小茶堂 (已結業)

星期六去旺角好景睇game。出得旺角一定掃下街飲下珍珠奶茶。一路由H&M行入好景都已經3、4間珍珠奶茶，大多飲過唔特別吸引。正當企左係肥姐小食店考慮緊幫襯邊間之際，再向右望係正好景樓下原來有間新開嘅珍珠奶茶店，見裝修唔錯有靚靚光管招牌就行左過去。有我鐘意嘅組合：黑糖珍珠烏龍王奶茶，諗左兩秒左右即刻落單。睇住店員沖，見佢落左好多奶精，心諗哎呀：唔記得叫鮮奶沖個啲！因為本人飲左奶精會唔舒服，不過都叫左就無辦法。杯嘅大細係類似鹿x巷，唔係700ml個隻。飲落去好厚身好重奶味（可能因為落得多奶精），茶味亦飲得出係烏龍味，黑糖珍珠有黑糖味亦都好煙靱，口感有驚喜。整體唔錯。下次要試下用鮮奶沖嘅。

珍奶控想試哂所有珍奶店是常常常識吧！！我飲就飲得多，不過論質素要做到我心中至愛排名做到會係一直幫襯既，係我會排住黎諗飲邊間既，就真係吾算太多，呢個貌不驚人、平平無奇的店舖卻是其一。通常我都會先試珍奶先，因為最易見真章。但我做資料搜集既時候，見到呢到小山圓抹茶鮮奶同抹茶鮮奶出現頻率都幾高幾受歡迎，於是我就心思思，決定一試呢個先。位置係廣華醫院個邊，就冇咁就腳，但都可以減少人流既。咁我就問清店員小山圓抹茶鮮奶同抹茶鮮奶係咪一樣，如我所料係，咁我就要珍珠抹茶鮮奶，真係超驚喜。第一啖已經知有質素。原因好簡單：先講個茶，抹茶是真的等於抹茶，絕對係高質茶添，個抹茶味道非常非常之出，抹茶的確係帶回甘係有餘蘊，非常好飲，咁先係叫「抹茶」囉！仲要佢吾係有d店咁，固然做到抹茶味，但可能又比其他味搶左/平衡左，吾夠濃，佢係吾會比鮮奶味搶走，反正個茶味好夠多同出，好正！佢真真係做到我想要既，就係咁簡單——茶要濃！是基本喔留意番！好多茶飲落都冇茶味，茶味吾出，何來叫茶！？呢到做到茶出同茶味濃！棒！加上佢d黑糖珍珠，又一特別與高質之推介。首先佢黑糖味吾係坊間個種死甜味，我好怕黑糖個種死甜同好寡的味，感覺好冇質素。

近年台式飲料店再起熱潮 賣黑糖珍珠鮮奶的店舖如雨後春荀 旺角更是梗有一間係左近 比便利店還密集 小茶堂是眾同事公認旺角最好的台飲店 這個星期做買一送一優惠 大家都說要每天喝今天的我做了外賣仔 為人民服務 是日優惠是紫薯鮮奶或紫薯綠茶鮮奶 正正是小茶堂最好喝的出品 在等候飲品期間 看到店員準備了一大盤紫薯以應付今天的優惠 即使是做優惠亦無偷工減料 能喝到啖啖紫薯蓉 味道天然 沒過多甜味 比起滿街的黑糖珍奶可謂清泉 出奇的是性價比這麼高的小店竟然甚為冷清 希望它能做下去吧

果日無意中見到食家評論話小茶堂唔錯，果度寫住26蚊一杯，可能升咗價，所以去到是27蚊一杯黑糖珍珠鮮奶，然後星期六就走去旺角買杯飲下試下，去到處冇咩人排隊，但係過了一陣就多了人排隊，幸好我來果段時間冇咩人，所以唔使等太耐，20分鐘左右就到我了，竟然真係味道唔錯，一飲落去，甜味剛剛好，我是選正常甜度，但飲落去唔算特別甜到漏，所以話好飲，唔錯。有鮮奶味，珍珠都幾大粒下，食落去彈彈的，不過可以再煮耐一點點，因為咬到最後好攰，總體來講，是ok的，大家可以試試。

