小酒窩餐廳

营业中

休息中

四五年冇黎食，都冇失水準！餐廳繼續係要講英文,燈光都係好暗。我哋叫咗個牛油果大蝦沙律，四季pizza，芝士薄餅點雞肉咖喱同埋半份招牌嘅Baby back ribs。4個女仔食啱啱好！ 牛油果好好食，大蝦好爽口好新鮮！四季Pizza好足料！依家有咖喱一啲都唔辣啊，好啱嗰啲芝士薄餅，仲想點多一份芝士薄餅嚟食！最後個Baby back list就麻麻哋，燒到黑哂，有d乾。呢間餐廳不提供免費茶水，所以都要叫飲品，推薦mango lazzi!好滑。

人生第一次食尼泊爾菜🌯呢度俾左個十分良好既感覺我👍🏻BBQ Ribs 食ribs好驚食到啲好實的的既肉。但呢到既ribs處理得好好，好鬆化好入味，完全做到骨肉分離既效果，大推！雞肉捲餅捲餅好大個。兩個人分一個都已經好飽！睇圖都知有幾足料😋味道亦調較得好好。芝士菠菜，另加薄餅黎到尼泊爾餐廳，梗係要叫啲特色少少既野食。呢到既芝士菠菜都幾唔錯，就咁不入口好滿足，但都幾漏下...店員suggest食呢個菠菜要跟埋薄餅一齊食，所以叫埋。夾埋一齊食又真係幾好食喎。薄餅烤得好香，連埋啲菠菜一齊食好有風味！尼泊爾餃子本身貪得意想知尼泊爾餃子同我地平時食開既有咩分別Ummm... 其實只係得肉餡既餃子相較之下，餃子冇咩特別，唔叫都得整體黎講，呢間餐廳好高質份量都俾得十分之慷慨絕對會翻兜！

經朋友推介，之前多數喺佐敦食巴基斯坦咖喱，今晚兩公婆抱著嘗試心態幫襯吓，其實位置近尖沙咀，晚飯時間七點半左右居然未滿立刻可以入座；餐廳裡面唔大，長枱為主，兩個人必然同其他人搭抬。夥計全部係南亞裔識英文廣東話，點咗一個沙律、半份babyback ribs、一份masala雞+薄餅，沙律新鮮、babyback ribs入味淋嫩、牛油鷄香料味地道配薄餅絕配，Happy hour時間至20：00飲咗叁杯黑啤，呢餐完全大滿足

食物比之前係差唔多，都ok! 本人係Openrice 訂枱下午lunch 有九折discount , 點知去到知道我地經Openrice booking，立即收埋個人set lunch menu 説經openrice 已有discount 不能order lunch set lunch. 我地諗住叫kebab ，因為看到set lunch menu $68 連湯同飲品，而且隔離枱係放set lunch menu，便追問為何我地要order main menu 要$108 還沒有湯及飲品, 他們堅持我地book openrice 有discount 所以不可， 我話咁cancel 我地booking, 當我地walk in 又話唔可以，而且員工英文不是太好，態度惡劣，又不能彈性處理！ 我地兩人比隔離枱叫同一樣野貴了40-50%，而且到走時果位女員工仲走來話，下次不要openrice book 啦，成餐飯也十分生氣同感受他們是一間態度惡劣不flexiable 的餐廳！

位於佐敦嘅一間地中海風情嘅餐廳侍應好熱情 每隔一段時間就會走過來問我地啲嘢好唔好食入到去會有少少唔記得咗自己係香港嘅感覺😂.Nachos上面有大量嘅芝士同牛油果醬配上酸忌廉同蕃茄粒 食到停唔到口只係當芝士凍左嘅時候會好硬 所以一定要趁熱食!!!!!!.墨西哥意大利飯雖然呢個係素食 但係佢味道濃郁充滿着香甜嘅蕃茄味而且裏面有好多蔬菜令到每一啖飯都充滿口感 .雖然煮肋骨只係點咗半份但係份量一啲都唔小 豬肋骨肉質軟熟 吾會有乾爭爭嘅感覺伴碟嘅薯角都熱辣辣好好食.至於四季薄餅燒雞配上辣醬好野味另外仲有菠蘿蘑菇芝士菠菜等等配料十分豐富👍🏻👍🏻👍🏻👍🏻.整體來說食物質素中上 但係價錢相對上便宜係大份又抵食嘅西餐廳一大班人不妨可以嚟呢間食試多啲不同嘅菜式

