小雨天 (葵涌廣場)

营业中

休息中

成日行過葵芳廣場都見到有好多人食，又唔見佢咁多年都屹立不倒以為好好食，咁就入去試吓啦，點知中咗伏😵‍💫😵‍💫其實入到去都覺得伏伏地，有烏蠅周圍飛，不過佢係老店舖，諗住環境唔好，食物都應該OK，咁都照叫啦😅我叫咗豬腸雲南風味小鍋米缐，佢話可以選大中小辣但係完全冇問過我就走咗，結果同佢講要加辣佢就話加枱面嗰啲辣椒油就係啦，因為佢哋都係加嗰啲係一樣既🤷🏽‍♀️🤷🏽‍♀️咁我打開個辣椒油加咗落去啦，點知個辣椒油係超重油益味，而且唔辣。本身碗米線已經唔好食，仲要加埋益咗嘅辣椒油就更加難食🤮🤮至於個豬腸係梅嘅🤢呢碗都可以話係我食過最難食嘅米線😩😩最後食咗三份一就放棄咗啦😵‍💫😵‍💫唯一可取嘅係佢個餃子算幾大粒，好食嘅，但係個湯底就完全唔係嗰回事，所謂嘅骨湯，淡而無味😑我平時都好少比差評，為免有人中伏都係打出嚟俾大家睇吓啦，去唔去食就自己自行決定啦🙈🙈🙈

葵涌廣場一直係掃街嘅好地方 但自疫情開始已經好少喺街嘅小食店 見到想食咩就買咩 然後即刻食🥲 戴住口罩掃街真係好唔慣呢間係葵涌廣場2樓嘅一間老字號泡飯米線專門店 店舖裝修亦比較舊式🍲 店舖空間咁就爭咁啲 但係的確有好多座位 而且店員好主動咁邀請你入內進食豬軟骨湯飯呢個幾乎每次嚟都會食🤭 豬軟骨同埋娃娃菜煮好放入豬骨湯內 同白飯係分開裝嘅 客人可以按自己嘅喜好來炮製幾軟身嘅湯飯 豬軟骨份量都幾多 而且煲到腍晒每一舊軟骨都咬得開🐷 娃娃菜亦都唔少 食呢碗湯飯真係飽到行唔郁㗎骨湯蠔仔肉碎泡飯湯底同豬軟骨湯飯嘅湯底一樣 味道唔會太鹹🥄 呢碗泡飯係一碗咁上 蠔仔肉碎飯粒全部都喺晒湯入面 唔不上黎睇幾乎睇唔到有任何材料 但係一放隻匙羹入去就會發現其實都好足料🦪 凍奶茶下午茶時段兩點至到夜晚七點 呢段時間惠顧任何泡飯 主食都會送冷熱飲☕️ 我同友人就嗌咗凍奶茶多奶 味道都唔錯㗎下次如果嚟到葵涌廣場諗唔到去邊間餐廳食都可以考慮吓呢間泡飯專門店🥰 唔鍾意食泡飯都可以食米線㗎

Haven't been to Kwai Chung Plaza since I moved so today we went there for a quick meal.I wanted to eat something without a queue, so I went to back to this place I used to go once in a while. Ordered beef brisket with sour cabbage and dumplings noodles.The food tasted the same as 3 years ago. The food is okay not the best and not the worst. I go here if I want something warm.

好耐無去過葵芳，今日去葵芳睇戲，睇戲之前順便去葵廣食好耐無食既「小雨天」。行開葵廣既朋友仔對「小雨天」一定唔會陌生，個橙色既招牌絕對係signature。一如既往，今次去到都係坐滿哂人，大家都係要背貼背咁坐🙈今次叫左蠔仔肉碎出前一丁加滑牛，基本上每次黎到小雨天自己都會叫依樣，因為本身個麵個湯已經算香濃，加埋蠔仔果種鮮味，個湯更加好飲。但係今次感覺上份量好似比以前少左，以前肉碎食極都好似仲有，但今次食左一陣就無曬lu，可能我太肚餓😂另外自己都中意加埋胡椒粉落個湯，感覺會更加香同會忍唔住飲曬個湯。