星期六間間台飲都排曬隊，見到小茶堂唔算好多人就等下啦。叫咗一杯黑糖珍珠奶茶。見到餐牌推出新野。 黑糖薑汁圓圓(暖)只售$8 咋。 不過不設找續。黑糖珍珠奶茶$20黑糖都夠，珍珠煙韌，茶味算幾濃。$20黎講都幾飲。黑糖薑汁芋圓$8細細一碗，芋圓大概有8粒左右。仙草碎上， 而且芋圓口感不夠煙韌。

 芝士奶蓋好夠芝士味同牛油香味， 鮮奶用明治鮮奶夠香滑， 最正是粒粒紫薯咬在口勁有口感，正到十足😋😋😋👍👍👍 甘草芋圓8蚊好抵食✌️下次試甘蔗鮮奶~!

第一次買珍珠奶茶難喝後要扔掉，對不起也要浪費它。係咁ＧＥ，眼見小鋪標榜是台灣原茶葉泡製，加上採用明治牛乳及正宗黑糖珍珠，索價一杯＄２８仍然購入一杯鮮奶普洱珍珠奶茶。剛弄好的時候３層顏色層次分明，近１／３杯珍珠，１／４濃黑茶膽，剩下是雪白鮮奶，外觀真的漂亮。按店員指示要搖勻才飲用。誰不知一入口便發覺不對勁，鮮奶和普洱茶膽充滿違和感，沒有茶香只有一口奶濃感覺，怪怪的。黑糖珍珠非常甜之餘還要是淋掉的。走了２個街口，最終是把整杯飲品掉進垃圾桶。。。

朋友飲過小茶堂話飲過番尋味今日帶我來試試，來都門口已經見到人山人海見到佢地而家推介緊香芋鮮奶仲有試飲，一於試下先飲落去口感好滑,奶香好出不過略嚴香芋溶不夠碎，還有顆粒在，不過這個是賣點，個人感覺不太喜歡所以就試試我最愛的黑糖珍珠鮮奶哇！終於出來了牛奶好滑呀，比出面的鮮奶的鮮味還要出珍珠黑糖味夠甜，咬下出軟綿綿的，好正呀朋友叫的厚奶蓋，茶味很香濃，喝下去有回甘的味道喔！連奶蓋厚厚的感覺非常滿足朋友飲茶的時候不小心把茶滴在鞋上，老闆即時吩咐員工把紙巾沾濕然後遞給我朋友抹鞋，今時今日有這樣的服務態度真的不可多得，一定會再來幫襯

烤紫薯奶茶 微糖 $29用上原塊紫薯打成，口感實在，紫薯經烘烤過後風味更濃郁，感覺像在啃原條烤薯但多了一重奶香芝士奶蓋鳯梨綠 走糖$33奶蓋以Anchor忌廉芝士打成，質感豐盈細滑，芝士味非常香濃；鳯梨茶底酸酸甜甜，清新的口感跟芝士奶蓋配合得天衣無縫老闆娘笑說我們走運，因這兩款飲品將被逼暫停銷售一段時間，細問下原來店鋪大部份材料都是由台灣入貨（紫薯、鳯梨綠茶等），所以供應量很受當地情況影響；想不到這年頭還有人為了對原產地的堅持而放棄銷量，好欣賞他們這份執着

小茶堂小店開係最多珍奶對手嘅位置，佢做得不錯嘅係會俾客人試飲，增加客源。同區相比，飲品普遍定價都無甘進取，黑糖珍珠奶茶$20杯咋！芝士奶蓋同黑糖系列各order 一杯比較下。黑糖珍珠奶茶（圖左）$20黑糖味較淡一d, 但佢嘅茶味真係唔講得笑，中意飲茶味較濃嘅相信呢杯絕對係佢地杯茶!芝士奶蓋綠茶 （圖右）$24採用明治牛奶，雖少左份咸味。但奶蓋做得好濃稠，綠茶都幾清甜、茶味都夠嘅！兩者比較更愛佢地嘅奶蓋系列！

