尚味

营业中

休息中

燒生蠔好新鮮，無異味飛魚子香腸，咬落去卜卜聲，特別推介👍🏻芝士牛丸，芝士多到爆出黎最特別嘅係燒饅頭，有少少蒜蓉香味，加埋煉奶，仲好食過平時嘅炸饅頭。比起其他嘅車仔麵店，環境比較乾淨，廚房係開放式可以睇到串燒嘅製作過程。

呢間鋪頭有車仔麵、串燒同糖水食，好多種類🥢車仔麵三餸一菜都只係$30, 再加就$7一個餸，加粉/麵$10, 湯底可選咖喱汁、腩汁、沙嗲汁、麻辣汁，我覺得車仔麵選咖喱汁最有風味我叫左成十幾個餸好放肆🤣餸叫左雞翼、豆卜、蘿蔔、炸魚皮、冬菇、咖喱魷魚、豬皮、牛肚、炸枝竹、黑椒牛丸、山根、白菜、生菜每一樣餸份量都唔少，而且新鮮夠味。另外仲點左燒茄子、燒生蠔、燒芝士翠玉瓜、燒羊肉串燒茄子係原條上，蒜蓉好多好香口🍆生蠔好大隻好好味😋羊肉串好厚肉，上面落左孜然粉好正翠玉瓜都好爽脆、上面仲有好多芝士添。食咁多野價錢都只係二百幾蚊，認真抵食

好耐無食過車仔麵 之前成日行過 今日經過旺角見肚餓 就同屋企人去左尚味食車仔麵雖然店內位置吾太多 但好乾淨同食得舒服 好驚喜見到一間鋪有唒車仔麵、串燒同埋湯水可以一次滿足3個願望😗車仔麵好抵食 HK$30 3個餸一菜(之後每個餸$7)加埋麵底 都係大約$40蚊 真係平靚正 (湯底有沙嗲、咖哩、腩汁同麻辣)今次叫左3碗吾同湯底總括黎講 麻辣吾太辣 所以鐘意食辣嘅朋友可以吾夠喉但腩汁同沙嗲吾錯啲餸都幾入味 overall好滿意另外叫左韮菜豬肉煎餃 由於係即叫即煎食落熱辣辣 所以好juicy 👍🏻👍🏻串燒都係即叫即燒 配左七味粉真係Oishi😋但由於食完車仔麵已經太飽 所以已經食吾落甜品 下次有機會再試下先😗

一向喜歡吃車仔麵，剛好有朋友推介我試一下旺角的尚味。車仔麵基本套餐為「3餸1麵1菜1湯底」盛惠$40🌝我和朋友們分別點了：🍜咖哩魷魚、牛腩、豬皮、油麵、麻辣湯底🍜蘿蔔、豬軟骨、豬大腸、粗麵、咖哩湯底🍜南乳豬手、鳳爪、牛筋、河粉、沙嗲湯底配餸：咖哩魷魚、豬皮、蘿蔔及豬大腸入味，牛腩、牛筋、豬軟骨、豬手及鳳爪軟淋，還不錯Der!份量：大大碗，價錢幾抵食另外，我們更點了燒烤和煎餃子。煎餃子分別有韭菜和白菜豬肉口味，兩款都幾多汁，而燒烤則點了金菇肥牛卷、雞肉串、汁燒和牛粒、燒饅頭、秘製豆卜及燒豬頸肉。燒烤即叫即燒，沒有偏咸，配上孜然和辣椒粉，幾香口。

環境👍🏻👍🏻👍🏻👍🏻👍🏻新淨，鋪面清潔又濶落，坐得好舒服。而且廚房係開放式，見到好乾淨衛生，企理所以好放心入去食食物👍🏻👍🏻👍🏻👍🏻嗌左三碗唔同餸嘅車仔面，都好大碗一定要推介嘅係冬菇，夠入味，而且都有成4,5粒，一啖一粒雞翼，好大隻，味道唔太咸牛腩，份量都好多，大大舊，腩味夠蘿蔔，冇渣清甜其他餸都好夠份量，食極都仲有飲品👍🏻👍🏻👍🏻👍🏻嗌左凍檸茶，冇少甜少冰味道啱曬我口味，夠茶味，檸檬有成4,5片！#尚味#車仔麵#eatkids