中學時期放學鐘意去小雨天食小窩米線🍜好耐冇食小雨天，特登過去幫襯下叫左豬腸同雲吞，今次試下叫雲吞，之前未試過大大粒雲吞，食到雲吞時就大飽眼福了，味道回味無窮如果係食肆遇到咁嘅情況可以點做？我只係同店員講返，佢見到都好驚訝，只係換咗碗米線俾我

去葵芳搵開朋友食飯，就求其搵下有咩食，度度都多人，見小雨天唔洗等位，聽朋友講原來佢中學年代已經食過，真係歷史悠久，我黎左葵廣甘多次都未食過就試試佢啦。由於唔係好肚餓，我就係揀左雲吞一個餸，朋友就揀左雞翼、滑雞同腐竹。d雲吞原來唔係我想像中既金魚尾雲吞🙈，係上海雲吞黎，雲吞既摺位比較厚，以致有d位好硬，入面係包左韭菜豬肉。而朋友都分左d餸比我食，腐竹正常，個人覺得腐皮配米線係夾d。滑雞都真係幾滑，唔會有雪味，雞翼係豉油雞翼嚟，甜甜地，我幾鐘意。米線份量都幾多，總括黎講就係街坊口味，無伏都無特別出色，醫肚之選。

閒日既夜晚，9:15pm咁上下諗住食個快米線見呢間野陪住我大，中學時期勁多同學仔黎食決定去試下，冇諗過可以差到咁首先服務已經很差幾個職員眼定定望住我地行入去搵位搵到個近水吧既位，諗住坐低就大聲叫我地坐返出嚟門口咁頭先我一行到去門口時，你唔叫住我？吾緊要～我好nice nice既用5分鐘睇下餐牌，諗下叫咩餸跟住叫個職員黎落單佢用同自己講嘢嘅聲線，同我哋講：10點正要關門，未食完都要起身咁點解唔一早講呢？等我哋睇晒餐牌、傾晒食咩，你先講呢？吾緊要～呢啲都係少事心諗快食碗米線3-4個字都食完，吾怕好，兩碗米線到咗豬大腸爛到好似有人咬完，吐返出嚟俾我食咁有兩舊係完整靚仔嘅，但係未熟嘅👍🏻啲貢丸都吾野少從未食過咁難食嘅貢丸朋友果碗仲勁叫走蒽走韭菜，完全冇走到仲要勁多撈埋左喺米線入面，好難夾返出黎朋友話啖啖都有蒽同韮菜嬲到佢噴火張單係有寫明走韮走蒽但明顯廚房求其整朋友仲嗌左魚蛋，但只有一粒真係魚蛋另一粒係豬肉丸，同埋一粒入面有豬肉餡嘅白色丸心諗唔食得豬肉嘅人點算咁就比廚師fake左，破左戒啲所謂嘅炸醬，其實只係劣質肉操，勁「鞋」整體來講，兩碗米線都好難食我哋各自食左一半都冇，就埋單食緊既中途，有班

_____好味指數：🌟🌟抵食指數：🤑🤑🤑好多人聽過葵廣應該就係出名掃街，可以坐低食嘅餐廳真係唔算多。最近做嘢忙要臨急臨忙食飯，但又on diet緊要食清淡啲，於是乎就揀咗佢。不過老實講佢個位置除咗係正新都會去葵廣個入口隔離比較方便之外就好正常，同唔知點解嗰邊成日有種好奇怪嘅味道，唯有坐耐啲習慣佢✅骨湯椰菜豬肉餃子上海麵湯底比較淡，餃子幾大粒，食落皮有少少厚，餡多但味道普通，上海麵口感都好正常，係有少少酸菜吊下味咁。如果你想食清啲呢間或者適合你

「小雨天(葵涌廣場) 」—————————————————店舖地址：位於葵芳葵富路7號葵涌廣場2樓C33A-C37號舖—————————————————叫咗一碗雲吞牛肚米線, 普普通通😌

