尚蓮越泰餐廳

营业中

休息中

透過OPENRICE訂位, 餐廳環境時尚舒適, 座位唔會逼夾, 不錯。星期六沒有提供午市套餐選擇, 只有單點。我地叫左喇沙, 咖喱黃金蛋炒大頭蝦同🍹椰糖青桔柚子梳打。咖喱黃金蛋炒大頭蝦 - 唔係好多泰式餐廳都會做呢度菜, 我每次見到都會忍唔住嗌黎食, 因為呢款咖喱係我食過好多唔同餐廳出品就算係泰國食都係唔辣既, 啱曬我呢D鍾意食咖喱但又怕辣既人。咖喱汁香濃之餘仲混入左我最愛既🥚雞蛋, 呢道餸餐廳整得好好, 一D都唔油, 同白飯或者薄餅係絕配, 絕對可以食曬全部既咖喱汁。一碟有一隻大頭蝦開邊, 新鮮彈牙, 但略嫌蝦肉份量少左D, 適合獨食椰糖青桔柚子梳打 - 推介必飲, 酸酸甜甜好味, 味道唔假, 最重要係呢間餐廳叫一杯凍飲梳打, 佢地係比一整支梳打水你自己加落去, $36好抵。喇沙 - 我無食, 老公話好普通, 味道唔夠濃郁, 唔夠香料味, 加上我見湯底顏色偏淡, 應該椰汁落得太多。

這間泰國餐廳之前食過，味道很不錯。今日再來吃午餐，lunch set 包一杯飲品，價位比較高，人均消費$60-100，算是東薈城比較多人幫襯的餐廳。午餐同晚餐都需要等位。泰式鮮蝦金邊粉 （$80）炒得很香口，很惹味，不會很油，一碟有四隻爽口大蝦，很滿足❤️ 干辣椒拌碟，可以自行調節辣度。飲品加$15轉左玫瑰奶茶，因為餐牌上面有👍🏻，又比較有特色，所以order左，不過玫瑰味同奶茶味沒有很夾，半杯左右已經喝不下😅整體上是值得回頭的泰國餐廳

平時好少寫評論，但食完真係忍唔住要黎寫一寫.....叫左個外賣鮮蕃茄牛腩湯金邊粉...見到個名有鮮蕃茄3個字自然會期望蕃茄都係主菜之一，點知打開得2塊蕃茄仔，似係伴菜多啲，又不是蕃茄湯底...全冇蕃茄味....另一主菜只有幾塊碎濕濕半隻手指公咁大的牛腩....個金邊粉硬如橡筋...唯一滿意算個幾塊蘿蔔仔，幾入味....雖然佢都幾大碗，但以食物質素黎講,＄65連熱飲真心唔值.....一次就夠....

 終於有些心機寫Blog就記錄返7月份的美妙午餐！這餐是過氣東涌三美在東涌尚蓮越泰餐廳的一場小聚，慶幸當時還未實施二人限聚令才吃得成這頓午餐。 這泰菜館知道開了一段時間來幫襯還是第一次，地方頗開揚而且更有户外用餐區感覺挺不俗！ 熱辣辣的天氣當然坐室內嘆冷氣吧而且凍飲亦少不了！我們分別選了凍檸檬水和青檸梳打，有兩杯跟午餐免費送贈，另一杯青檸梳打承惠＄32！先上檯的是炭燒厚切豬扒配札肉撈檬＄83，炭燒厚切豬扒弄得頗香口亦夠肉汁，加上調得酸甜恰好的撈檬汁十分醒胃。 而我則選了青咖喱荔枝豬頸肉配絲苗＄95，青咖喱來說我覺得可以辣多一點點但也算香口，豬頸肉較淋身咬口未如理想！ 姍姍來遲的牛油果芒果軟殼蟹米紙卷＄86份量挺大，吃下軟殼蟹炸得夠香脆，加上我喜歡的牛油果和芒果真的好味道，東涌住户有九折感覺抵吃了點點。 那天一別原來大家已經一個月沒見面了！究竟要等多久我們一班好友才能無憂也再暢聚啊！！