前幾日難得放低個女陪左老公出去踢波夜晚當然約埋班朋友去食埋野啦放便大家我地就落左旺角去到見到呢間叫尚味嘅車仔麵仲有串燒都幾有特色一於試下先哇！竟然有我最愛嘅咖哩魷魚丫由三餸一菜都係$30所以我就叫左咖哩魷魚大腸、蘿白同韮菜再加多杯豆漿咖哩魷魚好爽口真係好好食丫大腸又夠淋夠入味蘿白仲好甜Tim 至於汁有4款可以揀麻辣、咖哩、沙嗲同腩汁無辣不歡嘅我當然揀左麻辣啦另外我地都叫左少少串燒牛丸、牛舌、豆卜、雞腎、羊肉串仲有雞泡魚干我自己最鍾意係羊肉串同豆卜羊肉夠哂味又唔會好韌豆卜先利害味道甜甜地燒得一啲都唔乾我地果晚差唔多晚上10：00多先去食但仲有好多人食緊我地一行8人坐得都好舒服唔會好迫大家如果平時去開旺角或者收工都可以去試下架佢地仲開到好夜tim架👍🏻👍🏻

#cal_food有得揀 一定食車仔麵車仔麵嘅款式多而且可以自由配搭啱曬選擇困難症嘅我😳今次帶埋朋友去到旺角尚味除左車仔麵嘅選擇多仲有甜品/串燒/餃子menu可以一次過點曬想食嘅🤤-車仔麵($40起) 配搭真係超多✨有7款麵 33款餸 4款汁 3款菜可以隨便叫~而且感覺好齊全💥我夜晚去食嘅時候都依然有供應🥰我試咗牛筋牛肚午餐肉粗麵牛筋牛肚都幾chewy而且牛嘅味道唔算太濃牛筋有一種外脆內軟嘅口感都容易咬開 所以唔會好韌牛肚嘅口感好爽口💛粗麵嘅麵質係扁而闊所以可以有多啲咀嚼-韭菜豬肉煎餃($44)餡料好豐富☺️豬肉同韭菜嘅比例大概係4:6✨啖啖都食到豬肉同埋韭菜😌調味方面唔算太濃點埋個醬汁更加好食😋即使係煎餃 都唔會覺得好油膩-甜品方面 一共有大約20款可以揀😍都有一段時間無食過西米露有少少掛住佢嘅味道所以我試左芒果西米露($38)芒果味都幾濃 幾清甜🥭西米軟硬度適中 唔會太硬 太淋但係奶味可以得稍為重番少少🥳-小食串燒一共有49款💕款款都好似好吸引🤤我地點咗3款🙆🏻‍♂️下次經過嘅時候可以試下其他🙈🧀燒芝士年糕($28)🐤燒雞軟骨($15)🐽特製燒豬大腸($36)-評分: 7/10-🥢:

由旺角小米行出黎, 肚仔餓🙈見到位於轉角位嘅「旺角尚味車仔麵」, 望落好似幾企理👀-除左車仔麵, 仲有其他小食、糖水食~~點餐之後店員會收左錢先💲$28三餸一菜, 麵底另加$9/$11-💁🏻‍♀️雞翼 蘿白 豬大腸 韮菜 米線(麻辣)麻辣湯底唔錯, 麻而不辣, 唔算好香👌🏻蘿白有渣, 雞翼同豬大腸不過不失-💁🏻‍♀️牛肺 魚皮餃 豬紅 韮菜 油麵(腩汁)腩汁湯底正常👌🏻牛肺個味道同質感有啲奇怪😶魚皮餃同豬紅一樣不過不失-我會形容, 回頭率好低, 頭頂冷氣機仲要keep住滴水😅如果純粹想食飽個肚, 對食物無咩要求, 係ok的, 始終價錢唔算貴🤷🏻‍♀️

店出面寫28蚊3個餸車仔麵，原來麵底要再9蚊，分明唔老實！叫左蘿白、墨魚丸、牛筋，跟米線，難食到不堪！每樣餸得幾粒，墨魚丸仲要一分為二咁上，太慳啦下話，又唔係平。本身湯底係乜味，已經食唔到，因為係啲咖喱汁好辣。本人一向唔揀食，但呢碗真係我咁大個女食過，最難食嘅車仔麵！

