小越南 (已結業)

🧡今日去到美孚搵食，係openrice睇下有咩好食。就見到呢間越南餐廳，好似都幾吸引，所以就決定去試一試。本來都唔抱住好大嘅期待，點知竟然有小驚喜。我叫左兩個一人餐，一人餐包一個主食+一杯嘢飲+一個小食。小食有酸辣鳳爪✨同炭燒豬頸肉，酸辣鳳爪味道相當好👍🏻，唔會太酸，超級開胃。炭燒豬頸肉就略嫌失色，味道正常，但燒得唔夠徹底。之後就到主菜啦，因為見到黑板寫住廚師推介，所以經過一番討論就叫左一個飯同一個麵。1.辣椒膏豬頸肉炒河粉辣椒🌶️味未算超級重，對於中意食辣既我黎講算ok，係幾開胃既。河粉抄得唔錯，唔會好爛，質感幾好。比較出色嘅係佢嘅豬頸肉，竟然比小食嘅豬頸肉更好食。炒河粉裏面嘅豬頸肉十分酥脆，去買河粉一齊食，真心係唔錯嘅。2.菠蘿蝦膏海鮮炒飯呢個炒飯相比炒河粉清淡很多，蝦膏未算十分突出。一開始食的時候，覺得味道一般般，跟住再食多幾啖，發現都幾好食。蝦膏配菠蘿嘅組合係幾新鮮嘅，加埋裏面有好多海鮮，例如蝦，魷魚，炸魚柳等等，我覺得都好足料。如果鍾意食清淡嘅朋友，呢個炒飯係好適合嘅。飲品方面，我哋叫咗一杯熱飲同一杯凍飲，分別係熱菜蜜同凍檸蜜。佢嘅熱菜蜜甜度係啱啱好，所以最後我係成杯K.O.左

天氣回冷卻又下雨，又濕又潮。想在美孚想找一間地鐵站附近的餐廳晚膳，吃一碗暖胃及辛辣的粉麵。最後決定到小越南吃冬蔭公湯粉。看到餐廳有一人晚市套餐，主吃+小食+飲品大概$80-90 ，由於很想吃冬蔭公，決定一試。食店面積細小，大概最多可容納30-40人左右。📍香茅豬排（跟套餐小食）香茅味出眾，可惜豬排有點乾身，又不太熱，似乎煮好了好一段時間。📍凍檸茶少冰小甜（跟套餐飲品）茶味淡，但足料，凍檸茶有四片檸檬。📍冬蔭公清湯河套餐 $83冬蔭公湯酸味夠，辛辣味尚欠一點，色澤比預期中暗淡及油膩。湯河內有蝦子、魷魚圈、魚柳和秀珍菇。蝦仁肉質不太結實，感覺不是太新鮮。魷魚圈相當細小，也煮得過老了一點。幼湯河滑身，配上冬蔭公湯吃，味道還可以。雖然晚市套餐份量不少，但食物味道一般。

放假勁晏起身，去附近餐廳食下午茶餐當正餐。: )最鍾意叫佢個迷你餐，有三款迷你湯河揀，再係十多款小食中揀一款、每樣少少，又可以一次過食幾款唔同野，又唔會太飽。選擇多每次來可以唔駛重覆。(但大食的男士要注意可能唔夠飽啊) 今次揀左迷你湯河加迷你蝦柚子沙律 $49 (係美孚來講唔算平嫁)雞翼有香茅味，但有少少乾。最鍾意係湯河湯底清甜，河粉又夠滑，加埋啲香葉一齊食堅好味。柚子沙律酸酸甜甜都好好味，啲蝦重驚喜地有啲鮮味。食完好滿足，可以返屋企訓晏教了, 呵呵。

