小胖台灣麵

营业中

休息中

已經有段時間冇去台灣玩今晚特別掛住台灣食物所以就去咗屋企附近既小胖台灣麵😋6:00去到都已經坐滿晒人好好彩只係等咗一陣位❤️原來而家新出咗自選湯麵系列🍜由湯底到配菜都係可以自己揀總共有六款嘅湯底可以揀我就揀咗濃蕃茄🍅大骨湯做湯底而配菜我就揀咗手切封門柳同埋台南蚵仔肉卷蕃茄湯底非常濃郁，仲有蕃茄肉添味道酸酸甜甜，非常開胃蚵仔肉卷係由台灣直送除咗蚵仔肉之外入邊仲有紅蘿蔔同木耳配搭埋一齊好鮮甜 爽口彈牙🤤食食吓仲見到有自家製黃牛油加咗少少落去湯底，即刻成個味道提升左仲令到封門柳個牛肉味更加濃郁😍另外我哋仲嗌咗11月限定既台灣蒲燒魚腹便當廚師蒲燒既時間剛好，魚油味好香仲好鮮嫩再加上肉燥配飯食非常之惹味💯小食嗌咗香蔥豬油拌豬耳豬耳口感爽脆，辣辣地好好味🥹當然唔少得台式飲品🧋🥤烏龍珍珠奶茶茶味濃郁，奶味香濃柔滑珍珠口感滑溜Q彈鴨屎香手打檸檬茶酸甜調配適中茶味香濃，解渴必飲❤️佢哋而家有會員App新加入仲有迎新優惠同升級優惠仲可以有儲分制tim真係食得越多着數越多👍🏻👍🏻

朋友短聚，揀左間佢常食嘅日常餐廳，食完明白點解佢會放工都經常食✨牛骨湯麵＋自選配料✨ 食落係有種台味，特別係蛋餃，魷魚焿，甜不辣同個麵，麵質帶煙韌，係牛肉麵果種麵，牛骨湯都幾似台灣飲嘅味道，食完唔會口乾，店員提示可落埋黃牛油增加香味，細至配料如蘿白都甜喔台灣蒲燒魚腹便當比較特別小見，魚肉無骨幾滑帶點肥美，配上蒲燒汁小小咸甜唔錯鹽酥雞正常味道，調味合適飲品叫咗珍珠奶茶 &白桃珍珠烏龍茶珍珠有咬口，叫左微甜，甜度符合預期，令人可怕飲得晒一杯作為日常晚餐係唔錯，建議叫麵食，佢個自選配料有幾多特別嘅餸出面係小見嘅，坐位位置都唔會迫同光猛，作為街坊小店，CP值幾高，適合短聚👍🏻👍🏻

今次同🐯👩🏼入左屯門唔知食咩，又想食台灣野就搵左小胖台灣麵，餐牌嘅選擇都種類幾多，主要湯麵同埋便當為主，今次就嗌咗兩個自選湯麵眷村麻辣湯麵🍜（手切封門柳+台南蚵仔肉卷）麵條好彈牙，湯底香辣十足，唔會太油膩。再加上手切封門柳，肉質嫩滑，搭配湯麵真係一流！另外，台南蚵仔肉卷都非常好味，蚵仔新鮮，肉卷外脆內軟，口感好有層次。米香椒麻酸菜湯麵🍜（夜市排骨酥+海鮮蝦油條）湯底酸酸辣辣，完美刺激味蕾，仲有啲酸菜增添風味，非常開胃！再黎嘅夜市排骨酥，外脆內嫩，味道正得嚟又唔油，無論係單食定係配麵都好好味。海鮮蝦油條都唔錯，搭配湯麵食更添風味。白桃珍珠烏龍茶🧋味道清新，白桃香氣濃郁，珍珠又Q彈，仲可以冰爆咕咕力🧊🍫其實佢係一杯爆冰嘅朱古力，我就揀咗微糖，但係都可以飲到佢好濃嘅朱古力味。可惜嘅係佢堂食都用紙杯😮‍💨香辣炸雞排🐓外面炸得金黃香脆，裡面肉質鮮嫩，辣味左右岩岩得好，真係幾有台灣嘅風味回頭率：85%地址：屯門屯門鄉事會路2A號愛定商場(H.A.N.D.S) A區1樓A122號舖