同朋友慶祝生日飯，唔食牛肉嘅主角話想食西餐，上OpenRice 搵餐廳嘅時候見到佐敦呢間小酒窩嘅評語都唔錯，所以就帶咗佢嚟試吓 。可能因為係平日，加上我哋六點半就開始食所以餐廳都冇乜人，好寧靜，好方便傾計👍🏻飲品方面我揀咗椰青，清甜多汁朋友揀咗嗰杯飲品就比較重藥水味😵廚師特別沙律$138加咗$20配埋雞肉，烤得好香口而肉質鮮嫩，配搭埋爽甜既燈籠椒、沙律菜、車厘茄同牛油果，伴埋蜜糖芥茉汁，好Fresh好開胃！大家都覺得呢碟沙律非常好味👍🏻忌廉煙肉寬條麵$145話說我哋都好鍾意食卡邦尼意粉，呢個做得非常之Creamy多汁，意粉好彈牙，煙肉份量都好足！推薦！咖喱雞$106 配洋蔥烤餅$32咖喱唔算好辣醬汁唔會好浠，用黎點烤餅真係一流，雞肉唔會好鞋，唔錯！洋蔥烤餅熱辣辣好新鮮而且非常鬆軟又香！好味！最後嘅生日甜品，朱古力布朗尼配雲呢拿雪糕為朋友嘅生日飯畫上一個完美句號。

今晩二人點了三個菜，在開飯上預約除了送亞洲萬里通外，全單有九折優惠，原來此餐廳原來也不用加一服務費，實在太超徝。首先半份的印度雞，味道剛剛好，用上雞腿部份所以不會太鞋，再用鐵板上菜所以仍然很熱辣辣。另外點了一個帶子意大利飯，飯煮得剛好，帶點硬並且口感非常，份量對於二人也剛剛好，配上超新鮮肥美帶子及幻細的荀，令個意大利飯更加好。最後一個咖哩魚配印度薄餅，味道也十分好，但印度薄餅要好快進食，很容易變成冷了!

話說廟街真系幾多好野食，某星期六去開廟街，即刻search下有咩好野食，俾我搵搵下搵到呢間好多人推薦嘅尼泊爾菜，睇相幾吸引，小妹同友人即刻決定一試！平時泰國中菜pizza意粉就食得多，尼泊爾菜都真系第一次食，好新奇!!<尼泊爾餃子🥟$78> (評分:3.5/5)一盤十隻大大粒餃子，淨系睇賣相都覺得唔錯呢一咬落去即嘗到滿滿的肉汁同啖啖鮮肉，好好味呢！同平時食開的中式餃子唔同，尼泊爾餃子外皮偏硬同脆，包住滿滿的鮮肉加肉汁，口感扎實好juicy nei，配埋個小辣醬汁，完全食到另一種風味！<Four Season Pizza $148> (評分:4/5)呢個pizza真系無得頂!!!!!!!!!!!!薄批，料很多，芝士很多，個醬好正，食落口好有層次味道好特別，出面食唔到的味道!!!真心推介!!!!!!!<特式奶油雞(左)及 香蒜烤餅(右) $144> (評分:4/5)小妹唔系好食辣，所以嗌左個mild d ge 奶油雞黎食!奶油雞個sauce好creamy好rich，食得出唔系普通咖哩粉溝出黎的貨仔~~雞肉幾嫩無骨，唔錯唔錯! 食咖哩點少得烤餅

