小鍋米線 (水邊圍) (已結業)

話說今日紅雨，費事行咁遠去嘉城廣場後面間「真」小鍋米線，途經呢間見佢個餐牌一模一樣就誤以為係西裕街個間分店。完全係天堂與地獄之別，大家唔好再比佢呃到！😡我同屋企人叫咗兩個石林米線，真係難食到嘔⋯🤮佢個湯底係所謂豬骨湯底，其實即係現成白色粉沖個種都算，佢用劣質金華火腿（肯定冇出過水）入湯，個朕「咠」味就好似你晾十世都唔乾嘅衫一樣⋯真係嘔心🤢⋯然後個湯仲有一股明顯嘅甜味，唔好以為係鮮甜個種甜，想錯你個心，佢係沙糖個種甜！死未？！講埋啲配菜，入面嘅珍珠筍係好似發水菜中咗輻射咁粗大但空心，可能我見識少，以前從來冇食過咁嘅珍珠荀，然後個茶樹菇係變壞咗個種酸⋯南乳雞又油又少擺明個油溫唔夠熱同求其炸一次就算⋯⋯我以前從來冇寫過食評但唔想其他人再中伏話說今日紅雨，費事行咁遠去嘉城廣場後面間「真」小鍋米線，途經呢間見佢個餐牌一模一樣就誤以為係西裕街個間分店。完全係天堂與地獄之別，大家唔好再比佢呃到！😡我同屋企人叫咗兩個石林米線，真係難食到嘔⋯🤮佢個湯底係所謂豬骨湯底，其實即係現成白色粉沖個種都算，佢用劣質金華火腿（肯定冇出過水）入湯，個朕「咠」味就好似你晾十世都唔乾嘅衫一樣⋯真係嘔心🤢🤢🤢⋯然後個湯仲有

第三次食小鍋米線 每次食都唔會令我失望 住九龍嘅我山長水遠入元朗食 每次都會嗌南乳雞件 佢啲雞肉唔會太老又炸得恰到好處 真係令人再三回味 我就嗌左小辣 我覺得中意食辣嘅人可以再嗌辣一兩度會更入味😆

夜晚晚餐，叫左兩碗米線，兩個小食，兩個飲品，飲品先到，10分鐘後，黎第一個小食，再等20分鐘，兩碗米線+另一個小食仲未到，問嗰位小姐係咪漏單，佢話整緊，ok，再等，再等多10分鐘，我已經想走，點知佢黎同我講，無米線，我問佢，我等左半個鐘，原來仲未整？？其實已經有其他食客响度嘈，佢話因為整food panada既單，我問佢，即係堂食落左單，就等你地既food panada單做晒先到我地嗎？另外有食客問，要等幾耐，對方答案係…………我都答你唔到，連拎外賣既既人都話，等左1.5小時先有得攞，最後，我由坐低至食物到齊既時間係45分鐘，真心無下次

週末同表妹嚟到元朗呢間小鍋米線，好多人排隊！我哋好期待咁樣點左兩個米線，南乳炸雞同蒜香雞扒。表妹個自選米線佢覺得好好食，但我覺得湯底就味道一般，比較多味精。而我個成都酸辣米線，個湯底真係有啲不知所謂😖完全唔係四川成都嘅酸辣味，似係加咗好多醋嘅酸味而且冇乜辣味。不過令人驚喜嘅係，南乳炸雞同蒜香雞扒都好好食！蒜香雞扒仲外脆內軟，好多汁好正！南乳炸雞細細粒幾易入口，但都因為太細粒二容易炸得乾咗少少，不過整體來講啲炸物都好好食😋

平日午餐最鍾意食米線😋但係要搵間啱食唔容易😕呢間小鍋米線食過幾次都唔錯 水準keep到👌🏿今日叫咗個招牌小窩米線加香炸豬扒，手撕雞，菜肉餃😋落單阿姐仲提我送果一個餸記得揀個貴 抵食啲👍🏿今次叫外賣自取，因為堂食實在太多人，等咗接近25分鐘先拎到外賣，趕時間嘅人記得唔好揀🗣🗣返到屋企即刻開餐😋湯同米線分開放，最鍾意佢個米線嘅口感岩岩好 唔會硬但又夠彈口😋香炸豬扒夠香又夠林👍🏿手撕雞就真係好唔得 又鞋又韌👎🏿菜肉餃個餡好味但個皮真係好厚🤣但係我最欣賞係佢湯底入面嘅秘製甜酸菜 真係好好食😋叫咁多野食都係$50 抵食👍🏿

小鍋米線 (元朗)元朗水邊圍福田徑2號樂富大廈地下3號店舖座位空間狹窄，衛生一般招牌小窩米線$42米線餸料好豐富有甜酸菜，冬菇絲，腐皮，芽菜，雞肉，酸辣肉碎豬扒大大塊，炸得好香脆湯底偏向甜，啲餸仲多過米線另外都叫咗薯粉底薯粉煮得啱啱好，好容易就咬到評分：7/10

武漢肺炎下出街食野 點都有d 擔心 但去到小鍋米線 見到用膠板 圍住 唔洗同其他人 口水交流 窩心設計 值得讚賞😘食物味道 唔洗講 小店之作 時間保證 👍👍提提大家 lunch 時間人多

小鍋米線係元朗都算出名 係西裕街果間長期都好多人幫襯 而今日就試下水邊圍果間呢間人流無總店咁多人 坐得都比較寛鬆舒服 叫咗個雞扒招牌小鍋米線 （$38）配料同總店一樣豐富 有肉碎 生菜 腐竹 好好味嘅甜酸菜 但薯粉口感太腍 唔夠煙韌 食落好怪 又唔索湯 下次都係叫番米線 而雞扒份量較少 雞皮香脆但較肥較多油 米線另送一杯豆漿 甜度適中 豆香就一般

