少爺18 (已結業)

今日難得一次嚟到沙田市中心 咁平時好想去沙田嘅所以呢我都冇乜點特別搵吓食咩啦，求其去到一間就是但一間食啦跟住路過見到一間叫做宵夜，18呢間應該係食星馬嘢嘅求其點咗個菠蘿炒飯同埋個星洲米嘅味道係一般般，所以呢間最大嘅酒店呢就係唔使等位一嚟就有位坐個菠蘿炒飯呢份量唔算太大，但係價錢亦都唔平炒麵質素都唔係好好如果金邊粉呢食水又唔夠味道好一般所以總結嚟講呢間嘢性價比唔高，唯一一個優點就係唔使等位一去到就有亦都知道係因為味道一般，所以都合理地唔使等位嘅

香港好少有新加坡菜食，去到少爺十八最鍾意食嘅就係佢嘅肉骨茶，佢d豬肉炆到好林，好易食同d藥材味入晒d豬肉度🤤🤤仲好中意食佢地既肉碎雞蛋夾餅，個皮好鬆脆，好味！

少爺18☺️多得林太唔少明明係假期，但周圍咩都冇開，好多餐廳一係冇開，一係閂門⚠️食物：⭕️小食：花生+炸魚皮$12坐低就上左小食，都開胃既。口痕咬下又未上菜都唔錯！⭕️招牌海南雞飯 $99包油飯、例湯海南雞好鬆軟份量岩岩好 兩個小朋友share一份 🙌🏻⭕️椰香海鮮喇沙 $98喇沙個底好香，但就唔太覺有椰香味料都好足，蝦都有三隻。⚠️環境：雖然係假日既中午，但成間餐廳得三枱。耳根清靜幾舒服。⚠️價錢：加埋一 $250

諗住簡簡單單咁食個晚飯，要喺新城市揀一間餐廳冇乜人排隊，可能依家個位置比較入，所以唔算多人，入座率八成左右，跟住睇真d ，好似係主打星加坡菜，睇吓餐牌，非常有趣的餐牌名稱，（生死戀= 新鮮魚清蒸鹹魚）美祿哥斯拉，聽個名就知道邪惡大家得閒可以去試吓，味道有驚喜喎，條魚都幾新鮮跟住佢個蛋黃軟殼蟹，真心覺得幾好味，唔多油又脆香新鮮，只要你冇喉嚨痛都可以食下，炒貴叼不妨可以叫佢少鹽因為佢都偏鹹，兩個人食都幾飽，質素唔錯，下次可以再去。

每次同班同事諗唔到lunch食咩 就好大機會係黎食少爺18有時太多人驚等位，我地會係公司用新城市個app到攞位然後慢慢遊蕩到餐廳基本上每次黎都係食個幾樣，海南雞飯/星加坡肉骨茶今次講左海南雞先招牌海南雞飯不得不說雞皮上既處理上做得好好d雞望落去會有少少白切雞既感覺但其實係唔一樣既少爺18既雞皮同雞肉口感都算緊實，皮滑肉嫩食過幾次，俾既雞d部分每次都唔一樣，但overall黎講，雞肉都滑既，冇食到柴既雞海南雞飯三寶醬既味道亦都幾正宗，甜醬油，薑蓉，辣醬。個人黎講最鍾意薑蓉到個飯喇，顏色係米黃色，所以係雞油飯。d雞味香氣幾凸出，使用既應該係泰國米，比平時既硬d，形狀長d，米飯做到粒粒油潤分明，又唔會太油膩，配上海南雞飯，真係正呀～可惜個湯好奇怪，一飲就知係味精湯，而且每次d鹹淡都唔一樣，有次飲到味精濃度極高既雞湯之後都有陰影，個湯可能唔飲/飲兩啖算，呢到減左少少分。同事話印尼炒飯同星加坡肉骨茶都好味～下次會再黎試

沙田新城市食肆臨立，大部份都吃過了，今次來這間試試先。餐牌款式頗多，不過我有選擇困難症，所以唔想諗就叫了二人餐，因為想食嘅餸都有齊曬。滋味2人餐 $328沙嗲拼盤(6串 雞牛豬 每款2串)炸蝦棗香脆腐皮卷招牌海南雞 魚湯浸時蔬原盅新加坡肉骨茶(白胡椒蒜頭)原盅馬來西亞肉骨茶(藥材)原盅新加坡肉骨茶(白胡椒蒜頭)喝一口好像吃了一啖胡椒粉一樣，味道勁濃湯底香甜。招牌海南雞，雞皮好肥美肉嫰醬汁三款隨意選擇。魚湯浸時蔬，湯底清清蔬菜鮮甜。沙嗲拼盤， 雞牛豬各兩串，串燒燒得剛好唔太老。炸蝦棗，香脆腐皮卷各有特色。

今日公司超多野做呀！放工已經成8點超肚餓，同事平時係少爺仔唔捱得肚餓，所以話要食埋飯先返屋企喎！餐牌有好多選擇睇到眼花撩亂，快選個二人餐吃吧！新產品好似幾吸引餐前小食 - (花生同魚皮) 原盅馬來西亞肉骨茶 (藥材)藥材味超濃郁，豆卜冬菇非常入味，排骨燉得好腍。原盅新加坡肉骨茶(白胡椒蒜頭)白胡椒味超出，喝一口好攻鼻呀！炸蝦棗，一般都彈牙。香脆腐皮卷，包到好似粒糖咁幾得意，腐皮脆脆。沙嗲拼盤 (6串，雞 牛 豬 各2串)招牌海南雞，肉質幼滑幾嫰。魚湯浸時蔬，吃完油膩食物吃番啲蔬菜就最好喇。