米香椒麻酸辣湯麵（滷牛筋，麻辣台灣鴨血）湯麵的湯底香氣四溢，麻辣的風味令人一試成主顧。滷牛筋經過長時間的熬煮，入口即化，彈牙的口感讓人驚喜。米香椒的加入，讓湯麵在麻辣之中又帶有一絲清新的香氣，酸辣的味道恰到好處，讓人胃口大開。濃，純，香牛骨湯麵（夜市排骨酥，水蓮）牛骨湯熬製得濃郁香醇，湯底透明清澈，卻充滿了肉骨的精華。排骨酥外酥內嫩，肉質鮮美。加埋黃牛油能令牛肉麵散發出更濃郁牛香味 夜市鹽酥雞雞肉經過腌製後裹上粉漿，炸至金黃酥脆，外皮香脆可口，內裡卻保持了肉質的鮮嫩。鴨屎香手打檸檬茶檸檬的酸爽與鴨屎香的獨特風味相結合，為整個餐點帶來一絲清新的氣息。茶香濃郁，口感滑順。手打的方式更是保留了檸檬的新鮮。仲可以下載小胖會員app儲積分換領野食，食得多獎得多，仲有迎新優惠，升級優惠。

得知小胖麵推出輕盈下午茶餐，咁啱早收工即刻同朋友一齊去試😋呢個套餐絕對啱哂一衆又想試吓多款食物但係又唔想浪費食物嘅朋友仔‼️🌟下午茶套餐組合🌟我哋揀咗：🥢主食（5選1）滷肉飯/滷肉新竹米粉🥢小食（8選3）夜市鹽酥雞/ 炸餐肉/ 台灣小香腸🥢跟餐附送冬瓜茶/無糖烏龍茶（半價可升級至手搖茶）凍冬瓜茶/珍珠烏龍奶茶...💢$35起就可享有豐富嘅台式下午茶餐喇😍實在太吸引！性價比極高👍👍👍

屯門嘅呢間高質台灣麵店，好受附近嘅街坊歡迎🥰，而且仲可以自選台式湯麵嘅配料添！加上呢度舖位夠晒大，位置坐得闊落，而且裝修新淨，店員都好友善親切👍🏻。.🍅濃•番茄大骨湯麵套餐($87)蕃茄湯味道超級鮮甜，而且裏面真材實料，真係有好多片蕃茄肉😆。配料就揀咗好入味、好香嘅滷牛筋🐮，蠔仔味道濃郁嘅台南蚵仔肉卷🦪，滑捋捋又香口嘅麻辣台灣鴨血🦆，同埋爽口嘅蓮藕片🪷。全部配料都好夾蕃茄湯嘅牛肉味道，配埋彈牙嘅湯麵超滿足。飲品就揀咗白桃珍珠烏龍茶🍑，桃味超香濃，而且冇額外加糖，唔會過甜。.🐄半筋半肉紅燒牛肉麵套餐($78)牛肉麵同樣係麵質彈牙，配埋香濃嘅紅燒湯底真係超級邪惡✌🏻！枱面仲有辣椒油、或者黃牛油呢啲傳統嘅台式調味料可以揀，超級夾面嘅湯底👅。牛筋好入味，牛腩嘅肉質亦都夠軟腍、夠索湯。配埋冬瓜茶味道夠晒甜香，好有feel。.🐔香香炸雞排($38)雞扒夠晒酥脆，椒鹽調味亦都好香口💥。聞到鹽酥雞嘅香味，真係忍唔住好快食晒。

💖屯門本店環境大，坐得闊落，menu提供台灣麵、便當、小食、甜品、台式飲品等，足料主食$40起定價親民👍🏻。1️⃣麻辣三寶牛肉麵🌶️ $84🔸古早味手搖酸梅汁 +$12💖超級足料大碗，肉牛腩、牛筋同金錢肚，牛腩特別大塊🤤，燉得軟嫩但唔爛，肥瘦相間，咬落好香；多塊牛筋口感Q彈又滑，豐富口感；金錢肚爽口有嚼勁，吸收曬湯底好惹味。麻辣湯底麻大過辣，食得過癮開胃，要左煙韌嘅台灣麵。可以配免費飲品或者加錢換特飲，食辣嘢配左酸甜清新又冰爽嘅酸梅汁～2️⃣半筋半肉紅燒牛肉麵🐮 $78🔸珍珠烏龍奶茶 +$14💖大塊又份量多嘅牛腱肉同牛筋，鍾意食牛嘅至like。紅燒牛肉湯底肉味香濃帶啲鹹鮮味，同樣配台灣麵，更添穀物香。配菜包括蘿蔔同白蘿蔔。配左珍珠烏龍奶茶，可自選甜度同冰量，清新烏龍茶香配上順滑牛奶，珍珠口感偏軟糯。3️⃣香辣炸雞排🐔 $38💖台式小食唔可以錯過🤩，外皮酥脆唔heavy，雞肉嫩得黎有肉汁，配上辣粉更惹味開胃。💖QR code落單方便。學生長者有減價優惠，所有客外賣仲有9折添！

