用滾水碌熟既肥牛(大家可以唔洗嗌, haha)酸辣湯底: 嗌左唔辣，都幾酸酸地，但I like it XD自制甜酸菜: 真係酸酸甜甜，好得意，又幾好食wo~~野飲嗌左特飲檸蜜(呢個餐特飲+$5)，好似係落左菜蜜既野，同埋太甜，所以係咁拮d檸檬中和一下d甜。
继续阅读
今天長周，我在正午12時下班後，便到香港屯門新墟德政圍，和前一個星期六一樣，我都是長周，選的午餐地點也一樣，只是這次我選擇了去隔壁的另一間食店─「小窩米線」，品嚐出名的「酸辣粉+飲品套餐」。這個地方我食店，都是我和弟弟最愛，又是我們家附近，好方便，又可以品嚐到美味食物。今天我點了的午餐─「酸辣粉+飲品套餐」，包括：(粉麵我選擇：扭紋薯粉，配料我選擇：3個配料─炸蝦卷、豬紅、辣炸醬，湯底我選擇：少辣的酸辣湯底，飲品我選擇：熱檸檬茶)。既然價錢都是差不多，當然選最多又最讓自己飽肚的，價錢合理，不會太昂貴。這就是我今天的午餐，內裡還有很多我最愛的酸菜、花生，麵和配料的份量，也比我想像中多，花生很香脆可口，酸菜讓我吃後很開胃，不會有太膩的感覺。至於配料方面：豬紅不會太小，很新鮮。炸蝦卷也不錯，很香脆可口。辣炸醬不會太辣，剛剛好，再配上我選擇的酸辣湯底，真的很好吃。整體來說，今天我的午餐真的很美味。
继续阅读