小酒窩餐廳

营业中

休息中

佐敦好食印式fusion菜黎到佐敦廟街，要搵野食絕對唔難，但今次搵到一間主打印度菜既fusion餐廳～我同男朋友仔一早book定8點鐘入座，餐廳坐位算多，店員好細心咁幫我地量體溫同俾搓手液我地。餐廳主打印式nann同咖哩。另外都有提供埋意粉呀，炒飯，pizza等，好多選擇下～最後揀左卡邦尼意粉，兩種nann同一種咖哩🔻忌廉煙肉寬條麵味道：9.5/10價錢：$145好出色既卡邦尼意粉，完全冇諗到咁好食既卡邦尼會係一間印度餐廳出現。蛋汁加上忌廉整成個汁好香同好滑，而且煙肉份量多，兩個人食都絕對足夠～🔻特色奶油雞味道：9/10價錢：$112印度烤雞再配上香濃蕃茄奶油汁，話就話叫做咖哩，但食落少辣而但有啲甜味。同坊間咖哩唔同，用上唔同既香料而唔係味精，所以就算食完都會令到人好口乾～🔻白烤餅味道：9/10價錢：28🔻香蒜烤餅味道：9/10價錢：$32兩種烤餅都係配搭落特色奶油雞到，舔下啲咖哩或者包住啲烤雞食～個人覺得白烤餅更適合配落奶油雞既咖哩。而香蒜烤餅就咁唔點咖哩食就最好食～地址：小酒窩餐廳 (佐敦)佐敦廟街283號寶發大廈地下2號舖

As we do not wish to go too far for dinner, we decided to go downstairs to search for food. In the end, we chose Dimpal Fusion & Pizza House, few minutes walk from Jordan MTR.Being a fusion food restaurant, they served western, Indian and Italian cuisine such as pizza, curry, main course, starters and drinks etc. Shortly after we ordered, they served us a plate of papadum. It was thin in texture and was very crispy, going well with the sauce provided. Mango lassi was sweet in taste, with strong

為食嘅我， 搵左間多國菜餐廳"小酒窩餐廳"我既晚餐，地點方便，搭地鐵喺C2出口行過去都只需要3分鐘咋！餐廳裝修不錯，暗暗嘅燈光再加上有小型bar枱，仲利用咗小燈飾嚟佈置bar枱，幾有情調！餐牌上都多選擇，有沙律/意粉/咖喱/pizza等！我哋眼闊肚窄，咩都想吓咁！咁叫咗鮮蝦蘆筍沙律、Four seasons pizza、無骨瑪莎拉雞、芝士烤餅同飲品Mango lazzi！新鮮蝦蘆筍沙律，甜甜酸酸超開胃，分量十足，蝦真係好新鮮彈牙，不同蔬菜組成再加埋牛油果，個配搭幾特別有驚喜！Four season pizza ，熱辣辣有拉絲效果，而裏面既配料同醬汁起夾，食唔停口！呢個一定要叫，成個pizza 好大份，食剩兩塊打包返屋企，氣炸返黎食一樣甘正。而無骨瑪莎拉雞配芝士烤餅食，又係另一翻風味，較 "傑" 身, 唔會搞到好弄盡，味道都唔錯。而杯Mango Lazzi 都幾似楊枝金露，好得意。值得再來。

星期日三點去食個late lunch，由於太晏，見到得一枱食完晒嘅客。環境都企理乾淨，我哋兩個人叫咗一個奶油雞，半份烤雞，蒜蓉naan，同一杯mango lassi 加一杯pina colada。餐前送咗幾塊胡椒餅，好食，跟住啲嘢都好快就上。烤雞真係勁香，啲肉仲係好嫩滑好好食，另外奶油雞個醬又係好好食，雞肉細細件但都唔鞋，配埋garlic naan 一係一流。杯mango lassi 亦好好味，老闆會問下你覺得啲嘢食點，同好有禮貌。期待下次嚟再試其他菜式😋

好耐冇食印度菜今日早咗收工 加上我又喺佐敦又去故地重遊以前拍拖嘅飯堂 小酒窩我哋唔算太餓 叫咗兩個邪惡澱粉質 就唔夠膽再食呢度除咗食物之外飲品都好出色.🍓strawberries smoothie睇住佢整 用新鮮士多啤梨溝乳酪搞成佢唔會整到好甜 顏色又靚 又香士多啤梨味🥭mango lassi呢個係我老公最愛 幾粒大芒果溝埋奶 邪惡得嚟又甜又好味超香飲唔停㗎 因為係新鮮芒果冇曬嗰種artificial嘅感覺 飲都飲得放啲🍛Butter chicken Curry牛油雞本身已經好香加埋少少蕃茄味 令到個咖哩好吸引滑得嚟好香咖哩味 雞肉好多絕對抵食 價錢唔貴🌮Garlic naan整到又香又脆又煙韌 非常香蒜蓉味外表唔會整到好乾 夠煙韌 點埋咖哩隻勁好食🍕Four seasons pizza呢個pizza係呢一間鋪頭嘅鎮店之寶我食咗成十年 完全冇失準雞肉菠菜蘑菇芝士 全部炒到勁香再放入去加上秘製嘅泰式辣椒醬加sour cream 加埋個厚薄適中嘅餅底真係勁黐線黐線咁好食🐒🐒拎塊pizza出嚟仲要拉曬絲勁邪惡如果喺佐敦附近絕對要試一試真心勁好味 佢係fusiom得嚟加咗好多自己嘅風格味道唔係

