小苗子 (已結業)

It’s very inspiring to find a delicious vegan restaurant in the middle of busy wanchai. You will definitely leave here feeling full and satisfied! I also love how this place requires you to clean up after yourself by putting away the dishes in a trolley. Service attitude is not your usual fake smiling to all customers but i think it’s quite refreshing you can tell this place is truly passionate about introducing veganism to the world. Give it a try but come with an open mind.

上次在灣仔小苗子買飯盒，今次試下午自助餐! 雖然款式不算太多和坐得50分鐘，但食物款款好味道，每人一份大碟任夾，沙律碗，湯碗，每餐具放一次食物！仲送飲品。老闆間中親自分新鮮出爐的食物比我地，還送我吃的炸紫薯球!so sweet😘😘😘好親切的! 98元一位也值的，謝謝招待！😄最出色最喜歡沙律，材料好豐富，好新鮮，搭醬汁很清爽開胃，是有機同部份來自外國，食落健康安心，highly recommended!👍🏻👍🏻👍🏻素鮑魚、沙嗲串燒同紫薯球 yummy !

今日係我同朋友第二次中午去幫襯小苗子，但相信會係我地嘅最後一次，之後亦唔會再去!對於第一次幫襯的感覺還可以，雖然店內的地方唔大，座位又唔算多，加上buffet 枱 set up 的位置真係坐得唔係好舒服，但佢地d食物都幾好，食物質數唔差，$98有沙律、湯、飯、麵、多款素菜、甜品、果汁及水， 任食唔使加一的話，算係咁架喇。但今日再去食lunch，唔知幾時佢地已經改咗唔係任食喇，只可以出去攞一次食物。 雖然食物質數依然保持得幾好，但只可出去一次，我們就覺得佢地個價錢應該調整吓喇，完全唔值$98喇。而且，好多時佢地d食物供應有限，尤其係繁忙時段好多吉盆，往往要等新一批的食物出現，如果再出去攞d新而又未攞過的食物又會比d職員話，真係好無奈 除咗價錢同只可以出去攞一次食物之外，今我地唔會再去嘅最大原因係佢地的服務態度，位話事人可以當著現場的客人，大大聲講 : “有d客吖，有得任食就狂食…”、’’試過有個客一個人就用了9-10隻碟，好唔環保” 等等，感覺真係十分差吖!!!對於一間本來係好好的素食餐廳，食物唔差，價錢合理，地點又方便，可惜因為管理不善，而完全失去了吸引力 

有幾次想食，但都book唔到位。一早已經聽過呢間餐廳難book,而且職員成日黑面，我打來訂位時都完全感受到佢地好惡，但我比個素乳豬吸引左，惡就惡啦！食左先講。因為店舖細小，其實選擇并不多，只是飲品以及隻素乳豬比較特別。但飲品方面最好先試一下，否則中伏千萬不要投訴。同時我感受到店員其實並不是真的惡，可能在店內太忙，而電話又不停地響，他們才會“語出驚人”我曾經問過他們有沒有乳豬可以成隻賣，估唔到佢竟然話: 老闆要遲一排先回香港，要幾星期後才能回覆您。最後，我到今日先得到回覆，事隔差不多3個月了，我已不需要那素乳豬了。。。

女老闆同女員工態度好差，一啲禮貌都冇，呼呼喝喝咁。 間店講到幾愛護環境咁，但對人態度十分惡劣，好難相信會對地球好囉。（個人偏見）相比之下，茶餐廳啲態度都好好多。食物又麻麻，吾算好難食，但同好食拉吾到關係。啲種類又好小，菜得兩種，其他就係素肉。素肉味道麻麻，同其他中式素食餐廳相比更為不堪，吾會想再食。兩種因素加起，完全吾會推介。報導講到幾好咁，先會去食，但結果係完全相反。所以話廣告真的不能盡信，食完一肚氣。

係跑馬地番工，想試下新野，咁岩見到推薦灣仔有間素食放題，見到環境同食物質素都好似唔錯，於是lunchtime特登行左十五分鐘去試下。一點半左右去到，都幾多人，等左一陣都安排到我入座。同預期唔同既係，店面都真係幾細，通道好窄，大家出曬黎夾野就好逼。午市放題78蚊，可以出去攞兩碟野，但其實都無人會check住你。野食既款式唔算太多，係有十款鬆D，但轉餸都轉得幾快，一款食完好快有另一款上。飲品有兩款，一款係花茶，一款係薑汁，兩款都淡淡地，幾好飲。員工全部都好忙碌，因為要轉餸之餘，仲要處理埋外賣，但有個員工都好惡下，有客人問d餸幾時上，佢就大聲話佢，叫佢食左野先，唔好催廚房，又喝個客人，叫佢唔好飲磨菇湯，因為煲燶左。仲鬧廚房做咩個沙律個色咁野，要再整過。午餐放題限時可以食五十分鐘，食完要自己整餐具同廚餘分類。食物素質大部分都唔錯，尤其係黑松露意粉好開胃，有少少有燶味，不過環境真係太逼，員工態度又唔好，未必會想再幫襯。

