尚味

营业中

休息中

同屋企人食完饭揾啲传统糖水食下，经过见到有就试下。先唔讲野食，服务态度已经令人反白眼。同佢讲唔该落单，个阿姐拎叠车仔面纸比我地，我地话想点糖水，佢既反应系怪责我地唔早啲讲，个阿姐既态度已经令我地觉得唔舒服。点左5个糖水，其中一个系海底椰双皮奶，个双皮奶系水既液体状，而唔系正常凝固膏状，我地问系咪比错左，佢地话系咁，上面系奶下面系凝固果层，叫我”不”落去下面果层，好可惜成碗野完全都系水状。之后话换过比我，仲拎左另一碗冻既比我睇，但成件事都唔系食开果种双皮奶，最后叫佢cancel退番钱。啲野货不对板都算，阿姐同个疑似老板娘仲要继续撑，话有自己做法唔跟出面做法，继续比说话我地听。我真系见识少，食左咁多年都未见过水一样既双皮奶。就当你自创既，但根本唔系果样野，咪唔好叫果个名误导人啰。总之哩间野一个字，伏! 想食左背脊骨落既即管试下。