係香港如果要搵一個點最似台灣夜市既，我一定會揀葵廣！食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)小雨天，其中一間葵廣坐喺度食既餐廳，多人到一個點應該有原因既，環境迫啲，餐牌算多選擇，以米線、湯飯同餃子為主，豬筒骨湯飯吸引到呢但為左掃葵廣放棄咗豬骨湯滑雞排骨小鍋米線，上枱大碗到傻，份量驚人，餸既量都係驚人湯底ok，無味精純豬骨，但比想像中無咁濃，小小失望，好彩係小鍋所以有酸菜等配料提味，米線正常先試滑雞，相當好味大舊啖啖肉而唔肥，好嫩滑，唔係靠湯味而調味都好正排骨就幾好味但多粉，不過都唔錯既骨湯椰菜豬肉餃子米線，依舊好大碗好多餃，餃子好大粒，食落皮小小厚，多餡，味道普通湯底因為唔係小鍋，更淡，算係唔太會再食既米線，可能韮菜會好啲總計，份量真心多到傻，如果平常買個晏就咁食好抵小鍋都唔錯，滑雞係必食而令人好想好想叫佢個蒜泥滑雞識叫既都唔錯，所以要睇我食評#早知食豬筒骨湯飯少飯#小食先係王道

好耐無去葵廣行街，突然諗起小雨天既湯飯好想食，於是就去懷念一下。呢間小雨天由中學時期已經成日食，上菜算快靚正，坐底即點左3樣野，分別係凍檸茶，骨湯腐竹滑雞泡飯，骨湯豬肝上海麵同埋蒜泥白肉。3樣野食都勁大碗，勁大碟。湯底仍然咁正，雞夠滑，豬肝就一般，覺得有D過龍，上海麵就幾好食。蒜泥白肉保持水準，肥瘦均勻，我唔太食得辣，叫左小辣，有鹵水汁底，再加埋蒜蓉同芫荽,味道一流。另外叫左杯凍檸茶，茶味就偏淡。整體黎講都同以前一樣，保持水準👍🏻👍🏻

葵廣除咗掃街之外坐低食嘅嘢都唔差，離完見到好多人，好好彩地行到埋去都有位坐。米線好足料，鍾意食辣嘅可以再加辣，米線跟餸揀左腩肉，同樣都非常多。另外叫咗個韭菜豬肉餃，皮薄喊靚又多，大大粒一啖食晒超滿足。米線同餃子都仲有嘢飲，凍飲唔使加錢，好抵食。價錢唔貴，料有好多。唯一不足嘅地方係凍檸水個檸檬冇味，得到爛晒都唔酸，好似飲緊糖水咁。不過餃子真心推薦可以一食。一碗米線一碟12隻餃子兩個人食啱啱好，食到好飽。如果仲想掃街就食少啲留肚啦

I ordered the take away siu wo rice noodle with wontons and pork tender bone. They give a free drink for takeaway. The free ice lemon tea was large too. The portion of the noodle was large and it was worthy.

💬 今天又到了葵廣，選擇了在「小雨天」進食午餐，這間店是葵廣多年的老字號餐廳。因近年來在葵廣吃小食、新式食物吃太多，這次就決定吃得清淡一點！🍽滑雞雲南風味小鍋米線 HKD 30配菜包括：炸醬、酸菜、芽菜、韮菜、莞茜。十分足料、份量十份足夠。滑雞十分嫩口，皮不會太厚 (不需花時間把皮咬走)。最值得讚賞是芽菜不會太生，(相信大家都試過吃米線時因為芽菜味道太生而拒絕吃，這裡不會有這個問題)，而且米線並不會太油，大家若然到了葵廣想吃一頓飽肚又不高熱量的午/晚餐，可考慮這裡。⭐️評分：4/5味道 ★ ★ ★ ★ ☆環境 ★ ★ ★ ☆ ☆抵食 ★ ★ ★ ★ ☆服務 ★ ★ ★ ★ ☆

葵廣小雨天, 個個都聽過呢個名啦。細細個已經見過呢間野, 今日終於試食。-叫左個滑牛冬菇麻中辣米線佢都真係好大方,比左好多滑牛同埋冬菇,最怕食米線, 食食下無哂D送 T_T 。滑牛幾好味, 幾淋同埋有牛味。冬菇細細粒, 但都爽彈。-湯底就一般般啦, 因為佢個辣味,係來自佢個辣油架。叫左個蒜泥白肉都係用同一個辣油,所以辣味就比較單一啦!-但overall都係一個正正常常可以一吃的米線 (- u -)’Lunch平食恩物 ~