影片
更多
2018-09-05
878 浏览
有見哩間素食自助餐新張期內晚市有$20折扣優惠，由$138一位變成$118一位，於是我地就膽粗粗走去試吓啦~入到去見到佢鋪仔細細，裝潢都幾靚同乾淨企理，仲播住啲好relaxing嘅背景音樂~ 食物嘅種類唔算好多，不過提供嘅素食有中西合壁，加上唔同菜式之間選用調味/香料都好唔同，所以唔會食嚟食去都係嗰個味，可以迎合到唔同人嘅口味。仲有一點係佢冇炸物，感覺更健康。 我地比較推薦嘅食物有：🌯素菜墨西哥卷：入口有滿滿嘅蔬菜，配埋啲醬汁，非常夾 ☂️素釀冬菇：冬菇同釀入去嘅材料比例較得好，而且調味得宜 🥞麥香烙餅：清清地帶有麥香，就咁食又或者配埋其他有汁嘅食物一齊食都冇問題 🍝素菜炒意粉 🔴紅菜頭同🐮涼拌牛蒡都好好食~ 🥗沙律菜：夠晒新鮮，加上有好多唔同嘅配料同醬汁提供，其中有一款配料係🐝花粉，食落脆脆地幾得意，不過冇咩味另外仲有以下嘅溫馨提示：🥘素雞咖哩：偏辣，唔太食得辣嘅朋友要注意🍜紅薯粉配蔥油汁：似粉皮，較冧，但蔥油味香 💦飲品：建議試咗味先真正飲，未必人人啱口味 (其實啲沙律汁都係)咁啱我地都有食過坊間其他素食buffet，相比起嚟覺得小苗子嘅定價比較貴，款式亦唔算多，不過提供嘅菜式算幾特
入到去見到佢鋪仔細細，裝潢都幾靚同乾淨企理，仲播住啲好relaxing嘅背景音樂~
[圖中為放冷盤嘅位置，已經係店內提供嘅食物枱嘅一半]
食物嘅種類唔算好多，不過提供嘅素食有中西合壁，加上唔同菜式之間選用調味/香料都好唔同，所以唔會食嚟食去都係嗰個味，可以迎合到唔同人嘅口味。仲有一點係佢冇炸物，感覺更健康。
我地比較推薦嘅食物有：
🌯素菜墨西哥卷：入口有滿滿嘅蔬菜，配埋啲醬汁，非常夾
素菜墨西哥卷
99 浏览
1 赞好
0 留言
☂️素釀冬菇：冬菇同釀入去嘅材料比例較得好，而且調味得宜
[旁邊係炒素蠔油什菜同紅薯粉配蔥油汁]
素釀冬菇
114 浏览
0 赞好
0 留言
🥞麥香烙餅：清清地帶有麥香，就咁食又或者配埋其他有汁嘅食物一齊食都冇問題
[旁邊係素雞咖哩同日式關東煮]
麥香烙餅
91 浏览
0 赞好
0 留言
🍝素菜炒意粉
[旁邊係素魚香茄子同紫薯粥]
素菜炒意粉
105 浏览
0 赞好
0 留言
🔴紅菜頭同🐮涼拌牛蒡都好好食~
🥗沙律菜：夠晒新鮮，加上有好多唔同嘅配料同醬汁提供，其中有一款配料係🐝花粉，食落脆脆地幾得意，不過冇咩味
另外仲有以下嘅溫馨提示：
🥘素雞咖哩：偏辣，唔太食得辣嘅朋友要注意
🍜紅薯粉配蔥油汁：似粉皮，較冧，但蔥油味香
💦飲品：建議試咗味先真正飲，未必人人啱口味 (其實啲沙律汁都係)
咁啱我地都有食過坊間其他素食buffet，相比起嚟覺得小苗子嘅定價比較貴，款式亦唔算多，不過提供嘅菜式算幾特別。如果有啲水果/甜品就更好
张贴
