影片
港铁深水埗站 A2 出口, 步行约10分钟
继续阅读
电话号码
23338831
营业时间
今日营业
11:00 - 15:00
17:00 - 23:30
星期一至六
11:00 - 15:00
17:00 - 23:30
星期日
全日休息
公众假期
全日休息
以上资料只供参考，请与餐厅确认详情
今日去咗大角咀「尚发小厨」🥢，老板娘好热情🥰介绍咗佢地嘅招牌系烤鱼🐟同鸡煲🍲，今次就食咗佢嘅烤鱼🙌🏻！叫完嘢食就上咗前菜🥗，前菜系泰式无骨凤爪，凤爪爽口弹牙，酱汁酸酸甜甜🍋又少少辣🌶️，非常开胃🤤，去咗骨又食得好方便👍🏻！烤鱼上到枱要煮一阵先食得⏳，啲汤滚咗就可以开始食烤鱼喇！今次食嘅金香烤鱼系唔辣，卖相金黄香脆✨，好吸引！条鱼好大条🐠，煎到好香脆，仲啖啖鱼肉，肉质好弹牙🤩！汤底系南瓜蓉煮成啲🎃，所以就金黄色💛！配菜有薯粉，薯粉好烟韧弹牙🍜，吸晒啲汁，好好食🤗。仲有好多蔬菜🥬，有芽菜、莴笋🥒、冬瓜、莲藕、白萝卜🥕，全部都好清甜，仲吸晒啲汁，好入味🔥！仲有豆卜同腐竹！烤鱼嘅份量好多，配埋咁多款配菜真系食极唔厌😜！两个人食都已经好饱🫃。再加埋冻柠茶🧋，冻冰冰又酸酸甜甜🍋，啱晒解腻💦！呢度仲有其他辣嘅烤鱼🔥，仲有唔同嘅小菜同鸡煲🍗，仲有得打边炉🍲，下次一定要再嚟食下❤️！
继续阅读
呢间隐藏喺街角嘅烤鱼鸡煲专门店，店员个个热情好客，服务贴心周到！最抵赞系全日免加一，仲唔收开瓶费，啱晒一班朋友聚会饮两杯。菜单选择多到眼花缭乱，价钱合理，绝对系聚餐好去处！招牌酸菜烤鱼 🐟一上枱就闻到酸香扑鼻！成条新鲜烤鱼铺满自家腌制嘅酸菜，酸味自然唔刺鼻。鱼皮烤到金黄香脆，鱼肉嫩滑多汁，完全冇泥腥味。最正系个酸菜汤底，酸度刚刚好，仲带微辣，越食越开胃！锅底仲有惊喜配料：索晒汤汁嘅宽粉、爽脆木耳、莲藕片同芦笋，样样都煮得恰到好处。宽粉吸尽酸菜鱼汤嘅精华，每一啖都超入味！菠萝生炒骨 🍍呢味经典小炒做得相当出色！排骨外脆内嫩，肉汁丰富。酱汁用新鲜菠萝煮成，甜中带微酸，完全唔腻口。配料嘅彩椒同洋葱炒得够镬气，爽脆得嚟又入味。菠萝肉香甜多汁，同排骨简直系绝配！呢间小店价钱公道，份量十足，味道正宗，服务又周到，绝对会再encore！
继续阅读
今次试左金香烤鱼新鲜清江鱼先煎香后浸汤，鱼肉细嫩无腥味，南瓜香甜汤底渗透每一丝鱼肉，汤底系南瓜汤底好清甜，仲有满满南瓜蓉，啱晒唔食得辣既人士。除左原条烤鱼，仲有好多配料薯仔、莴笋、芽菜、木耳、豆腐、豆卜、粗薯粉，全部配料吸满汤汁好入味。烤鱼连铁盘上桌，边食边保温，越煮越入味。南瓜汤烤鱼既组合少见，颠覆传统烤鱼的油腻印象，反而好清甜食到鱼肉鲜味，而且份量十足，2-3人食都绝对够，大推！餐厅除左烤鱼仲有鸡煲、打边炉同其他小炒菜式，下次黎试下其他菜式先。
继续阅读
最近朋友介绍大角咀一间中菜馆「尚发小厨」，主打鸡煲和烤鱼，于是决定和朋友过来品尝一下。餐厅距离深水埗地铁站大概5至10分钟路程，走著走著很快便来到了，地理位置还可以吧。一入餐厅，老板娘招呼我们到卡位就坐，餐厅环境光亮阔落舒服，不像一般大排档比较逼夹。由于朋友不爱吃鱼，于是我们先点了一客川味香辣鸡煲（半只），要大辣，另外老板娘也热情地跟我们推介了几款招牌小菜，最后我们加点了一客蜜椒薯仔牛柳粒和干锅肥肠。热辣辣的鸡煲上枱时香气扑鼻，鸡煲有辣椒、洋葱、青椒和大葱头做配菜，味道香辣惹味，鸡肉肉质嫩滑，整个菜式送饭一流。蜜椒薯仔牛柳粒，牛肉肉质软淋，配搭软糯入味的薯仔，绝对是招牌菜。干锅肥肠，猪大肠炸得恰到好处，外皮干脆香口，配搭了很多芽菜，豆腐干，薯仔片，值得推荐。用餐过程中，老板娘不时过来跟我们闲聊，知道这里有间VIP房可以容纳8至10人，非常适合一班朋友放工或者在附近踢波过来吃晚饭。餐厅有两部大电视，当晚有赛马直播，大家边吃边看气氛不错。离开的时候，发现原来一街之隔就是人气港式大排档「爱文生」，如果大家不想排队等候，「尚发小厨」绝对是一个好选择。
继续阅读
今晚同朋友去咗呢间试食，两个人叫咗蒜辣烤鱼，一个一口炸豆腐，两支啤酒，上菜前比咗一碟仔拍青瓜，没有讲系要收费以为系送的，后来隔离枱有客来，我哋听到个老板娘同客讲系送的唔收费嘅，埋单时张单却显示青瓜小食收10蚊，当时谂住d嘢食麻麻哋唔会再来就由佢，𢓭来谂吓觉得唔公平，凭乜人哋就送我哋就要收钱，所以觉得都系要来评一评，同埋你上小菜时都应该要问吓人客要唔要，因为你要收费顾客有权选择要定唔要！呢种做法太过份！选择性收顾客钱，我觉得被欺骗咗非常不满！绝对唔会再帮衬！更何况d嘢食都唔好味!
继续阅读