餐廳位於比較入的位置，較難發現。自從在新加坡試過肉骨茶之後，都沒有在其他地方試過。這間餐廳的肉骨茶有濃厚的的藥材味及胡椒味。湯的顏色呈深啡色，應該放了很多藥材。喝了數口湯 ，入口不算油膩，除了有四大塊肉排， 食材還有豆卜、冬菇。因為有肉排， 伴餐還甜醬油、油條粒、一碗白飯，味道不錯抵食。喝完整碗湯，感覺身子有點暖，還有點飽腹感，如果冬天吃應該十分補暖。可能這裡位置比較深入，午飯時間仍然有很多空位，這裡環境舒適，位很多，慢慢坐也不必再意。

之前經過呢一間餐廳一直都好想試吓，然後今日就的起心肝去食啦。入到去見到個菜單價錢比我想像中平，作為沙田新城市廣場嘅餐廳來講呢一間都算係咁，食物樣式多樣化，而且味道都唔會太差。我叫咗海南雞飯，一個類似油炸鬼嘅食物，同埋薄餅，仲叫咗一個佢哋推介嘅喇沙。個海南雞無骨同埋有雞髀位，油炸鬼就到脆嘅，幾好食，個人最喜歡嘅薄餅入邊係有肉鬆同埋煉奶，其實都幾飽可以作為一個甜品，咁除此之外嗰個喇沙都好濃味，佢嗰個喇沙有啲似喺新加坡買嗰隻公仔麵嘅喇沙，都幾多料。

有成一年左右冇嚟過呢一度食，今晚同太太行街諗住見呢度唔使排隊喎，(其實個心都有少少擔心)不過以前食開過得ok咁就最入嚟咗喇我叫咗一個海南雞飯太太叫一個串燒印尼炒飯。海南雞飯食落口比以前左 d肉質好似唔太新鮮，個前菜咸蛋魚皮一啲都唔脆😑仲淋淋地。好啦我哋諗住都算啦跟住個串燒印尼炒飯超耐先來。。。個串燒印尼炒飯入面串燒係ok嘅，其他的不過不失，覺得成餐飯最好嘅就係佢跟餐嘅嗰壺茶葉茶😎壼茶係最好飲嘅👍其他嘢都係一般水準啦。

呢間係第二次食啦！鋪頭係較入既位置，較少人發現，同時亦係佢少人等位既好處呢！呢度環境都舒服既，兩個人，一班人食都ok！嗌完野食就上左茶同小食個中國茶好香，味道好特別！炸魚皮亦冇得輸啦！不過，呢兩樣，係要錢架！$6 一位茶，$12一碟小食～～肉骨茶好味道！好多料，肉都有4大舊，淨食肉都飽😂海南雞飯就一般啦！啲雞幾好食既，不過飯就麻麻啦。因為飯係海南雞飯既精華嘛！但佢似普通飯，油味唔夠。。差咁啲☹️呢個手拍餅幾好食，食最簡單傳統既加咖哩汁都已經好食😋

平時多數食lunch, 第一次食晚飯。一坐低好快就上左碟小食（未落單前），留意返係收錢既~$12一碟 按人數而定既被迫消費 成碟都好咸黎食新加坡菜，海南雞飯係必點，雞好嫩滑唔會好油，但個油飯有啲失望，唔夠油香~健康啲點都要叫碟菜既，但馬拉盞通菜真係好咸下次都係揀清啲既煮菜心肉骨茶我其實比較鐘意食新加坡既白胡椒味多啲，但友人怕辣就點左馬來西亞既藥材肉骨茶，份量好多，好多藥材好足料，排骨亦好大件好林小食就揀左炸香蕉，幾欣賞呢度既炸物，望落唔油，食落亦不油膩，減少罪惡感😂炸香蕉外脆內軟，但但個醬係咸既，又咸又甜我就建議唔好點醬食喇！酥餅有驚喜，夾住好多料，皮脆唔油膩但又裝到啲餡，唔會一路食一路跌~少爺18真係食過唔少既次，但今晚既食物大多都偏咸！

晚上9時多入座不用等位，點了海南雞半隻，魚蛋湯麵還有上湯菜心。 先說魚蛋湯麵，魚片魚蛋好像吸水太久完全沒有彈牙口感，水汪汪似的，沒有鮮味，米線粉量少也煮得過久。 88元這價位對此水準有點失望。 招牌海南雞，是最令人失望的，雞偏肥也偏咸，肉質差似是解凍過急所造成。 二人共消費354元，令人失望的晚餐。

晚上跟朋友到沙田新城市廣場吃飯，看到少爺18人流較少，不想等位下便試試。我們試了餐牌上沒有的蝦麪，麪底有油麵和米粉，相比之下個人較喜歡米粉，因為米粉掛湯較多;至於湯底，滿有濃濃的蝦香味，味道不錯😊材料有三隻拆了殼的蝦，半隻蛋等，喜歡吃蝦的朋友可以試試!

之前去咗葵芳店，覺得好食，嚟到沙田見到咪入嚟重温吓。叫了海南雞飯，新加坡肉骨茶飯，同埋沙茶牛肉炒芥蘭飯。牛肉飯賣相唔錯，啲牛肉un嘅，諗住1，2塊就算，點知半碟都係咁，失望!海南雞不過不失，但伴菜菜心就生咗少少。肉骨茶嘅肉骨唔夠入味，湯只有胡椒的辣，味道不似預期。雪梨茶就偏甜。同一間集團，質素可以差咁遠?!服務態度一般，當日用餐時段非繁忙時間，餐廳亦非滿座，但侍應就係舉極手都睇我哋唔到，好彩我哋唔趕。