小老板 (華凱大廈)

营业中

休息中

今日路過炮台山，見到呢間小店平平地，所以就試一試。（佢哋只係做外賣）我買左一份小雲吞擔擔麵、一份鍋貼（4隻），合共$40。個小雲吞擔擔麵係上海式的，所以完全唔辣，花生味極香，但就比較「潔」身，而麵質都好索湯的，所以每一啖麵都會有好濃的味道、相當唔錯。小雲吞都幾足料，細細個咁但成個都係肉，雲呑皮完全唔厚，一啖咬落去，相當有咬口，而一咬落去啲肉汁亦馬上彈出來，絕對稱得上係外皮酥脆、內餡爆汁，以$10元的價格，性價比超高。

北角近炮台山的一間小店，今日經開要買東西，就順道行入這條街睇下有咩可e肚哪。第一次試這間小店，見到店內有兩位男生忙不停新鮮製作雲吞等，就令我想試下哪。。點了紅油炒手，雖然紅油超級多，油利了一點，但配菜有點菜「普」加左輕微的辣，熱哄哄還不錯吧。重點是雲吞咬落去是新鮮爽口的且豐肉汁😋 店內生煎包同窩碟都好多人點餐。。而且又可給客人最小點每款兩件合拼點餐，這樣就可以試到更多款式。這店會再幫襯。性價比高又真材實料的小店。讚

之前一直未試過這間小老板，這星期第一次試是因為用🐼送外賣服務，在🐼中見到這間有鍋貼，所以決定試下，另加了大酸辣湯，好驚喜，酸辣湯好得，鍋貼就普通。因為酸辣湯正，所以特登到這舖再買來食，酸辣湯係仍然冇令我失望，不過份量就少了，大碗的3分2，有1份少了咁，最point係🐼外賣服務嗰次個碗份量足d，唔知係未因為🐼外賣服務本身係收貴了$3，所以份量多d，但親身去買時見到分別，真的有點兒那個

今晚在炮台山附近健身，健身前一定要有吃過東西才有力量，就在附近找間小吃店吃東西。在電器道找到間小食店，有煎餃、蔥油餅、小籠包、水餃、雲吞麵等小食。 只提供外賣，都有很多人光顧，店外都貼滿很多報章的介紹等資訊。我點生煎包和煎餃子，十元有4隻，份量都很大，店員都用了水松盒放到滿滿的，二十元就已經可以吃到飽。生煎包 餡料尚可，包子很大個，不算太多油，還可以，煎餃子🥟加試小許醋，味道提升不少，但皮太厚，都是吃麵粉。總評：不過不失，醫醫肚子還可以。

3點3下午茶同事拉隊落去買野食第一時間諗到呢間 次次lunch經過見到好平都想試下 但因為只可以外賣所以放棄左今次終於試到叫左酸辣湯(大碗) 少辣份量望落去唔多但一食落每一啖都係料物超所值

感激同事做埋外賣速遞員，由她所住的鰂魚涌前往北角，從只做外賣的上海點心店「小老板」帶來美食，她還搭了的士回到牛頭角的辦公室，真係唔好原思。講番食物。平心而論，呢些點心不即買即吃，還要經過一輪長途跋涉後，味道肯定會大打折扣，所以我已有心理準備。與同事合共吃了生煎包、鍋貼、小籠包、紅油炒手、葱油餅及酸辣湯雲吞。生煎包細細件容易食，包上面的葱同芝麻下得多，挺香口，唯一要改善的肉餡好似唔多夠，顯得包皮在比例上變得過厚了。鍋貼就啱我口胃了。煎得脆邊，大少剛好，肉餡與鍋貼皮比例適中，唔錯。葱油餅屬飽肚之選，唔算太厚身，葱味亦算突出，算中上了。小籠包經過長途跋涉後，味道差了幾成，豬肉餡的juicy程度少了一半。不過，店家放了些椰菜在包底，令夾它時不易因黏住而弄破，挺貼心。紅油炒手那些雲吞比較大舊，但那個紅油挺惹味，如果花椒再下得重手一些會更妙。酸辣湯雲吞湯頭是老派做法，配料不多味道唔錯，反而那些雲呑浸得太耐軟Pat pat，有點失望。聽聞此店與同區另一名店「麥記美食」有親屬關係，平心而論兩店食物水準同款式也差不多。綜合來說，「小老板」的食物出品雖有改善之處，但品質算中上且價錢便宜，性價比確甚高。

I always love Shanghainese dumplings so I'm quite excited to come across this tiny shop in tin hau area. Cheap, good quality, the xiao lung bao(小籠包) was juicy, 5 for 22 dollars; the pan fried gyoza(鍋貼), 4 for just 10 bucks, was close to be perfect! Many come for its mini pork bun (生煎包), same price as the gyoza, one can have a quality lunch or even a quick snack for just 20 bucks hk!! Hearty shop--keep it up!! Don't let the quality slide!