呢家一出街想買杯野飲，去到邊都有“黑糖珍珠鮮奶”，順住個熱潮，我都幫襯過唔少出品，老虎堂，鹿角巷，迷客夏，sharetea等等，本身對於黑糖珍珠鮮奶既喜好其實都唔係好大，平時有得揀既情況下我既首選都係珍珠奶茶多。直至到我個同事同我講，佢經過一番研究之後，佢發現旺角有一間既黑糖珍珠鮮奶好好飲，既然佢咁講，我都去試下。外賣返到公司，佢個掛杯都唔錯，正常甜度飲落去我覺得啱啱好，淡淡奶香混合左好香既黑糖味，入面啲珍珠簡直令我愛上佢，鐘意食珍珠既朋友真係唔好錯過佢。試過佢杯黑糖珍珠鮮奶之後，第2日本身想試下佢其他既飲品，點知比我發現佢個黑糖珍珠鮮奶....竟然可以再加珍珠!!!!原諒我既瘋狂，佢啲珍珠係真係好好味架!最終我連續2日都幫襯佢，呢家一話要買野飲，第一時間就諗起呢間加左份珍珠之後有半杯珍珠咁多架!!!

台灣試完黑糖珍珠鮮奶有d懷念，今次係香港試下喇原本都驚係香港飲質素會差d，無咩寄望咁飲，又有驚喜，叫左少甜，所以飲落甜度適中，亦都有黑糖香味，除左好出名既鋪頭，呢間都可以飲下。另一杯就係芝士奶蓋抹茶，奶蓋夠厚夠香，抹茶味重，唯一唔好就係有少少粉，抹茶粉都係難溶一d。呢間鋪比想像中有驚喜，值得一試。而且佢係旺角市區，方便容易去，行街行到口渴可以去買返杯，價錢相對會貴一d，但有返咁上下質素，可以都覺得值

男朋友嘅朋友住開油尖旺呢頭，平時食野要求都高，所以佢推介得嘅野多數都好鬼好食。無耐之前佢朋友講起，有個台飲店GE野飲好像過天仁茗茶，心諗係真唔係呀！今次行經過開，雖然飽飽地都要一試。我叫左珍珠烏龍王奶茶($25)，男朋友就叫左黑糖珍珠鮮奶($27)。珍珠烏龍王奶茶台灣正宗果D台飲我反而飲唔憤，實在太甜，於是我就叫左走糖同去冰。一飲，咦咦！真係幾好飲Bo！佢嘅烏龍王茶底飲得出係靚茶底，半發酵嘅茶本身味道無咁出，但呢杯茶飲落仲係有陣陣茶香散發，茶味濃厚、醇，同略有回甘，非常好飲，而奶味亦都香，我果杯嘅珍珠同樣都係黑糖珍珠黎，珍珠粒粒都又大又彈牙，本身我全走甜，就係因為覺得黑糖珍珠嘅甜足以取代糖水嘅糖，亦來得較健康。黑糖珍珠鮮奶男朋友果杯同我果杯差唔多，唯一唔同嘅係佢嘅係鮮奶，而我嘅係奶茶，佢嘅奶香味就出哂黎，我好怕D奶太濃搶哂其他野嘅味，而呢隻奶係順口唔會膩嘅，同樣好飲。 係真係同天仁茗茶各有千秋嘅。

由於很怕很甜的台式飲品，所以叫了珍珠鮮奶茶不過珍珠仍然充滿黑糖漿，幸好叫了微甜，甜度就剛剛好，不錯蜂蜜綠茶茶味重，適合不喜歡喝奶茶的朋友.TeaDays | 小茶堂旺⾓花園街2-16號好景商業中⼼地下22號舖

《小茶堂 teadays》📍旺角花園街2-16號好景商業中心地下22號舖-🔹芝士奶蓋烏龍王 $27 #芝士茶系列我真係好鐘意芝士奶蓋呢間嘅芝士奶蓋好厚身 芝士味幾夠 咸度都ok 烏龍茶都比較濃茶味 呢杯👌🏻👍🏻.🔹黑糖珍珠鮮奶 $27之前睇過好多人介紹 咁岩係旺角見無乜人就試下 可能有期望 所以都有d失望呢杯係有得揀甜度嘅 但我無揀到 要返正常嘅試 .第一啖個感覺係好甜 再黎就係黑糖味好濃但珍珠較其他嘅硬 煙韌度唔夠 最後無食哂d珍珠未必岩我口味 但價錢比其他地方平 又唔洗點排隊 位置都好方便 呢個加返d分嘅.5.5/10