平時最多都係食泰國 越式   印尼真係未試過朋友極力推薦位於敦既小酒窩餐廳餐廳的地點在佐敦站和柯士甸站之間,唔難搵既 ，餐廳環境境幾好 格調安靜 一入去餐廳既侍應會預先送土耳其小薄餅, 口感一讚—很香口餐牌係中英對照，點菜就要英文下單　豬肋骨半份：３—４份量　 醬汁勁好味~  煮得好林,勁好食,搭配薄餅食 更佳four seasons pizza; 搭配辣味燒雞 新鮮菠菜 薯仔 辣味醬汁同磨菇 忌廉  係我食過最好食既PIZZA~ 必叫藏紅花海鮮炒飯: 　　吃膩左乜炒飯，麥炒飯　所以第一次見到藏紅花炒飯一定必叫覺得味道還可以；藏紅花本身就係一種貴既香料，主要都係上色用途，食落同一般炒飯差唔多，但就多左Ｄ好似印尼炒飯因為食落有辛涩既味道鐘意新鮮感既朋友可以一試。　　不過注意　　大肚既女士記得唔好食～藏紅花有活血去瘀之效

成日聽朋友講呢度附近多好野食，甘岩係附近工作完就跟朋友黎呢條街搵好西食。呢度好多都係食pizza,nann,curry個d，我地就入左間朋友食過話好食既試下。怕肥膩就先叫個salad食，呢個係配煙燒三文魚，食落好香口，唔太油，最正係配埋d 黑白芝麻，口感變得豐富。沙律菜算多，又新鮮，入面撈左d黑醋汁，健康得黎又開胃。主食叫左2個，第一個係牛油果pizza。size都幾大，熱辣辣上碟超正。牛油果切得唔算厚，但配上芝士同三文魚就為pizza加唔少分🤤🤤🤤🤤另一個係羊架，有4支，價錢算合理。羊架啖啖肉，唔太騷，可惜既係冇薄荷醬配🤣另外碟既配菜都係焗過，感覺有誠意。配菜最出眾一定係薯蓉，綿滑得黎又夠香！飲品方面，由於價錢偏貴，只叫左一杯mango lassi，味道不俗，如更多mango味同杰身d會更好🤣

係咪食得多本地嘢都想試吓其他嘢呢，其實一到就有一間我好推薦嘅異國菜，可能你第一印象係覺得異國菜會唔好食，見到咖喱嗰啲嘢可能會拒絕⁄(⁄ ⁄ ⁄ω⁄ ⁄ ⁄)⁄，但係依一間真係令你大開眼界，絕對要試吓啊！本身我對印度咖哩冇咩強烈嘅感覺，但係食完呢一間之後真係令我耳目一新！嗰一日嘅夜晚咁啱經過就搵到有一間超香既餐廳，唔經唔覺就比佢吸引住啦！入到去嘅時候環境好舒服而且都比較安靜氣氛好好好適合靜靜享受嘅感覺，餐牌嘅選擇都好多，咁我當然嗌咗個咖喱啦！(˶‾᷄ ⁻̫ ‾᷅˵)呢一個係冇骨馬沙拉咖喱雞，冇骨真係超正！依款咖哩係小辣，而且真係超香份量都好足淨係食咖喱當然唔夠啦所以嗌咗個烤餅，揀咗個香蔥烤餅，配返一個咖喱雞，真係又香又有多重層次，烤餅一啲都唔肥膩！最後仲帶咗個餃子，我好耐之前已經食過一次類似咁樣嘅餃子，呢一個餃子同一般食嘅鍋貼或者水餃唔同，感覺係好特別而且食得出佢嘅皮係有啲煙韌嘅感覺！