疫情下多了不少人到郊外呼吸新鮮空氣，東涌最近亦多了人到訪，最近開了一間新的越泰餐廳，新裝修環境和賣相都不錯😚，所以來試一試！#紅咖喱羊架 $168咖喱🍛屬於小辣，有些微椰汁味，羊架🍗的羊肉味不重，亦沒有羊羶味，不過咖喱較咸，重口味注意，用來配飯🍚應該較好味道小評分：😋😋😋/5#海鮮冬陰公湯(2-3人) $98連爐一起上菜的冬陰公湯，內裏海鮮足料，有蝦🦐、魷魚🦑、青口等海鮮，份量足夠三人各有一碗，冬陰公湯很濃，都是較咸，不算太辣，性價比不錯的冬陰公湯～味道小評分：😋😋😋😋/5#蛋包海鮮炒金邊粉 $88蛋包是把蛋液煎至一塊格紋的形狀，然後蓋着金邊粉，海鮮有蝦🦐和帶子🐚等，尚算新鮮，金邊粉不會過軟，不過份量較少味道小評分：😋😋😋/5#鐵板炭燒原隻鮮魷魚 $92原隻魷魚🦑上桌，魷魚新鮮有嚼口，上菜時還有蒸氣外冒，有濃郁的燒烤味醬汁調的剛剛好，不淡亦能帶出魷魚味，不錯的小食👍🏻味道小評分：😋😋😋😋/5整體來說所有菜式的偏咸和重口味，不太適合喜歡清淡的朋友，吃完會十分口渴，所以整頓飯需要一邊吃，一邊叫店員幫忙添水。

2020.7.7 Tue Dinner 😋第二次食尚蓮泰國菜，真係好味道，今次又試到其他好好食菜式👍🐓未食過咁好食燒雞！！係100分！100分呀！我地4個人食，都超級大讚！！好難忘！首先waiter 講咗要等45分鐘，真係燒好耐先上枱。重點係，真係即燒！上枱時熱啦啦有煙！陣陣燒雞香味，仲要一睇個樣就知一定好食果隻。果然。。。一咬。。竟然燒雞係咁juicy，有雞汁，好嫩滑。係有汁架！你有幾耐食過雞肉係充滿汁嘅？。。仲要係無燒燶雞皮！無黑皮！多數餐廳都會燒到有2，3成黑燶皮。。但呢度係燒得好靚。。。。。個個食完都話早知叫1隻。。。可以做到肉質嫩滑，多汁，雞皮香口，又唔燶！你話係幾咁amazing 😋😋😋😋😋😋😋👍👍👍👍👍👍👍👍👍👍👍👍👍👍👍🦀咖哩肉蟹，又係不得了！係食得出新鮮肉蟹！好肉，仲要係實肉，唔會係''腍姐姐''。蟹本身已經靚，加埋又香不辣咖哩蛋汁，即刻要叫薄餅點汁食，一流😋😋😋😋👍👍👍👍👍👍👍👍👍👍👍👍👍👍👍《《是日晚餐》》🌱海鮮冬陰功湯$98(好香椰香味，料都足，有2隻大蝦，2隻青口，2件魷魚。湯好味，不辣)🌱牛柳粒沙嗲$78(喂呀～呢個都係正！雖然睇落牛柳粒好細粒咁。但竟然牛柳

一入門口個矮女人黑面探熱唔講野，直接帶去位置就咁講：哩度叫野食叫waitress 黎又係唔講野，由我講食乜到佢走都冇反應坐低都覺得唔服務，叫杯水/紙巾都好似勁唔願意咁..應該冇下次

因為疫情無得飛，去泰國嘅plan 都取消左幾次。但巧合之下食到呢間泰菜，真係似泰國嘅味道（非專業食評，帶下頭額盔先）我地一行人都點左幾多款菜，所有菜式都係水準之上，食到D 朋友嘩嘩聲。

2020.6.19 Happy Friday 食物質素不錯。環境坐得都舒服。軟殼蟹有待改善。🌿清邁香檸明爐珍珠斑$228(頗辣的。同平時食泰式湯汁唔同。係蒜辣味多，斑都唔錯，但無任何配料eg菇可以食。可以加埋就更好)🌿牛油果芒果軟殼蟹米紙卷$86(料多，但軟殼蟹較一般。之前食過好好食嘅，所以比下去)🌿鳳梨軟殼蟹海鮮炒飯$92(不錯，多唔同配料，較特別係有原條燒菠蘿。但軟殼蟹都係麻麻，好硬，似係一早炸定。)🌿順化鮮蕃茄牛腩河粉$76(估你唔到， 好食喔😋 蕃茄湯汁酸甜程度剛好，好飲。牛腩正，好腍。河粉好滑。)

來過三次了，覺得可以好好的誇獎讚美這家餐廳！來之前記得預約訂位先！1. 服務極好，服務人員非常親切，雖然生意很好很忙碌，但是你可以請他們推薦菜色，當天進貨的海鮮。我就想好好謝謝Soso,她在我們第一次來到這家餐廳時，推薦了許多招牌菜，也很懂得搭配，有湯，有碳燒，有咖哩，非常懂得自家的菜色。在我們第二次第三次來的時候，點不同的菜也令我們非常驚喜，真的很好吃！好喜歡她的親切，有種回家吃飯的溫暖：）2. 超級好食！這家餐廳有別家沒有的菜色，很多道都無可挑剔！例如：刁草鱸魚湯是新鮮的鱸魚切片配上清新刁草番茄；碳烤厚燒豬趴若你喜歡豬扒必試試這個碳燒口味；咖喱肉蟹這道菜就要試一下運氣，當天有進到貨才點得到，蟹肉飽滿又大隻新鮮！咖喱牛筋牛舌也極嫩美味。青檸梳打還加了柚子奇亞籽，有別家青檸飲料不同的層次風味。真的非常開心家裡附近開了這麼好吃的餐廳！3. 環境舒適木頭裝潢，椅子舒服，我看見外面有露天座位區，想必疫情結束開放後，也是爆滿。

