小茶飯

营业中

休息中

Woo~~樓下新開左間中式早餐，有自家制作布拉腸粉、粥、蒸飯、點心。早餐又多左個選擇。一睇到布拉腸粉即刻好有興趣，而且有套餐價。今次叫左個套餐，粟米魚肚瘦肉粥配叉燒腸粉，都只是$35，好抵。粟米魚肚瘦肉粥，粥底煮到好綿，粟米粒粒好甜好大粒，每一啖都好夠味足料，不需再落鹽，加少少胡椒粉就夠。 叉燒腸粉，即叫即整，布拉出黎的腸粉特別滑，可以媲美酒樓做的腸粉。足料叉燒，加上甜甜豉油，好快就比我清晒。上次7點經過想買返屋企做早餐但未開，原來小茶飯開8點。老闆娘話每朝要4點起身準備食材，下午買晒就關門，所以想食就要早點落去買。