[ 屯門小胖台灣麵 ]#屯門 #小胖台灣麵 #台式餐廳🔸香辣炸雞扒 $38雞扒炸得酥脆，食落肉質幾嫩，仲有滿滿嘅肉汁！勁正😍🔸招牌三寶牛肉麵 $82三寶牛腩牛筋同牛肚，份量十足，炆得亦好入味，入口無渣；湯底香濃麵質煙韌，好正宗嘅台灣麵🥰👍🔸三寶牛肉麵 $84叫左麻辣湯底，配料尤其牛肚同牛筋等等掛湯力一流，吸收哂湯底嘅麻香味食落特別惹味👍💯🔸珍珠烏龍奶茶 +$14食台灣嘢梗係唔少得珍奶奶茶啦，唔會死甜，啱啱好👍🔸珍珠奶茶 +$13茶味奶味都幾出，好滿足🤤————————♡♡♡♡♡♡————————✨總結餐廳環境唔錯，座位比較多坐得亦好舒適；上菜速度快，食物水準份量都唔錯，一間幾出色正宗嘅台式餐廳。📍小胖台灣麵🏠屯門屯門鄉事會路2A號愛定商場(H.A.N.D.S) A區1樓A122號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港

屋邨商場都有好嘢食，主打台灣菜，坐卡位幾舒適~🔘招牌三寶牛肉麵 $82比想像中多餸，淨係牛腱都有三條，而且煮得好軟腍，好好食，牛肚夠晒入味，湯底帶有少少甜味，唔會過鹹，麵嘅質地彈牙有嚼勁，飽肚足料之選~🔘皮蛋醬滷肉香蔥乾拌麵（豬排) $58因為想食皮蛋而叫嘅拌麵，鍾意佢加咗大量青瓜絲，每啖都有爽口嘅口感，麵條都掛有醬汁，加上花生粒同滷肉，口感豐富~ 🔘夜市鹽酥雞 +$16發揮正常，外酥內嫩，調味啱啱好~🔘珍珠烏龍奶茶 +$14🔘鴨屎香手打檸檬茶 +$15以半價加購手搖飲品，雖然甜度已固定，但好彩都不算太甜，鍾意佢啲珍珠煮得夠腍，檸檬茶酸甜解膩~食物同飲品都幾滿意，價錢實惠，可以回訪有下次~

🩷去度借本烹飪書，順便同佢食個妟先✅🐮台灣牛三寶便當：呢個便當係期間限定👍入面有曬三樣我地都想食嘅好腍嘅牛腩、彈牙嘅牛筋同埋邪惡嘅牛肚👿一碗過可以滿足曬我地三個願望✔️正呀🥳🍜半筋半肉紅燒牛肉麵：湯麵份量適中❤都算係大碗嘅✅牛筋夠彈牙👍整體味道都不錯😋❤️🍲大腸麵線：至從上次朋友係台北早餐買過比我地食😍我地就愛上左大腸麵線嚕🩷食番碗係回憶嘅味道👅☕️古坑咖啡：古坑咖啡有住自己獨具嘅風味🔥味道香醇🩷好正✔️☕️日月潭奶茶：奶香濃郁、茶低夠香✅口感潤滑均勻👍茶同奶比例適中🥳不錯🥳

近日到訪屯門小胖台灣麵餐廳, 試咗幾款招牌菜, 整體感覺非常滿意, 而且啲嘢相當抵食!首先係半筋半肉紅燒牛肉麵, 湯底濃郁, 仲有野菜蕃茄味, 真係有回憶中台灣食過嘅好味道～ 牛肉軟腍, 筋嘅部分都煮得好入味, 口感豐富! 麵條係彈牙嘅質感, 吸收咗湯汁嘅精華, 食落好舒爽, 每一口都充滿香氣～至於乾撈麵嘅麵質就更出色, 試咗藤椒豬扒干撈麵, 食落超惹味帶辣🤪 豬扒調味又幾好, 成碗麵充滿藤椒嘅香氣, 帶麻辣嘅感覺, 配奶茶食就啱晒😆小食都好多揀大腸麵線都有得叫過下口癮啦～飲品方面都有好多選擇, 珍珠烏龍奶茶好飲～ 真係飲到幾濃郁嘅茶香, 珍珠Q彈有咬口香黑糖味唔膠～ 然後連手打檸檬茶都有得嗌, 清新解渴～小胖都係主打抵食親民台灣味嘅很不錯選擇, 推薦俾所有喜歡臺灣美食嘅朋友~