呢個天氣底下，向室外行左成朝。個人熱到溶左，要入商場涼一涼，記得之前食嗰間泰國嘢，個椰青幾正，拉埋屋企人去坐下😌▪️香蕉芒果滑冰 $38其實只係飲到香蕉冰嘅味，唔係好覺有芒果，不過係好甜同埋好爽▫️椰青 $40大大粒，就算平時超市買都要$30，清涼消暑👍▪️雙雄沙冰 $38▫️咸檸雪碧 $36

早兩天去了 lian東涌分店 lunch, 感覺服務態度積極，其中有兩位服務員非常有禮貌及笑容可掬，今時今日呢 d 態度簡直見少買少！所以真係有 d 驚喜！本來問咗佢哋有冇意見書可以填寫，諗住可以表揚吓佢哋，點知佢哋公司并冇提供，所以諗住喺呢度讚賞吓佢哋，希望佢哋繼續努力，令香港飲食業可以從新振作！努力！加油！soso and ching比 d心機！我會再嚟幫襯你哋，亦會推介比身邊好友嚟另外，食物味道及賣相亦好好，餐廳佈置舒適，令人有如置身泰國，感覺良好

趁佢今日出嚟就帶佢去試吓我同媽媽已經食咗好幾次都一樣咁好食大部份食物都係滾熱辣出嚟喺東涌想食啲有質素嘅嘢⋯真係要慢慢試吓包括東薈城新開嗰邊好多都係不似預期呢間泰國嘢已經食咗四次包括埋今次已經係第五次喺東薈城食泰國嘢一定揀佢樣樣都好嘅但係服務態度真係令你卻步唔緊要最緊要美食當前三個人叫咗七樣嘢包括埋甜品逐樣講海南雞半隻（一定要堂食）試過一次買返屋企半隻真係唔知自己食緊啲乜嘢！真係千祈唔好買走不似預期！牛舌相當正爽㗎熱辣辣！菠蘿海鮮炒飯個菠蘿仲係熱辣辣熨咀裏面仲有海鮮唔少㗎！青咖喱豬頸肉唔使講嘢一定要嗌個青咖喱汁真係冇得頂送飯一流好香同埋唔會太辣！馬拉盞炒通菜都係一樣咁正好香唔會太辣！牛油果軟殼蟹卷食咗好多次發覺裏便牛油果真係好少軟殼蟹根本就見唔到不過當食蔬菜冇所謂！芒果糯米飯我哋次次都走芋蓉因為唔鍾意個糯米飯熱辣辣芒果係甜嘅但係唔夠香椰汁正！食咗咁多嘢都係剛剛好份量唔會太大但係質素真係幾好唔錯嘅如果唔係我都唔會再食第五次！服務態度希望有待改善！咁嘅疫情環境之下仲有咁多生意因為真係好好味！（因為我哋訂位所以無需等候）

今日去佐東涌新開佐一間越泰食物，入面d位都算闊落，唔逼、因為霖住同屋企人慶祝生日同母親節，見佢新開，就試下拉，好耐無食過泰國野🤣🤣燒雞：因為是即時燒，所以d皮好脆！而且d肉好滑，如果唔介意等得耐，可以試下😌爐魚：湯係冬陰功湯味，條魚好入味絕對可以試，湯仲可以送飯🤣🤣生菜包：如d肉可以再辣d就正，可能我比較食辣，如果有朋友仔唔食得太辣都可以叫，因為對我黎講哩個唔算太辣，士多啤梨飲品：無聊色香味俱全絕對岩嗮鐘意打卡既朋友仔😍😍

嘢食幾好食，尤其黃咖喱香茅牛腩煲，嗌多個「泰式牛油薄餅」嚟點咖喱仲正。某幾個員工服務態度好好，印象比較深嘅係一個男經理同一個比較細粒嘅女仔。開頭唔知食乜，佢哋好主動推介食物。最後嗌咗蛋包海鮮炒金邊粉、青咖喱荔枝配豬頸肉、咖喱香茅牛腩煲、原個菠蘿軟殼蟹海鮮炒飯等等都好好食。價錢有少少貴，服務方面如果一坐低可以預備埋水／主動問需唔需要水會更好～