我們三人進門口時已向第一位員工表示，我們是第一次到此幫襯，他輕輕介紹了自助餐食物一下。我們拿取食物後，我發現食物架上還有一樽大麻籽，便用另外一個碟子取了約六茶匙，打算跟同事一起分享，我們分派之後餘下了約兩茶匙，此時第二位員工拿起此碟子再掉在枱上，態度欠佳的質問：「你地做咪呀？每人拿一茶匙好啦，身體受唔著㗎。」我再看向原樽大麻籽旁，並無寫下任何建議份量，若需提醒客人，可以有禮貌一點。原本不想浪費，既然佢提醒過多可能對身體不好，唯有作罷。到我們起身準備離開時，聽到有人大呼：「唔走得！」跟著看到原來第二位員工坐了在其中一枱，對著我們大呼：「要自己拎番碗杯碟」我們不知規矩才沒做，跟著也做完才走，不過餐廳沒有寫下這些規矩，兩位員工之前又沒有提醒，提醒也可以有禮貎的提醒。新客人都可能不知他們的規矩，既然這麼着緊，應該寫清楚及有禮貎地提醒客人。

我們從老遠來到這裡，大概8:00pm，但已經無晒嘢食，服務員就話我哋知，廚房會再煮，仲話他們所煮的都是私房菜，我們當然好期待啦！但當餐一出的時候，真係好失望，因為全是齋料，唔係煎就是炸，有點唔健康，感覺唔到一D可以獨動到味覺的感覺，仲有加埋個湯，普通到唔普通的味噌湯，睇到已胃口全消， 唯一感到安慰的是沙律，從未食過一餐連半個鐘都唔需要就搞掂的餐，當問佢地係咪仲有其他嘢食， 他們就話只有咁多， 真係又唔抵食又唔飽。

小苗子位于灣仔軒尼斯道，在灣仔屬少有的素食自助餐，因為星期一做推廣Green  Monday，價錢為HK$78一位用餐50分鐘，對於午飯時間一小時來說，50分鐘相當充裕，不要看小苗子是素食就覺得很Dry，很抗拒，其實素食都可以吃得很豐富，很美味。小苗子的自助吧款式蠻多，有沙律、酸雲耳、新鮮水果、炸物、蔬菜、焗紫薯、醃漬物、炒茄子、南瓜，還有藜麥白米飯、黑松露意粉。湯類：五指毛桃雪耳湯，清甜潤肺果汁：紅菜頭混其他蔬果打成汁，清理腸胃總括小苗子用料新鮮，價錢公道，HK$78食一次豐富的自動素食，非常適合我想款款嚐一點的心態，滿足口福。

本人午餐時段去食，食物質素價錢算唔錯，地點也方便易搵，但接受唔到用饍時間太短，而且員工態度十分惡劣，令人覺得有種食氣落肚而唔係品嘗食物既感覺，當天食物有紫薯丸，精力湯，紅菜頭汁，磨菇湯，沙律，黑松露意粉，磨菇湯真係值得一試，真係好好飲，紫薯丸，黑松露意粉都唔差，精力湯都唔錯，但職員經常提醒用饍時間及只可食三碟，地方太小，實在令人有種又受氣，又食得辛苦既感覺，午餐真係一次就好了，食材可見老闆真係用心良苦

今日Green Monday 便約朋友食素菜。餐廳於星期一午市光顧只需$78（平時$98）限時50分鐘。需要先購票，付款後，店員會在單據右上角mark 返用餐最後時間。店內素食食品種類都繁多，但最多只可拎三轉，第四轉需要另外加錢。

餐廳空間十分細，食客肩貼肩坐，食物桌放在狹窄通道，捧著餐盤的食客要步步為營。食物款式不多， 但食材算有誠意，味道偏淡。職員態度極致命，只是輕輕跟同伴說了句餐桌有點擠，職員就大聲在我們旁邊說嫌擠就不要光顧，他們餐廳經營困難，廚房已經換班，數月蝕本經營云云.......無非想支持小店，用餐心情已全然破壞。有如此負能量員工，難有回頭客。

It's a self serve buffet. Buffet items are labelled 'vegan' or 'vegetarian'. Serving utensils get shared among different dish categories (ie a serving spoon can be used in a vegan dish directly after being used in a non-vegan dish. On asking staff about some food items, it turns out some items are mis-labelled between vegan & vegetarian. Going by her hostility, the manager doesn't seem to like questions about the food.Seating is squashed / cramped. Food isn't very tasty. A couple of things were

今日去食lunch見到係食素，入去前我無睇清楚堂食係素食自助餐，我就瞎中中咁入左鋪頭啦。價錢如下: Lunch buffet $98 50分鐘4餸加湯(外賣) $485餸加湯(外賣) $58其實精明既消息者都知道外賣抵好多，我見到份量都顯都唔細。熱盤唔多，但期間會轉款。相反，冷盤有好多款。飲品今日有4種，0%酒精薑啤，薑味特製飲品，薄荷茶同熱茶。我平時都算大食，但我食左兩碟就飽左。味道不過不失，但唔會個個鐘意。

一直有Green Monday習慣，今日第一次跟同事去小苗子，非常非常鐘意，因為食材好新鮮，款式又多同埋唔係平時常見既南乳齋嗰啲款。最like係甜品（今日款係紅棗糕同煎堆）同飮品（薑茶同洋金菊）。全店用環保餐具，推動減碳，呢個亦係我支持Green Monday既原因。食自助餐最緊要唔好浪費食物，亦唔好用太多碟，其實自己用返同一隻碟係好應該的，每人多行一步，為地球出一分力。$98，我覺得物超所值喎。一定會繼續支持！