小雨天 (葵涌廣場)

营业中

休息中

我平時間中都有幫親下已經遇過好幾次唔係好愉快既體驗畢竟我由細幫親到大所以都算啦，good 一聲吞左佢就算但今次我覺得都幾離譜下實在不吐不快今次我有少少趕時間，希望食個快 lunch所以我就來呢度食我要一個墨魚丸小鍋米線走九菜走芫荽，不辣我好清楚甘去表達比店員聽但佢根本冇去聽清楚我既說話結果上菜後。。。見到一大執芫荽，我都算，叫佢比隻碗我夾出來好了點知到我開始食時，點解會有辣既？原來有一大 pat 辣醬係度！！我本身想換走，但實在趕時間，冇閒暇再等唯有忍辣間硬食！點知再發現有第3個錯誤！！佢連九菜都冇走！！！本身已經好火爆既我，已經更加想噴火！！你地仲要係我好趕時間時，先來犯極大錯誤！其實你地究竟有冇心做呢份工架！！成日都唔聽人講野！但問題你又唔係忙我成日見d店員企係出面hea既！你唔係忙到踢晒腳的話呢個錯誤係唔應該發生個喎佢地成日都比錯野人架我奉勸大家一句，下次order野食一定要寫紙仔！一定要寫紙仔！一定要寫紙仔！重要事情要講3次！即使大家冇紙筆係手都一定要用電話打字比佢地睇！務求白紙黑字，清晰甘話到比佢地聽！

葵廣的小雨天一定係學生時代的回憶 果時成班同學仔去完葵廣買衫行街街咁我地就會食一碗米線 吹一陣水就番屋企經過就緊係入去懷念一番啦腩肉雞翼米線 由於係下午茶時間 所以送一杯凍飲 我叫左凍檸茶小甜小冰腩肉薄切 細細塊 不過我較喜歡厚切 啖啖肉鹵水雞翼都幾入味 米線彈牙 唔會煮得好耐今次冇食滑雞 ,呢度滑雞係唔錯既聽人講有個女店員服務態度唔好,好彩今次去姐姐都幾有禮貌

一直以為葵廣幾間小雨天鄧媽媽門面一樣，就係類近餐廳，原來並不是...當日因為openrice外賣自取有優惠，所以叫左一碗滑牛中辣米線，加多份蒜泥滑雞番到office食，失敗中。失敗，滑牛質地十足山竹牛肉質地，似那到變哂質...米線湯底太油，唔似有啲鋪頭湯頭既油香，佢呢隻係得個油字，無味唔香經典黎喇，就係個蒜泥滑雞，啲蒜泥唔係蒜泥，純蒜蓉? 可能蓉都唔算，係蒜粒加辣椒醬...併上滑雞個感覺，沒有最差只有更差...對唔住都要講，我最尾食左2舊就掉左...

繼續推介抗疫外賣選擇今次叫左位於葵涌廣場的小雨天米線好濃既胡椒味湯底好清完全唔油膩，食得健康D湯底原本已經配炸醬酸菜鹵水雞翼非常入味，但又唔會又老又巢皮雲吞大大粒，雲吞皮好煙韌，餡肉切得好溶好好味仲要有3粒雲吞正呀喂

滋味豬骨筒湯飯2021-01-17聽朋友介紹有一家雲南風味菜館小雨天的滋味豬骨筒湯飯很有特色，有一次逛葵涌廣場那裡也有小雨天的分店，可以試一試。一端上來，估唔到兩件豬骨筒都很大件，用筷子食很難夾穩住，所以索性用手拿來吃。我想這樣當然會弄到手油膩膩的，如果有手套就更好了。話明豬骨筒，就是要吃它的香濃的骨髓，只是要吸的比較難，所以提供了飲筒方便吸骨髓。不過當天能吸到的骨髓並沒有想像中的多，不知道是否在熬湯的過程中流失掉一部分骨髓呢？至於湯有充足的胡椒味，很開胃，撈飯一流，底下亦放有很多清甜的大白菜。總的來說，這個份量和味道都算是挺滿足的，價錢亦大眾化，只是如果豬骨筒有再多些骨髓可以吸就更好了。

中午同朋友食午飯黎左呢間食，但因為唔係好肚餓所以淨係叫左個骨湯淨雲吞。佢啲雲吞隻隻都好大粒，咬落去食到好鮮味嘅蝦，而且層雲吞皮好薄，好好食，飲左少少佢啲湯，好清甜，唔會覺得好鹹或者好油

選了豬腩肉雞翼米線$42，另加凍飲只需$6, 超大杯的凍奶茶，抵飲配菜也絕不孤寒，芫茜芽菜份量也多，豬腩肉肥厚適中，薄切 。雞翼也很入味。 米線彈牙，大大碗上枱，十分飽肚