今日帶仔仔來荔枝角公園玩，貪方便去了這間餐廳，餐廳細細，冇BB椅，仔仔唯有輪流坐我同老婆大脾.老婆食豬頸肉撈檬，話啲撈檬汁唔錯。我就叫左個蝦膏海鮮炒檬，好少食炒檬，蝦膏咸咸香香，配埋檬粉估唔到又幾夾，好味! (只係啲海鮮碎濕濕左啲)仲有叫左個金不換炒蜆，味道都幾好，係細碟啲囉。

第一次開post,不解釋，請看圖。今日午餐時間叫碗「雞絲金邊粉」食都尾，見到「小強」1隻，起初以為是炸蒜或其他配菜，但望清楚，真是打冷震，隔夜飯都想嘔出來。另外朋友碗生牛河附送「頭髮」一條，頭髮都已經想嘔，不過都算，所以冇影相，但有「曱甴」，就真係唔影唔得。真是要公告天下，提醒大家要留意。以後都不會再來，怕怕⋯⋯⋯⋯⋯⋯⋯⋯⋯⋯。味道一般，衞生真是超唔得。原來Open rich 要打200字先可以評分。

男朋友跟著吃貨女朋友，永遠無失望🤣今日去左美孚的「小越南」食晚餐，位置比較不容易找，但其實距離地鐵站非常近，隔離有唐記包點同惠康。鋪頭面積不算太大，晚上七時正也沒有太多人，大概有三、四枱客人。原來是新假期2018必吃食店之一。我地嗌左兩個set dinner~ M1. 迷你生牛肉湯河 + 小食 + 飲品($62)男朋友話都幾好食～酸辣無骨鳳爪都幾入味～M4 迷你豬頸肉飯+ 小食 + 飲品($62)配上一片蕃茄和青瓜作中和用。👇春卷 + 粉包最後仲嗌左呢個必食既秘製蒜蓉牛油雞翼（$66 有5隻）誠意推介！熱辣辣！香濃的蒜蓉牛油！ 幸好小私心嗌左個豬頸肉飯送雞翼！正！！呢到仲有唔同款既手工啤酒如果鐘意手工啤酒既朋友可以黎試下，我地就無飲到啦🤣

今晚同老公過嚟美孚整嘢，整完順便醫肚，見到間越南嘢門口放哂餐牌又唔算貴，可能係街坊價掛，即管入去試試我哋點咗個2人晚市套餐要咗A嘅主餐牌小食2款香茅牛肉撈檬檬粉有油香，唔乾身，幾好香茅豬扒撈檬雖然有骨位嘅豬扒係好食，但完全食唔到肉，成碗都係骨咁濟小食:炸蝦餅另一小食:真係要推介蒜蓉牛油雞翼呢個完全冇得輸，超真係咁大個女未食過咁好食嘅雞翼，好似誇張咗，但真係令我想返轉頭再去食嘅食完先睇到原來係必食招牌菜唔怪之得咁好食啦臨走睇埋午市同下午茶餐嘅餐牌，準備下次再嚟食嘅，所以影低定除時可以睇到整體嚟講，平民價錢、環境都係街坊裝修，但味道就大大驚喜

剛好經過這裡，大家都隨意走進了這個最近我們的食店，嘢食黎得快，讚！香茅豬排撈檬：豬排剛到是暖暖的，味道唔錯，又唔會太油，但配菜就比較遜色。而朋友叫的炒金邊粉同河粉也來得好快，新鮮炒起好有煱氣感覺，熱騰騰的，試咗幾啖🤣🤣🤣由於個人偏吃愛越南撈檬，喜愛酸酸地有點開胃感。價值合理，所以都吃了兩次，有機會在附近都再來。👍👍👍不過整體以越南菜的角度來說，其實不算太正宗的味道。另外環境舒適，個人幾喜歡天花上古典氣氛的吊扇😍

The foods and the service has become worse after the restaurant was taken over by a new owner about 2 years ago. I used to dine there at least once a week when it was run by the former owner.Today, I made a wrong decision and went there again. The waitress was so rude. She yelled at me when I reconfirmed my order. I was totally pissed off by her. She total ruined my Sunday mood. 😭Hope that I will not meet her next time if I will ever come again.