最近知道佐敦有一間集意大利、墨西哥、印度、中東預約新的餐廳，今天晚上便來到了。特嫩豬肋骨$148(半份)，豬肋骨的外表很香脆，內裏肉質軟腍，醬汁帶點酸甜，不會覺得油膩。雖然是半份，但是分量都很大，兩個人吃已經很足夠。瑪沙拉牛腩$116，牛腩帶點嚼勁，不會過腍，咖喱辣度適中 是正宗印度的味道。香蒜烤餅$32，蒜蓉味道香濃，點石啊你汁，味道更佳。喜力啤酒pint$68，冰凍的啤酒，最適宜配合烤豬肋骨來吃，可以減少油膩感。Sex on the beach(free)，店員好好人，送上一杯免費俾我同我太太飲，vodka 酒味被果汁沖淡，容易入口，不過酒精很高，下次有機會再來吃飯的時候，必點一杯。

咁岩經過佐敦，平時都係食泰國野今日想特別D就揀左呢間FUSION菜店面好有格調，絕對適合情侶週年日黎慶祝，而我見餐廳內都有不少情侶，散發住陣陣甜蜜氣氛我地點左半份RIBS見到每一枱都有叫 相信係招牌份量非常多，半份已經有足足20CM咁長呢個價錢係好抵食而肉質亦非常軟淋入味，令細食既我地都將成碟清哂!香菇雞肉寬條麵味道好濃郁，中意奶油既朋友非常推薦!最後仲點左無骨瑪沙拉雞加牛油烤餅瑪沙拉醬幾特別 辣辣地幾惹味再加上甜味既烤餅，中和返成個味道非常夾

朋友又帶我食好西，今次帶我去呢間位於廟街既小酒窩餐廳！呢度係食印度fusion菜，一坐低會先上一碟印度薄脆餅配薄荷青醬俾你醒醒胃。👍🏻朋友食過返尋味，點返佢之前食過既菜式～😆1️⃣Nachos 墨西哥薄脆片配芝士醬 （$120）即叫即焗既Nachos，非常香脆！配上意大利芝士、墨西哥辣椒、牛油果醬、酸忌廉、蕃茄沙沙，酸酸甜甜辣辣，絕對推薦作為第一道開胃頭盤！🤩🤩⭕️因為即焗，隻碟會好熱，所以剛上枱要小心！2️⃣Four Seasons Pizza 四式芝士薄餅 （$148）呢度既pizza同平時食既意式pizza唔同，好有特式。因為薄餅除左四式芝士、新鮮菠菜、烤薯仔、蘑菇、酸忌廉外，仲配上印式辣味燒雞、泰式甜辣醬，成個pizza既口感同味道都好豐富，仲好有東南亞風味！⭕️記得襯熱食，因為芝士多到可以拉絲！不過我凍左少少先食都一樣好好味～🤤🤤3️⃣Shrimp Salad with Asparagus鮮蝦蘆筍沙律 （$138）同我食飯朋友應該都知懶健康我點都會點份沙律～😂呢款沙律除左鮮蝦蘆筍，仲有雜錦蔬菜、蕃茄仔、胡蘿蔔、牛油果。食材非常新鮮，好爽口！加埋泰式醬汁，平日覺得沙律味道好寡既朋友都覺得好惹味

本身仲好擔心食唔慣印度菜，但真係好味有驚喜😗<印度式烤雞(Half)>第一碟上枱仲要鐵板😍好有鑊氣👍🏻有氣派不過食食下好辣😛😛係特色嘅辣🌶<Mixed kebab>勁好味😋又大件！好足料呀！唔會皮多餡少～<Beef Fajitas>呢個牛就咁食會覺得韌韌地，但包埋d薄餅就好match好有口感，好神奇🤩<薯仔烤餅>呢個烤餅1d都唔少野，好飽肚，好似薯蓉夾餅咁好好味😋<印度香料炒飯>幾香，乾濕程度岩岩好👍🏻少少煙韌同雞牛幾夾，混埋一齊食又有新意思<Vanilla Milkshake>好中二雲尼拿味😍唔係周圍有得飲<Mango Lazzi>老闆推介！有芒果🥭、yogurt....好似幾地道就試下。中和到辣野真係要飲👍🏻呢間野真係好好味😋最正嘅係佢夠local所有薄餅都真材實料，唔會太厚，溫度係keep到暖烘烘！食到真正嘅印度菜🤩