位於葵芳葵涌廣場二樓的一間食店已有很久歷史雖然最初以酸辣米線及豬筒食聞名，但為了保持競爭力，特別是葵涌廣場美食橫行之下。 因此小雨天亦有售賣咖喱，撈面等食物，味道也合理範圍，有不少上班族學手支持今次主要食酸辣米線，說真的味道不過不失，米線偏淋。配料(芽菜肉碎酸菜)份量足夠。 唯一較特別是排骨是相當特色，以炸方式處理，味道入味，算是必食之一。另外，豬筒骨湯麵味道保持水準，只是食時麻煩，若有手套會更佳。可是服務態度及質素每況愈下，語氣不算有禮以及很急的樣子。

在讀書時期，放學經常到葵涌廣場閒逛。最常吃的就是小雨天的米線了！畢業後也經常幫襯，算是一份珍貴的回憶。今天約了友人在葵芳見面，約會過後，獨自一個又來到了葵涌廣場三樓的小兩天。該店的座位比較陝窄，環境一般，但就是這樣也人山人海，可見很多人也是跟我一樣來重拾回憶的。由於午飯時間，需要等位，過了數分鐘，才擠了進去拼桌。跟伙計點了個中辣的滑雞龍蝦丸小窩米線。滑雞還是老樣子，少骨，煙韌，滑溜，龍蝦丸就沒甚麼出彩地方，都是交貨來的，配菜份量很足，酸菜味道一流，但中辣湯底稍為不夠辣不夠過癮。總括而言，性價比算是較高的一間平民店，當然就別指望坐得舒適了。

手腳紋身綁馬尾女侍應態度非常差，客人舉手示意落單，她大聲說等等啦，要咩講，繼續繼續，嫌客人講得慢，於是我秒速講曬，女侍應又話咩話等等等等，聽唔切，又要客人快講，當我扲餐具，她路過係我耳邊大聲講扲咁多，我當時係4人用餐的，當然不只我們，其他人都用同等對待，同樣是被大聲呼喝的，極度無禮，當我們其他店員老闆在不在時，她們說，老闆通常關店才會到，希望老闆能正視此員工惡劣態度問題，如果立即處理，大家可以選擇隔離舖的鄧媽媽水餃，這間水餃的食物和環境更舒服，最重要的係，不用受謂的氣！大家可查看葵涌小雨天的食客食評，大多都是遇到這個店員態度差的問題，謝謝！

落單串到爆：有個紋身女職員超串，說話態度明顯唔想撈。對人呼呼喝喝。可惜老世不在鋪。一定冇下次。⋯離曬譜的服務態度。非常後悔入咗嚟坐。隔離嗰間服務態度好好多。如想幫襯讃三思！

小雨天的味道，10多年都沒太大改變。豬骨湯仍然濃郁，豪仔肉碎粥依舊有好多料。唔同的係我帶多2個小朋友黎食。佢地都話好好味，而且下午茶仲有野飲送。睇下圖片就知足唔足料？莞茜多多，仲意食一定正。好彩店舖大，但差點無位。

小雨天次次黎葵芳如果去小雨天都必叫小窩米線$42和豬軟骨湯飯多菜$45，又平又抵食！多年來味道保持水準！值得讚賞。👏🏻👏🏻今晚和醫生朋友分享醫療危疾保障之餘，帶她食經常行過但未食過的小雨天，可惜米線小辣變清湯，這樣都不要緊，我們自行落辣椒油就可以了，但服務態度認真not good😌，需要多多改善，今晚那位姐姐將碗湯飯的動作相當粗獷，嚇到我們兩個女仔互相對望一眼震震驚🤯向姐姐發出請問好像見輔導主任。不過之後我們自顧自聊天，一掃恐懼，食物好味還好，最後捧住飽腹回家去😊

最近春雨連連，在小雨天下，想起葵涌廣場的小雨天。 😎雲南風味小窩米線，米線裏面已經有五種配料，自選餸料每款另加$6早有耳聞這裡的滑雞十分不錯，所以我點了滑牛和滑雞。說真的，滑牛嫩滑，但味道有點平庸。不過份量絕對對得起另加$6。但重點是滑雞，我期待已久的滑雞，入口鮮嫩，而且吃不出冰鮮味，滑雞的雞皮肥而不膩，回味無窮。同行友人叫了豬大腸，滑雞和排骨，不過服務員在下單的時候，忘記了寫下排骨，所以排骨只好另上。雖然服務員忘記了寫一個餸，但服務整體上殷勤有禮，後上的排骨還看得出是剛炸好的呢 。下午茶時段還有飲品贈送，兩個人食剛好$90。因為太期待滑雞，加上太肚餓了，所以忘記了「相機食先」。

今日晏晝向葵廣度行，見到小雨天好似好多人咁，仲以為好好味，點知...... 因為武漢肺炎疫情關係，所以捒左外賣去佢屋企度開餐。我同我個friend 嗌左咖哩雞翼飯同埋豬大腸米線。咖哩-唔知點解有陣羶味，4/10。雞翼- 好正常，除左有隻好細，5/10。薯仔-好難食，又硬又有陣怪味，2/10。湯底-好大陣臭味，又淡，1/10。豬大腸-好正常，5/10。麵線-又淋又唔彈牙，3/10。中伏，已經叫其他人唔好黎呢度食，自己亦唔會再黎。一字記之曰：嘔。