尚蓮越泰餐廳

营业中

休息中

今日就五點入去食尚早所以冇人但係侍應就好多叫極都冇反應⋯😣叫咗幾樣嘢食都唔錯嘅食物質素冇變😋叫咗個二人份量嘅冬陰功真係唔錯好好味每人兩小碗再叫咗個馬拉盞炒通菜熱辣辣好好味😋再嚟一個牛油果紙包軟殼蟹😋豬頸肉係要食嘅因為太好食不過就大件咗好多希望下次可以切細少少就方便食用大大件睇落就好澎湃好想嗌嘢飲但係記得上次嗌過飲完肚痾有少少驚🤪最後唔叫都冇水飲要叫佢先知道比水😜每樣野都好好食嘅水準無變東涌唯一一間食泰國嘢🤩值得推薦！（我哋係兩個人食嘅）

🇭🇰東涌泰國菜lunch🇹🇭【#Lian 】環境幾靚 都好多位🦐泰式鮮蝦炒金邊粉 $80 🌶金邊粉炒得乾身口感重幾Q彈👍🏻甜中帶酸同小小辣 睇個色就知吾夠辣🔥再加上多種配料好似芽菜和鮮蝦魷魚等等呢個價錢我就覺得吾抵啦🥲🥬飛天炒通菜 $34 🌶🌶炒到入晒味啲菜夠晒軟 鍋氣好夠👍🏻不過蒜頭可以多番小小 肉眼睇一粒都無呢🧄我哋3個都嫌吾夠辣🔥⚠️機場員工9折⚠️⚠️加一服務費⚠️📍尚蓮越泰餐廳 (東涌)東涌達東路20號東薈城二期名店倉4樓401號舖

己食過三次，基本上曾試過的菜式都好好味，但晚市餐牌上每次都有一半菜式無貨或店員表示己＂賣晒＂（粉麵、拼盤、梳打飲），難免會失望，建議大家去午市時段，食物應該會齊全啲！環境都乾淨開揚，坐得舒服😌

位於東薈城既呢間泰國菜都算大間，座位之間都好闊落，而餐廳既裝修都十分有格調，都算係比較高級小小既餐廳之一👍🏻係價錢方面算係中級，野食都係以泰式小菜為主，而今次就揀左咖啡黃金炒大蝦，冬蔭功湯、半隻海南雞、雞肉牛肉串燒同芒果三文魚炒飯。飲品就揀左椰青～首先椰青既溫度夠凍，而椰汁都十分清甜，而佢亦有比匙羹你可以刮啲椰肉嚟食，味道亦唔錯👍🏻👍🏻而冬蔭功就揀左大既size，但份量依然唔多，雖然佢話大既size係夠2-3人飲，但每人都係飲得一碗多啲，份量就的確係小左啲啦，而材料亦唔算豐富，連菇類果啲都偏少，感覺試就有小小唔抵啦😅而主菜方面，海南雞係有起到骨既，而起骨都起得好乾淨，食唔到有碎骨，而雞既size都大隻，配合埋泰式酸辣醬食都幾惹味，而串燒就還好，略嫌佢有小小乾，而芒果三文魚炒飯反而有啲驚喜，本身會覺得芒果同三文魚唔會太夾，但食落味道反而唔錯，三文魚既油脂配合芒果既酸甜，兩者加埋幾好食👍🏻係比想像中好食既👍🏻而個咖喱黃金大蝦佢就建議配合埋酥餅一齊食，個咖喱汁配合埋個酥餅食的確係一絕，酥餅做得十分酥脆，而咖喱汁就做得夠香，係會令人食到停唔到口果種，不過大蝦就得兩隻，而蝦肉亦唔會十分彈牙，唔算