今日 (19-4-2019 Fri)耶穌受難節落雨,同老公搵節目,要出o黎旺角,玩完後係時候食晏,我o地邊行邊搵,見到呢間有車仔麵,有糖水,重有串燒,我想食串燒,就入去坐,佐坐低後老公問店員呢個時候有冇串燒?店員答未有,夜晚至有.啊,咁我o地食車仔麵啦.我要o左$28.00o既三餸一菜,加$9.00要油麵,$7.00o既凍豆漿.老公費事諗,就要$46.00o既大雜車仔麵加一款菜,加$9.00要河粉,$7.00要汽水,兩個都要沙爹汁.落完單,飲品好快到o黎,豆漿唔係佢o地自己製造而係來貨,唔甜,味道亦清淡都算,但唔夠凍.然後老公o既大雜車仔麵到o黎,佢揀生菜o既,但俾o左白菜,我o地對吓啲餸,發覺漏o左咖哩魷魚,於是問店員攞返.而我o既三餸一菜車仔麵都到o黎,我剔韭菜o既,又係俾o左白菜,咩事?如果佢o地只係俾白菜就唔該出聲,唔係自己鍾意俾咩就咩,咁我o地做咩要揀?我揀o既餸係豬軟骨,貢丸同墨魚丸.豬軟骨有3件,好夠腍同入味,唔錯.其他都正常冇問題,油麵唔會過腍.沙爹汁唔會太辣.而老公o既呢?我食o左咖哩魷魚,豬皮,豬大腸,豬紅都正常.只係湯味唔夠濃郁.服務:我o地坐低後研究張紙,店員主

行開見到依間舖頭好似乜麵有咁樣咁就入左去試喇見到佢張紙寫左3餸1菜$28 好開心喇 咁抵食😂點知拎去埋單個陣就話依個價係唔包麵底🤦🏻‍♀️但佢又冇寫到明 算喇 餓都要食下嫁喇😂咁就叫左魷魚 蘿白 豬軟骨 生菜 米線 麻辣小辣魷魚好普通有啲un 咬左陣先食到 蘿白都算係唔錯清甜 都算入味豬軟骨好入味 但有啲油 比較有咬口多啲 同平時食開個啲唔同 冇咁林身🤣到個湯喇麻辣小辣味係冇囉仲要唔係麻辣醬佢係落左咖哩汁囉😂😂 佢唔係應該要睇下張單人地要咩先落醬嫁咩仲要由我落單到上菜都等左30 mins整體黎講我就覺得佢一般我寧願食第二間囉😂完全唔惦

每次路過都有留意到呢間餐廳，但我一直都無去食過。好啦！今日就決定入去試下啦！餸都算多，但蔬菜類選擇就少到可憐。我就點了白菜仔、豬大腸，魚皮餃及豬軟骨。飲品就點了王老吉（無影到）。合共46元。份量好少，如果男士黎食一定唔會夠飽。豬大腸唔算入味，而且切得好薄，無乜口感。豬軟骨唔太林，亦都唔入味。魚皮餃都是一般般。白菜仔同河粉屬實正常。整體而言，唔會再黎食。

同屋企人食完飯搵啲傳統糖水食下，經過見到有就試下。先唔講野食，服務態度已經令人反白眼。同佢講唔該落單，個阿姐拎疊車仔麵紙比我地，我地話想點糖水，佢既反應係怪責我地唔早啲講，個阿姐既態度已經令我地覺得唔舒服。點左5個糖水，其中一個係海底椰雙皮奶，個雙皮奶係水既液體狀，而唔係正常凝固膏狀，我地問係咪比錯左，佢地話係咁，上面係奶下面係凝固果層，叫我”不”落去下面果層，好可惜成碗野完全都係水狀。之後話換過比我，仲拎左另一碗凍既比我睇，但成件事都唔係食開果種雙皮奶，最後叫佢cancel退番錢。啲野貨不對板都算，阿姐同個疑似老闆娘仲要繼續撐，話有自己做法唔跟出面做法，繼續比說話我地聽。我真係見識少，食左咁多年都未見過水一樣既雙皮奶。就當你自創既，但根本唔係果樣野，咪唔好叫果個名誤導人囉。總之哩間野一個字，伏! 想食左背脊骨落既即管試下。

夜晚經過依間野，見個位置就腳，而且有位坐就試吓，不過要坐係商場電梯口夾硬加嘅位。叫咗個三餸車仔麵（牛腩、芝士腸、魚皮餃），選左腩汁湯底，落完單等十五分鐘先到。啲粗麵好林好霉，腸仔都竟可以難食，湯底無味...另外同伴叫了另一個三餸，無牛腩仲大穫，明明選左腩汁湯底，但就好似清湯咁...一路食仲要一路聞住街邊啲二手煙，完全中伏，千祈唔好試！另外見到有個人叫外賣，坐係到發呆咁等，等到我地食完都未拎到，效率好低..

千奇唔好貪平呢間野你以為平但唔乾__又唔用心整野食，勁大陣怪味，通常會問你食過未。未食過你就大件事唔想講太多中左伏再上黎認同我啦🤨不過要公平少少 食得呢類預左但唔好咁過份囉!!!!!!!!!!!!!!!!!!!!!!!!!!!!!!