又係尼E間，基本上每次去佐敦想食印度野都會尼E間，而且仲要係每次都叫同一個setmenu唔算多野揀，但勝在好食我叫左個lunch set，有餐湯，main dish，脆餅同野飲，$68，貴唔貴就見仁見智我每次尼都係叫E個餐，因為butter chicken係唔辣的咖哩，我唔食得太辣，而最中意配naan，每次都係配佢，因為我覺得只係印度餐廳先會有naan，所以要係E個難得的機會食naan唔好見佢D naan好似好少，其實每塊都厚厚的，可以話係好飽雖然係印度人開，但服務都好好

呢排工作都好忙，星期五真係要食餐好慰勞一下自己。呢間餐廳讀u時成日都黎食，永遠都full house，星期五晚9點黎到同樣爆場😂先叫左個Grilled Tuna Salad $148，份量唔算特別多。本身以為呑拿魚係刺身個款再燒邊，但原來係用新鮮個款，都幾特別，比之前食過再有魚香，不過就冇入口即融既感覺但勝在超夠芝麻！Salad入面已經有黑醋做dressing，所以都幾好食！主食要左2個，先係avocado pizza $142。本身以為係冇肉，原來底除左菠菜，仲有煙三文魚，令成個pizza昇華不小😂又夠香又夠口感，真心正。加上pizza又脆邊，光速KO另外叫左個Grilled Lamp Chop $248，total 有4支，除左羊架仲有燒既蔬菜同薯蓉。羊架要左5成熟，不過有小小overcook，但都易咬。薯蓉份量多又夠綿密，超中意！另外仲叫左杯mango lassi $48，呢杯正常水準，不過不失。

今晚收工後，約了朋友在這間可以吃印度菜的餐廳吃晚餐。餐廳的地點在佐敦站和柯士甸站之間, 挺方便的.餐廳裝修不錯, 挺有格調.剛進去, 餐廳侍應便送上小吃, 是土耳其的薄餅, 很脆很香口, 配上mint mayonnaise sauce , 感覺更清新, 開胃, 作為前菜合適不過. 雖然侍應是外國人, 點餐時要用英文, 但餐牌是中英對照, 挺方便的.Cheese Nann with Fresh Cottage Cheese (奶酪芝士烤餅): 芝士味非常香濃, 烤餅很軟熟, 而且還是熱辣辣的!非常好吃!而且份量算多, 很抵食!!Chicken Tikka Pizza (印度燒雞肉薄餅) :新鮮熱辣辣送上來的, 薄餅有放印度的特色香料, 挺特別, 有少少微辣, 不過只是微辣, 即使吃不得辣的朋友也沒有問題.  燒雞肉肉質嫩滑, 不會韌. 薄餅有很香的芝士味,批有點厚身, 幾有口感. 而薄餅的份量挺多的, 兩個人吃一定夠飽.兩個人來吃晚餐, 吃到飽也只是$176, 價錢經濟, 值得一去.

最近想食下咖喱，諗起都一段時間無去食小酒窩。於是book枱星期二同老婆去食個晚餐。由於今次得兩個人無一大班人去，只係叫左兩個菜。當晚閒日去到餐廳仲有空位，長髮老板都繼續熱心介紹菜式。坐低後比一小片脆餅我地食住先。最後我地叫左半份豬肋骨，好入味，超大份。兩個人share食絕對足夠。伴菜薯角亦好脆，沙律菜新鮮再加一份羊肉咖喱同芝士烤餅就fit晒。我自己幾中意食佢地各款烤餅，唔夠食會換香蒜烤餅再點咖喱食再補個mango lassi 同banana date.兩杯一齊試老婆同我都覺得mango lassi好飲好多，有酸酸口味味味道最後埋單$398連加一，一人$200。後尾發現其他app呢個時段會有9折，有興趣可以book左再黎。總結黎講餐廳仲保持質素，野食仲係好好食。不過餐廳假日滿場會幾有氣氛適合大班人去（一定要book定枱），平日就會比較靜，適合少人傾下計。