🍴火車頭湯粉 HKD84有生牛肉 牛腩牛筋 牛丸 牛栢葉🐮配料都幾多 而且肉質都唔錯 唔會覺得好韌😚湯底唔算好特別 清清地加青檸辣椒同平時食嘅湯河差不多😹🍴泰式鮮蝦炒金邊粉 HKD80份量唔算好多 不過都有5 6隻蝦 蝦嘅肉質偏爽口🦐但金邊粉炒得再乾身d會更好🥰🍴泰式奶茶 玫瑰奶茶 (套餐加HKD15)兩杯奶茶都係偏甜嘅 不過玫瑰奶茶就飲落去有清清嘅玫瑰味🌹但係唔會好突兀 入口順滑😚✾味道覺醒指數:3.5/5抵食指數:3.4/5服務指數:3/5

因為住喺附近，所以已經食左呢間好多次喇～一頭半個月都要黎食一次🤣雖然有部分食物係伏伏地，但係其他既都好好味嫁！係到推介幾樣好味既菜式比大家：1. 海鮮冬陰公湯好香濃既湯，而且料好足，食極都仲有海鮮😋底下有個小小既爐，一路keep住煲湯熱辣辣，加分！2. 原個椰青海鮮焗飯呢個好味到我全家都爭住食最後一啖🤣佢d椰汁好香，炒飯粒粒分明，而且同樣係勁多料！有青口、蝦、帶子、魷魚，感覺海鮮仲多過飯😂食到最後仲可以刮埋d椰肉黎食～因為真係好好味，所以基本上次次去都會嗌🤤3. 咖哩黃金蛋炒大頭蝦呢個價錢係貴左d（200幾蚊），但份量好大嫁，3-4個人都夠食。大頭蝦好大隻，而且唔霉，再加埋有蛋既咖喱，撈飯一流！餐廳仲好貼心咁提供蟹鉗夾，方便食用4. 泰式魷魚粒炸蝦餅新鮮熱辣炸出黎，已經加左唔少分數～好香口，而且口感彈牙，好味！5. 泰式奶茶好香濃既奶茶～而且賣相一流，用黎打卡都好🤣其實呢到好多野飲都整得好靚，值得嗌黎飲下仲有兩樣野想介紹，但已經太多字了，所以擺張相係到算😂：

難得放假去東涌試吓呢間越泰嘅新餐廳，我哋叫咗個慢煮鴨腿冬陰功燴飯，味道一般，同埋一個椰香白咖喱雞配絲苗白飯，份量超級少，好意外，我地再加左兩個小食，兩份都冇出現過，好失望…

星期六行完outlet肚餓間間都要等位係呢間有位叫左一個小食一個牛肉湯粉一個芒果糯米飯小食份量小預左嘅軟殼蟹米卷搵唔到軟殼蟹=.=‘湯粉都算正常甜品芒果糯米飯偏甜食到最後有條毛仲要煮到染哂紅色好驚 最後free左甜品算平時唔會寫衰一間店但真係唔想有人中伏後記：服務員態度其實幾好前後講左三四次唔好意思但report有毛嘅時候服務員第一時間係話free左有問題嘅甜品睇黎間店係慣左有呢個問題 :0希望店舖老細注意下

一向都有幫襯開尚蓮，在東涌食越泰菜選擇亦不多，可惜又要準備blacklist呢間餐廳！今晚叫了馬拉盞炒芥蘭、牛肉炒河、雞絲湯金邊粉。一個字，鹹，係鹹到苦！貴為Openrice「少鹽少糖餐廳」，Sorry，完全做唔到。可憐了一班食客在假日周圍都多人既情況下在門口排隊等1個鐘。如果餐廳經理想正式呢個問題，麻煩請關注廚師是否打算同自己餐廳倒米。

午餐，叫咗幾樣粉麵飯，超多油好似唔洗錢咁重多過主菜，份量極小，吃完都唔飽，叫咗甜品得個3柸仔重要加錢$22，重細過蛋撻，叫咗特飲重要加$15，又細柸重衰過唔加錢，服務差，叫都唔應顧住傾偈，

