尚品餐廳

营业中

休息中

今晚經過康民街附近，我和孩子一起進來這間“尚品餐廳”吃晚餐。平時間中都有幫襯，諗起想吃“蒸魚餐”@柴灣區，第一時間就是諗起此茶餐廳。性價比高！新鮮蒸魚，限量供應，挺新鮮，即叫即蒸，多種食法，有：清蒸、豉汁蒸、古法蒸、薑葱蒸，隨你喜歡。小炒亦不俗，留意到晚上有幾枱是長期熟客，熟口熟面。餐廳環境雖不算很大，屋苑附近，都算就腳。職員態度友善，經理很有禮貌，隨叫就會來幫我落單，出菜速度都算快，值得再來。今晚孩子吃鰻魚火腿炒飯，有鑊氣，好味！我照舊吃蒸魚餐，豉汁蒸盲鰽，新鮮，正！

柴灣茶記唔算多，今日同個朋友響附近打完snooker就近近地搵間野食呢間茶記lunch既選擇都幾多，肉燥飯、撈米線、6款set lunch 同埋常餐特餐，今日唔係太肚餓，所以揀佢個常餐試試👍🏻。沙爹牛肉公仔麵配香炸蒜香條-一般茶記通常牛油多士，佢就多一個選擇就係蒜香條，漢底麵包加牛油同埋蒜，好香好好食，仲可以配多兩樣餸，我就加左餐蛋，佢既沙爹牛肉麵沙爹都幾濃味，牛肉都夠林，算係柴灣黎講味道cp值中上既一間茶記

今日午餐去咗哩間茶餐廳度食飯，叫左個最邪惡嘅黑椒汁炸雞髀飯。隻炸雞髀系即刻炸出嚟，所以熱辣辣好香口，裏面啲肉好嫩口嘅。另外黑椒汁配飯，呢個配塔都幾無敵，好好食架，另外配埋杯凍檸檬茶。

今日無聊走過門口 入面好爆 又多人 服務好 又夠笑容食物性價比高 叫左海南雞飯 好好味醬油都好標準 其他食物都好睇好食服務生即叫即有反應 我認為比其他相類似餐廳比較物有所值 可再去

每次去柴灣，都會係高威閣探個朋友，咁啱今日又去咗柴灣，就打個電話，問吓佢係唔係屋企，好在佢返早更，可以一齊食晏，選擇咗係屋企附近嘅餐廳，叫尚品，我叫咗一個有骨海南雞飯，加杯凍啡，海南雞飯尚算大碟，但雞肉麻麻地，但餐湯都好味凍啡都O K嘅，有濃郁咖啡味，同朋友傾咗成個鐘，係時候買餸返屋企煮晚餐啦。

尚品可說係柴灣某些屋苑及某些工廈一間好重要既茶餐廳，食物質素是幾好的，份量幾好，價錢合理，侍應也很親切，或許係因為大家都見慣見熟既街坊早餐方面，選擇頗卜，唔會因爲競爭對手少而粗製濫造，最喜歡之一有肉澡米粉，佢既米粉似江西米粉，不是粉要店那種，好吸味，所以配肉澡就好正另外多士餐有得揀厚多鮮油（鮮油當然貴啲），包烘得火喉很好，脆而不燶最緊要個杯奶茶☕️咖啡也非常出色最近仲新增埋支付寶付款，真係好貼心，最岩鐘意儲分既人雖然佢未去到有人會專登來食既地步，但真心欣賞佢用心為街坊服務

開左幾個月，食物有水準，今晚XO醬茄子牛仔骨，有六塊咁多，快靚正，早餐吃過幾次，質素可以，都係大份量！希望可以做耐D唔好咁快又執，因為晚飯時段得兩三枱客，始終係屋苑內，難做！

茶餐廳一般都係食吓啲沙嗲牛肉公仔麵，腿蛋丁咁.....偏偏呢間喺柴灣新開嘅"尚品餐廳"有新嘢 睇到個餐牌有個叫"日式豚角撈公仔麵"咁特別....就緊係要試下佢啦大約等咗十零分鐘碟嘢就送到枱面,估唔到一間茶餐廳竟然做到一個咁濃嘅汁我至唔鍾意啲撈汁稀吓稀吓咁，啲汁加埋個雞蛋黃撈埋又真係幾好食,舊豚角啲肉都好"林"食落唔覺肥膩都叫ok加埋杯嘢飲都係46蚊.但佢個海蝦炒米粉就差少少喇 汁唔多又淡味啲蝦仲要雪到冇晒蝦味。下次都係正正經經食個茶餐算啦.....