我最近曾到小酒窩餐廳用餐，小酒窩餐廳位於佐敦，是一間多國菜餐廳，這次就和大家談談我的用餐經驗吧。四季薄餅 $148材料有辣味燒雞、新鮮菠菜、烤馬鈴薯、蘑菇，配甜辣醬及酸忌廉等等。份量不少，酸忌廉，甜辣醬和簿餅配合得不錯，令簿餅酸酸甜甜的，頗有新意。另外，簿餅亦用上了不少芝士和菠菜呢。香蒜辛辣椒蝦油大蒜意粉 $142意粉和蝦的份量頗多，意粉煮得不會太軟，調味得宜，不會太過辛辣，蒜味亦很香，頗好吃。總的來說，小酒窩餐廳的食物份量頗多，價錢亦相當合理。今晚的晚餐中，最令我滿意的是香蒜辛辣椒蝦油大蒜意粉。

在openrice上見有不少好評 所以決定嘗試一下但始終疫情關係 唯有外賣回家品嘗一下遠近馳名的小酒窩最後 我和男朋友決定叫咖哩雞及人人讚好的豬肋骨但一取外賣 有點兒失望 價值$106的咖哩雞 就只有一個豆腐花膠兜一要大價值$106 的咖哩雞 難以置信 而且味道很一般 失望。。。。但他的豬肋骨很大份 也很軟林 也算是不幸中之大幸 不然一定吃不飽 下次我一定不會再叫咖哩雞了。

新發現新發現！太耐太耐無出街食飯啦！諗左好耐決定去佐敦食！！你睇佢個樣就知佢幾興奮！開心開心！個雞辣辣地又夠香！個薯仔印度包唔點汁都好夠味！最緊要係portion 夠！之前去重慶大廈食印度野其實個portion size 真係差啲嘅......跟住到個Momo ，即係Nepal 餃子。其實都幾似中式嘅餃子。不過呢我就覺得佢嘅皮比較滑同埋比較薄，同埋佢嘅內餡都有幾多薑絲喎。一樣啦其實我響影呢幅相之前已經食咗兩隻。呢間餐廳嘅Portion比較足。其實我哋仲食咗個羊肉kebab。佢唔係用一般嘅薄羊肉片，而係用咗好多羊肉嘅厚切粒粒。當然啦入邊有夾埋好多菜，都非常之嘢未㗎 ！但係因為嗰陣時實在太肚餓啦，所以唔記得影相...總括而言，我哋一定再有機會會再幫襯！同埋一般嘅侍應服務都很好！同埋最緊要都唔算太貴，仲唔會徵收服務費添！

呢間真係提供‘多國菜’，一個午餐除咗有意粉、飯、薄餅、咖哩，仲有土耳其烤餅，即係kebab。一見到，唔使唸咁多，一於嚟個‘雞肉烤餅‘。午餐先嚟餐湯同薄脆餅，兩樣都好味，一啲都唔hea你😬主菜上場，好大件呀，料好足呀！雞肉唔肥又嫩滑，入面嘅醬汁甜甜哋，而且又有好多疏菜，感覺好健康，唔係只係做食肉獸。午餐包一咖啡、茶或汽水。免加一。

今晚收工約到全公司最靚既美少女食飯！去公司附近想試好耐好耐既小酒窩餐廳！有提早訂位，收工十點去到，熱鬧到爆呀！超FULL！老實說，呢度既環境坐得都幾擠迫下！諗住OT左半粒鐘，又好似幾餓咁！叫左個Pizza、沙律、咖哩、烤薄餅最後個同事好鬼快就話飽....食淨既唯有打包😗Grilled Tuna Salad $148呢個要比五星呀！新鮮好味！青瓜超爽！Four Seasons Pizza $148入面有燒雞肉、菠菜、蘑菇、烤薯仔甜辣醬+sour cream！完全估唔到甜辣醬加sour cream係咁好食架喎！呢個pizza整個配搭都好好，好食！Lamb Masala $118蛋同個汁係好正既，羊就dd硬，還可以！Plain Naan $28烤餅，正常，冇乜特別。Margarita $78算係幾好飲架喇！整體黎講，食物質素高、服務OK、飲品普通、環境就迫少少、性價比高！想食多國菜既話，我都會推介既一間小店！

話說我一個禮拜前打電話去book位，佢同我講話有位，跟住我星期三走埋去同佢講我book咗位，跟住佢睇都冇睇過個book位list，就求其隊張枱畀我，嗰張枱仲要喺個門口嗰度開住道門熱辣辣，就要任何一個等位既人都望住我食乜，同埋企喺我隔離。 咁我真係想問，其實我訂位嚟做乜呢？ 最好笑嘅係，我前面嘅兩個人，冇book位，因為係情侶就可以坐入邊四人枱！咁其實真係想點呢？