餐廳接近開業一年 終於可以去試試 之前星期五晚去都見人頭湧湧 所以都放棄無食 餐廳面積都好大 環境感覺舒適 等我先分享餐廳 lunch menu 😋另外可以仲可以追加小食 甜品 仲有炒菜同湯添午餐可以用優惠價錢追加炒菜 真係好少見而且份量都好充足 基本上個個客人都會叫套餐lunch set 仲由11：30至17：00午餐&下午餐都可以滿足晒追加嘅馬拉盞炒通菜 仲有酸辣鳳爪份量真係好夠㗎泰式鮮蝦炒金邊粉炭烤雞翼 札肉配白飯最後埋單仲要有東涌住戶優惠 9折等於免加1 平時啲優惠活動 一般午餐都唔知有😆😆😆整體嚟講 午餐真係好多選擇

東薈城太多美食，今次想食泰國菜，所以揀咗這這裏環境舒服美味食物木瓜沙律好野味，酸甜道剛剛好，😁份量十足極力推介碳燒厚豬排，燒得啱啱好，又香脆，肉質好淋好味泰國菜一定要試咖哩，呢個咖哩牛根牛舌好入味😋鳳梨炒飯都好出色💯

#走入東涌食越泰菜估佢唔到 #東薈城 都有 #尚蓮越泰料理 自從係廣州試過就一直諗住再食而家唔駛返大陸，香港都有得食喇！好野梗要帶埋爸爸👨🏻媽媽👩🏻一齊食。人少少叫咗#馬沙文咖哩牛腩牛筋煲 $98配埋 #蒜蓉包 $36 一流，食到要encore!#海南雞 半隻 $138 肉質好滑👍🏻#金不換香辣牛肉炒河 $86 牛肉多過河粉😅#炭燒牛舌 $88#香芒芋茸黑白糯米 $58 最好笑係陳媽媽非常滿意，未食完就已經拎定卡片話下次要再黎🤣🤣🤣📍 尚蓮越泰餐廳 (東涌) 東涌達東路20號東薈城二期名店倉4樓401號舖#hkig #hkrestaurant #hkfoodie #hkfoodblogger #foodporn #tungchung #lian #尚蓮越泰餐廳

今日中午去左東薈城, 順便可以睇下野, 買下衫發現原來東薈城已經唔同晒, 入面多左好多餐廳千挑萬選就揀左呢一間尚蓮又有泰菜又有越式忘記我影低meun 俾大家睇但都係大家平日食泰菜d 菜式: 炒金邊粉、披式肉片炒河個d越式就有湯河,撈檬等,午餐仲可以加配小食/ 特飲, 但今次我就無點到今次叫左一個生牛肉湯河賣相算係唔錯, 飲左一淡個湯先食呢D 湯粉最重要係湯!個湯唔係好濃, 如果你係食湯河會飲湯的人, 你就知道呢一個唔太越式肉方面就差少少喇, 因為我就覺得有D 韌可能係肉比較出面餐廳係厚所以都要用D 力先咬到另外叫左一碗火車頭湯河湯頭應該係一樣用料係足夠的又有肉丸又有牛柏業, 其實都唔錯不過牛肉都係同一個問題, 太韌入面裝飾得唔錯, 都坐得幾舒服職員有禮貌, 落單快上餐快食完走時候都係幾多人排隊應該係寫字樓職員放LUNCH, 如果大家想試可能早少少就唔洗排隊整體都係唔錯我俾7/10

想食清啲就黎左呢度，叫了一碗《海南雞絲扎肉金邊粉》，普普通通ookk咁啦，無乜特別。最特別係喺碗裡發現一隻小蚊滋，不過心口掛了勇字所以照食，都費事投訴……老公就叫左《馬拉盞豬頸肉炒米粉》，等左好耐都未到，催單後先話唔好意思請再等一等，估計係漏單，但當時已過了午飯高峰時間終於等到炒米粉，一睇賣相就大失所望，啲豬頸肉好乾（非平時食炭燒豬頸肉嗰種質素），其中有些仲韌到好似緊香口膠咁搵唔到會再來的理由！