影片
开饭介绍
本餐廳位於尖沙咀食肆熱點厚福街，佔地超過3千呎，地方寬敞，店內座位與座位之間有完全足夠之空間感，令每一個食客也可以享受用膳中的私人空間。
继续阅读
营业时间
星期一至六
12:00 - 15:00
18:00 - 00:00
星期日
16:00 - 00:00
以上资料只供参考，请与餐厅确认详情
招牌菜
環境: 枱同枱之間有好大空間, 坐得好舒服服務: 自動自覺斟水, 舉手好快有回應食物: lunch set~魚生片刺身定食 (大約有8件唔同的刺身~件件都係厚切又大件~仲要好新鮮~加埋D壽司飯真係好好食)串燒~牛舌(勁好食), 雞軟骨都唔錯, 雞翼同個豚肉就一般番薯天婦羅~雖然唔係好甜~但係個脆漿好薄~唔似平時果D成口粉lunch真係抵食好多~食完勁滿足
继续阅读
晚上出尖沙咀食飯, 看似大把選擇, 但其實真正好食抵食的不多. 就以厚福街為例, 成條街都係食肆, 不過由街頭行到行尾, 令我有衝動要幫襯的不外正仁里潮菜同唯一麵家. 星期六同老婆大人, 細佬兩公婆一行4人掃街, 竟然在厚福街街尾見到呢一間新食肆, 兩個女人齊聲要試試. 香港地幾時都係女人話事, 呢間就呢間啦.入到間餐廳, 格局舒適, 牆壁一組日本古代女性壁畫, 充滿東洋風味. 餐牌上真係應有盡有, 魚生壽司燒物天婦羅烏冬連羊架都有. 通常出品愈雜愈多, 水準一定參差, 但出乎意料之外, 這間日本料理的食物全都在水準之上. 4個人叫左:1. 雜錦壽司拼盆 (嘩, 超新鮮, 好味)2. 燒銀杏, 燒蒜頭 (是尖沙咀區頭3位)3. 燒羊架 ( 剛剛好, 肉汁豐盈)4. 燒牛脷 (yummy yummy)5. 蝦天婦羅 (漿粉可以薄D, 合格而已)6. 稻庭烏冬 (又滑溜又煙韌, encore)臨尾食埋個芝麻雪糕, 好滿足. 服務好, 價錢合理, 唯一是晚市沒有套餐供應, 對一般小情侶唔係咁方便囉.
继续阅读
上星期有朋友叫我落呢間鋪食晚飯，個朋友其實唔係幾熟，佢話知我鐘意食日本嘢，所以同我去，重話請我食呢餐當補祝我生日，其實我淨係鐘意食日本燒烤 – 好似盛八嗰啲，我唔食生嘢，所以魚生、壽司的料理一向唔係好like，不過人哋一番誠意，又唔洗錢就即管去吓，估唔到又ok喎！魚生- 我唔食，所以無得comment. 最令我驚喜嘅係佢哋嘅爐端燒，厚切和牛、雞翼、雞軟骨、三文魚頭、青椒、多春魚……食物類別同「和民」、「魚一丁」差唔多，但係佢有個特點就係所有嘢都燒到好鬆軟，有濃郁嘅燒烤味之外，食物仲入口即溶，尤其係啲和牛同雞翼，佢哋重整咗個特大Sushi 加爐端燒Bar，真係好有居酒屋feel。我哋仲食咗個尚品烏東，烏東啲texture勁正，有咬口得嚟又好入口即溶，應該有啲preparation要做先可以做到咁。之前好鐘意去盛八同伊呂波，而家發覺食爐端燒重好，師傅幫你燒梗燒得好過自己，而且食材又多啲選擇，唔洗淨係食牛肉。喺Bar頭邊食燒物邊飲Sake，真係好正。地方好新淨，幾舒服，waiter & waitress好後生好nice。價錢貴過和民啲，唔計飲Sake，兩個人都食咗差不多500蚊。(我個friend食咗好多sushi)
继续阅读
真係...高級價錢,普通質素...上個月見佢新開入去試..點知...話寫comment,但又太忙無左件事,今日見到本雜誌有佢地廣告,就記得要留番個comment..!其實0個度又唔係真係好難食,但係好normal. 我同朋友2人食三文魚,tuna,刺身,仲有唔同燒物同shusi.刺身價錢都算,但係又唔係好新鮮...好像supermarket 0個d..三文魚厚,但係唔係咩好野..感覺係唔值呢個價,我去其他區同樣價錢可以食到更好...燒物無咩特別.唔係特別香口,連鐘意食quail egg gei朋友食玩都無咩反應...唯一可取係個eel shusi.係好食gei!!!但係係$60一件! 咁樣,我不如去排下隊食其他野好過...個裝修都幾好,座位都好闊gei. 因為新,所以都clean...但係我同朋友0個日都唔係食得好飽,之後要去其他地方食過...唔會有下次就真...!
继续阅读