小鍋米線真係由細到大食足咁多年都咁好味，基本消費都只係40-50左右，除非你喪叫先會叫到好貴，但係佢既麵同配菜本身真係好多而且高質素!叫左兩個麵，一個中辣，一個BB辣! 辣既程度唔會好辣，我食開BB辣，但係食起中辣起上黎都唔會話完全食唔到。佢既食物基本上係偏甜版的雲南米線，但唔會有統一化營業既食物味道，好標準化的成品食物味，每樣野都係新鮮整，小店果然有小店的風味。兩個配菜都叫左最貴既雞扖同豬扖，兩個都炸得好香脆好好味，一咬落去D肉汁係爆出黎架! 真係好味到爆!

只計元朗都有好多間同名既「小鍋米線」，雖然唔知呢間到底出唔出名，經過就試下啦，呢度標榜個湯底係雞同豬骨湯，店家好細心將外賣分湯上（加$2），睇相可以見到個湯底真係超足料，有少量木耳、芽菜同冬菇絲同埋雞絲、再加上大量惹味既酸菜，每啖都食到好開胃既酸味，同多重口感，感覺好豐富。啲米線唔係即煮完即食，但都唔會太淋，雖然唔算彈牙，索哂啲湯好入味、都唔錯👍🏻另外呢間舖頭南乳雞件好似好多人叫，我都叫左，的確幾脆亦都入味，但真係好細件同埋骨多過肉。總括黎講，湯底幾特別，中意食酸既人應該會覺得唔錯，個人就唔會話好食到好想再食，米線份量好大，$42仲連豆漿，幾抵食，經過可以一試👍🏻

今日係中午唔方便出去食，所以揀左外賣，朋友推介呢間小鍋米線，我揀左42蚊既招牌小鍋米線，而佢外賣要加1蚊，好犀利！係指定時間前可以送到！一碗米線，好足料！好飽！

今日太忙，成日都未食過嘢，到放工行返屋企時，路過小窩米線，𠵱間小店，已經開咗一段時間，我從來都冇幫襯過，今晚突然好想食酸辣粉，所以入去試下，叫咗碗＂成都酸辣薯粉＂＋雲吞丶凍檸茶走甜。在充滿期待丶極之肚餓下，碗酸辣薯粉終於出現，比我預期中細碗，之後夾起第一注薯粉時，已經知道中伏，一夾即斷，要用匙羹兜住食，夾唔起，再放入口，冇牙都食到，薯粉好淋，完全無咬感，薯粉煮得過久，湯底極之普通。我要小辣，但碗粉無辣酸味道，要自己加辣椒油，先至好食啲，雲吞得3小粒，細粒唔緊要，最緊要好食，唉⋯但淘大雲吞，仲好食過佢。杯凍檸茶冇茶味，只有苦澀茶味+檸檬味，我只食咗半碗，就已經放棄，無再食落去，完全唔飽，結果買咗個麵包頂肚，極之後悔入去食，以後唔會再幫襯。早知行遠少少，食三哥米線，仲好食過佢，或者直接買個麵包頂肚，嘥晒我啲quota

元朗呢間米線好味到，要開分店。今晚去咗佢開咗好耐嘅分店， 佢間鋪比夠鋪更好坐。🤤🤤新鋪仲有飯食添，但是都係食米線最好。佢嗰南乳雞件一如以往好好食，好入味又好香脆，不過真係好熱氣，所以浸落啲米線度食一流，就算放左落去啲米線度浸，都仲好好食。🐥🐥🐔佢嘅炸豬扒又一傑作⋯⋯除咗雞件一定要點酥炸豬扒⋯⋯🍜🍜除咗平時食開嘅自選米線，今次重點左蒜泥白肉，佢放咗好多蒜泥喺面，佢嗰個辣醬放上去真係好好食，又香蒜蓉味又重鍾意食酸仲可以加少少佢哋嘅白醋。

元朗食米線嘅地方都好多，呢間，喺元朗都算開左幾耐，由細舖轉大舖食到而家😜點解揀呢間，因為近囉，同埋都幾抵食，大大碗，D餸也算多，最緊要佢嘅麻辣辣椒油，真係又麻又辣🌶啱曬我條脷👅，佢哋除咗有自選米線，都有特色米線、小食，下午茶都有好多嘢揀，最鍾意食佢哋嘅飛碟多士😋 牛展有牛🐮味， 豬肉片醃製過，味道唔錯、嫩滑、豬扒肉質正常、有纖維，但鹹咗少少🤣 👩‍⚖ 價錢合理，味道唔錯，會繼續支持💪💪💪

又係晏晝三點 下午茶時間到 ，又唔想行咁遠, 咁就去係屋企附近好耐冇去嘅小鍋米線食tea 咁就叫左個薯條餐煎豬扒薯條碟豬扒上到枱已經嗅到陣陣椒鹽味 薯條炸到金黃色，數量唔少喎 豬扒斬件上， 啱曬我哋啲懶人講番個香煎豬扒，有咬口不會太鹹 (本人最驚啲肉醃到淋bet bet嗰隻呀) 薯條正囉炸到金黃色，香脆可口餐茶就叫咗杯熱好立克 這杯餐茶， 絕不馬虎， 不是水溜溜個隻，係好有好立克味的今時今日，以＄26蚊價錢，可以食到咁嘅質素下午茶餐，絕對超值