小雨天 (永吉街) (已搬遷) 新店位置

今日得7度,約朋友食lunch,真係想搵啲熱食中環真係太多人，所以行到去上環永吉街小雨天小鍋米線,真係不停encore嘅快食。今日order小辣 ，配菜首選滑雞，全部都冇骨，仲要係好滑口👍。另外牛丸都係唔錯。辣唔會太過份食完即刻 warm 返曬

小雨天 (永吉街)上環永吉街21-27號誠興商業大廈地下A號舖 坐港鐵上環站E1出口，步行兩分鐘就到：）舖位寬闊，店員很熱情招呼入坐，地方大眾化😁酸辣紅薯粉可選： 大 中 小辣或唔辣窩底配有: 炸醬 酸菜 花生 芫茜蔥自選餸料每款另加 八元我要了中辣；酸辣紅薯粉，加雲吞， 麵上放滿了花生正合喜歡的客人湯底酸辣味(可以自行加辣醬)，紅薯粉有彈性夠煙韌和爽口，非常之美味雲吞皮比較厚一啲，份量也足夠食完 一碗薯粉； 叫了一杯出名的凍檸茶，非常之滿足

這裏的豬骨湯麵好好味！原條豬骨食完後可以連骨頭內骨髓都食埋🤣。另外蠔仔肉碎湯飯都好正！今次食這間平民價米線，無餸米線或薯粉只需33蚊，加6蚊就可以配一個餸，如此類推⋯⋯個人覺得滑雞、滑牛、墨魚丸、大腸及餃子都幾好的配料選擇。滑牛小鍋米線 $39不過呢次牛肉肉質差咗少少，唔夠滑米線質感一如以往，都算保持到水準，不會過淋身或未煮熟湯底方面都幾好，要了小辣，有足夠芫荽蔥等等，但略嫌芽菜少了一點，而且湯底肉碎不是新鮮豬肉有點失望。

上環分店有兩間，分別在士丹利街和永吉街，兩家我都吃過，但就覺得這間較為好吃，而且位置充足，人流較少，疫情下更較安心。餐廳主要是出名小鍋米線或紅薯粉類，餃子和骨湯飯都很好吃，特別是餃子，餡料飽滿，調味適中，加醋吃可以減油膩感。但我大多是來享用酸菜牛腩飯，餐廳自家調味的酸菜咸度適中，酸味亦不搶喉，還有加入辣椒，酸甜中帶辣勁，特別惹味，配飯更加吃得出原味道和增加香濃感覺，牛腩入味，不會太多肥膏，亦至少有4-5塊，但稍為細件。配菜還有冬菇，菇味濃郁，令米飯增加香味。這個飯的醬汁特別惹味，而酸菜是主角，令整個飯生色不少。光是酸菜已足夠拌全個飯，下次會試酸菜雞翼飯，感覺更為美味。

係附近食完晏唔夠飽，見到有淨水餃食就入去試下。叫左8隻韮菜豬肉水餃 $44 ，食咗兩隻先記得影相😂 淨水餃無跟湯，跟湯好似會好食啲。講返隻水餃先，大隻嘅，多料，皮唔算厚，都幾煙韌，但係冇湯就會有啲黐口。韭菜香口，出面食過有啲唔知係咪放喺雪櫃太耐所以冇晒味。點落醋食，正👍🏻

用openrice 訂了過橋雙拼豬肉餃子8隻 $45 送熱飲一杯臨出門口落單，去到小雨天個外賣已經等緊我，超方便餃子方面，個人覺得九菜好食啲，佢仲會俾埋辣油同醋，正！份量方面，8只$45 有d 唔夠喉，佢地12只$50 其實好抵，不過怕浪費食物所以無叫到

#食評 #小雨天早餐 ($30)—以下為個人主觀意見—菜肉雲吞上海麵雲吞幾大粒幾足料，分量都多比足四粒，要讚既係個湯底幾唔錯， 不過如果有機會將個麵放落個湯煮一陣等麵入味啲會正好多CP值 6/10 賣相 5/10味道 6.5/10

第一次食小雨天係喺葵涌廣場，當時經過見到好多人排隊等位，所以就一於試吓，那時候我是食水餃米缐，今日經過中環已經是下午2:30，於是就入去食下午茶，下午茶嘅選擇都唔少我叫咗一碗咖喱豬扒米線，包一杯冷熱飲品都係$30，同一碗酸菜冬菇牛腩鍋飯亦都送飲品，咖喱大有椰汁香味，反而豬扒今日就比較硬實鞋口一般般，而朋友嗰碗牛腩佢話問得入味而且好淋好香-正，除了豬扒今次失手之外整體來講呢間實在係平靚正