前幾日去屯門掃街見到呢間台灣餐廳，好懷念去台灣旅行嘅嘢食，就入嚟試吓！佢係商場出面有露天位置和室內空間都好大！超適合帶埋小朋友過嚟！有自助餐具及斟水區，室內裝修闊落舒適！👍🏻美食⭐️⭐️⭐️⭐️台灣自選湯麵系列🩵濃.純.香湯牛骨湯麵配菜揀咗豬大腸、台灣滷水蛋丶夜市排骨酥牛骨湯超級濃郁，麵條吸晒牛骨湯嘅精華，有彈性小朋友都勁鍾意食，另外豬大腸超級大！台灣滷水蛋都幾入味，排骨酥啖啖肉，如果分開上會比較好，保留炸脆嘅外皮。🩵滷肉濃白湯麵🍜配菜揀咗豬大腸、牛筋丶台灣蚵仔肉卷滷肉白湯清甜，牛筋有咬口彈性，台灣蚵仔肉卷🫔淡淡蚵仔肉鮮甜！台灣美食之一一定要點黎試吓！🩵大腸麵線大腸麵線湯底，有啲似我哋香港嘅碗仔翅咁，大腸每一啖都係豬腸油香，麵線超級軟滑啱BB仔食啊！🩵鴨屎香手打檸檬茶嚟食台灣嘢點少得叫返杯鴨屎香手打檸檬茶，小青檸超足料啊！解暑一流。🩵冬瓜茶冬瓜茶去油膩食台灣小食一定要飲返杯！

麻辣三寶牛肉麵 $84有紅蘿蔔、白蘿蔔、腍滑牛筋、軟腍牛腩條、掛湯牛肚、蔥、榨菜、生菜、炸蒜、乾辣椒，麻辣湯底的麻勁十足，令餸料特別入味，微辣又夠麻香招牌三寶牛肉麵 $82有紅蘿蔔、白蘿蔔、腍滑牛筋、軟腍牛腩條、掛湯牛肚、蔥、榨菜、生菜、蒜頭，紅燒湯底味道夠濃郁，飲落仲有啖啖蒜香和麻油香麻辣涼拌牛肚 +$19 (加配)單點 $38開胃凍珍珠烏龍奶茶 +$14 (加配)單點 $28珍珠煙韌，奶味會比茶味重，甜度適中凍鴨屎香手打檸檬茶 +$15 (加配)單點 $30清新回甘_______________小胖台灣麵 (屯門)屯門屯門鄉事會路2A號愛定商場(H.A.N.D.S) A區1樓A122號舖_______________

呢間台灣餐廳 抵食又好好味!!今次去屯門搵朋友都帶左佢食😂-🪄半筋半肉紅燒牛肉麵 $78🪄古坑冰咖啡 +$14超大碗~ 佢個紅燒湯底係一絕味道濃郁 D麵超掛湯😙半牛筋半牛腩都入哂味咖啡唔苦仲好香濃-🪄小胖孖寶便當 $52🪄鴨屎香手打檸檬茶 +$15孖寶即係雞+豬 仲配上酸菜同埋滷肉碎同埋紅白蘿蔔勁豐富 仲啖啖飯都有汁 不小心就食哂了🤣-🪄台灣香酥骨 $32超香超酥排骨入哂味仲有九層塔脆脆的-📍小胖台灣麵📌屯門鄉事會路2A號愛定商場(H.A.N.D.S) A區1樓A122號舖

近來食過好滿意嘅台式餐廳，環境開陽唔侷促，坐位寬落，最重要牛肉麵大大碗夠足料，性價比高係特別得我歡心💗🍜麻辣三寶牛肉麵 $97 湯底麻香味撲鼻，喜歡係麻辣而唔係死辣，香味幾有層次👍🏻三寶配料係牛腩、牛肚及牛筋，大大塊非常足料。牛腩煮到好夠稔，牛肚彈牙，牛筋膠原滿滿，口感豐富！😋 🍜半筋半肉紅燒牛肉麵 $108 湯底濃郁帶點甜味，牛肉大大塊，煮到口感綿密細緻，十分入味。牛筋同牛肉嘅比例剛剛，食到好滿足！😋 🥠夜市鹽酥雞 +$16外層炸得酥脆，內層保留到雞肉肉汁，整得幾到位。 🧋(凍)白桃珍珠烏龍茶 +$13陣陣桃香🍑，十分清新，珍珠煙韌綿軟，又幾喜歡依個口感。🧋 (凍)珍珠烏龍奶茶 +$14茶香及奶味比例不錯，揀咗少糖，甜度剛好。