小店嚟講佢嘅酸辣湯材料豐富， 做得唔錯。 去到嘅時候，鍋貼同生煎包，係已經整好咗，入口微熱，入口嘅感覺， 生煎包內裡，唔夠多汁包讓著肉， 鍋貼亦都如是。 但係以價錢嚟講 10蚊4件 生煎包係非常之抵。 小籠包 個皮比較薄內裏冇湯汁或 不夠汁， 小籠包 內裏一定要係有湯汁，入口咬住啲肉連汁，先至覺得好食。 尖沙咀老飯店就一絕，好少失手嘅小籠包。 魚蛋冇腥味真係唔錯，同埋魚蛋汁亦都好惹味， 六蚊五粒非常超值值得一試。 兩個男仔一個女仔負責整間店舖， 佢哋都好好笑容好有禮貌， 呢一樣嘢好值得讚。有時做小店，內裏煮食嘅人，實在太熱工作環境。好多時都木無表情，包食物畀你收錢 、完結。但係，佢哋令我感覺到佢哋好有心去做好開心你幫襯佢哋， 香港呢個社會 自從回歸之後 ，就感覺到人與人之間，欠缺尊重 ，所以好多問題不斷衍生 。 祝福你哋努力改進更多人幫襯 。 店鋪門外，有公眾使用小石凳連花槽， 可以坐喺度食， 不過要注意地下好多煙頭同埋好蚊子 。 希望佢哋做飲食都注意店舖外面清潔。因為客人都係在那裡地方進食食物後，造成污糟都係屬於幫襯佢哋之後留低的垃圾 。

經過叫左碗酸辣湯加餃子，真材實料！好好味，下次會再去！值得等待既，因為係即時煮餃子！湯入面有豬紅豬皮木耳豬肉豆腐，好飽肚！每次經過都見到好多人排！但係店面衛生有待加強！

lunch突然想食上海野，於是去左公司附近既小店買外賣但大家要留意返佢既營業時間選擇較少但好好味花生醬同湯既比例岩岩好唔會太杰，麵又唔會太淋，撈起黎食唔好黎佢細細碗食完都飽左一半,但$15真係非常抵食本來擔心唔夠飽加多左個酸辣湯雲吞出面既酸辣湯而家好少加豬皮但呢度就加左，配埋木耳絲同肉絲，口感唔錯我覺得本身酸同辣既比例岩岩好唔洗再加辣粉!!! 如果食得辣既朋友，可以再加!!!講話舊雲吞先，皮夠薄但略嫌少肉，不過不竟$25咁大碗算係咁!!!食完真係好滿足，飽到上心口

其實而家香港地想搵串好食啲嘅魚蛋都好難先唔講佢啲魚蛋係粉係魚有啲舖頭連辣汁都懶得落心機求其攞啲咖哩粉喺個兜嗰度煮咗就算數其實我喺灣仔食過一串魚蛋我話要辣魚蛋佢竟然 冇畀辣汁我就咁對比我跟住我就好愕然咁望住佢竟然食得番細個嗰個味 係真魚蛋對唔住講返呢間鋪頭先雖然 魚蛋都係粉蛋不過咬起尚算彈牙唔會諗起碼佢個辣汁有落心機辣汁 ok辣同埋佢有少許沙嗲味唔知係咪香港街頭充斥著好多難食嘅魚蛋搞到我經常降低要求但係辣汁呢啲基本嘢真係冇得慳㗎各位老細

在砲台山搵食，行過會miss 左呢間小店， 他們門面不大， 沒有華麗的裝修， 餐牌很簡單， 只是普通打印出來，價錢大眾化。擔擔麵只是14蚊， 生煎包10蚊4隻， 煎鍋貼也是10蚊４隻。 生煎包及鍋貼餡料秘製，肉汁咬落即跌哂出來。 酸辣湯麵都好好食。不難看見小老闆在店內整天很忙不停地在搓鍋貼及生煎包， 小老闆很後生， 原來23歲創業，失敬失敬！ 還以為是父親留下來的店。。。難得砲台山區有一平民食店，好食又抵食。如果小店賣埋汽水可能會更好！

又再到小老板買外賣，今次叫左水餃+麵，仲有小籠包！佢即叫即整，所以明白製作需時，每次order完，畀定錢後，我就會就行開下，十幾分鐘再返黎拎～平時趕就叫啲即有嘅煎鍋貼，生煎包，擔擔麵，同事話蔥油餅能抵又好味！今次見佢裝麵嘅外賣碗唔同左，重點係食落覺得仲好味過之前！覺得水餃皮滑左，粒粒食落滑滑的以前返到公司啲麵會痴埋一舊，依家條條分明，整碗麵更少左油膩感！碗麵$24有6隻餃，小籠包$22有5隻，仲有啲菜，真係好抵食！

放工回家食飯前，好肚餓，所以行來橋底搵野食～呢度有幾件小店，有生果店、果汁店、雞蛋仔、燒賣魚蛋、糖水全部都有～見到呢間門後幾多人排～再望到menu d價錢幾抵，我就買左碗$14 6粒的菜肉雲吞試下～等左一陣，一碗滾熱辣辣的菜肉雲吞就煮好～雲吞的皮好滑，不過每粒的餡料不算多～但幾新鮮！見到佢地係在店入面包的～以呢個價錢呢講，真係幾抵食～雖然呢間係外賣店，但在門口有好多公眾的長椅，可以坐在此食～食完再還番個碟比佢地～

今日重遊老家一帶，行到有點倦時，在福元街附近看到很多不同的食肆，其中有一間有老上海風味的小店，小老板，見到它以大鐵鍋炸鍋貼及生煎包，便立即有一試的衝動，最後點了一份鍋貼，10元4隻，皮不厚而肉有汁，且不算特別油膩，如果平時食厭燒賣魚蛋，再食呢D小食真係幾飽肚架。