小雨天中環有兩間分店今天光顧是永吉街，不想留在店舖裏面食，所以都只係買外賣今天選擇了骨湯貢丸上海麵加炸醬，另外配凍檸茶都只係$55，响中環來講算合理，況且味道都唔錯。湯底係用豬骨熬煮的，飲得出有鮮味，貢丸相信應該是來貨，正常水準，炸醬非常好味，肥瘦適中又不會太辣👍

今日想食骨湯餃子🥟，就想起了小雨天。因為冇食過，仲以為佢啲餃子好細隻，點知見左實物原來每一隻餃子都好大隻，我叫咗12隻都要分比同事食😅。餃子內裡好多肉，椰菜餡料就比較少，不過都ok的，冇咩味精，仲有好多紹菜作伴菜，要健康飲食都唔錯。我個人鍾意lunch食好多菜，所以另外叫多碗骨湯紹菜，雖然$26又真係好大碗，都係一個另類選擇。👍🏻

想食light d又想平，就揀左小雨天。但天氣實在太熱，叫左酸辣紅薯粉走湯，加一個餸雞片共$39，外賣仲送杯飲品添。中辣都幾辣，本身個粉都好多餸，唔想食咁飽嘅啱曬~不過收銀呀姐唔好老皮，叫完一個餸佢以為我仲諗緊，話我「你哋d人諗好先埋黎啦！」有點燥底。不過咁嘅價錢，你expect d咩丫

下午茶，食酸辣米線$32,小辣。加兩個餸各$6：豬腸&腩肉。碗米線黎到好大碗，米線份量多，夠飽，腩肉係無醃製炒香個種，覺得一般，不過口感爽口，大概有五、六片，豬腸就有七舊左右幾好食，滷得幾入味。杯檸茶包埋，好大杯，不酸澀，OK。另外雞排米線包野飲$30,好抵食。整體，覺得個湯底一般，唔係特別好食亦唔難食。

好想食雲南米線，奈何公司附近想搵間譚仔/ 譚仔三哥都冇..明知伏伏地都想食個米線😞其實入面都唔少打工仔食㗎，所以我都放低戒心，諗住試吓🥺🥺而讀書年代喺葵涌廣場食都唔係太差姐💡殊不知........係咪我唔識叫呢？米線好食源自個湯底，好味真係齋米線都可以食到停唔到口，但真係好一般，酸辣味淡到米線掛到湯都冇用🤷🏻‍♀️🤷🏻‍♀️，我個人鍾意有咬口米線，都failed....叫一餸都係得三件雞😳😳$44我唔會再比機會真係食快餐都冇咁失望🙅🏻‍♀️

今日天氣非常之熱，與媽行中環小街小行，周圍走著不知不覺行到永吉街，見到一間餐廳，是間麵店橙紅色大大招牌那個名幾特別叫「小雨天」同今日天氣反差，反正母親大人肚餓入去嘗試食下先。入到去地方都算大，如一般香港餐廳裝潢，簡單木枱膠椅，滿清潔整齊，疫情每張枱都用膠板阻隔。打開餐牌種類都算多有飯有麵。價錢上中環來說真的不算貴。心想咁嘅價錢不會太好食吧！我點了碗咖喱牛腩通粉，上菜速度都快，我先飲了一口湯，估不到咖喱味又香又濃厚又夠辣，牛腩略為肥了少少但好入味又好腍，大白菜完全吸收了湯精華酸酸辣辣好好食😋，通粉爽口唔會硬。

叫左個雞翼米線加凍奶茶。雞翼得兩小隻，味道平平無奇。湯很清，近乎無味，希望是因為佢無味精。叫了中辣，辣得嚟唔香，最神奇的是在味道上，辛辣還辛辣，淡湯還淡湯，兩者沒有交雜，好像平行時空。食完兩隻雞翼，仲有好大碗米線。我要求加2個送，豬大腸同雲吞，加左$12, 唔算貴。味道，依然是淡淡的......呢餐野，真係無咩可以講。好食當然談唔上，話佢難食又唔係......好奇怪，呢度又唔好食，環境又唔好，點解仲不停有人入嚟呢？ 有冇人可以話我知我在點菜上係咪做錯左？ 佢招牌野係咪米芝連級數咁好食？後記：我坐左在堆膠桶隔離，一坐低就開始後悔。果然，碗碟掉入膠桶相撞啲呯呤嘭唥聲此起彼落，好像一首交響曲。在小雨天，欣賞免費交響曲，可能別有一番風味吧😂