元朗天水圍出九龍，經過美孚，決定下午要跳舞，找個地方食嘢先，而家美孚少咗好多地方食飯，這間最近最方便，食越南嘢都可以快吃。一個人吃都唔需要等位。香茅豬肉撈檬，加咗蘿蔔絲椰菜絲，爽口甜美，酸酸尾尾好好吃，十分醒胃。這個份量唔算好多，如果有多個朋友，可以叫個小食，那麼就完美了。檸檬茶大大杯，正常水準。這間食店有酒牌，有手工啤酒飲，越南嘢多炸嘢煎炸嘢，吃這些佐酒也是美事。中午冇加一，尚算抵吃。臨走時店員喺門口位置好堅持原則，叫我自己記得趟返好度門。

美孚不嬲系個美食沙漠，如果真要在美孚食飯，可以推薦「小越南」。都系不錯的選擇。不過要嘗試屋邨美食，就要忍耐佢店面不大，繁忙時好逼的問題。當然你可以買外賣。佢地既檬汁超好味，唔知系咪自家制。我地點左炸蝦餅撈檬，落單時已經表示會等耐少少，蝦餅要炸。淋左檬汁既撈檬似畫龍點睛緊，即刻有左神氣。蝦餅有酸甜醬佐料，勁好味。炸蝦餅厚肉彈牙。份量都幾夠。另一樣系大蝦膏海鮮炒檬。足料夠量，不算太油。實在系好好味道。

冬蔭功清湯檬粉- 湯底清甜帶濃郁檸檬葉香，不辣- 幼芽菜尚爽脆- 魷魚圈、青口及魚件皆有微微雪味，海鮮味微乎其微，惟獨蝦較彈牙，有點點鮮味- 檬粉爽滑尚算吸湯*指天椒及鹹魚露按需求提供

屋企人說想轉下食新餐室，於是就是在美孚站附近試下食越南菜。呢間餐室主打越南菜但亦有泰國菜可選。亦有手工啤酒和送酒小吃，和朋友聚會很不錯。我們選了兩個餐跟飲品和兩個小吃。見雜誌推介牛油蒜蓉雞翼，一客有五隻，真是好香好脆，值得下次來再叫！另一小食，越式蝦扎肉沙律，大大碟！越式生熟牛肉湯河馬拉盞炒粉皮好惹味!蒸漏咖啡咸檸檬梳打

夜晚食小越南，晚巿套餐有主菜+小食+飲品選擇困難最後揀左豬軟骨粉絲+越式蒸粉包+熱奶茶豬軟骨粉絲湯底味道比較濃+油膩，雖然豬軟骨腍軟，每件都保證有軟骨同肉，但用紅白蘿蔔炆煮，要努力挑走紅蘿蔔。餐牌上豬軟骨旁邊有辣椒圖案，但唔辣，所以要問職員加辣。越式蒸粉包同腸粉差唔多，但要摺疊成四方形，皮厚唔滑，食落一般般無驚喜，食慣中式腸粉嘅人未必會鐘意。全餐不過不失，食完有種空落感。

咁岩經過美孚想搵野食，經過見到小店就諗住幫襯下啦，叫左個下午茶餐，揀左冬蔭公湯粉絲，點知就中伏喇，煮得好差，碗粉絲一上檯己經見到煮得好淋，望落一patpat，開始食左一陣就已經夾唔起喇，因為d粉絲已經痴埋哂！同店員講左但佢地就完全無反應，淨係識同廚房講叫佢下次要煮耐d煮開佢（我即係糾正係煮得太耐所以淋哂呀！）個個木口木面，好基本一句唔好意思又無，又無提議換左佢，仲繼續收我錢，成碗粉絲我只係食左五份一就食唔到落去。無回頭！